News

ສະມາຊິກສະພາທີ່ປຶກສາແຫ່ງຊາດກຳປູເຈຍ ລາຍງານຕໍ່ໜ່ວຍບໍລິການ RFA ກຳປູເຈຍວ່າ ອຳນາດການປົກຄອງທ້ອງຖິ່ນກຳລັງນຳໃຊ້ຊ່ອງຫວ່າງທາງກົດໝາຍ ເພື່ອຫຼີກລ່ຽງການປະຕິບັດຕາມລະບຽບການໃນການປົກປ້ອງຊີວິນາໆພັນໃນແມ່ນ້ຳຂອງ.ທ່ານ ກອງ ໂມນິກາ ນຳທີມໃນການສືບສວນສອບສວນຜົນກະທົບຂອງເຂື່ອນໄຟຟ້ານ້ຳຂອງ ດອນສະໂຮງ, ທີ່ພວມດຳເນີນການກໍ່ສ້າງໃກ້ກັຍຊາຍແດນລາວ-ກຳປູເຈຍ. ທ່ານໄດ້ກ່າວວ່າ ຈຸດປະສົງໃນການສືບສວນສອບສວນນີ້ ແມ່ນເພື່ອກວດສອບວ່າ ໂລມານ້ຳຈືດອິລະວະດີ (ປາຂ່າ) ທີ່ໃກ້ສູນພັນນີ້ ໄດ້ຮັບການປົກປ້ອງພາຍໃຕ້ລະບຽບກົດໝາຍຂອງແຂວງກຣັດຕີ ແລະ ສະຕັງເຕຣັງແທ້ຫຼືບໍ່.ອ່ານຕໍ່ ...

ບາງກອກ — ມັນບໍ່ແມ່ນໄພນ້ຳຖ້ວມທົ່ວໄປ. ມັນແມ່ນໄພຊຶນາມິ, ເປຣມຣຶດີ ດາວຣຸ້ງກ່າວກ່ຽວກັບກ້ອນນ້ຳອັນມະຫາສານທີ່ໄຫຼຜ່ານປ່າດົງທີ່ແຂວງອັດຕະປືຂອງລາວ, ຫອບເອົາທ່ອນໄມ້ ບໍ່ຕ່າງຫຍັງກັບໄມ້ຂີດໄຟ ເຂົ້າກວດລ້າງເຂດບ້ານທັງໝົດໃຫ້ລຽບເປັນໜ້າກອງ.ອ່ານຕໍ່ ...

ບົດລາຍງານສະບັບໃໝ່ຈາກອົງການ ສະຫະປະຊາຊາດເພື່ອການພັດທະນາ (UNDP) ແລະ ອົງການແຮງງານສາກົນ (ILO ) ເປີດເຜີຍວ່າ ການຍ້າຍຖິ່ນຂອງແຮງງານແບບສະໝ່ຳສະເໝີ ໃຫ້ຜົນທາງບວກຫຼາຍກວ່າການຍ້າຍຖິ່ນບໍ່ສະໝ່ຳສະເໝີລະຫວ່າງ ສປປ ລາວ ແລະ ໄທ.ອ່ານຕໍ່ ...

ທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມເຜີຍໃຫ້ຮູ້ແຜນດັ່ງກ່າວ ເນື່ອງໃນໂອກາດການເຂົ້າຢ້ຽມຢາມຂອງທ່ານນາງ ຊູໄບ ບາຣັກ ອາລຊູໂບ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ແລະ ລັດຖະມົນຕີກະຊວງເສດຖະກິດກູເຫວດ. ໃນການຢ້ຽມຢາມທາງການດັ່ງກ່າວ, ການຫາລືຕົ້ນຕໍແມ່ນເພື່ອທົບທວນວຽກງານການຮ່ວມມືໃນໄລຍະຜ່ານມາ ແລະ ເສີມຂະຫຍາຍພາລະກິດການຮ່ວມມືໃນອະນາຄົດລະຫວ່າງສອງຝ່າຍ ໂດຍສະເພາະໃນຂະແໜງແຮງງານ.ໃນຂໍ້ຕົກລົງການຮ່ວມມືດ້ານແຮງງານ ທີ່ໄດ້ລົງນາມໃນປີ 2009 ກ່ຽວກັບການເສີມຂະຫຍາຍການຮ່ວມມືໃນການຈ້າງແຮງງານ, ມີຈຸດປະສົງ​ແນໃສ່ສົ່ງແຮງງານລາວໄປເຮັດວຽກທີ່ປະເທດກູເຫວດ. ເຊິ່ງໃນຂໍ້ຕົກລົງດັ່ງກ່າວ ປະເທດກູເຫວດມີໂກຕາການຮັບແຮງງານຈາກລາວຈຳນວນ 1,000 ອັດຕາໃນທຸກໆຂະແໜງການຂອງປະເທດ.ອ່ານຕໍ່ ...

ລັດຖະບານລາວ ແລະ ສະຫະລາດຊະອານາຈັກໄດ້ຕົກລົງກັນວານນີ້ໃນການຮ່ວມມືໃນໂຄງການໃໝ່ ເພື່ອສົ່ງເສີມການຕໍ່ສູ້ຕ້ານການດື້ຢາຂອງເຊື້ອພະຍາດໃນລາວ. ການຮ່ວມມືດັ່ງກ່າວຈະຈັດຕັ້ງລະບົບການກວດສອບຄົບວົງຈອນສຳລັບການດື້ຢາຂອງເຊື້ອແບັກທີເຣຍ (AMR) ແລະ ການນຳໃຊ້ຢາຕ້ານເຊື້ອໃນຄົນ ແລະ ສັດ.ອ່ານຕໍ່ ...

ເຈົ້າແຂວງທີ່ປະສົບໄພນ້ຳຖ້ວມຈາກເຂື່ອນແຕກຂອງລາວໃນຊ່ວງປີນີ້ ໄດ້ເປີດເຜີຍການຄາດຄະເນງົບປະມານໂຄງການສຳລັບຜູ້ປະສົບໄພທີ່ສູນເສຍທີ່ຢູ່ອາໄສ, ໂດຍໃຫ້ຕົວເລກທີ່ຂັດແຍ່ງກັບແຫຼ່ງຂໍ້ມູນທາງການທີ່ເຫັນວ່າສູງເກີນຈຳເປັນ ແລະ ຂັດແຍ່ງກັບຕົວເລກທີ່ເປີດເຜີຍໃນການສຳພາດກ່ອນໜ້ານີ້.ອ່ານຕໍ່ ...

(ຂປລ) ແປດແຂວງຂອງລາວ ແລະ ຫວຽດນາມ ຮ່ວມປະຊຸມກັນທີ່ແຂວງທັນຫົວ ປະເທດຫວຽດນາມ ໃນວັນທີ 18 ຕຸລານີ້ ເພື່ອຫາລືການຮ່ວມມືໃນສົງຄາມຕ້ານອາດຊະຍາກຳຢາເສບຕິດ.ໃນກອງປະຊຸມດັ່ງກ່າວ, ຕົວແທນຈາກແຂວງທັນຫົວ, ເຍອັນ, ສອນລາ ແລະ ດຽນບຽນຂອງຫວຽດນາມ ແລະ ແຂວງຫົວພັນ, ຫຼວງພະບາງ, ຜົ້ງສາລີ ແລະ ຊຽງຂວາງຂອງລາວໄດ້ຮ່ວມລົງນາມໃນບົດບັນທຶກຄວາມເຂົ້າໃຈກ່ຽວກັບການຮ່ວມມືໃນການສະກັດກັ້ນ ແລະ ຕໍ່ສູ້ຕ້ານອາດສະຍາກຳຢາເສບຕິດ. ອ່ານຕໍ່ ...

ລັດຖະບານຄາດຄະເນວ່າຈະຕ້ອງນຳໃຊ້ງົບປະມານ 6 ພັນຕື້ກີບ ເພື່ອຟື້ນຟູຄວາມເສຍຫາຍຈາກໄພພິບັດນ້ຳຖ້ວມໃນທົ່ວປະເທດສຳລັບປີນີ້, ເຊິ່ງໃນນັ້ນຄວາມຕ້ອງການສູງສຸດແມ່ນຢູ່ໃນຂະແໜງການຂົນສົ່ງ ແລະ ກະສິກຳ.ພາລະກິດການຟຶ້ນຟູດັ່ງກ່າວຈະແບ່ງເປັນໄລຍະສັ້ນ, ໄລຍະກາງ ແລະ ໄລຍະຍາວ ເຊິ່ງແນໃສ່ຂະແໜງການສັງຄົມ, ການຜະລິດ ແລະ ພື້ນຖານໂຄງລ່າງ ແລະ ບັນຫາທີ່ກ່ຽວເນື່ອງອື່ນໆ.ອ່ານຕໍ່ ...

ອຳນາດການປົກຄອງແຂວງໄຊຍະບູລີ ກວດພົບການສໍ້ລາດບັງຫຼວງຈຳນວນກວ່າ 210.73 ຕື້ກີບ ນັບແຕ່ປີ 2015 ເປັນຕົ້ນມາ, ເຊິ່ງໃນນັ້ນມີຖັນແຖວພະນັກງານລັດ 24 ຄົນມີສ່ວນພົວພັນກ່ຽວຂ້ອງ.ທ່ານ ດວງຕາ ໄຊວຸດ ຫົວໜ້າຄະນະກຳມະການກວດສອບພັກແຂວງ ໄດ້ລາຍງານໃນກອງປະຊຸມໜ່ວຍພັກຄັ້ງທີ 11 ໃນອາທິດຜ່ານມາວ່າ ໃນຈຳນວນດັ່ງກ່າວສາມາດຍຶດຄືນງົບປະມານໄດ້ 9.26 ຕື້ກີບ, ຕາມການເປີດເຜີຍຂອງໜັງສືພິມເສດຖະກິດສັງຄົມ.ອ່ານຕໍ່ ...

ໜ່ວຍງານຈັດຕັ້ງບຸນຊ່ວງເຮືອປະເພນີທີ່ນະຄອນຫຼວງວຽງຈັນຕົກລົງຍ້າຍການແຂ່ງຂັນເຮືອປະເພດເຮືອປະເພນີ ແລະ ເຮືອສູດຂະໜາດ 55 ສີພາຍຈາກທ່າວັດຈັນໄປແຂ່ງຢູ່ເຂດຍ່ານນ້ຳຂອງທີ່ເລິກກວ່າ.ທ່ານ ສີຫຸນ ສິດທິລືໄຊ ເຈົ້າຄອງນະຄອນຫຼວງວຽງຈັນໄດ້ອະທິບາຍລາຍລະອຽດຕໍ່ສື່ມວນຊົນໃນວັນຈັນຜ່ານມາວ່າ ການແຂ່ງຂັນເຮືອປະເພດ 55 ສີພາຍ ເພດຊາຍ ແລະ ເພດຍິງ ໃນວັນພະຫັດນີ້ ຈະຈັດຂຶ້ນໃນເຂດລ້ອງແມ່ນ້ຳຂອງກົງກັນຂ້າມກັບໂຮງແຮມແລນມາກ.ອ່ານຕໍ່ ...