News

ໃນວັນອັງຄານຜ່ານມານີ້ ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ກ່າວຊົມເຊີຍຕໍ່ຂະແໜງແຜນການ, ການລົງທຶນ ແລະ ການເງິນ ແລະ ຊຸກຍູ້ໃຫ້ພະນັກງານທຸກຄົນຈົ່ງສືບຕໍ່ຮັກສາມູນເຊື້ອ. ເຖິງຢ່າງໃດກໍຕາມ ທ່ານນາຍົກຍັງໄດ້ກ່າວຕື່ມວາ ໃນຕໍ່ໜ້າປະເທດລາວຍັງຕ້ອງປະເຊີນກັບສິ່ງທ້າທາຍຫຼາຍຢ່າງ ຂໍໃຫ້ທຸກພາກສ່ວນຈົ່ງກຽມພ້ອມຮັບມື.ອ່ານຕໍ່ ...

ລັດອະນຸມັດງົບປະມານພິເສດ 500 ຕື້ກີບ (58 ລ້ານໂດລາ) ເພື່ອປົວແປງພື້ນຖານໂຄງລ່າງສາທາລະນະທີ່ໄດ້ຮັບຄວາມເສຍຫາຍ ເນື່ອງຈາກໄພນ້ຳຖ້ວມປີກາຍນີ້, ເຊິ່ງໝາຍເຖິງພາລະກິດການຟື້ນຟູຈະສາມາດເລີ່ມລົງມືໃນໄວໆນີ້. ການອະນຸມັດແຜນງົບປະມານດັ່ງກ່າວແມ່ນຢູ່ໃນກອງປະຊຸມປະຈຳປີຂອງຂະແໜງການແຜນການ-ການເງິນ ຂອງກະຊວງແຜນການ ແລະ ການລົງທຶນ ເຊິ່ງຈັດຂຶ້ນໃນຕົ້ນອາທິດນີ້ ທີ່ນະຄອນວຽງຈັນ.ອ່ານຕໍ່  ...

(ຂປລ) ໄດ້ເກີດເຫດນ້ຳຖ້ວມກະທັນຫັນໃນເຂດບ້ານເຮືອນ ແລະ ພື້ນທີ່ກະສິກຳໃນຫຼາຍບ້ານທີ່ເມືອງບຸນເໜືອ ແລະ ເມືອງຜົ້ງສາລີ ແຂວງຜົ້ງສາລີໃນວັນທີ 8 ມັງກອນນີ້. ຕາມການປະເມີນເບື້ອງຕົ້ນຂອງອຳນາດການປົກຄອງທ້ອງຖິ່ນ ເຫັນວ່າສ້າງຄວາມເສຍຫາຍພຽງເລັກນ້ອຍ.ອ່ານຕໍ່ ...

 ຈຳປາສັກ (ວຽງຈັນທາມສ໌/ANN) – ຊາວກະສິກອນທີ່ປູກກາເຟຢູ່ທາງພາກໃຕ້ຂອງລາວ ຮ້ອງຂໍຄວາມຊ່ວຍເຫຼືອຈາກລັດຖະບານ ໃນການຈັດຕັ້ງກອງທຶນສະໜັບສະໜູນການປຸງແຕ່ງເມັດກາເຟ ແລະ ໃຫ້ຄຳແນະນຳທາງດ້ານວິຊາການສຳລັບຊາວສວນກາເຟທ້ອງຖິ່ນ ຫຼັງຈາກທີ່ລາຄາກາເຟໃນຕະຫຼາດຕົກຕ່ຳໃນໄລຍະຜ່ານມາ.ທ່ານ ສີວິໄຊ ໄຊຍະແສງ ຫົວໜ້າສະມາຄົມກາເຟລາວ ລາຍງານຜ່ານໜັງສືພີມວຽງຈັນທາມສ໌ວ່າ “ລາຄາກາເຟຂຽວຕົກຕ່ຳລົງ ຍ້ອນມີການສະໜອງທີ່ເພີ່ມຂຶ້ນໃນຕະຫຼາດໂລກ. ໂດຍສະເພາະ ແມ່ນການເພີ່ມຂຶ້ນຂອງການຜະລິດເມັດກາເຟຂຽວຈາກອິນໂດເນເຊຍ ເຊິ່ງເປັນໜຶ່ງໃນຜູ້ສົ່ງອອກລາຍໃຫຍ່ທີ່ສຸດໃນໂລກ.”ອ່ານຕໍ່ ...

ລັດຖະບານກຳປູເຈຍຍັງຄົງລໍຖ້າຂໍ້ຕົກລົງ (ToR) ຈາກວຽງຈັນ ໃນການດຳເນີນການສົ່ງຈົດໝາຍຮ່ວມເພື່ອຂໍຂໍ້ມູນລາຍລະອຽດ ທາງດ້ານແຜນທີ່ຈາກລັດຖະບານຝຣັ່ງ ພ້ອມດ້ວຍເອກະສານທີ່ກ່ຽວຂ້ອງອື່ນໆ ເພື່ອນຳໄປສູ້ການແກ້ໄຂຂໍ້ຂັດແຍ່ງກ່ຽວກັບຊາຍແດນຂອງສອງປະເທດ, ຕາມການເປີດເຜີຍຂອງທ່ານ ເກດ ໂສພັນ ໂຄສົກກະຊວງການຕ່າງປະເທດ ແລະ ການຮ່ວມມືສາກົນຂອງກຳປູເຈຍ.ອ່ານຕໍ່  ...

ໃນຕົ້ນອາທິດນີ້ ປະເທດລາວໄດ້ປະກາດແຜນການປະຈຳປີເພື່ອດຶງດູດນັກທ່ອງທ່ຽວຈີນເຂົ້າປະເທດ ໃນການຈັດປີທ່ອງທ່ຽວລາວ-ຈີນ 2019. ແຜນກ່ານທ່ອງທ່ຽວດັ່ງກ່າວຄາດວ່າຈະເລີ່ມເປີດຕົວໃນທ້າຍເດືອນນີ້ ຫຼື ໃນຊ່ວງພັກຊ່ວງກຸດຈີນ ໃນລະຫວ່າງວັນທີ 2 ເຖິງ 9 ກຸມພານີ້. ຫຼືອາດຈະເປີດຕົວໃນວັນຂຶ້ນປີໃໝ່ຈີນ ວັນທີ 5 ກຸມພາ.ອ່ານຕໍ່ ...

ຊາວນະຄອນວຽງຈັນຫຼາຍຄົນທີ່ຕ້ອງສູນເສຍທີ່ດິນຂອງຕົນຈາກໂຄງການພັດທະນາພື້ນຖານໂຄງລ່າງ ປະຕິເສດຄ່າຊົດເຊີຍທີ່ຈະໄດ້ຮັບ ເນື່ອງຈາກເຫັນວ່າບໍ່ຄຸ້ມກັບສິ່ງທີ່ສູນເສຍ.ອ່ານຕໍ່  ...

ເຈົ້າໜ້າທີ່ແຮງງານທົ່ວປະເທດຕ້ອງເລັ່ງມືຂະບວນການຂຶ້ນທະບຽນແຮງງານຕ່າງປະເທດທີ່ບໍ່ໄດ້ຂຶ້ນທະບຽນຕາມກົດໝາຍ, ທ່ານ ສອນໄຊ ສີພັນດອນກ່າວ. ເຈົ້າໜ້າທີ່ໃນທຸກໆແຂວງຕ້ອງເລັ່ງມືຂັ້ນຕອນການຂຶ້ນທະບຽນດັ່ງກ່າວ ເພື່ອໃຫ້ສອດຄ່ອງຕາມລະບຽບກົດໝາຍ.ອ່ານຕໍ່ ...

(ຂປລ) ເທດສະການອາຫານລາວປະຈຳປີເພື່ອສົ່ງເສີມອາຫານແບບລາວໆ ແລະ ທຸລະກິດຂອງແມ່ຍິງລາວ ຈະຈັດຂຶ້ນທີ່ສວນເຈົ້າອານຸວົງ, ນະຄອນຫຼວງວຽງຈັນ ໃນວັນທີ 23-26 ມັງກອນນີ້ ຕາມການເປີດເຜີຍຕໍ່ສື່ມວນຊົນໃນວັນອັງຄານນີ້.ອ່ານຕໍ່ ...

ນັກທ່ອງທ່ຽວຈະໄດ້ມ່ວນຊື່ນລື່ນເລິງໃນການເຂົ້າຮ່ວມງານບຸນຂອງຊົນເຜົ່າຂະມຸ ເຊິ່ງຈະຈັດຂຶ້ນທີ່ເມືອງໄຊ ແຂວງອຸດົມໄຊ ໃນທ້າຍເດືອນນີ້. ທ່ານ ດວງຕາ ແສງມະນີ ໜຶ່ງໃນຄະນະຮັບຜິດຊອບຈັດງານ ໄດ້ເປີດເຜີຍຕໍ່ໜັງສືພິມວຽງຈັນທາມສ໌ວ່າ ງານບຸນດັ່ງກ່າວຈະໄດ້ຈັດຂຶ້ນແຕ່ວັນທີ 24-27 ມັງກອນນີ້ ທີ່ບ້ານແຈ້ງ.ອ່ານຕໍ່  ...