News

ວຽງຈັນ (ມູນນິທິທອມສັນ ຣອຍເຕີ) – ກົດໝາຍວ່າດ້ວຍທີ່ດິນສະບັບໃໝ່ຂອງລາວອາດສົ່ງເສີມຄວາມໂປ່ງໃສໃນການຄຸ້ມຄອງທີ່ດິນ ແລະ ສ້າງຄວາມທັນສະໄໝໃນການຈົດບັນທຶກໃນລາວ, ແຕ່ວ່າມັນອາດຈຳກັດກຳມະສິດຂອງແມ່ຍິງໃນການຄອບຄອງທີ່ດິນ ກໍຄືສິດການຄອບຄອງຕາມປະເພນີຂອງຊາວຊົນນະບົດ ແລະ ຊົນເຜົ່າ, ຕາມການລາຍງານຂອງນັກວິເຄາະ.ຮ່າງກົດໝາຍທີ່ຍຶດເຍື້ອມາດົນນານສະບັບດັ່ງກ່າວ ມີກຳນົດເຂົ້າຜ່ານໃນທີ່ປະຊຸມສະພາແຫ່ງຊາດຂອງລາວໃນເດືອນໜ້າ, ຕາມຂໍ້ມູນຂອງຜູ້ຈັດທຳ ແລະ ນັກວິເຄາະທີ່ໃຫ້ຄຳເຫັນຕໍ່ຮ່າງກົດໝາຍດັ່ງກ່າວ.ອ່ານຕໍ່ ...

ລັດຖະບານແນະນຳບັນດາກະຊວງ ແລະ ຂະແໜງການທີ່ກ່ຽວຂ້ອງ ໃນການບຸກບືນເພື່ອບັນລຸຕາມເປົ້າໝາຍໃນການສ້າງລາຍຮັບ ເຖິງວ່າຈະມີການຄາດຄະເນວ່າຈະບໍ່ສາມາດເກັບກຳໄດ້ຕາມເປົ້າ. ຄະນະລັດຖະບານໄດ້ສະເໜີຄຳແນະນຳດັ່ງກ່າວໃນກອງປະຊຸມປະຈຳເດືອນຂອງລັດຖະບານສຳລັບເດືອນຕຸລາ ທີ່ສຳເລັດລົງໃນວັນສຸກທີ່ຜ່ານມາທີ່ວຽງຈັນ.ອ່ານຕໍ່ ...

ລາວ ແລະ ຈີນ ຕົກລົງສືບຕໍ່ການຮ່ວມມືໃນຂະແໜງການແຮງງານ ເພື່ອເນັ້ນໃສ່ການປັບປຸງຄວາມປອດໄພໃນການປະກອບອາຊີບໃນລາວ. ຂໍ້ຕົກລົງການຮ່ວມມືດັ່ງກ່າວແມ່ນແນໃສ່ການຢ້ຽມຢາມແລກປ່ຽນ ລະຫວ່າງພະນັກງານວິຊາການ ແລະ ເຈົ້າໜ້າທີ່ການນຳທີ່ກ່ຽວຂ້ອງຂອງສອງຝ່າຍ ແລະ ໂຄງການຮ່ວມມືດ້ານແຮງງານອື່ນໆ ຕາມການສະເໜີຂອງແຕ່ລະຝ່າຍ.ອ່ານຕໍ່ ...

ລາວກ່າວໃນກອງປະຊຸມຮ່ວມມືອາຊີ-ເອີຣົບຄັ້ງທີ 12 (Asem12) ທີ່ບຣັສ໌ໂຊ ປະເທດເບວຢຽມ ວ່າ ທະວີບອາຊີ ແລະ ເອີຣົບຄວນຮັດແໜ້ນການຮ່ວມມືເພື່ອຫຼຸດຊ່ອງຫວ່າງໃນການພັດທະນາທີ່ຍັງຄົງມີສູງ.ທ່ານສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດລາວນຳພາຄະນະຜູ້ແທນລາວ ເຂົ້າຮ່ວມກອງປະຊຸມສາກົນດັ່ງກ່າວໃນຫົວຂໍ້ “ຄູ່ຮ່ວມມືລະດັບໂລກເພື່ອຜ່ານຜ່າສິ່ງທ້າທາຍ” ທີ່ຈັດຂຶ້ນໃນວັນທີ 18-19 ຕຸລາຜ່ານມາ.ອ່ານຕໍ່  ...

ໃນວັນພຸດ ແລະ ວັນພະຫັດທີ່ຜ່ານມາ ໄດ້ມີການຄົ້ນພົບຊິ້ນສ່ວນຂອງສອງໃນ 31 ຜູ້ປະສົບໄພທີ່ຍັງສູນຫາຍຈາກເຫດໄພນ້ຳຖ້ວມກະທັນຫັນ ອັນເນື່ອງມາຈາກສັນເຂື່ອນແຕກໃນເດືອນກໍລະກົດທີ່ຜ່ານມາ ທີ່ເມືອງສະໜາມໄຊ ແຂວງອັດຕະປື.ອ່ານຕໍ່ ...

ລາວວາງເປົ້າໝາຍຄວາມມຸ່ງໝັ້ນໃນການເພີ່ມທະວີການຜະລິດເຂົ້າໃນປີ 2019 ເພື່ອຮັບປະກັນຄວາມໝັ້ນຄົງທາງດ້ານສະບຽງອາຫານ ເຊິ່ງບໍ່ໄດ້ຮັບໝາກຜົນເທົ່າທີ່ຄວນຍ້ອນໄພນ້ຳຖ້ວມໜັກໃນປີນີ້, ຕາມການລາຍງາຍຂອງທ່ານລັດຖະມົນຕີອາທິດແລ້ວນີ້. ທ່ານລັດຖະມົນຕີ ຫຼຽນ ທິແກ້ວ ກ່າວວ່າ ກະຊວງກະສິກຳ ແລະ ປ່າໄມ້ ວາງເປົ້າໝາຍໃນການເຮັດນາແຊງປີໜ້າໃຫ້ໄດ້ 100,000 ເຮັກຕາ, ເຊິ່ງເພີ່ມຂຶ້ນຈາກເປົ້າໝາຍ 90,400  ເຮັກຕາຂອງປີນີ້.ອ່ານຕໍ່ ...

ເຈົ້າໜ້າທີ່ລັດຖະບານ ແລະ ບັນຄູ່ຮ່ວມພັດທະນາໄດ້ປະຊຸມກັນທີ່ວຽງຈັນ ໃນວັນພະຫັດຜ່ານມາ ເພື່ອທົບທວນວຽກງານໃນໄລຍະຜ່ານມາ ແລະ ແຜນການຕໍ່ໜ້າ ເພື່ອປັບປຸງການຄຸ້ມຄອງຊັບພະຍາກອນທຳມະຊາດ. ກອງປະຊຸມໄດ້ມີການຫາລືລະອຽດໃນຂະແໜງການສິ່ງແວດລ້ອມ- ໂດຍສະເພາະວຽກງານທີ່ດິນ, ນ້ຳ, ການປ່ຽນແປງຂອງສະພາບອາກາດ, ທໍລິນີສາດ ແລະ ບໍ່ແຮ່.ອ່ານຕໍ່ ...

(ຂປລ) ການສົ່ງເສີມຄວາມຮູ້ ແລະ ຄວາມເຂົ້າໃຈກ່ຽວກັບຄວາມສຳຄັນໃນການລ້າງມືດ້ວຍສະບູ ແມ່ນວິທີການໃນການປ້ອງກັນພະຍາດ ແລະ ຮັກສາສຸຂະພາບທີ່ງ່າຍ ແລະ ມີປະສິດທິຜົນ.ດັ່ງນັ້ນ ກະຊວງສຶກສາທິການ ແລະ ກິລາ ຈຶ່ງໄດ້ຈັດສະເຫຼີມສະຫຼອງວັນລ້າງມືໂລກ 2018 ທີ່ໂຮງຮຽນປະຖົມທ່າເດື່ອ ເມືອງຫາດຊາຍຟອງ ນະຄອນຫຼວງວຽງຈັນ.ອ່ານຕໍ່ ...

ບັນຫາດ້ານໂພຊະນາການຍັງຄົງເປັນອຸປະສັກໃນປະເທດກຳລັງພັດທະນາ ກໍ່ຄືປະເທດລາວ. ການທີ່ເດັກຈະເລີນເຕີບຕົວຊ້າ ແລະ ສົ່ງຜົນຕໍ່ຄວາມບົກພ່ອງທາງໂພຊະນາການໃນໄລຍະຍາວນີ້ຖ້າບໍ່ໄດ້ຮັບການແກ້ໄຂ ຈະສົ່ງຜົນ ແລະ ເປັນສາເຫດຂອງຄວາມທຸກຍາກໃນທ້ອງຖິ່ນຊົນນະບົດ ເຊັ່ນທີ່ເຊໂປນ ແຂວງສະຫວັນນະເຂດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການຜະລິດກະສິກຳໃນລາວມີສາມປະເພດຫຼັກຄື – ກະສິກຳພື້ນບ້ານ, ການປູດພືດແບບປະສົມປະສານ ແລະ ການຜະລິດເພື່ອການຄ້າ, ຕາມຂໍ້ມູນຂອງກົມແຜນການ ແລະ ການລົງທຶນ ກະຊວງກະສິກຳ ແລະ ປ່າໄມ້ ໃນກອງປະຊຸມສຳມະນາເນື່ອງໃນວັນອາຫານໂລກ ແລະ ວັນສາກົນ ແລະ ອາທິດເພື່ອການລົບລ້າງຄວາມທຸກຍາກແຫ່ງຊາດ ໃນວັນອັງຄານທີ່ຜ່ານມາ ທີ່ວຽງຈັນ.ໃນຂະນະທີ່ ການຜະລິດກະສິກຳພື້ນບ້ານຄ່ອຍໆຫຼຸດໜ້ອຍຖອຍລົງ ແຕ່ກໍຍັງຄົງຄວາມສຳຄັນ ແລະ ການຜະລິດກະສິກຳແບບປະສົມປະສານກຳລັງມີການຂະຫຍາຍຕົວໃນລາວ, ການຜະລິດເພື່ອການຄ້າກໍມີລັກສະເພີ່ມຂຶ້ນໃນແຕ່ລະປີ.ອ່ານຕໍ່ ...