News

ຫຼວງນ້ຳທາ, ລາວ (ວຽງຈັນທາມສ໌/ANN) – ເຈົ້າໜ້າທີ່ແຂວງຫຼວງນ້ຳທາ ໄດ້ບຸກທຳລາຍໄຮ່ຢາຝິ່ນ 17 ເຮັກຕາໃນແປດບ້ານຂອງເມືອງລອງ ແຂວງພາກເໜືອຂອງລາວ.ທ່ານພັນຕີ ສິນນະກອນ ຂຸນວົງພົມ ຮອງຫົວໜ້າຫ້ອງການປ້ອງກັນຄວາມສະຫງົບເມືອງ ໄດ້ເປີດເຜີຍຜ່ານວຽງຈັນທາມສ໌ ໃນວັນສຸກແລ້ວນີ້ວ່າ ເຈົ້າໜ້າທີ່ຕຳຫຼວດເມືອງ ສົມທົບກັບພະແນກກວດກາ ແລະ ຄວບຄຸມຢາເສບຕິດແຂວງ ໄດ້ລົງກວດລ້າງໄຮ່ຝິ່ນຈຳນວນ 17 ເຮັກຕາ ໃນບ້ານແມ່ຂອງ, ສາມສົບ, ຈາຄຳລີ, ພັນງົວ, ໄອແສງ, ສົບປັນເກົາ, ຈາຄຳຕັນ ແລະ ສົບປັນໃໝ່.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວກຳລັງຊອກຫາວິທີການເພີ່ມປະລິມານການສົ່ງອອກນ້ຳຕານ ໄປສູ່ຕະຫຼາດຈີນໃນປີນີ້ໃຫ້ໄດ້ 100,000 ໂຕນ, ຈາກຕົວເລກການສົ່ງອອກ 55,000 ໂຕນ ໃນປີ 2018. ສ່ວນໜຶ່ງຂອງຄວາມພະຍາຍາມໃນການເພີ່ມທະວີການຄ້າສອງຝ່າຍ ແລະ ຊ່ວຍເຫຼືອຜູ້ຜະລິດນ້ຳຕານຊອກຫາຕະຫຼາດໃນຕ່າງປະເທດ, ລັດຖະບານໄດ້ຊຸກຍູ້ໃຫ້ຈີນເປີດກວ້າງຕະຫຼາດໃຫ້ຫຼາຍຂຶ້ນສຳລັບຊາວກະສິກອນລາວ.ອ່ານຕໍ່ ...

ສະຫວັນນະເຂດ, ລາວ (ວຽງຈັນທາມສ໌/ANN) – ເຖິງວ່າຈະຜ່ານພົ້ນມາຫຼາຍປີແລ້ວ, ປະເທດລາວໃນປະຈຸບັນຍັງຄົງເຫຼືອຮ່ອງຮອຍປະຫວັດສາດ ໄວ້ໃຫ້ຮຽນຮູ້ສຳລັບຊາວລາວ ແລະ ນັກທ່ອງທ່ຽວ.ເຫດການໃນຊຸມປີ 1960s ແລະ 70s ເຊິ່ງສ່ວນໃຫຍ່ແມ່ນຖືກປິດລັບຕໍ່ຊາວໂລກ, ສົງຄາມລັບໃນຊຸມປິດັ່ງກ່າວໃນປະຈຸບັນ ແມ່ນເປັນທີ່ສົນໃຈຂອງນັກຮຽນຮູ້ທີ່ຕ້ອງການທຳຄວາມເຂົ້າໃຈກ່ຽວກັບອະດີດຂອງລາວ ກໍ່ຄືປະຫວັດການຕໍ່ສູ້ກູ້ຊາດໃນສະໄໝສົງຄາມອິນດູຈີນ.ອ່ານຕໍ່ ...

ພິທີເຊັນສັນຍາໄດ້ມີຂຶ້ນໃນມື້ວານນີ້ ທີ່ສຳນັກງານໃຫຍ່ບໍລິສັດການບິນລາວ ວັດໄຕ ລະຫວ່າງທ່ານ ບຸນມາ ຈັນທະວົງສາ ປະທານລັດວິສາຫະກິດການບິນລາວ ແລະ ທ່ານກັບຕັນ ຣິສເຊີວານ ຣາຊິດ ປະທານບໍລິສັດ Avia Nautics.ບໍລິສັດຂອງກັບຕັນຣາຊິດ ຈະທຳໜ້າທີ່ເປັນທີ່ປຶກສາໃຫ້ແກ່ການບິນລາວ ເພື່ອສືບຕໍ່ໂຄງການເສີມຂະຫຍາຍການກວດສອບຄວາມປອດໄພໃນການປະຕິບັດການ IATA (E-IOSA), ເຊິ່ງເປັນລະບົບການປະເມີນຜົນສຳລັບການບໍລິຫານ ແລະ ຄວບຄຸມການປະຕິບັດການຂອງສາຍການບິນ ທີ່ເປັນທີ່ຮັບຮູ້ ແລະ ຍອມຮັບໃນສາກົນ.ການບິນລາວຍັງຄົງສາມາດຮັກສາມາດຕະຖານຄວາມປອດໄພທາງອາກາດໄດ້ເປັນຢ່າງດີ,​ ເຊິ່ງຮັບປະກັນຄວາມປອດໄພຂອງເຮືອບິນແຕ່ລະລຳໃນລະດັບສູງສຸດ ແລະ ຄວາມປອດໄພສຳລັບຜູ້ໂດຍສານ. ການບິນລາວໄດ້ຮັບໃບຢັ້ງຢືນມາດຕະຖານຄວາມປອດໄພ ແລະ ເປັນລະບຽບຮຽບຮ້ອຍໂລກຈາກສະມາຄົມການຂົນສົ່ງທາງອາກາດສາກົນ IATA ໃນທຸກປີ ນັບແຕ່ປີ 2015 ເປັນຕົ້ນມາ.ອ່ານຕໍ່ ...

ວຽງຈັນ, ລາວ – ໃນຂະນະທີ່ໂຄງການກໍ່ສ້າງເຂື່ອນປາກລາຍພວມມີການດຳເນີນການ, ເຈົ້າໜ້າທີ່ທີ່ກ່ຽວຂ້ອງກໍໄດ້ມີການຈັດກອງປະຊຸມທີ່ນະຄອນຫຼວງວຽງຈັນ ເພື່ອຫາລືກ່ຽວກັບມາດຕະການໃນການຄຸ້ມຄອງຄວາມສ່ຽງ.ບົດສະຫຼຸບຂໍ້ສະເໜີ ແລະ ຄຳແນະນຳ ກ່ຽວກັບການຫຼຸດຜ່ອນຜົນກະທົບທີ່ອາດເກີດຂຶ້ນ ແລະ ມາດຕະການການຄຸ້ມຄອງຄວາມສ່ຽງ ແລະ ຮ່າງບົດລາຍງານການທົບທວນດ້ານວິຊາການສະບັບສຸດທ້າຍ ແມ່ນນອນຢູ່ໃນຫົວຂໍ້ຫຼັກໃນການຫາລືຂອງກຸ່ມຄະນະກຳມະການຮ່ວມ (JCWG) ຄະນະກຳມາທິການແມ່ນ້ຳຂອງ (MRC) ເພື່ອດຳເນີນຂະບວນການແຈ້ງ, ປຶກສາຫາລືລ່ວງໜ້າ ແລະ ຕົກລົງກ່ຽວກັບໂຄງການ (PNPCA).ອ່ານຕໍ່   ...

ນັກວິຈານໄດ້ເຕືອນກ່ຽວກັບຕົ້ນທຶນເຊື່ອງຊ້ອນທີ່ຕິດພັນກັບການພັດທະນາເຂື່ອນການໂຕ້ຖຽງ ກ່ຽວກັບຍຸດທະສາດຂອງລາວໃນການເປັນ “ໝໍ້ໄຟແຫ່ງອາຊີ” ຍັງຄົງສືບຕໍ່ມີມາຫຼາຍເດືອນ ຫຼັງຈາກເຫດໄພພິບັດເຂື່ອນແຕກທີ່ເຊປຽນ-ເຊນ້ຳນ້ອຍ, ໃນຂະນະທີ່ລັດຖະບານລາວຍັງຄົງມີແຜນສືບຕໍ່ການກໍ່ສ້າງເຂື່ອນໄຟຟ້າ. ເຖິງແມ່ນວ່າ ໃນໄລຍະຜ່ານມາ ລັດຖະບານໄດ້ຕົກລົງລະງັບໂຄງການເຂື່ອນໄຟຟ້ານ້ຳຕົກໃໝ່ໆ ແລະ ນັກວິໄຈຍັງຄົງເປັນຫ່ວງຕໍ່ກັບຜົນກະທົບຂ້າມຊາຍແດນຂອງເຂື່ອນຕໍ່ສິ່ງແວດລ້ອມ ແລະ ຊີວິດການເປັນຢູ່ຂອງປະຊາຊົນໃນລ້ອງແມ່ນນ້ຳຂອງ, ເຈົ້າໜ້າທີ່ລາວຍັງຄົງຢືນຢັນຄວາມຈຳເປັນໃນການລົງທຶນໃນການພັດທະນະພະລັງງານໄຟຟ້ານ້ຳຕົກ ເພື່ອລົບລ້າງຄວາມທຸກຍາກ ແລະ ສົ່ງເສີມເສດຖະກິດ.ອ່ານຕໍ່ ...

ກະຊວງສຶກສາທິການ ແລະ ກິລາ, ອົງການ ChildFund ເກົາຫຼີ ແລະ ອົງການ ChildFund ລາວຈະສືບຕໍ່ຊ່ວຍເຫຼືອໃນການເສີມຂະຫຍາຍການເຂົ້າເຖິງການສຶກສາຂັ້ນພື້ນຖານໃນ 62 ໂຮງຮຽນທີ່ເມືອງຫົວເມືອງ ແຂວງຫົວພັນ.ໂຄງການເສີມຂະຫຍາຍການເຂົ້າເຖິງການສຶກສາຂັ້ນພື້ນຖານໄລຍະສອງ ແມ່ນຢູ່ພາຍໃຕ້ການສະໜັບສະໜູນຂອງອົງການ ChildFund ເກົາຫຼີ ພາຍໃຕ້ງົບປະມານກວ່າ 9.4 ຕື້ກີບ (US$1.1 ລ້ານໂດລາ) ແລະ ມີໄລຍະໂຄງການແຕ່ປີ 2019-2021.ອ່ານຕໍ່ ...

ລັດຖະບານຍີ່ປຸ່ນຈະສືບຕໍ່ໃຫ້ການຊ່ວຍເຫຼືອລັດຖະບານລາວ ໃນການປັບປຸງໂຄງການຊົນລະປະທານເພື່ອການກະສິກຳທ່າງ່ອນ ເມືອງໄຊທານີ ນະຄອນຫຼວງວຽງຈັນ ເພື່ອຮັບປະກັນຄວາມໝັ້ນຄົງດ້ານສະບຽງອາຫານ ແລະ ການຜະລິດເປັນສິນຄ້າ. ພິທີວາງສິລາເລີກໂຄງການໄດ້ມີຂຶ້ນໃນວັນພະຫັດທີ່ຜ່ານມາ ພາຍໃຕ້ການເຂົ້າຮ່ວມຂອງທ່ານ ແກ້ວພິລາວັນ ອະໄພລັດ ເຈົ້າຄອງນະຄອນຫຼວງວຽງຈັນ, ທ່ານ ທອງພັດ ວົງມະນີ ຮອງລັດຖະມົນຕີກະຊວງກະສິກຳ ແລະ ປ່າໄມ້, ທ່ານ ທາເຄຊີ ຮິຄີຮາຣະ ເອກອັກຄະລາດຊະທູດຍີ່ປຸ່ນປະຈຳລາວ, ແລະ ທ່ານ ໂຢຊີຮາຣຸ ໂຢເນຢາມະ, ພ້ອມດ້ວຍຕາງໜ້າລັດຖະບານ ແລະ ຜູ້ມີສ່ວນຮ່ວມໃນໂຄງການ.ອ່ານຕໍ່  ...

(ຂປລ) ກອງປະຊຸມຄະນະກຳມະການຮ່ວມເພື່ອການຮ່ວມມືສອງຝ່າຍຄັ້ງທີ 13 ລະຫວ່າງລາວ ແລະ ກຳປູເຈຍ ໄດ້ຈັດຂຶ້ນທີ່ວຽງຈັນ ໃນວັນທີ 22 ກຸມພານີ້ ເພື່ອປະເມີນຕີລາຄາການຈັດຕັ້ງປະຕິບັດບົດບັນທຶກກອງປະຊຸມຄະນະກຳມະການຮ່ວມຄັ້ງທີ 12 ທີ່ນະຄອນສຽມລຽບ ປະເທດກຳປູເຈຍ ໃນເດືອນ ທັນວາ 2014 ແລະ ເພື່ອແລກປ່ຽນຄຳຄິດຄຳເຫັນກ່ຽວກັບການຮ່ວມມືສອງຝ່າຍໃນຂົງເຂດຕ່າງໆ ເຊັ່ນ ຄວາມເປັນລະບຽບຮຽບຮ້ອຍຂອງສັງຄົມ ແລະ ວຽກງານປ້ອງກັນຊາດ, ການຮ່ວມມືດ້ານເສດຖະກິດ ແລະ ວິຊາການ, ການຄ້າ, ການສຶກສາ ແລະ ສາທາລະນະສຸກ.ອ່ານຕໍ່ ...

(ຂປລ) ອົງການ IFC ສະມາຊິກທະນາຄານໂລກ ແລະ ລັດຖະບານການາດາ ຮ່ວມກັບກະຊວງແຜນການ ແລະ ການລົງທຶນ ໄດ້ຈັດກອງປະຊຸມວິຊາການກ່ຽວກັບການຮ່ວມມືລັດ-ເອກະຊົນຂຶ້ນທີ່ວຽງຈັນ ໃນວັນທີ 22 ກຸມພາ 2019.ຈຸດປະສົງຂອງກອງປະຊຸມດັ່ງກ່າວແມ່ນເພື່ອສົ່ງເສີມການລົງທຶນໃນຫຼາຍຂະແໜງການໃນ ສປປ ລາວ ແລະ ເພື່ອເປັນແນວທາງໃຫ້ແກ່ການສົນທະນາກ່ຽວກັບນະໂຍບາຍ PPP ລະຫວ່າງລັດຖະບານ, ຄູ່ຮ່ວມພັດທະນາ, ຂະແໜງເອກະຊົນ ແລະ ຜູ້ມີສ່ວນຮ່ວມພາກສ່ວນອື່ນໆ.ອ່ານຕໍ່  ...