News

ເຈົ້າໜ້າທີ່ຕຳຫຼວດສຳເລັດການສຳຫຼວດ ແລະ ວາງແຜນການຕິດຕັ້ງກ້ອງວົງຈອນປິດ (CCTV) ຕາມເສັ້ນທາງໃນສີ່ແຂວງພາກໃຕ້ຂອງລາວ ເຊິ່ງມີແຜນຕິດຕັ້ງກ້ອງ 500-700 ເຄື່ອງໃນແຕ່ລະແຂວງ.ອ່ານຕໍ່ ...

ສູນແນວພັນເຂົ້າໄດ້ແຈກຢາຍແນວພັນເຂົ້າຢ່າງພຽງພໍສຳລັບຊາວກະສິກອນ ເພື່ອຂະຫຍາຍພື້ນທີ່ການຜະລິດເຂົ້າໃນລະດູແລ້ງໃຫ້ໄດ້ 185,000 ເຮັກຕາ ຕາມເປົ້າໝາຍຂອງລັດຖະບານ.ອ່ານຕໍ່  ...

ລັດຖະບານມີແຜນຕິດຕັ້ງລະບົບການສື່ສານໃໝ່ໃນປີນີ້ ເພື່ອວ່າຄະນະລັດຖະບານ ແລະ ເຈົ້າແຂວງຈະສາມາດຈັດກອງປະຊຸມທາງໄກແບບອອນໄລ (video conferences). ອີງຕາມແຜນພັດທະນາເສດຖະກິດ-ສັງຄົມ 2019, ​ລັດຖະບານມີແຜນທີ່ຈະສຳເລັດການຕິດຕັ້ງລະບົບການຈັດກອງປະຊຸມທາງອອນໄລ ໃນສຳນັກງານນາຍົກລັດຖະມົນຕີ, ກະຊວງ ແລະ ຫ້ອງວ່າການແຂວງໃນທົ່ວປະເທດ ເຊິ່ງເປັນສ່ວນໜຶ່ງຂອງການລິເລີ່ມ e-government.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະຄູດ ສາຍການບິນລາຄາຍ່ອມເຍົາຂອງສິງກະໂປແອລາຍ ຈະພ້ອມໃຫ້ບໍລິການຖ້ຽວບິນ ສິງກະໂປ-ລາວ ໃນເດືອນເມສາປີນີ້ ໃນລາຄາປີ້ຍົນເລີ່ມຕົ້ນ US$88 ໂດລາ ຕາມການເປີດເຜີຍໃນວານນີ້.ສະຄູດຈະໃຫ້ບໍລິການບິນຮັບສົ່ງຈາກສິງກະໂປ ຫາວຽງຈັນ ຫາຫຼວງພະບາງ. ເຊິ່ງຖ້ຽວບິນຈະເລີ່ມຈາກສິງກະໂປ ໄປຫາຫຼວງພະບາງ ຕາມດ້ວຍວຽງຈັນ ກ່ອນທີ່ຈະບິນກັບໄປສິງກະໂປ ຕາມຂໍ້ມູນຈາກ Straits Times ໜັງສືພິມຊັ້ນນຳຂອງສິງກະໂປ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ມູນຄ່າການຄ້າຮ່ວມດ້ານການນຳເຂົ້າ ແລະ ສົ່ງອອກລະຫວ່າງລາວ ແລະ ຫວຽດນາມເພີ່ມຂຶ້ນປະມານ 13% ໃນປີ 2018, ແຕະຫຼັກ US$1 ຕື້ໂດລາ, ຕາມການເປີດເຜີຍຂອງເຈົ້າໜ້າທີ່ສອງປະເທດ.ຕົວເລກດັ່ງກ່າວໄດ້ຮັບການເປີດເຜີຍຜ່ານກອງປະຊຸມຄະນະລັດຖະບານຮ່ວມ ລາວ-ຫວຽດນາມ ສະໄໝ 41 ທີ່ນະຄອນຫຼວງຮາໂນ້ຍ ໃນອາທິດແລ້ວນີ້.ໃນປີ 2018, ລາວສ້າງລາຍຮັບຈາກການສົ່ງອອກສິນຄ້າໄປປະເທດຫວຽດນາມ US$723.5 ລ້ານໂດລາ ແລະ ນຳເຂົ້າສິນຄ້າຈາກຫວຽດນາມມູນຄ່າ US$552.2 ລ້ານໂດລາ, ອີງຕາມກະຊວງອຸດສາຫະກຳ ແລະ ການຄ້າ.ອ່ານຕໍ່ ...

 ວຽງຈັນ (ວຽງຈັນທາມສ໌/ANN) – ຄະດີກ່ຽວກັບນັກທຸລະກິດຄົນດັງຂອງລາວທີ່ຖືກປັບໄໝກ່ຽວກັບການລະເມີດກົດຈໍລະຈອນກຳລັງເປັນຫົວຂໍ້ດັງໃນການສົນທະນາຜ່ານສື່ສັງຄົມອອນໄລ ຫຼັງຈາກທີ່ມີການສະເໜີກລະນີດັ່ງກ່າວເພື່ອຂໍຄຳເຫັນມະຫາຊົນ.ນັກທຸລະກິດຊາຍດັ່ງກ່າວໄດ້ຖືກສັ່ງໃຫ້ຢຸດລົດ ເພື່ອກວດສອບເອກະສານໂດຍເຈົ້າໜ້າທີ່ຕຳຫຼວດ ໃນຂະນະທີ່ຂັບລົດຈິບໄປຕາມເສັ້ນທາງເລກທີ 13 ໃຕ້ ທີ່ແຂວງຄຳມ່ວນ.ອ່ານຕໍ່  ...

ໂຮງງານຕັດຫຍິບລາວກຳລັງປະສົບພາວະຂາດແຄນແຮງງານ ເນື່ອງຈາກແຮງງານລາວມັກໄປຂາຍແຮງງານທີ່ປະເທດໄທເຊິ່ງມີລາຍຮັບທີ່ສູງກວ່າ ຕາມຂໍ້ມູນຈາກແຫຼ່ງຂ່າວ.ເຈົ້າຂອງໂຮງງານແຫ່ງໜຶ່ງໃນນະຄອນຫຼວງວຽງຈັນ ເຊິ່ງບໍ່ປະສົງອອກນາມ ລາຍງານຕໍ່ຜູ້ສື່ຂ່າວ RFA ໃນຕົ້ນເດືອນນີ້ວ່າ “ຕາມຜົນຂອງການສຳຫຼວດໃຫ້ຮູ້ວ່າ ພວກເຮົາຕ້ອງການແຮງງານເພີ່ມອີກ 10,000 ອັດຕາ”.ການຂາດແຄນດ້ານແຮງງານດັ່ງກ່າວແມ່ນເນື່ອງມາຈາກຄ່າແຮງງານໃນລາວຕ່ຳ ເມື່ອທຽບກັບການໄປອອກແຮງງານໃນໜ້າວຽກດຽວກັນທີ່ປະເທດໄທ.ອ່ານຕໍ່    ...

ໂຄງການທາງລົດໄຟ ເພື່ອເຊື່ອມຕໍ່ປະເທດລາວທີ່ບໍ່ມີຊາຍແດນຕິດທະເລ ເຂົ້າກັບປະເທດຈີນ ຄາດວ່າຈະສ້າງປະໂຫຍດທາງດ້ານເສດຖະກິດໃຫ້ແກ່ປະເທດລາວ ດ້ວຍການຫຼຸດຜ່ອນຕົ້ນທຶນການສົ່ງອອກ ແລະ ສິນຄ້າບໍລິໂພກ ເຊິ່ງຈະຊ່ວຍສົ່ງເສີມການພັດທະນາເສດຖະກິດສັງຄົມບົນຜືນແຜ່ນດິນອັນທຸກຍາກທີ່ມີປະຊາກອນເກືອບເຈັດລ້ານຄົນນີ້.ແຕ່ທັງນີ້ທັງນັ້ນ ໂຄງການທາງລົດໄຟດັ່ງກ່າວ ເຊິ່ງຄາດວ່າຈະສຳເລັດໃນປີ 2021 ໄດ້ສົ່ງຜົນກະທົບຕໍ່ 4,400 ຄອວຄົວໂດຍປະມານທີ່ຕ້ອງເສຍສະຫຼະທີ່ດິນຂອງຕົນ. ຕາມດຳລັດສະບັບເລກທີ 84 ເດືອນເມສາ 2016, ພົນລະເມືອງລາວທີ່ຕ້ອງສູນເສຍທີ່ດິນໃຫ້ແກ່ໂຄງການພັດທະນາຕ້ອງໄດ້ຮັບເງິນຊົດເຊີຍສຳລັບການສູນເສຍລາຍຮັບ, ຊັບສິນ, ເຄື່ອງປູກຂອງຝັງ ແລະ ພືດພັນທັນຍາຫານ.ອ່ານຕໍ່ ...

ເຄືອຂ່າຍໂຮງແຮມເມີຄຽວໄດ້ອອກແຈ້ງການກ່ຽວກັບການປິດກິດຈະການໃນນະຄອນຫຼວງວຽງຈັນນັບແຕ່ວັນທີ 1 ມີນາເປັນຕົ້ນໄປ.ໂຮງແຮມເມີຄຽວຈະສືບຕໍ່ໃຫ້ບໍລິການໄປຈົນເຖິງວັນທີ 28 ກຸມພາ ກ່ອນທີ່ຈະປິດກິດຈະການໃນວັນທີ 1 ມີນານີ້ ຕາມຈົດໝາຍແຈ້ງການຂອງຜູ້ຈັດການໃຫຍ່ ຄຣິສໂຕເຟີ ເຢວ ລົງວັນທີ 26 ທັນວາ 2018. ຕະຫຼາດການໂຮງແຮມ ແລະ ທີ່ພັກອາໄສທີ່ມີການແຂ່ງຂັນສູງຂຶ້ນ ລວມທັງການເປີດກິດຈະການຂອງໂຮງແຮມລາຍໃຫຍ່ກວ່າຄື Crowne Plaza ແມ່ນເປັນປັດໄຈທີ່ບໍ່ສາມາດຫຼີກລ່ຽງໄດ້ ທີ່ສົ່ງຜົນຕໍ່ທຸລະກິດຂອງສາຂາໂຮງແຮມ ເມິຄຽວ ວຽງຈັນ ເຊິ່ງເປັນສ່ວນໜຶ່ງຂອງເຄືອຂ່າຍ Accor group.ອ່ານຕໍ່ ...

ມູນນິທິໂລກແຊມູນ ຂອງສາທາລະນະລັດເກົາຫຼີ ຕົກລົງຊ່ວຍເຫຼືອການພັດທະນາເສດຖະກິດສັງຄົມໃນພື້ນທີ່ຊົນນະບົດຂອງນະຄອນວຽງຈັນເປັນມູນຄ່າກວ່າ 11 ຕື້ກີບ (US$1.3 ລ້ານໂດລາ).ທຶນຊ່ວຍເຫຼືອດັ່ງກ່າວແມ່ນສຳລັບໂຄງການສາທິດການພັດທະນາບ້ານແບບແຊມູນ ເຊິ່ງມີຈຸດປະສົງສົ່ງເສີມການຜະລິດໃນຊົນນະບົດໃນຊຸມຊົນທ້ອງຖິ່ນໃນບ້ານເປົ້າໝາຍ ເພື່ອໃຫ້ເຂົາເຈົ້າມີລາຍຮັບເພີ່ມຂຶ້ນ ກໍຄືເປັນການສົ່ງເສີມການພັດທະນາເສດຖະກິດ-ສັງຄົມຂອງຊາດໂດຍລວມ.ໂຄງການດັ່ງກ່າວຈະໄດ້ຈັດຕັ້ງປະຕິບັດຢູ່ສາມບ້ານເປົ້າໝາຍຄື ບ້ານດົງວັງໂພ, ທ່າເດື່ອ ສິງຫອມ ແລະ ໝາກຄ້ຽວ ເມືອງປາກງື່ມ ນະຄອນຫຼວງວຽງຈັນ.ອ່ານຕໍ່ ...