News

ການກໍ່ສ້າງທາງດ່ວນເພື່ອເຊື່ອມຕໍ່ສູນການຕົວເມືອງກັບເຂດຊານເມືອງວຽງຈັນຈະເລີ່ມລົງມືໃນເດືອນໜ້າ ຕາມການລາຍງານຂອງການນຳລັດຖະບານ.ການກໍ່ສ້າງທາງໄລຍະ 15 ກມ ຈະຊ່ວຍຫຼຸດຜ່ອນບັນຫາລົດຕິດ ແລະ ຮອງຮັບຄວາມຕ້ອງການໃນການສັນຈອນທີ່ເພີ່ມຂຶ້ນຂອງຕົວເມືອງ ໃຫ້ມີຄວາມວ່ອງໄວ ແລະ ສະດວກສະບາຍ.ອ່ານຕໍ່  ...

ສານປະຊາຊົນວຽງຈັນອອກຄຳສັ່ງໃຫ້ບໍລິສັດກະສິກຳຂອງຈີນປະຕິບັດຕາມລະບຽບການດ້ານສິ່ງແວດລ້ອມ ຫຼື ບໍ່ດັ່ງນັ້ນອາດຕ້ອງມີການເພີກຖອນໃບອະນຸຍາດດຳເນີນທຸລະກິດ.ໝາຍສານດັ່ງກ່າວໄດ້ອອກຫຼັງຈາກທີ່ບໍລິສັດ, ທີ່ໄດ້ຮັບສຳປະທານທີ່ດິນ 160 ເຮັກຕາເພື່ອປູກກ້ວຍ, ສາລີ ແລະ ພືດພັນອື່ນໆໃນເມືອງສັງທອງໃນປີ 2014, ໄດ້ນຳໃຊ້ສານເຄມີທີ່ເປັນອັນຕະລາຍເຂົ້າໃນການຜະລິດ. ສານເຄມີດັ່ງກ່າວໄດ້ໄຫຼລົງສູ່ແມ່ນ້ຳຕອນ ເຮັດໃຫ້ມີປາຕາຍຫຼາຍກວ່າ 300 ກິໂລໃນເດືອນພະຈິກຜ່ານມາ.ອ່ານຕໍ່ ...

ກະຊວງແຮງງານ ແລະ ສະຫວັດດີການສັງຄົມ ແລະ ອົງການຈັດຕັ້ງລັດຖະບານທີ່ກ່ຽວຂ້ອງຈັດກອງປະຊຸມວານນີ້ ເພື່ອຫາລືຮ່າງກົດລະບຽບດ້ານແຮງງານ ທີ່ກ່ຽວຂ້ອງກັບບັນຫາແຮງງານຕ່າງປະເທດໃນລາວ ທີ່ບໍ່ມີໃບອະນຸຍາດຕາມລະບຽບກົດໝາຍ.ອ່ານຕໍ່ ...

ວຽງຈັນ, 7 ມັງກອນ (ຊິນຫົວ) — ຄູອາຈານ ແລະ ນັກຮຽນໂຮງຮຽນປະຖົມບ້ານຫົວຊຽງ ນະຄອນຫຼວງວຽງຈັນໄດ້ຮັບອາຄານຮຽນໃໝ່ ທີ່ໄດ້ຮັບການກໍ່ສ້າງພາຍໃຕ້ທຶນຊ່ວຍເຫຼືອຂອງທະນາຄານການຄ້າ ແລະ ອຸດສາຫະກຳແຫ່ງປະເທດຈີນ  (ICBC).ອ່ານຕໍ່ ...

(ຂປລ) ກົມສ່ວຍສາອາກອນກະຊວງການເງິນ ແລະ ຍີ່ປຸ່ນ ໄດ້ຈັດກອງປະຊຸມສຳມະນາກ່ຽວກັບອາກອນມູນຄ່າເພີ່ມ (VAT) ຄັ້ງທີ 5 ຂຶ້ນໃນວັນທີ 7 ມັງກອນນີ້ ເພື່ອສົ່ງເສີມການຫາລືກ່ຽວກັບ (VAT) ໃນຖັນແຖວພະນັກງານ.ກອງປະຊຸມສຳມະນາດັ່ງກ່າວຈັດຂຶ້ນເພື່ອລົງເລິກຄວາມເຂົ້າໃຈຂອງພະນັກງານກ່ຽວກັບການຄຸ້ມຄອງອາກອນ ເພື່ອການຈັດຕັ້ງປະຕິບັດທີ່ມີປະສິດທິພາບ ໂດຍສະເພາະແມ່ນແນໃສ່ຂະບວນການມອບຄືນ VAT ໂດຍອີງໃສ່ກົດໝາຍວ່າດ້ວຍ VAT ເຊິ່ງໄດ້ມີການຮັບຮອງຢ່າງເປັນທາງການໃນກອງປະຊຸມສະໄໝສາມັນຂອງສະພາແຫ່ງຊາດໃນປີ 2018.ອ່ານຕໍ່ ...

ລາວ ແລະ ຫວຽດນາມຕົກລົງຮັດແໜ້ນການຮ່ວມມືໃນຫຼາຍຂົງເຂດ ເຊັ່ນ ການພັດທະນາຊັບພະຍາກອນມະນຸດ, ການຄ້າ, ແລະ ການລົງທຶນ.ການຕົກລົງດັ່ງກ່າວແມ່ນເນື່ອງມາຈາກການຢ້ຽມຢາມຂອງທ່ານ ທອງລຸນ ສີສຸລິດ ນາຍົກລັດຖະມົນຕີລາວ ພ້ອມດ້ວຍຄະນະລັດຖະບານລາວ ເປັນປະທານຮ່ວມໃນກອງປະຊຸມຄັ້ງທີ 41 ຂອງຄະນະກຳມະການຮ່ວມລັດຖະບານຫວຽດນາມ-ລາວ ເຊິ່ງຈັດຂຶ້ນທີ່ນະຄອນຮາໂນ້ຍ ຄັ້ງວັນທີ 5-6 ມັງກອນນີ້ ຕາມການເຊື້ອເຊີນຂອງທ່ານ ຫງວຽນ ຊວນພຸກ ນາຍົກລັດຖະມົນຕີຫວຽດນາມ.ອ່ານຕໍ່ ...

ກອງເລຂາຄະນະກຳມະການແຫ່ງຊາດດ້ານໂພຊະນາການ ແລະ ອົງການສົ່ງເສີມສຸຂະພາບ ແລະ ຫຼຸດຜ່ອນຄວາມທຸກຍາກ (HPA) ຮ່ວມລົງນາມໃນບົດບັນທຶກຄວາມເຂົ້າໃຈສຳລັບ ໂຄງການ ການຮ່ວມມືເພື່ອເສີມຂະຫຍາຍການຄວາມສາມາດໃນການຮອງຮັບໄພພິບັດ ແລະ ການສົ່ງເສີມຄວາມໝັ້ນຄົງດ້ານສະບຽງອາຫານ ແລະ ໂພຊະນາການສຳລັບຊຸມຊົນທີ່ມີຄວາມສ່ຽງໃນແຂວງຄຳມ່ວນ.ໂຄງການດັ່ງກ່າວມີໄລຍະດຳເນີນການສາມປີ ດ້ວຍທຶນຈຳນວນ 2.8 ລ້ານຢູໂຣ ພາຍໃຕ້ການສະໜັບສະໜູນຂອງສະຫະພາບເອີຣົບ.ອ່ານຕໍ່   ...

ລັດຖະບານສາທາລະນະລັດເກົາຫຼີສືບຕໍ່ໃຫ້ການຊ່ວຍເຫຼືອປະເທດລາວ ເນື່ອງຈາກໄພນ້ຳຖ້ວມເປັນບໍລິເວນກວ້າງໃນຫຼາຍແຂວງ, ເຊິ່ງໜັກກວ່າໝູ່ແມ່ນຢູ່ແຂວງອັດຕະປື.ເອກອັກຄະລັດຖະທູດສາທາລະນະລັດເກົາຫຼີ ກ່າວຢືນຢັນການຊ່ວຍເຫຼືອສຳລັບປະເທດລາວໃນວັນສຸກຜ່ານມາ ໃນການມອບເຂົ້າສານຈຳນວນ 1,000 ໂຕນຈາກໂຄງການຄັງສຳຮອງເຂົ້າສຸກເສີນອາຊຽນບວກສາມ (APTERR) ລະດັບສາມ ໃຫ້ແກ່ເຈົ້າໜ້າທີ່ຝ່າຍລາວ, ເຊິ່ງເປັນສ່ວນໜຶ່ງຂອງການຊ່ວຍເຫຼືອຂອງເກົາຫຼີສຳລັບຊຸມຊົນທີ່ປະສົບໄພນ້ຳຖ້ວມໃນລາວ.ອ່ານຕໍ່ ...

(ຂປລ) ພະຍາດໄຂ້ປ່າ ເຮັດໃຫ້ມີຜູ້ເສຍຊີວິດ 19 ຄົນ ໃນຈຳນວນຜູ້ຕິດເຊື້ອກວ່າ 6,000 ກໍລະນີໃນປີ 2018, ຕາມການລາຍງານຂອງກົມຄວບຄຸມພະຍາດຕິດຕໍ່ ກະຊວງສາທາລະນະສຸກ.ກອງປະຊຸມປະຈຳປີຂອງກົມຄັ້ງວັນທີ 2 ມັງກອນລາຍງານວ່າ ໃນປີ 2017 ມີຜູ້ຕິດເຊື້ອໄຂ້ປ່າ 10,067 ກໍລະນີ, ໃນນັ້ນມີຜູ້ເສຍຊີວິດ 14 ຄົນ.ອ່ານຕໍ່ ...

ປະຊາຊົນລາວທີ່ອາໄສຢູ່ເຂດທິວທັດທາງພາກເໜືອຂອງນະຄອນຫຼວງວຽງຈັນ ພະຍາຍາມກິດກັ້ນການສຳຫຼວດທີ່ດິນສຳລັບໂຄງການພັດທະນາຂອງຕ່າງປະເທດ, ຍ້ອນຢ້ານວ່າຈະຖືກສັ່ງໃຫ້ຍົກຍ້າຍຈາກທີ່ຢູ່ອາໄສ ເນື່ອງຈາກໂຄງການການທ່ອງທ່ຽວໃໝ່ຂອງຈີນ, ຕາມແຫຼ່ງຂ່າວພາຍໃນປະເທດ.ແຫຼ່ງຂ່າວຍັງໃຫ້ຮູ້ຕື່ມອີກວ່າ ໂຄງການດັ່ງກ່າວ ເຊິ່ງຢູ່ພາຍໃຕ້ການຄຸ້ມຄອງຂອງບໍລິສັດພັດທະນາພື້ນທີ່ໃໝ່ລາວ-ວັງວຽງຂອງຈີນ ຈະສົ່ງຜົນກະທົບຕໍ່ 22 ບ້ານເຊິ່ງຕັ້ງຢູ້ທາງທິດຕາເວັນຕົກຂອງນ້ຳຊອງ ແລະ ໄດ້ຮັບການອະນຸມັດຈາກລັດຖະບານໃນການດຳເນີນການແລ້ວ.ອ່ານຕໍ່ ...