News

ວຽງຈັນ (ວຽງຈັນທາມສ໌/ANN) – ຄະນະຜູ້ແທນຈາກລາວ ແລະ ຫວຽດນາມ ໄດ້ປະຊຸມກັນທີ່ນະຄອນຫຼວງວຽງຈັນໃນມື້ວານນີ້ ເພື່ອຫາລືວິທີການໃນການຕໍ່ຕ້ານຂໍ້ມູນຂ່າວສານທີ່ບໍ່ເປັນຈິງກ່ຽວກັບສອງປະເທດ ທີ່ໂພສ໌ທຜ່ານທາງອິນເຕີເນັດ ແລະ ສື່ສັງຄົມອອນໄລ.ທັງສອງຝ່າຍໄດ້ແລກປ່ຽນປະສົບການກ່ຽວກັບຂໍ້ມູນປອມ ແລະ ຫາລືມາດຕະການໃນການດຳເນີນການແກ້ໄຂໃຫ້ດີທີ່ສຸດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານ ແລະ ທະນາຄານໂລກໄດ້ອະນຸມັດສອງໂຄງການໃໝ່ ເຊິ່ງມີມູນຄ່າກວ່າ 451 ຕື້ກີບ (US$52 ລ້ານໂດລາ) ເຊິ່ງເປັນການຮ່ວມມືເພື່ອແກ້ໄຂບັນຫາເດັກເຕ້ຍໃນອັດຕາທີ່ສູງໃນແຂວງພາກເໜືອຂອງລາວ.ໂຄງການທີ່ມີຊື່ວ່າ ການຫຼຸດຜ່ອນຄວາມທຸກຍາກ ແລະ ການຂາດສານອາຫານໃນຊົນນະບົດ ຈະສ້າງພື້ນຖານໃຫ້ແກ່ລະບົບການຄຸ້ມຄອງສັງຄົມແຫ່ງຊາດ ແລະ ສະໜັບສະໜູນຜົນຂອງໂຄງການໂອນເງິນແບບມີເງື່ອນໄຂເພື່ອການປັບປຸງດ້ານໂພຊະນາການ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການຮ່ວມມືສາກົນແຫ່ງປະເທດເກົາຫຼີ (KOICA) ສົ່ງເສີມ ເຈົ້າໜ້າທີ່ຕຳຫຼວດລາວໃຫ້ເຂົ້າຮ່ວມໂຄງການສ້າງຄວາມສາມາດດ້ານວິທະຍາສາດທາງນິຕິເວດ ແລະ ເທັກໂນໂລຢີດ້ານການສືບສວນສອບສວນຄະດີອາຍາ ທີ່ສາທາລະນະລັດເກົາຫຼີ.ອົງການ KOICA ໄດ້ເຊື້ອເຊີນເຈົ້າໜ້າທີ່ຈາກກະຊວງປ້ອງກັນຄວາມສະຫງົບໃຫ້ເຂົ້າຮ່ວມໃນໂຄງການດັ່ງກ່າວ ເຊິ່ງຈັດຂຶ້ນໃນວັນທີ 9-22 ພຶດສະພານີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສູນກາງຊາວໜຸ່ມປະຊາຊົນປະຕິວັດລາວໄດ້ຮວມມືກັບກຸ່ມອະນຸລັກສິ່ງແວດລ້ອມ Green Vientiane ເພື່ອຫຼຸດຜ່ອນກການນຳໃຊ້ ພລາສ໌ຕິກ ແລະ ຄົ້ນຄວ້າຫາວິທີການຫຼຸດຜ່ອນຂີ້ເຫຍື້ອພລາສ໌ຕິກ.ສະມາຊິກຈາກສູງການຊາວໜຸ່ມ ແລະ ກຸ່ມ Green Vientiane ໄດ້ຈັດກອງປະຊຸມໂຕມົນປຶກສາຫາລືວານນີ້ກ່ຽວກັບວິກິດການພລາສ໌ຕິກ, ພາຍໃຕ້ການເປັນປະທານຂອງທ່ານ ແສງດາວ ແກ້ວຂາວມະນີ ຫົວໜ້າໜ່ວຍປະຕິບັດການຂອງສູນ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລາວໄດ້ປັບຫຼຸດຄາດໝາຍລາຍຮັບການສົ່ງອອກນ້ຳຕານທຽບກັບຕົວເລກປີກາຍ ຫຼັງຈາກທີ່ລາຍຮັບປະຈຳປີຂອງການສົ່ງອອກສິນຄ້າດັ່ງກ່າວຫຼຸດລົງ.ໃນປີຜ່ານມາ ເປົ້າໝາຍການສົ່ງອອກນ້ຳຕານແມ່ນ US$92.4 ລ້ານກີບ, ແຕ່ວ່າລາຍຮັບລວມຕົວຈິງແມ່ນມີພຽງແຕ່ US$63.5 ລ້ານໂດລາ, ຕາມກະຊວງອຸດສາຫະກຳ ແລະ ການຄ້າ.ສຳລັບປີນີ້ ລາວໄດ້ຕັ້ງເປົ້າລາຍຮັບໄວ້ທີ່ US$85.5 ລ້ານໂດລາ, ເຊິ່ງເປັນອັດຕາທີ່ສູງກວ່າມູນຄ່າການສົ່ງອອກຂອງປີກາຍ ແຕ່ຍັງຕ່ຳກວ່າເປົ້າໝາຍປີກາຍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການເພີ່ມການລົງທຶນດ້ານພື້ນຖານໂຄງລ່າງໄຟຟ້າ ແລະ ການຂະຫຍາຍເຄືອຂ່າຍສາຍສົ່ງຈະຊ່ວຍແກ້ໄຂບັນຫາໄຟຟ້າດັບສຳລັບຜູ້ຊົມໃຊ້ໄຟຟ້າໃນລາວ, ຕາມເຈົ້າໜ້າທີ່ພະລັງງານ.ຜ່ານມາ ຜູ້ຊົມໃຊ້ໄຟຟ້າມັກຮ້ອງຮຽນກ່ຽວກັບບັນຫາກະແສໄຟຟ້າບໍ່ພຽງພໍ ແລະ ຄວາມບໍ່ສະຖຽນໃນການສະໜອງກະແສໄຟຟ້າທັງໃນລະດູແລ້ງ ແລະ ລະດູຝົນ. ກະແສໄຟຟ້າມັກດັບໃນຊ່ວງທີ່ມີພາຍຸຝົນ ຫຼື ມີການນຳໃຊ້ອຸປະກອນໄຟຟ້າຈຳນວນຫຼາຍໃນຊົ່ວໂມງທີ່ມີການນຳໃຊ້ສູງສຸດໃນຍາມລະດູແລ້ງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຫວຽດນາມໄດ້ລົງທຶນຈຳນວນ US$4.1 ຕື້ໂດລາໃນ 409 ໂຄງການໃນລາວ, ເຊິ່ງການລົງທຶນສ່ວນໃຫຍ່ແມ່ນໃນຂະແໜງໂຍທາທິການ ແລະ ຂົນສົ່ງ, ພະລັງງານ ແລະ ບໍ່ແຮ່ , ແລະ ກະສິກຳ.ທ່ານ (ປອ) ສຸກພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ກ່າວວ່າຫວຽດນາມແມ່ນປະເທດຜູ້ລົງທຶນທີ່ໃຫຍ່ເປັນອັນດັບທີສາມໃນລາວ, ເຊິ່ງມີມູນຄ່າການລົງທຶນປະມານ US$4.1 ຕື້ໂດລາ, ຕາມສຳນັກຂ່າວເສດຖະກິດລາຍວັນ.ອ່ານຕໍ່ ...

ຊາວບ້ານ 140 ຄອບຄົວຈາກແປດບ້ານໃນເມືອງໂຂງ ແຂວງຈຳປາສັກ ທາງພາກໃຕ້ຂອງລາວ ປະຕິເສດການຂາຍທີ່ດິນ ຫຼື ຍ້າຍພູມລຳເນົາເພື່ອເປີດທາງ ໃຫ້ແກ່ການສ້າງເຂດເສດຖະກິດພິເສດ ທີ່ໄດ້ວາງແຜນສຳລັບເຂດດັ່ງກ່າວ.ເຖິງຢ່າງໃດກໍຕາມ ຜູ້ຮັບເໝົາກໍໄດ້ເລີ່ມເລັ່ງມືໃນການກໍ່ສ້າງຖະໜົນເຂົ້າເຖິງພື້ນທີ່ ເຊິ່ງອາດເຮັດໃຫ້ການສັນຈອນໃນການກໍ່ສ້າງເປັນອັນຕະລາຍ ເນື່ອງຈາກຢູ່ໃກ້ກັບບ້ານ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດ Creed, ກຸ່ມບໍລິສັດອະສັງຫາລິມະຊັບຂອງຍີ່ປຸ່ນ ຮ່ວມກັບກຸ່ມບໍລິສັດທ້ອງຖິ່ນ ອານັນດີກຣຸບ ຈະລົງທຶນ US$11 ລ້ານໂດລາ ໃນການສ້າງທີ່ຢູ່ອາໄສ ARATA Garden Residences Xaysettha ໃນນະຄອນຫຼວງວຽງຈັນຂອງລາວ.ໂຄງການດັ່ງກ່າວຈະເປັນສ່ວນໜຶ່ງຂອງການພັດທະນາອະສັງຫາລິມະຊັບ ແລະ ສະໜັບສະໜູນເສດຖະກິດທີ່ຂະຫຍາຍຕົວຢ່າງກ້າວກະໂດດຂອງລາວ. ໂຄງການດັ່ງກ່າວຈະມີການສ້າງທີ່ຢູ່ອາໄສໃນເນື້ອທີ່ 1.6 ເຮັກຕາທີ່ບ້ານເມືອງນ້ອຍ, ເມືອງໄຊເສດຖາ ເຊິ່ງລາຄາທີ່ດິນກຳລັງເພີ່ມສູງຂຶ້ນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ແຂວງຊຽງຂວາງ ຖືເອົາການເຮັດຟາມລ້ຽງສັດເປັນຂົງເຂດເສດຖະກິດຂອງແຂວງ ເຊິ່ງອຳນາດການປົກຄອງແຂວງຈະໃຫ້ການສະໜັບສະໜູນເປັນພິເສດ.ທ່ານ ບຸນທອນ ຈັນທະພອນ ເຈົ້າແຂວງໄດ້ອອກແຈ້ງການຫຼ້າສຸດກ່ຽວກັບລາຍການທຸລະກິດຂະໜາດນ້ອຍ ແລະ ຂະໜາດກາງ (SMEs) ທີ່ທາງອຳນາດການປົກຄອງແຂວງມີແຜນສະໜັບສະໜູນ.ອ່ານຕໍ່ ...