News

ພາກໃຕ້ຂອງລາວກຳລັງຜະເຊີນກັບການເພີ່ມສູງຂຶ້ນຂອງລະດັບນ້ຳທີ່ໄຫຼລົງສູ່ແມ່ນ້ຳຂອງ ແລະ ສາຂາ, ເຊິ່ງເລີ່ມໄຫຼເຂົ້າຖ້ວມບ້ານຕ່າງໆໃນແຂວງຄຳມ່ວນ, ​ສະຫວັນນະເຂດ ແລະ ຈຳປາສັກ. ເຫດນ້ຳຖ້ວມດັ່ງກ່າວເກີດຂຶ້ນ ໃນຂະນະທີ່ລັດຖະບານ, ຄູ່ຮ່ວມງານທັງພາຍໃນ ແລະ ຕ່າງປະເທດກຳລັງຮ່ວມມືກັນສຸມໃສ່ພາລະກິດຄົ້ນຫາຜູ້ສູນຫາຍ ເນື່ອງຈາກໄພນ້ຳຖ້ວມຄັ້ງໃຫຍ່ທີ່ເມືອງສະໜາມໄຊ ແຂວງອັດຕະປື ອັນເນື່ອງມາຈາກສັນເຂື່ອນ D ຂອງເຂື່ອນໄຟຟ້າເຊປຽນ-ເຊນ້ຳນ້ອຍແຕກ.ອ່ານຕໍ່ ...

ອຳນາດການປົກຄອງຮຽກຮ້ອງໃຫ້ມີອາສາສະໝັກໜຸ່ມນ້ອຍເພີ່ມເຕີມ ເພື່ອຊ່ວຍໃນການແຈກຢາຍສິ່ງຂອງບັນເທົາທຸກໃຫ້ແກ່ຜູ້ປະສົບເຄາະນ້ຳຖ້ວມຄັ້ງຮ້າຍແຮງທີ່ເມືອງສະໜາມໄຊ ແຂວງອັດຕະປື.ອ່ານຕໍ່ ...

ເຈົ້າໜ້າທີ່ເຕືອນ ຖະໜົນຫຼາຍສາຍໃນທົ່ວປະເທດຖືກຕັດຂາດຍ້ອນດິນຖະຫຼົ່ມ  ແລະ ບໍ່ສາມາດສັນຈອນໄດ້ຈົນກວ່າຈະມີການສ້ອມແປງ. ສະນັ້ນ ຈຶ່ງເຕືອນໃຫ້ນັກຂັບຂີ່ ຈົ່ງມີສະຕິລະມັດລະວັງ ແລະ ເອົາໃຈໃສ່ເປັນພິເສດໃນການຂັບຂີ່ໃຫ້ປອດໄພ ແລະ ຜ່ອນຄວາມໄວຕາມເໝາະສົມກັບສະພາບຖະໜົນ ແລະ ລະວັງຖະໜົນທີ່ເປ່ເພເສຍຫາຍ.ອ່ານຕໍ່ ...

ຄະນະຮັບຜິດຊອບກ່າວວ່າ ທີມນັກກູ້ໄພເພີ່ມເຕີມຈາກຕ່າງປະເທດ ໄດ້ເຂົ້າຮ່ວມໃນພາລະກິດການຄົ້ນຫາຜູ້ປະສົບເຄາະ 120 ຄົນທີ່ຍັງສູນຫາຍ ຫຼັງຈາກເຫດໄພພິບັດທີ່ສັນເຂື່ອນແຕກເຮັດໃຫ້ເກີດນ້ຳຖ້ວມໃນຫຼາຍບ້ານຂອງເມືອງສະໜາມໄຊ ແຂວງອັດຕະປື ໃນວັນທີ 23 ກໍລະກົດທີ່ຜ່ານມາ.ອ່ານຕໍ່ ...

ການລາຍງານ ແລະ ແບ່ງປັນຂໍ້ມູນຂ່າວສານທີ່ບໍ່ຖືກຕ້ອງ ໃນຮູບແບບຂອງການລາຍງານຂ່າວທີ່ບໍ່ເປັນຈິງ ຫຼື ການປັບປ່ຽນຮູບພາບ ຫຼື ວີດີໂອກ່ຽວກັບໄພນ້ຳຖ້ວມທີ່ແຂວງອັດຕະປື ກໍຄືໃນພື້ນທີ່ອື່ນໆທົ່ວປະເທດ ແມ່ນຜິດຕໍ່ລະບຽບກົດໝາຍບ້ານເມືອງ ຕາມການແຈ້ງເຕືອນຂອງຄະນະກວດສອບລະດັບຊາດທີ່ຮັບຜິດຊອບດ້ານໄພພິບັດ ຕໍ່ຜູ້ນຳໃຊ້ ແລະ ຜູ້ເຜີຍແຜ່ຂໍ້ມູນຂ່າວສານຕາມສື່ສັງຄົມອອນໄລ.ອ່ານຕໍ່ ...

ເຈົ້າໜ້າທີ່ແຂວງຫຼວງພະບາງໄດ້ກ່າວໃນເວລາ 1 ໂມງແລງຂອງວັນເສົາຜ່ານມານີ້ວ່າ ກຳລັງຕິດຕາມບຸກຄົນທີ່ປ່ອຍຂ່າວລືທີ່ບໍ່ເປັນຈິງ ກ່ຽວກັບການແຕກຂອງເຂື່ອນໄຟຟ້ານ້ຳອູ 2 ທີ່ກຳລັງຢູ່ໃນໄລຍະການກໍ່ສ້າງ. ຂ່າວສານໄດ້ມີການແຜ່ກະຈາຍຢ່າງໄວວາຢູ່ຕາມລະບົບສື່ສັງຄົມອອນລາຍ ເຮັດໃຫ້ຜູ້ນຳໃຊ້ຂໍ້ມູນຂ່າວສານໃນແຂວງ ກໍຄືໃນທົ່ວໂລກ ຮັບຮູ້ສະຖານະການທີ່ບໍ່ຖືກຕ້ອງກັບຄວາມເປັນຈິງ.ອ່ານຕໍ່ ...

ຜູ້ປະສົບເຄາະນ້ຳຖ້ວມທີ່ເມືອງສະໜາມໄຊ ແຂວງອັດຕະປື ຍັງຄົງຕ້ອງການເຄື່ອງອຸປະໂພກບໍລິໂພກທີ່ຈຳເປັນ ເຊັ່ນ ອາຫານ, ເຂົ້າ, ນ້ຳດື່ມ, ເຄື່ອງນຸ່ງຫົ່ມ, ຜ້າຫົ່ມ, ຢາ ແລະ ເຄື່ອງໃຊ້ສອຍປະຈຳວັນອື່ນໆ. ມີປະຊາຊົນກວ່າ 10,000 ຄົນທີ່ພັກພິງຢູ່ທີ່ສູນພັກພິງຊົ່ວຄາວ ທີ່ແຂວງອັດຕະປື ແລະ ແຂວງຈຳປາສັກ ຫຼັງຈາກເຫດໄພນ້ຳຖ້ວມໃນ 13 ບ້ານ ຕາມການລາຍງານຂອງທ່ານ ບຸນໂຮມ ພົມມະເສນ ເຈົ້າເມືອງສະໜາມໄຊ.ອ່ານຕໍ່ ...

ເມືອງສະໜາມໄຊ ແຂວງອັດຕະປື: ເຈົ້າໜ້າທີ່ຮັບຜິດຊອບພາລະກິດກູ້ໄພໃນການຄົ້ນຫາຜູ້ປະສົບເຄາະທີ່ສູນຫາຍ ເຊິ່ງໄດ້ຮັບຜົນກະທົບຈາກເຂື່ອນໄຟຟ້າເຊປຽນ-ເຊນ້ຳນ້ອຍແຕກ ທີ່ເມືອງສະໜາມໄຊ ແຂວງອັດຕະປື ແຈ້ງວ່າໄດ້ພົບຊິ້ນສ່ວນຊາກສົບຂອງຜູ້ປະສົບເຄາະເພີ່ມເຕີມໃນວັນທີ 28 ກໍລະກົດ. ນັບແຕ່ເກີດເຫດໄພພິບັດດັ່ງກ່າວໃນວັນທີ 23 ກໍລະກົດມານີ້ ທີມກູ້ໄພໄດ້ຄົ້ນພົບຊິ້ນສ່ວນຂອງຜູ້ສູນຫາຍແລ້ວ 10 ຄົນ.ອ່ານຕໍ່ ...

ທ່ານ ທອງລຸນ ສີສຸລິດ ນາຍົກລັດຖະມົນຕີ ຖະແຫຼງໃນວານນີ້ວ່າ ລັດຖະບານລາວຈະເຮັດວຽກຮ່ວມກັບບັນດາບໍລິສັດຜູ້ຖືຫຸ້ນໂຄງການເຂື່ອນໄຟຟ້ານ້ຳຕົກເຊປຽນ-ເຊນ້ຳນ້ອຍ ເພື່ອສືບສວນສອບສວນຫາສາເຫດທີ່ແທ້ຈິງຂອງການແຕກພັງຂອງສັນເຂື່ອນຂອງໂຄງການ.ອ່ານຕໍ່ ...

ຊ່ວງໄລຍະຕົ້ນເດືອນນີ້ຫາປະຈຸບັນ ແຂວງຊຽງຂວາງມີຝົນຕົກໜັກຢ່າງຕໍ່ເນື່ອງ ເຮັດໃຫ້ນ້ຳຖ້ວມຢູ່ຫຼາຍພື້ນທີ່ພາຍໃນແຂວງຊຽງຂວາງ 7 ເມືອງຂອງແຂວງແມ່ນໄດ້ຮັບຜົນເສຍຫາຍຫຼາຍຢ່າງ ເປັນຕົ້ນແມ່ນເມືອງແປກ ທີ່ເສຍຫາຍຫຼາຍກ່ວາເມືອງອື່ນ ມີ 37 ບ້ານຂອງເມືອງແປກທີ່ໄດ້ຮັບຜົນເສຍຫາຍ, ນ້ຳຖ້ວມເຮືອນເປ່ເພ 41 ຫຼັງ, ນ້ຳຖ້ວມທົ່ງນາເສຍຫາຍປະມານ 475,4 ເຮັກຕາ, ສວນ 0,5ເຮັກຕາ, ເລົ້າເຂົ້າເສຍຫາຍ 24 ເລົ້າ, ຂົວຂາດ 4 ແຫ່ງ, ເສັ້ນທາງເປ່ເພ 4 ຈຸດ, ເສັ້ນທາງຂາດ 2 ຈຸດ, ເສົາໄຟຟ້າ(ເສົາເຫຼັກ)ໂຄ່ນລົ້ມ 13 ຕົ້ນ, ນ້ຳຖ້ວມປ້ຳນ້ຳມັນ 1 ປ້ຳ, ຖ້ວມຟາມໄກ່ 2 ແຫ່ງ ຊົນລະປະທານ ແລະ ຝາຍເປ່ເພເສຍຫາຍ ແລະ ອື່ນໆ.ອ່ານຕໍ່ ...