News

ສຳນັກຂ່າວເອເຄໄອດ໋ອດຄັອມ – ຫົວໜ້າວກຸ່ມມົງໂກນ-ລາວໃນລັດຖະສະພາ ທ່ານ ໂຍ ບາຕາບີເລັກ ຕ້ອນຮັບຄະນະຜູ້ແທນຈາກລາວເຊິ່ງນຳໂດຍ ທ່າານ ບຸນກວ້າງ ຄຳບຸນເຮືອງ ຮອງລັດຖະມົນຕີກະຊວງກະສິກຳ ແລະ ປ່າໄມ້, ສະມາຊິກສະພາແຫ່ງຊາດ, ຮອງຫົວໜ້າການກຸ່ມລາວ-ມົງໂກນໃນສະພາແຫ່ງຊາດ ທີ່ເດີນທາງຢ້ຽມຢາມປະເທດມົງໂກລີຕາມຄຳເຊື້ອເຊີນຂອງກະຊວງອາຫານ, ການກະເສດ ແລະ ອຸດສາຫະກຳເບົາ.ອ່ານຕໍ່ ...

ເຈົ້າໜ້າທີ່ລາວຮ່ວມມືກັບປະເທດໄທ ເມື່ອກະຊວງແຮງງານປະເທດເພື່ອນບ້ານທາງເລັ່ງການຂຶ້ນທະບຽນແຮງງານໃນປະເທດທີ່ບໍ່ມີເອກະສານຈຳນວນປະມານ 170,000 ຄົນ. ຕາມແຫຼ່ງຂ່າວສຳນັກຂ່າວບາງກອກໂພສທ໌, ທ່ານ ອາດຸນ ສັງສິງແກ້ວ ລັດຖະມົນຕີກະຊວງແຮງງານຂອງໄທໄດ້ກ່າວວ່າ ສູນບໍລິການຄົບວົງຈອນຂອງກະຊວງຈະຂຶ້ນທະບຽນແຮງງານຍ້າຍຖິ່ນຈຳນວນ 169, 517 ຄົນຈາກກຳປູເຈຍ, ລາວ ແລະ ມຽນມາ ຢ່າງເປັນທາງການພາຍໃນວັນທີ 15 ມິຖຸນາ, ກ່ອນກຳນົດການສອງອາທິດ.ອ່ານຕໍ່ ...

ເຈົ້າໜ້າທີ່ ແລະ ປະຊາຊົນ 100 ​ກວ່າຄົນໄດ້ເຕົ້າໂຮມກັນຢູ່ວຽງຈັນ ໃນວັນເສົາທີ່ຜ່ານມານີ້ ເພື່ອຈັດກິດຈະກຳຕ້ອນຮັບວັນໄຂ້ຍຸງອາຊຽນ ທັງສະໜັບສະໜູນການຕ້ານໄວຣັດອັນຕະລາຍດັ່ງກ່າວ, ເຊິ່ງໃນປີນີ້ພົບຜູ້ຕິດເຊື້ອແລ້ວ 1,089 ກໍລະນີ ແລະ ເສຍຊີວິດ 2 ກໍລະນີ. ກິດຈະກຳດັ່ງກ່າວໄດ້ຈັດຂຶ້ນທີ່ສະໂມສອນບ້ານໄຊສະຫວ່າງ ເມືອງໄຊທານີ ອ່ານຕໍ່ ...

ເດັກນ້ອຍນັກຮຽນໃນວຽງຈັນ, ທະຫານ, ຕຳຫຼວດ ແລະ ລັດຖະກອນ ໄດ້ມີການບໍລິຈາກເລືຶອດຢ່າງເປັນປົກກະຕິເພື່ອສະໜອງໃຫ້ແກ່ໂຮງໝໍພາຍໃນປະເທດ ໂດຍສະເພາະເລືອດທີ່ເປັນທີ່ຕ້ອງການຂອງຜູ້ປະສົບເຄາະຈາກອຸບັດຕິເຫດບົນທ້ອງຖະໜົນ. ເຖິງຢ່າງໃດກໍຕາມການສະໜອງດັ່ງກ່າວແມ່ນຍັງບໍ່ພຽງພໍກັບຄວາມຕ້ອງການ, ເຊິ່ງສ່ວນໃຫຍ່ແມ່ນຍ້ອນການເພີ່ມຂຶ້ນຂອງຈຳນວນຜູ້ບາດເຈັບຈາກອຸບັດຕິເຫດບົນທ້ອງຖະໜົນ. ການເພີ່ມຈຳນວນຢ່າງໄວວາຂອງຜູ້ປະສົບເຄາະດັ່ງກ່າວໄດ້ສ້າງບັນຫາໃຫຍ່ຫຼວງໃຫ້ແກ່ສູນເລືອດແຫ່ງຊາດອົງການກາແດງລາວ ຈາກການປະເມີນປະລິມານເລືອດທີ່ຕ້ອງການ ແລະ ເລືອດທີ່ມີຢູ່ອ່ານຕໍ່ ...

ອັດຕາການເຕີບຕົວດ້ານເສດຖະກິດຂອງລາວມີການຂະຫຍາຍຕົວຢ່າງເຂັ້ມແຂງ ທຽບກັບບັນດາປະເທດໃນພາກພື້ນ, ແຕ່ວ່າປະເທດລາວຍັງຄົງມີຄວາມສ່ຽງຍ້ອນໜີ້ສິນຂອງລັດທີ່ສູງ, ຕາມການເພີ່ມຂຶ້ນຂອງສ່ວນແບ່ງໜີ້ສິນເຊິ່ງບໍ່ຢູ່ພາຍໃຕ້ເງື່ອນໄຂການສຳປະທານ,​ ຕາມບົດລາຍງານການຕິດຕາມສະພາບເສດຖະກິດລາວຂອງທະນາຄານໂລກ ສະບັບຫຼັງສຸດ . ໃນປີນີ້ ການເຕີບຕົວທາງດ້ານເສດຖະກິດຂອງລາວຄາດຄະເນຢູ່ໃນລະດັບ 6.7 ເປີເຊັນ ຂະນະທີ່ໜີ້ສິນຂອງລັດແມ່ນຕົກຢູ່ປະມານ 61 ເປີເຊັນຂອງ GDP ໃນທ້າຍປີ 2017.ອ່ານຕໍ່ ...

ງານວາງສະແດງສິນຄ້າຈີນ-ອາຊີຕາເວັນອອກສຽງໃຕ້ ໄດ້ໄຂຂຶ້ນຢ່າງເປັນທາງການໃນວັນພະຫັດທີ່ຜ່ານມາ ທີ່ມົນທົນຢຸນນານທາງພາກຕາເວັນຕົກສຽງໃຕ້ຂອງຈີນ ເພື່ອສົ່ງເສີມການຄ້າ ແລະ ການລົງທຶນລະຫວ່າງປະເທດຈີນ ແລະ ປະເທດໃນອາຊີໃຕ້ ແລະ ອາຊີຕາເວັນອອກສຽງໃຕ້. ເຂົ້າຮ່ວມໃນງານດັ່ງກ່າວມີ ຕົວແທນຈາກລາວເຊິ່ງນຳໂດຍທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ພ້ອມດ້ວຍຄະນະ ແລະ ຫົວໜ່ວຍທຸລະກິດ, ຕາມການເປີດເຜີຍຕໍ່ສື່ມວນຊົນຂອງກະຊວງການຕ່າງປະເທດ.ອ່ານຕໍ່ ...

ພະນັກງານສູນກາງຊາວໜຸ່ມເຂົ້າຮ່ວມຫຼັກສູດຝຶກອົບຮົມກ່ຽວກັບຫ້ອງຜະລິດລາຍການໂທລະທັດ ທີ່ຈັດຂຶ້ນຢູ່ວຽງຈັນ ເຊິ່ງເປັນສ່ວນໜຶ່ງຂອງໂຄງການສ້າງຄວາມສາມາດດ້ານເຕັກໂນໂລຊີຂໍ້ມູນຂ່າວສານ. ຫຼັກສູກອົບຮົມໄລຍະສອງອາທິດດັ່ງກ່າວ ແມ່ນຈັດແຕ່ວັນທີ 11-23 ມິຖຸນາ, ເປັນສ່ວນໜຶ່ງຂອງໂຄງການເຕັກໂນໂລຊີຂໍ້ມູນຂ່າວສານ ທີ່ສະໜັບສະໜູນໂດຍອົງການຮ່ວມມືສາກົນເກົາຫຼີ (KOICA).ອ່ານຕໍ່ ...

ເລຂາທິການຄະນະກຳມາທິການແມ່ນ້ຳຂອງໄດ້ຖະແຫຼງໃນອາທິດນີ້ວ່າ ປະເທດລາວຈະທຳການປຶກສາຫາລືກັບປະເທດສະມາຊິກຄະນະກຳມາທິການແມ່ນ້ຳຂອງກ່ຽວກັບໂຄງການກໍ່ສ້າງເຂື່ອນໄຟຟ້ານ້ຳຂອງແຫ່ງໃໝ່. ເລຂາທິການຄະນະກຳມາທິການແມ່ນ້ຳຂອງໄດ້ເປີດເຜີຍຕໍ່ສື່ມວນຊົນໃນວັນພະຫັດນີ້ວ່າ ໄດ້ຮັບແຈ້ງການຈາກລັດຖະບານລາວວ່າຈະດຳເນີນຕາມຂັ້ນຕອນການປຶກສາຫາລືລ່ວງໜ້າຢ່າງເປັນທາງການ ກ່ຽວກັບໂຄງການສ້າງເຂື່ອນໄຟຟ້ານ້ຳຂອງທີ່ປາກລາຍ.ອ່ານຕໍ່ ...

ລັດຖະບານໄທຕົກລົງສືບຕໍ່ສົ່ງເສີມການກໍ່ສ້າງສູນພັດທະນາສັງຄົມມິດຕະພາບລາວ-ໄທ ຢູ່ວຽງຈັນ ເພື່ອຊ່ວຍຜູ້ປະສົບເຄາະຈາກການຄ້າມະນຸດໃນລາວ. ໃນອາທິດນີ້ ທ່ານ ກຽດຕິຄຸນ ຊາດປຣະເສີດ ເອກອັກຄະລາດຊະທູດໄທຄົນໃໝ່ປະຈຳລາວ ໄດ້ຢືນຢັນແຜນງົບປະມານການກໍ່ສ້າງຈຳນວນ 25 ລ້ານບາດໂດຍປະມານ ໃນໂອກາດຢ້ຽມຢາມ ທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມຢ່າງເປັນທາງການ.ອ່ານຕໍ່ ...

ນັກທ່ອງທ່ຽວທີ່ເດີນທາງມາຢ້ຽມຢາມລາວແມ່ນມີຈຳນວນຫຼາຍ ທຽບກັບປະເທດເພື່ອນບ້ານ ຖ້າພິຈາລະນາຈາກຂະໜາດຂອງປະຊາກອນຂອງປະເທດ, ຍ້ອນວ່າຈຳນວນນັກທ່ອງທ່ຽວທີ່ເຂົ້າມາໃນລາວແມ່ນມີຫຼາຍກວ່າເຄິ່ງໜຶ່ງຂອງປະຊາກອນລາວ. ເຖິງແມ່ນວ່າຈຳນວນນັກທ່ອງທ່ຽວມີຈຳນວນຫຼຸດລົງເລັກນ້ອຍ, ຕົວເລກດັ່ງກ່າວຍັງຄົງສູງເມື່ອທຽບກັບປະເທດເພື່ອບ້ານ ຕາມຂະໜາດຂອງປະຊາກອນດັ່ງກ່າວ, ຕາມການລາຍງານຂອງທ່ານ ສຈ ປອ ບໍ່ແສງຄຳ ວົງດາລາ ໃນທີ່ປະຊຸມສະພາແຫ່ງຊາດໃນອາທິດທີ່ຜ່ານມາ.ອ່ານຕໍ່ ...