News

ລົດໄຟໂດຍສານສາຍທຳອິດທີ່ແລ່ນຢູ່ເທິງລາງລົດໄຟລາວຽ-ຈີນ ຊຶ່ງໄດ້ມີການກຳນົດເປີດນຳໃຊ້ໃນວັນທີ 2 ທັນວານີ້ ຄາດວ່າຈະເດີນທາງມາເຖິງວຽງຈັນໃນວັນສຸກ ທີ 15 ຕຸລານີ້. ທ່ານ ພັນຄຳ ວິພາວັນ, ນາຍົກລັດຖະມົນຕີໄດ້ຢືນຢັນໃນອາທິດແລ້ວນີ້ວ່າ ເສັ້ນທາລົດໄຟລາວ-ຈີນຈະເປີດເປັນທາງການໃນວັນທີ 2 ທັນວາເຖິງວ່າຢູ່ທ່າມກາງການລະບາດຂອງພະຍາດໂຄວິດ-19ກໍຕາມ. ອຳນາດການປົກຄອງຕ່າງໆໄດ້ວາງແຜນການເປີດການນຳໃຊ້ພາຍໃຕ້ເງື່ອນໄຂການປະຕິບັດມາດຕະການການຄວບຄຸມພະຍາດລະບາດ ເພື່ອຮັບປະກັນຄວາມປອດໄພຂອງທຸກຄົນທີ່ກ່ຽວຂ້ອງ. ອ່ານເພິ່ມເຕີມ  ...

ການເຂົ້າເຖິງລະບົບອິນເຕີເນັດທີ່ຕ່ຳ ແລະ ບັນຫາອື່ນໆ ລວມທັງຂໍ້ຈຳກັດທາງດ້ານງົບປະມານ ໄດ້ເຮັດໃຫ້ການຫັນປ່ຽນໄປເປັນການຮຽນອອນລາຍເກີດຄວາມຫຍຸ້ງຍາກສຳລັບນັກຮຽນ ແລະ ຄູອາຈານຂອງໂຮງຮຽນລັດ. ປັດຈຸບັນ, ອຳນາດລັດໄດ້ມີຄວາມມຸ່ງຫວັງວ່າພາຍຫຼັງການສັກຢາວັກຊິນໃຫ້ເດັກນ້ອຍນັບແຕ່ອາຍຸ 12-17 ປີແລ້ວ, ໂຮງຮຽນກໍຈະສາມາດກັບເປີດຄືນຕາມປົກກະຕິໄດ້.   ອ່ານເພິ່ມເຕີມ  ...

ພິທີໄດ້ຈັດຂື້ນໃນວັນອັງຄານ  ເພື່ອທີ່ຈະລິເລີ່ມການຜະລິດພະລັງງານທັງໝົດທີ່ 7 ແຫ່ງຂອງໂຄງການເຂື່ອນໄຟຟ້ານ້ຳອູ ທີ່ພັດທະນາໂດຍບໍລິສັດກໍ່ສ້າງພະລັງງານຂອງຈີນ (PowerChina). ພິທີໄດ້ຈັດຂຶ້ນໂດຍຜ່ານການປະຊຸມທາງວິດີໂອຢູ່ທີ່ຫ້ອງການ PowerChina ຂອງປັກກິ່ງ, ສູນປະຕິບັດງານ ແລະ ບໍາລຸງຮັກສານໍ້າອູຢູ່ໃນແຂວງຫຼວງພະບາງ ແລະ ຢູ່ໂຮງງານໄຟຟ້ານໍ້າອູ ແຫ່ງທີ່ 7 ທາງພາກເໜືອທີ່ສຳເລັດແລ້ວວ່າງບໍ່ດົນນີ້. ໂຄງການນ້ຳອູດັ່ງກ່າວ ນອນໃນສາຂາທີ່ໃຫຍ່ທີ່ສຸດຂອງແມ່ນ້ຳຂອງໃນລາວ ຊຶ່ງໄດ້ຖືກພັດທະນາເປັນສອງໄລຍະ, ໂດຍມີຄວາມຈຸທັງໝົດ 1.272 ລ້ານກິໂລວັດ ແລະ ສາມາດແຈກຈ່າຍພະລັງງານການຜະລິດປະຈຳປີປະມານ 5 ຕື້ກິໂລວັດໂມງ.ໂຄງການນໍ້າອູ, ມີມູນຄ່າການລົງທຶນທັງທັງໝົດປະມານ 2,8 ຕື້ໂດລາຈາກບໍລິສັດຈີນ ແລະ ຈະຖືກໂອນໃຫ້ລັດຖະບານລາວຫຼັງຈາກດໍາເນີນການມາໄດ້ 29 ປີ.ສືບຕໍ່ອ່ານ   ...

ລັດຖະບານລາວ ແລະ ຫວຽດນາມກໍາລັງພິຈາລະນາຄວາມເປັນໄປໄດ້ໃນການສ້າງທາງດ່ວນເຊື່ອມຕໍ່ະລະຫວ່າງນະຄອນຫຼວງວຽງຈັນຫາຮ່າໂນ້ຍ, ໂດຍການຊ່ວຍເຫຼືອຈາກລັດຖະບານຍີ່ປຸ່ນ. ເສັ້ນທາງທຳອິດຈະແລ່ນຜ່ານວຽງຈັນ-ປາກຊັນ-ວຽງທອງ-Thanh Thuy-Hanoi ໃນໄລຍະທາງ 725 ກິໂລແມັດ, ໃນນັ້ນ 355 ກິໂລແມັດຢູ່ໃນລາວ. ຄ່າໃຊ້ຈ່າຍທີ່ຄາດຄະເນໄວ້ແມ່ນ 5.23 ຕື້ໂດລາສະຫະລັດ.ເສັ້ນທາງທີ່ສອງຈະປະຕິບັດຕາມເສັ້ນທາງຜ່ານວຽງຈັນ-ນາແພງ-ໄຊສົມບູນ-ຊຽງຂວາງ-ທ່າລາວ (ແຂວງຫົວພັນ)-ຮ່າໂນ້ຍ, ໃນໄລຍະທາງ 730 ກິໂລແມັດ, ໃນນັ້ນ 485 ກິໂລແມັດຢູ່ໃນລາວ. ຄາດຄະເນມູນຄ່າຂອງເສັ້ນທາງນີ້ຈະປະມານ 9.27 ຕື້ໂດລາສະຫະລັດ.ອ່ານເພິ່ມເຕີມ   ...

ໂຄງການປ້ອງກັນນໍ້າຖ້ວມຕາມລໍາແມ່ນໍ້າຂອງໃນນະຄອນຫຼວງວຽງຈັນ ໄລຍະທີສອງ ແມ່ນຈະເລີ່ມຂຶ້ນໃນເດືອນໜ້າ. ການປັກຫຼັກໝາຍເລກດ້ວຍຄວາມຍາວ 8 ກິໂລແມັດ ຈະເລີ່ມຢູ່ເມືອງສີສັດຕະນາກ ແລະ ສືບຕໍ່ເຂົ້າໄປໃນເມືອງຫາດຊາຍຟອງ ແລະ ຈະມີສວນສາທາລະນະທີ່ຈະສ້າງຂຶ້ນໃນໄລຍະສຸດທ້າຍຂອງໂຄງການ. ທ່ານຫົວໜ້າກົມໂຍທາທິການ ແລະ ຂົນສົ່ງນະຄອນຫຼວງກ່າວຕື່ມວ່າ: ການກໍ່ສ້າງໂຄງການດັ່ງກ່າວ, ໄດ້ຮັບການສະໜັບສະໜູນເງິນກູ້ຢືມຈາກສ.ເກົາຫຼີ ແລະ ລັດຖະບານລາວ, ໃນມູນຄ່າຫຼາຍກວ່າ 67.5 ລ້ານໂດລາສະຫະລັດ, ຈະເລີ່ມຕົ້ນໃນເດືອນຕຸລາ 2021 ແລະ ຈະໃຫ້ສຳເລັດພາຍໃນ 48 ເດືອນ.  ອ່ານເພິ່ມເຕີມ   ...

ກອງປະຊຸມຄະນະບໍລິຫານຂອງ MRC ໄດ້ຕົກລົງກຳນົດວັນເວລາຂອງຕົວຊີ້ວັດ ເພື່ອສະຫຼຸບຂັ້ນຕອນການປຶກສາຫາລືລ່ວງ ໜ້າ ກ່ຽວກັບເຂື່ອນຊະນະຄາມ 684 ເມກາວັດ.ຄະນະກໍາມະການຮ່ວມຍັງໄດ້ຕົກລົງທີ່ຈະປັບປຸງແຜນທີ່ເສັ້ນທາງເພື່ອດໍາເນີນຂະບວນການປຶກສາຫາລືກ່ອນ, ອີງໃສ່ກອງປະຊຸມພິເສດຂອງກຸ່ມຄະນະກໍາມະການຮ່ວມທີ່ປະຊຸມໃນວັນທີ 30 ສິງຫາ 2021 ຜ່ານມາ. ຂໍ້ສະເໜີ ສໍາລັບການປະເມີນຜົນກະທົບທີ່ເກີດຂື້ນຢ່າງໄວແມ່ນໄດ້ຖືກນຳມາປຶກສາຫາລື ແລະ ກອງປະຊຸມກໍໄດ້ຕົກລົງອະນຸຍາດໃຫ້ເລຂາທິການ MRC ລິເລີ່ມຂັ້ນຕອນດັ່ງກ່າວຢ່າງໄວວາ. ຂັ້ນຕອນການປະເມີນດັ່ງກ່າວ ຄາດວ່າຈະໃຊ້ເວລາສອງເດືອນ ແລະ ຈະມີການລາຍງານຜົນເບື້ອງຕົ້ນພາຍໃນວັນທີ 29 ຕຸລາ 2021.ອ່ານເພິ່ມເຕີມ ...

ເນື່ອງຈາກຈຳນວນຜູ້ຕິດເຊື້ອເພິ່ມຂື້ນຫຼາຍກໍລະນີຢູ່ນະຄອນຫຼວງວຽງຈັນ, ເຮັດໃຫ້ອຳນາດການປົກຄອງ ອອກຄຳສັ່ງປິດເມືອງຢ່າງເດັດຂາດເປັນເວລາສອງອາທິດ, ຊຶ່ງນັບແຕ່ວັນອາທິດ ທີ 19 ເປັນຕົ້ນໄປ. ອີງຕາມຄຳສັ່ງດັ່ງກ່າວ, ທຸກຄົນແມ່ນຕ້ອງກັກຕົວຢູ່ເຮືອນ ແລະ ອະນຸຍາດໃຫ້ອອກໄປນອກພຽງເພື່ອໄປຊື້ເຄື່ອງກິນ, ອາຫານ, ຢາ ຫຼື ອອກໄປໂຮງໝໍເທົ່ານັ້ນ. ອ່ານເພິ່ມເຕີມ  ...

ປັດຈຸບັນ, ຫ້ອງການການຮຽນ ແລະ ກິລາ ໄດ້ເກັບກຳຂໍ້ມູນໂຮງຮຽນທີ່ໄດ້ຈັດການຮຽນ-ການສອນອອນລາຍໂດຍຜ່ານຈໍຊຸມ; ຫົວໜ້າອຳນວຍການກົມການສຶກສາ ແລະ ກິລາໄດ້ກ່າວວ່າ: “ການສອນອອນລາຍບໍ່ສາມາດຖ່າຍທອດຜົນການຮຽນໄດ້ດີເທົ່າທີ່ຄວນ ແລະ ມັນກໍເປັນບັນຫາໃຫ້ບັນດາໂຮງຮຽນລັດ ແລະ ເອກະຊົນ ພ້ອມທັງຜູ້ປົກຄອງທີ່ຍັງບໍ່ມີຄວາມພ້ອມຕໍ່ລະບົບດັ່ງກ່າວ”. ອ່ານເພິ່ມເຕີມ .  ...

ຮອງຫົວໜ້າກຳມາທິການໜ່ວຍງານສະເພາະກິດກ່າວວ່າ “ເຖິງວ່າກໍລະນີນຳເຂົ້າກຳລັງຢູ່ໃນພາວະຫຼຸດລົງຢູ່ໃນພາກພື້ນດັ່ງກ່າວ, ແຕ່ການຕິດເຊື້ອຊຸມຍັງສືບຕໍ່ຂະຫຍາຍກ້ວາງ ເນື່ອງຈາກການເດີນທາງພາຍໃນ ແລະ ກິດຈະກຳຕ່າງຂອງອົງການຈັດຕັ້ງກໍຄືສ່ວນບຸກຄົນ”. ໃນວັນ 15 ກັນຍາ 2021, ການແຜ່ລະບາດຂອງສະຖານະການໂຄວິດຢູ່ ສປປ ລາວ ໄດ້ສະແດງໃຫ້ເຫັນຈຳນວນເພິ່ມຂື້ນຂອງຜູ້ຕິດເຊື້ອ ຈາກລະດັບ 2 ເຖິງ ລະດັບ 3 ເປັນຕົ້ນພົບໃນແຂວງ ຈຳປາສັກ, ຄຳມ່ວນ, ສະຫວັນນະເຂດ ແລະ ວຽງຈັນ. ອ່ານເພິ່ມເຕີມ  ...

ການກໍ່ສ້າງຂົວມິດຕະພາບລາວ-ໄທ ເຊື່ອມຕໍ່ລະຫວ່າງແຂວງບໍລິຄຳໄຊ ເຖິງ ແຂວງບຶງການປະເທດໄທ ໂດຍຜ່ານແມ່ນ້ຳຂອງສຳເລັດແລ້ວ 14.42 ເປີເຊັນ. ໂຄງການຈະສຳເລັດໃນປີ 2023, ຊຶ່ງຈະເຮັດໃຫ້ແຂວງບໍລິຄຳໄຊ ກາຍເປັນຈຸດເຊື່ອມຕໍ່ທາງການຄ້າທີ່ໃຫຍ່ ເຊື່ອມຕໍ່ລະຫວ່າງລາວ, ໄທ ແລະ ຫວຽດນາມດ້ວຍໃນລະທາງ 150 ກິໂລແມັດ ຊຶ່ງຈະເປັນໄລຍະທາງທີ່ສັ້ນທີ່ສຸດຂອງການເຊື່ອມຕໍ່ລະຫວ່າງສາມປະເທດ. ອ່ານຕໍ່ທີ່ນີ້  ...