News

ກະຊວງກະສິກຳ ແລະ ປ່າໄມ້ໄດ້ທົບທວນວຽກງານໃນປີ 2018 ແລະ ຮ່າງແຜນວາລະສຳລັບປີຕໍ່ໜ້າ ໃນກອງປະຊຸມປະຈຳປີຂອງຂະແໜງການທີ່ວຽງຈັນໃນວັນຈັນນີ້.ໃນກອງປະຊຸມມີການຫາລືກ່ຽວກັບພາລະກິດການເພີ່ມທະວີການຜະລິດເຂົ້າ, ການສົ່ງເສີມການລ້ຽງສັດເປັນສິນຄ້າ ແລະ ການປ່າໄມ້ແບບຍືນຍົງ, ​ໂດຍສະເພາະແມ່ນເພື່ອຊ່ວຍເຫຼືອຊຸມຊົນຫ່າງໄກສອກຫຼີກ, ເພື່ອສ້າງພື້ນຖານການພັດທະນາຂະແໜງການໃນໄລຍະຍາວ. ອ່ານຕໍ່ ...

ຊາວຕ່າງປະເທດທີ່ຕ້ອງການເຮັດວີຊາສຳລັບການພັກອາໄສ ຫຼື ທ່ອງທ່ຽວ ຕ້ອງເພື່ອເວລາລໍຖ້າສອງອາທິດສຳລັບການນັດສຳພາດວີຊາ ຫຼື ການຕໍ່ວີຊາຜ່ານສະຖານກົງສູນໄທປະຈຳນະຄອນວຽງຈັນ, ປະເທດລາວ.ໄລຍະການລໍຖ້າສອງອາທິດດັ່ງກ່າວແມ່ນສຳລັບການນັດໝາຍວີຊາເຂົ້າປະເທດໄທຜ່ານລະບົບວີຊາກົງສູນທີ່ https://thaivisavientiane.com/.ອ່ານຕໍ່ ...

ມະຫາຊົນກວ່າ  4,000 ຄົນໄດ້ທຳການຍ່າງເດີນຂະບວນຕາມຖະໜົນໃນວຽງຈັນໃນວັນອາທິດຜ່ານມາ ເພື່ອສົ່ງເສີມຄວາມຮູ້ກ່ຽວກັບບັນຫາການຖືພາໃນໄວໜຸ່ມ. ນັກແລ່ນ ແລະ ນັກຍ່າງໄດ້ເຂົ້າຮ່ວມໃນງານ Half Marathon ສາກົນວຽງຈັນຄັ້ງທີ 4, ເຊິ່ງເປົ້າໝາຍໃນປີນີ້ແມ່ນເພື່ອສ້າງຄວາມຮັບຮູ້ກ່ຽວກັບຄວາມຈຳເປັນໃນການລົບລ້າງການຖືພາໃນໄວໜຸ່ມ.ອ່ານຕໍ່ ...

(ຂປລ) ບໍລິສັດພະລັງງານໄຟຟ້າຫົງສາຈຳກັດ (HPC) ໄດ້ຮັບການຢັ້ງຢືນມາດຕະຖານການຄຸ້ມຄອງສິ່ງແວດລ້ອມສາກົນ (International Environmental Management Standard (ISO 14001: 2015)).“ບໍລິສັດຫົງສາໄດ້ປະຕິບັດຕາມພັນທະທີ່ໄດ້ຕົກລົງກັບລັດຖະບານຢ່າງເຂັ້ມງວດ ແລະ ຈະສືບຕໍ່ສົ່ງເສີມຊຸມຊົນທ້ອງຖິ່ນ,” ທ່ານ ຄະທາຍຸດ ຊູພູນ ປະທານບໍລິຫານ HPC ກ່າວ ເນື່ອງໃນພິທີມອບໃບຢັ້ງຢືນມາດຕະຖານ ວັນທີ 2 ມີນາ. ອ່ານຕໍ່ ...

(ຂປລ) ເນື່ອງໃນວັນແມ່ຍິງສາກົນ, ສະຖານທູດອົດສະຕຣາລີປະຈຳລາວ ໄດ້ສົ່ງເສີມບົດບາດເທົ່າທຽມ ແລະ ບົດບາດຂອງແມ່ຍິງໃນຂະແໜງກິລາ ດ້ວຍການຈັດເວທີການປຶກສາຫາລືລະຫວ່າງທີມບານເຕະແມ່ຍິງແຫ່ງຊາດອົດສະຕຣາລີ U-16s “the Junior Matildas” ແລະ ສະມາຄົມບານເຕະລາວ (LFF) ທີ່ວຽງຈັນ.ອ່ານຕໍ່ ...

ຫຼວງພະບາງ, ລາວ (ວຽງຈັນທາມສ໌/ANN) – ສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ເປີດສາຂາສູນບໍລິການທຸລະກິດຂະໜາດນ້ອຍ ແລະ ຂະໜາດກາງ ຢູ່ແຂວງຫຼວງພະບາງ ເພື່ອສົ່ງເສີມຄວາມສາມາດຂອງ SMEs ໃນແປດແຂວງພາກເໜືອ.ສູນບໍລິການ SME ແຫ່ງທຳອິດໄດ້ຮັບການສ້າງຕັ້ງຂຶ້ນທີ່ວຽງຈັນໃນຫວ່າງບໍ່ດົນມານີ້.ພິທີເປີດສູນແຫ່ງທີ່ສອງດັ່ງກ່າວແມ່ນໄດ້ຈັດຂຶ້ນທີ່ສະພາການຄ້າ ແລະ ອຸດສາຫະກຳແຂວງຫຼວງພະບາງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກວ່າ 50 ຫຼັງຄາເຮືອນໃນສີ່ບ້ານຂອງເມືອງໄຊຍະບູລີ ແຂວງໄຊຍະບູລີ ໄດ້ຮັບຄວາມເສຍຫາຍຈາກລົມແຮງ ແລະ ຝົນຕົກໜັກ ເນື່ອງຈາກພະຍຸຝົນທີ່ພັດຜ່ານນະຄອນຫຼວງໃນອາທິດຜ່ານແລ້ວນີ້.ທ່ານນາງ ບຸນທັນ ຄຳສິງ ຮອງຫົວໜ້າຫ້ອງການແຮງງານ ແລະ ສະຫວັດດີການສັງຄົມເຜີຍຕໍ່ວຽງຈັນທາມສ໌ໃນວັນສຸກຜ່ານມານີ້ ວ່າພະຍຸຝົນດັ່ງກ່າວແມ່ນເລີ່ມແຕ່ຕອນແລງຂອງວັນທີ 28 ກຸມພາ.ອ່ານຕໍ່ ...

ຜູ້ຜະລິດ ແລະ ຜູ້ນຳເຂົ້າຜະລິດຕະພັນຢາສູບຈະໄດ້ຮັບການລົງໂທດດ້ວຍການປັບໄໝໜັກ ແລະ ມາດຕະການເພີ່ມເຕີມອື່ນໆ ສຳລັບສິ່ງຫຸ້ມຫໍ່ຜະລິດຕະພັນທີ່ບໍ່ມີການຕິດຄຳແນະນຳທີ່ຈຳເປັນ ແລະ ຄຳເຕືອນກ່ຽວກັບຜົນເສຍຕໍ່ສຸຂະພາບ ຕາມລະບຽບການສະບັບໃໝ່.ຄຳເຕືອນກ່ຽວກັບສຸຂະພາບຕ້ອງປະກອບໄປດ້ວຍຮູບພາບ ແລະ ຕົວໜັງສື.ທ່ານ ທອງລຸນ ສີສຸລິດ ນາຍົກລັດຖະມໄນຕີໄດ້ລົງນາມໃນລັດຖະດຳລັດກ່ຽວກັບຄ່າປັບໄໝ ແລະ ມາດຕະການອື່ນໆຕໍ່ຜູ້ທີ່ລະເມີດລະບຽບກົດໝາຍວ່າດ້ວຍການຄວບຄຸມຢາສູບ.ອ່ານຕໍ່ ...

ກະຊວງແຮງງານ ແລະ ສະຫວັດດີການສັງຄົມ ແລະ ອົງການ RADION ສາກົນ ໄດ້ຕົກລົງຢ່າງເປັນທາງການໃນການສົ່ງເສີມການສ້າງຄວາມສາມາດສຳລັບການປົກປ້ອງ ແລະ ການພັດທະນາເດັກນ້ອຍໃນຊຸມຊົນເປົ້າໝາຍໃນແຂວງພາກກາງ.ໂຄງການເພື່ອການປົກປ້ອງ ແລະ ພັດທະນາເດັກນ້ອຍ ພາຍໃຕ້ການສະໜັບສະໜູນຂອງອົງການ RADION ສາກົນ ແມ່ນແນໃສ່ການຍົກລະດັບຊີວິດການເປັນຢູ່ ແລະ ການປົກປ້ອງສິດທິຂອງເດັກດ້ອຍໂອກາດ ໃນຊຸມຊົນຕ່າງໆໃນນະຄອນຫຼວງ ແລະ ແຂວງວຽງຈັນ.ມູນຄ່າລວມຂອງໂຄງການຫ້າປີດັ່ງກ່າວ (2018-2023), ເຊິ່ງເລີ່ມຕົ້ນມາແຕ່ປີກາຍນີ້ ແມ່ນປະມານ US$600,000 ໂດລາ, ເຊິ່ງມີການດຳເນີນກິດຈະກຳຢູ່ໃນເມືອງໄຊທານີ ນະຄອນຫຼວງວຽງຈັນ ແລະ ເມືອງໂພນໂຮງ ແລະ ທຸລະຄົມ ແຂວງວຽງຈັນ.ອ່ານຕໍ່ ...

ຄະນະລັດຖະບານໄດ້ອອກຄຳສັ່ງໃຫ້ອຳນາດການປົກຄອງນະຄອນຫຼວງວຽງຈັນ ເລັ່ງມືໃນການຈັດສັນເຂດສຳລັບການພັດທະນາໃນພື້ນທີ່ຕ່າງໆໃນນະຄອນຫຼວງ ເພື່ອຄວາມເປັນລະບຽບຮຽບຮ້ອຍໃນການຄຸ້ມຄອງຕົວເມືອງອັນເປັນສູນກາງຂອງປະເທດ.ໃນກອງປະຊຸມສື່ມວນຊົນພາຍຫຼັງກອງປະຊຸມປະຈຳເດືອນຂອງລັດຖະບານໃນທ້າຍເດືອນກຸມພາປີນີ້, ທ່ານ ຈະເລີນ ເຢຍເປົາເຮີ ກ່າວວ່າຄະນະລັດຖະບານໄດ້ຊຸກຍູ້ໃຫ້ອຳນາດການປົກຄອງນະຄອນຫຼວງເລັ່ງມືເອົາໃຈໃສ່ໃນການຈັດສັນເຂດຕົວເມືອງ.ຕົວເມືອງຄວນປະກອບດ້ວຍການຈັດແບ່ງເຂດສຳລັບການກະສິກຳ, ເຂດອະນຸລັກ, ເຂດສຳນັກງານ, ເຂດອຸດສາຫະກຳ, ແລະ ເຂດເສດຖະກິດພິເສດ.ອ່ານຕໍ່ ...