News

ວຽງຈັນ (ວຽງຈັນທາມສ໌/ANN) – ຫວ່າງບໍ່ດົນມານີ້ ທ່ານ ບຸນຍັງ ວໍລະຈິດ ປະທານປະເທດລາວ ໄດ້ອອກດຳລັດປະທານປະເທດກ່ຽວກັບການປະກາດໃຊ້ກົດໝາຍວ່າດ້ວຍທາງລົດໄຟສະບັບໃໝ່, ເຊິ່ງໃຫ້ທິດຊີ້ນຳກ່ຽວກັບການກໍ່ສ້າງທາງລົດໄຟ.ກົດໝາຍທີ່ປະກອບມີຫ້າສິບໜ້າສະບັບດັ່ງກ່າວ ກຳນົດຫຼັກການ, ລະບຽບການ ແລະ ມາດຕະການໃນການຄຸ້ມຄອງ, ຕິດຕາມ ແລະ ກວດກາວຽກງານການກໍ່ສ້າງເສັ້ນທາງລົດໄຟ. ເຊິ່ງມີເປົ້າໝາຍແນໃສ່ຮັບປະກັນປະສິດທິພາບ, ປະສິດທິຜົນ, ຄວາມທັນສະໄໝ, ຄວາມຍືນຍົງ ແລະ ການກໍ່ສ້າງເສັ້ນທາງລົດໄຟທີ່ເປັນມິດຕໍ່ສິ່ງແວດລ້ອມ.ອ່ານຕໍ່ ...

ສູນກວດສຸຂະພາບແຮງງານແຫ່ງທຳອິດຂອງປະເທດໄດ້ມີການເປີດຕົວທີ່ໂຮງໝໍມິດຕະພາບ ນະຄອນຫຼວງວຽງຈັນ ໃນອາທິດແລ້ວນີ້ ແນໃສ່ປ້ອງກັນ ແລະ ປິ່ນປົວພະຍາດຕ່າງໆທີ່ເກີດຂຶ້ນຈາກການອອກແຮງງານ.ທ່ານ (ປອ) ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ທ່ານ ຮສ ດຣ ບຸນນາກ ໄຊຊະນະສົງຄາມ ຫົວໜ້າກົມປິ່ນປົວ ແລະ ຟື້ນຟູສຸຂະພາບ ພາຍໃຕ້ກະຊວງສາທາລະນະສຸກ, ພ້ອມດ້ວຍເຈົ້າໜ້າທີ່ການນຳຈາກກະຊວງ ແລະ ແຂກຈາກພາກສ່ວນທີ່ກ່ຽວຂ້ອງ ເຂົ້າຮ່ວມໃນພິທີເປີດສູນດັ່ງກ່າວໃນວັນສຸກຜ່ານມາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີຮຽກຮ້ອງໃຫ້ມີການຈັດຕັ້ງຄະນະດຳເນີນງານ ເພື່ອທຳການກວດກາການດຳເນີນງານທີ່ດ່ານຊາຍແດນ ເພື່ອຈຸດປະສົງອຳນວຍຄວາມສະດວກດ້ານການຄ້າ ແລະ ການບໍລິການຂ້າມຊາຍແດນ, ທັງເປັນການຫຼຸດຜ່ອນການຮົ່ວໄຫຼຂອງງົບປະມານ.ທ່ານນາຍົກໄດ້ອອກຄຳສັ່ງແນະນຳດັ່ງກ່າວ ເຊິ່ງເປັນສ່ວນໜຶ່ງຂອງແຜນງານຂອງລັດຖະບານສຳລັບເດືອນພຶດສະພາ, ໃນກອງປະຊຸມປະຈຳເດືອນເມສາຂອງຄະນະລັດຖະບານ ເຊິ່ງຈັດຂຶ້ນໃນອາທິດແລ້ວນີ້.ຄະນະດຳເນີນງານດັ່ງກ່າວຈະເປັນຜູ້ເກັບກຳຂໍ້ມູນຂ່າວສານ ແລະ ໃຫ້ຄຳແນະນຳໃນການແກ້ໄຂປະເດັນ ທີ່ເປັນຕົ້ນເຫດຂອງບັນຫາໃນດ່ານຊາຍແດນ ທີ່ສົ່ງຜົນຕໍ່ການຮົ່ວໄຫຼຂອງລາຍຮັບຂອງລັດຖະບານ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເມື່ອຍ່າງລົງໄປທາງໃຕ້ຂອງສາຍນ້ຳຊອງ ເມືອງວັງວຽງ ແຂວງວຽງຈັນ ທ່ານຈະຕົກໃຈກັບມວນຂີ້ເຫຍື້ອອັນມະຫາສານ ເຊິ່ງເກີດມາຈາກການທ່ອງທ່ຽວມ່ວນຊື່ນກັບກິດຈະກຳທີ່ຫຼາກຫຼາຍຕ່າງໆຕາມລ້ອງແມ່ນ້ຳ.ໂຊກບໍ່ດີທີ່ນັກທ່ອງທ່ຽວຈຳນວນຫຼາຍ ມົວເມົານຳແຕ່ການມ່ວນຊື່ນກັບກິດຈະກຳການຂີ່ກົງເບັງ, ພາຍເຮືອ ແລະ ຂີ່ເຮືອ ຈົນລືມຖິ້ມຂີ້ເຫຍື້ອຂອງຕົນລົງຖັງທີ່ຈັດສັນໄວ້, ເຮັດໃຫ້ສິ່ງເສດເຫຼືອຕ່າງໆເຫຼົ່ານັ້ນຕ້ອງລ່ອງລອຍຢູ່ຕາມແມ່ນ້ຳ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວຄາດວ່າລາຍຮັບຈາກການສົ່ງອອກເຂົ້າໃນປີ 2019 ຈະຫຼຸດລົງ ເນື່ອງຈາກໄພນ້ຳຖ້ວມເປັນບໍລິເວນກວ້າງໃນທົ່ວປະເທດໃນປີຜ່ານມາ.ລາວວາງເປົ້າໝາຍການສົ່ງອອກເຂົ້າໃນປີຜ່ານມາທີ່ US$45.6 ລ້ານໂດລາ, ແຕ່ວ່າສາມາດບັນລຸໄດ້ພຽງ US$31.4 ລ້ານໂດລາ, ຕາມກະຊວງອຸດສາຫະກຳ ແລະ ການຄ້າ.ໃນປີນີ້ ລັດຖະບານຄາດວ່າຈະສ້າງລາຍຮັບຈາກການສົ່ງອອກເຂົ້າພຽງແຕ່ US$25.2 ລ້ານໂດລາ ເຊິ່ງຫຼຸດລົງຫຼາຍທຽບກັບຕົວເລກໃນປີຜ່ານມາ.ຜົນຜະລິດເຂົ້າໃນ 16 ແຂວງ ແມ່ນໄດ້ໜ້ອຍເນື່ອງຈາກໄພນ້ຳຖ້ວມເປັນບໍລິເວນກວ້າງໃນລະດູຝົນປີກາຍ, ຕາມລາຍງານຂອງກະຊວງກະສິກຳ ແລະ ປ່າໄມ້. ປີກາຍນີ້ ພື້ນທີ່ປູກເຂົ້າຈຳນວນ 101,000 ເຮັກຕາໄດ້ຮັບຜົນກະທົບຈາກໄພນ້ຳຖ້ວມ, ຄິດເປັນ 12% ຂອງເນື້ອທີ່ປູກເຂົ້າທັງໝົດ 817,800 ເຮັກຕາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງກະສິກຳ ແລະ ປ່າໄມ້ໄດ້ຮ່າງແຜນການເພື່ອຮັບປະກັນການປະຕິບັດທີ່ຖືກຕ້ອງຕາມແຜນການເພື່ອບັນລຸເປົ້າໝາຍໃນຍຸດທະສາດການພັດທະນາຂະແໜງກະສິກຳເຖິງປີ 2025.ໃນບົດລາຍງານແຜນພັດທະນາຫ້າປີເຖິງປີ 2025 ກ່າວວ່າ ເປົ້າໝາຍຂອງກະຊວງແມ່ນການຂະຫຍາຍຕົວຂອງລວມຍອດຜະລິດຕະພັນພາຍໃນຂອງຂະແໜງກະສິກຳ ແລະ ປ່າໄມ້ໃນອັດຕາສະເລ່ຍ 3.4%. ນີ້ໝາຍເຖິງຂະແໜງການຈະປະກອບສ່ວນ 19% ຕໍ່ເສດຖະກິດແຫ່ງຊາດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ນະຄອນວຽງຈັນ ແລະ ນະຄອນໂຮຈິມິນ ໄດ້ລົງນາມໃນບົດບັນທຶກຄວາມເຂົ້າໃຈ (MOU) ໃນອາທິດແລ້ວນີ້ ແນໃສ່ການສ້າງການຮ່ວມມືຮອບດ້ານໃນຂະແໜງແຮງງານ ແລະ ສະຫວັດດີການສັງຄົມ.ທ່ານ ສີຫຸນ ສິດທິລືໄຊ ຮອງເຈົ້າຄອງນະຄອນວຽງຈັນ ພ້ອນດ້ວຍເຈົ້າໜ້າທີ່ຈາກສອງຝ່າຍໄດ້ຮ່ວມເປັນສັກຂີພະຍານ ໃນການລົງນາມຂໍ້ຕົກລົງລະຫວ່າງຫົວໜ້າພະແນກແຮງງານ ແລະ ສະຫວັດດີການສັງຄົມນະຄອນຫຼວງວຽງຈັນ ແລະ ພະແນກແຮງງານ, ຜູ້ເສຍອົງຄະ ແລະ ສະຫວັດດີການສັງຄົມແຫ່ງນະຄອນໂຮຈິມິນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການຮ່ວມມືສາກົນແຫ່ງປະເທດເກົາຫຼີ (KOICA) ໄດ້ຈັດຊຸດໂຄງການທຶນການສຶກສາເພື່ອຍົກລະດັບຄວາມສາມາດຂອງຜູ້ກວດກາແຮງງານ ຜ່ານການເສີມຂະຫຍາຍຄວາມຮູ້ພື້ນຖານ ແລະ ກໍລິນີສຶກສາຕົວຈິງ.ການລິເລີ່ມດັ່ງກ່າວມີກຳນົດການປະຕິບັດເປັນໄລຍະສາມປີ ແຕ່ປີ 2018-2020 ເຊິ່ງເປັນສ່ວນໜຶ່ງຂອງໂຄງການປັບປຸງ ແລະ ຍົກລັະດັບຄວາມສາມາດເພື່ອອະນາຄົດ ຂອງອົງການ KOICA.ອ່ານຕໍ່ ...

ວຽງຈັນ (ວຽງຈັນທາມສ໌ໍໍໍ/ANN) – ໄດ້ມີການຈັດຫຼາຍຫຼາຍກິດຈະກຳໃນທ້າຍອາທິດຜ່ານມາ ເພື່ອສະເຫຼີມສະຫຼອງວັນເປີດຂົວມິດຕະພາບລາວ-ໄທແຫ່ງທຳອິດຄົບຮອບ 25 ປີ ເຊິ່ງໄດ້ຮັບທຶນຊ່ວຍເຫຼືອຈາກອອສ໌ເຕຣເລຍ, ສະແດງໃຫ້ເຫັນເຖິງບົດບາດຄວາມສຳຄັນຂອງອອສ໌ເຕຣເລຍ ຢ່າງຕໍ່ເນື່ອງໃນການຮັກສາສັນຕິພາບ ແລະ ຄວາມຈະເລີນຮຸ່ງເຮືອງໃນພາກພື້ນແມ່ນ້ຳຂອງ.ໃນຕອນເຊົ້າຂອງວັນສຸກຜ່ານມານີ້, ທ່ານ ຊອນ-ເບີນາດ ຄາຣາຊ໌ໂກ ເອກອັະຄະລັດຖະທູດອອສ໌ເຕຣເລຍປະຈຳລາວ, ທ່ານ ສີຫຸນ ສິດທິລືໄຊ ຮອງເຈົ້າຄອງນະຄອນວຽງຈັນ ແລະ ທ່ານ ຣົນນະໄຊ ຈິດວິເສດ ຜູ້ວ່າລາດຊະການຈັງຫວັດໜອງຄາຍ ໄດ້ນຳພາມວນຊົນໃນພິທີຕັກບາດທີ່ຂົວມິດຕະພາບດັ່ງກ່າວ ເຊິ່ງເຊື່ອມຕໍ່ນະຄອນວຽງຈັນກັບຈັດຫວັດໜອງຄາຍ.ອ່ານຕໍ່ ...

ໃນປີນີ້ ຈະມີໂຄງການການສຶກສາເພື່ອສ້າງປະໂຫຍດໃຫ້ແກ່ເດັກນ້ອຍ 7,000 ຄົນ ເຊິ່ງເຈົ້າໜ້າທີ່ຄາດວ່າຈະຊ່ວຍປັບປຸງວຽກງານການບໍລິຫານໂຮງຮຽນ, ຊ່ວຍສ້າງຄວາມພ້ອມໃຫ້ແກ່ໂຮງຮຽນ ແລະ ພັດທະນາທັກສະກ່ຽວກັບການອ່ານ ແລະ ຕົວເລກໃຫ້ແກ່ເດັກນ້ອຍນັກຮຽນຊັ້ນອະນຸບານ ແລະ ຊັ້ນປະຖົມ.ອົງການ Aide et Action ໄດ້ເປີດຕົວໂຄງການທີ່ມີຊື່ວ່າ ‘ການສ້າງສະພາບແວດລ້ອມທີ່ເໝາະສົມ ແລະ ເປັນມິດຕໍ່ເດັກນ້ອຍ ແລະ ການປັບປຸງຄຸນນະພາບຜົນການຮຽນ ສຳລັບໂຮງຮຽນອະນຸບານ ແລະ ປະຖົມໃນແຂວງວຽງຈັນ ແລະ ອຸດົມໄຊ’ ເຊິ່ງມີໄລຍະການປະຕິບັດໂຄງການ 5 ປີ, ມີທຶນ 8.5 ຕື້ກີບ (US$1 ລ້ານໂດລາ) ໃນວັນທີ 25 ເມສານີ້ ເຊິ່ງຄາດວ່າຈະຊ່ວຍຫຼຸດຜ່ອນສິ່ງທ້າທາຍທາງດ້ານການສຶກກສາຂອງປະເທດໃນລະດັບໜຶ່ງ.ອ່ານຕໍ່ ...