News

ສຳລັບຊາວຈີນທີ່ຄິດຢາກຈະມາທ່ຽວເມືອງລາວຈະໄດ້ຮັບຂໍ້ມູນຂ່າວສານໃໝ່ໆ ແລະ ທັນສະໃໝກ່ຽວກັບລາວໃນໄວໆນີ້ ເນື່ອງຈາກກົມການຕະຫຼາດການທ່ອງທ່ຽວຈະສ້າງພາກສ່ວນເວັບໄຊເປັນພາສາຈີນເພື່ອສະໜອງຂໍ້ມູນຂ່າວສານ.ກົມດັ່ງກ່າວເຊິ່ງຢູ່ພາຍໃຕ້ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ຫວັງວ່າພາກສ່ວນເວັບໄຊພາສາຈີນຈະສຳເລັດພາຍໃນເດືອນກໍລະກົດນີ້. ເຊິ່ງນີ້ແມ່ນແນໃສ່ສະໜອງຂໍ້ມູນຂ່າວສານກ່ຽວກັບສະຖານທີ່ທ່ອງທ່ຽວຂອງລາວ ເພື່ອດຶງດູດນັກທ່ຶງທ່ຽວຈາກຕ່າງປະເທດໃຫ້ເຂົ້າມາທ່ຽວລາວຫຼານຂຶ້ນ ໂດຍສະເພາະປະເທດຈີນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທົ່ງໄຫຫີນ ແຂວງຊຽງຂວາງ ຄາດວ່າຈະດຶດດູດນັກທ່ອງທ່ຽວໄດ້ຫຼາຍຂຶ້ນ ຖ້າວ່າໄດ້ຮັບການຮັບຮອງໃຫ້ເປັນມໍລະດົກໂລກຂອງ UNESCO ຕາມແຜນທີ່ຄະນະກຳມະການ UN ຈະມີການປະຊຸມຫາລື ທີ່ປະເທດອາເຊີບາຍຈັນ ໃນວັນທີ 30 ມິຖຸນາ ເຖິງ 7 ກໍລະກົດນີ້.ລາວໄດ້ດຳເນີນການມາເປັນໄລຍະ 20 ປີ ເພື່ອໃຫ້ທົ່ງໄຫຫີນໄດ້ຮັບການຈັດເຂົ້າໃນບັນຊີມໍລະດົກໂລກ. ເມື່ອໄດ້ຮັບການຮັບຮອງຈາກອົງການ UNESCO ແລ້ວ, ທົ່ງໄຫຈະກາຍເປັນສະຖານທີ່ມໍລະດົກໂລກແຫ່ງທີ່ສາມຂອງລາວ.ອ່ານຕໍ່. ...

(ຂປລ) ລັດຖະບານອອສ໌ເຕຣເລຍໄດ້ອະນຸມັດທຶນຊ່ວຍເຫຼືອຈຳນວນ AUD 430,000 ໂດລາອອສ໌ເຕຣເລຍ (ຫຼືປະມານ USD 300,000 ໂດລາ່ສະຫະລັດ) ໃຫ້ແກ່ຄະນະກຳມາທິການແມ່ນ້ຳຂອງ (MRC) ເພື່ອຈັດຕັ້ງປະຕິບັດການລິເລີ່ມໃນການສ້າງຄວາມເຂັ້ມແຂງດ້ານຂໍ້ມູນ, ການຈຳລອງແບບ ແລະ ລະບົບຂໍ້ມູນຂ່າວສານ ເພື່ອເພື່ອທະວີການສະໜອງຂໍ້ມູນຂ່າວສານເປັນໄລຍະໆໃຫ້ແກ່ມະຫາຊົນ ແລະ ປະເທດສະມາຊິກ MRC.ຕາມຈົດໝາຍຈາກສະຖານທູດອອສ໌ເຕຣເລຍປະຈຳນະຄອນວຽງຈັນ ເຖິງເລຂາທິການ MRC ໃນວັນທີ 9 ພຶດສະພາ 2019, ທຶນດັ່ງກ່າວຈະມາຈາກກົມການຕ່າງປະເທດ ແລະ ການຄ້າອອສ໌ເຕຣເລຍ ເຊິ່ງຈະມາໃນຮູບຂອງການຊ່ວຍເຫຼືອດ້ານວິຊາການ.ໂຄງການດັ່ງກ່າວຈະມີການຈັດຕັ້ງປະຕິບັດ ແລະ ຄຸ້ມຄອງໂດຍອົງການ eWater ເຊິ່ງເປັນອົງການທີ່ບໍ່ຫວັງຜົນກຳໄລຂອງລັດຖະບານອອສ໌ເຕຣເລຍ ນັບແຕ່ນີ້ໄປຈົນເຖິງເດືອນທັນວາປີ 2020.ອ່ານຕໍ່ ...

ລັດຖະບານລາວໄດ້ສັ່ງຢຸດການອະນຸມັດການສຳປະທານສວນກ້ວຍແຫ່ງໃໝ່ ແລະ ຈະລົງໂທດເຈົ້າໜ້າທີ່ທີ່ລະເມີດຄຳສັ່ງດັ່ງກ່າວ, ທັງນີ້ກໍ່ເນື່ອງມາຈາກບັນຫາຄວາມຂັດແຍ່ງກ່ຽວກັບການໃຊ້ສານເຄມີປາບສັດຕູພືດເກີນຂະໜາດ ເຊິ່ງຊາວບ້ານເຫັນວ່າເຮັດໃຫ້ເກີດມົນລະພິດ ແລະ ທຳລາຍສະພາບແວດລ້ອມການເປັນຢູ່.ຄວາມກັງວົນກ່ຽວກັບສານເຄມີຈາກສວນກ້ວຍຂອງຈີນທີ່ໄຫຼລົງສູ່ແມ່ນ້ຳເຮັດໃຫ້ເກີດມົນລະພິດໃນເດືອນມັງກອນປີ 2017 ເຮັດໃຫ້ລັດຖະບານຕ້ອງອອກຄຳສັ່ງຫ້າມອະນຸມັດການສຳປະທານສວນກ້ວຍແຫ່ງໃໝ່, ເຖິງຢ່າງໃດກໍຕາມ ສວນກ້ວຍຫຼາຍແຫ່ງ ຍັງຄົງສືບຕໍ່ດຳເນີນການ ພາຍໃຕ້ສັນຍາສຳປະທານທີ່ຍັງໃຊ້ໄດ້ອີກຫຼາຍປີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ອະນຸຍາດໃຫ້ສອງບໍລິສັດທ້ອງຖິ່ນດຳເນິນການສຶກສາຄວາມເປັນໄປໄດ້ກ່ຽວກັບການສ້າງຕັງໂຮງງານຜະລິດເຊື້ອເພີງຊີວະພາບຈາກແກ່ນໝາກເຍົາ ແລະ ນ້ຳມັນພືດ, ແລະ ຈັດຕັ້ງໂຮງກັ່ນນ້ຳມັນກາຊວນ ແລະ ນ້ຳມັນເຊື້ອໄຟ ຢູ່ເມືອງໄຊທານີ ນະຄອນຫຼວງວຽງຈັນ.ບົດບັນທຶກຄວາມເຂົ້າໃຈ (MOU) ຂອງສອງໂຄງການດັ່ງກ່າວໄດ້ມີການລົງນາມລະຫວ່າງລັດຖະບານ, ບໍລິສັດທຶນຈຳກັດ ແລະ ບໍລິສັດໝາກຄໍ້ລາວປິໂຕຣລຽມຈຳກັດ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລາວໄດ້ປັບຫຼຸດລະດັບຄາດໝາຍມູນຄ່າການຄ້າ ເຊິ່ງລວມທັງການນຳເຂົ້າ ແລະ ສົ່ງອອກສິນຄ້າກັບເກົາຫຼີໃຕ້ໃນປີນີ້ເມື່ອທຽບກັບມູນຄ່າປີກາຍ ຫຼັງຈາກມູນຄ່າການຄ້າປະຈຳປີລະຫວ່າງສອງປະເທດຫຼຸດລົງ.ໃນປີຜ່ານມາ, ເປົ້າໝາຍການຄ້າລະຫວ່າງສອງປະເທດແມ່ນ US$94.1 ລ້ານໂດລາ ເຊິ່ງໃນນີ້ມູນຄ່າການສົ່ງອອກແມ່ນ US$11.2 ລ້ານໂດລາ ແລະ ການນຳເຂົ້າແມ່ນ US$82.9 ລ້ານໂດລາ. ແຕ່ໃນຕົວຈິງ ສາມາດບັນລຸມູນຄ່າລວມໄດ້ພຽງແຕ່ US$69.6 ລ້ານໂດລາ, ເຊິ່ງມູນຄ່າການສົ່ງອອກມີ US$4.5 ແລະ ການນຳເຂົ້າແມ່ນ US$65.1 ລ້ານໂດລາ, ອີງຕາມກະຊວງອຸດສາຫະກຳ ແລະ ການຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລັດຖະບານ ແລະ ຕາງໜ້າຜູ້ປະກອບການທ່ອງທ່ຽວເອກະຊົນແຂວງບໍລິຄຳໄຊ ເຂົ້າຮ່ວມກອງປະຊຸມສຳມະນາເພື່ອສ້າງຄວາມເຂັ້ມແຂງດ້ານການຮ່ວມມື ແລະ ການມີສ່ວນຮ່ວມເພື່ອສະກັດກັ້ນການຄ້າມະນຸດ, ເຊິ່ງຈະຈັດຂຶ້ນຢູ່ແຂວງໃນວັນທີ 13-14 ພຶດສະພາ.ກອງປະຊຸມສຳມະນາດັ່ງກ່າວມີເປົ້າໝາຍໃນການຍົກລະດັບຄວາມຮູ້ກ່ຽວກັບການຄ້າມະນຸດ, ປຶກສາຫາລືຖອດຖອນບົດຮຽນ, ແລະ ສ້າງການຮ່ວມມືລະຫວ່າງບັນດາໜ່ວຍທຸລະກິດດ້ານການທ່ອງທ່ຽວ ເຊັ່ນ ໂຮງແຮມ ແລະ ບ້ານພັກ, ຮ້ານອາຫານ ແລະ ສະຖານບັນເທິງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວຈະສືບຕໍ່ກາຮ່ວມມືກັບສາທາລະນະລັດເກົາຫຼີ ເພື່ອຂະຫຍາຍໂຄງການພັດທະນາແບບ ແຊມູອຸນດອງ ຢູ່ໃນຫ້າແຂວງຂອງລາວ.ທ່ານ (ປອ) ຫຼຽນ ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ໄດ້ເປີດເຜີຍຕໍ່ສື່ມວນຊົນເກົາຫຼີວ່າ ໂຄງການແຊມູອຸນດອງ ຈະຂະຫຍາຍການປະຕິບັດການໄປຍັງແຂວງຕ່າງໆເຊັ່ນ ໄຊຍະບູລີ, ບໍລິຄຳໄຊ, ສະຫວັນນະເຂດ ແລະ ແຂວງວຽງຈັນ.ອ່ານຕໍ່ ...

ຜູ້ທີ່ກຳລັງຊອກວຽກ ຫຼື ຜູ້ວ່າຈ້າງທີ່ຕ້ອງຫາຊອກຫາພະນັງງານ ສາມາດລົງທະບຽນກັບເວັບໄຊ  www.lmi.molws.gov.la ເຊິ່ງເປັນເວັບໄຊຂອງກະຊວງແຮງງານ ແລະ ສະຫວັດດີການສັງຄົມ. ເວັບໄຊດັ່ງກ່າວຈະຊ່ວຍເຫຼືອຜູ້ທີ່ຕ້ອງການເຮັດວຽກກັບບໍລິສັດເອກະຊົນໃນລາວ ແລະ ຕ່າງປະເທດ.ທ່ານ ສຸທານຸ ບຸດພົມວິຫານ ຫົວໜ້າໜ່ວຍງານສະຖິຕິ ກົມແຜນການ ແລະ ການຮ່ວມມື ໄດ້ບອກກັບໜັງສືພີມວຽງຈັນທາມສ໌ວານນີ້ວ່າ ທາງກະຊວງໄດ້ຈັດຕັ້ງເວັບໄຊນີ້ຂຶ້ນ ເພື່ອເປັນຊ່ອງທາງໃນການເຊື່ອມຕໍ່ລະຫວ່າງຜູ້ທີ່ກຳລັງຊອກວຽກ ແລະ ຜູ້ຈ້າງງານ ເພື່ອຊ່ວຍຫຼຸດຜ່ອນອັດຕາການຫວ່າງງານ.ອ່ານຕໍ່  ...

ນັກທ່ອງທ່ຽວທີ່ມັກຮັກການຊົມທຳມະຊາດ ບໍ່ຄວນພາດໄປຢ້ຽມຊົມນ້ຳຕົກຕາດບ້ານຫ້ວຍລົມ ເມືອງຕົ້າເຜີ້ງ ແຂວງບໍ່ແກ້ວ ເຊິ່ງໄດ້ມີານສ້າງສິ່ງອຳນວຍຄວາມສະດວກດ້ານການທ່ອງທ່ຽວໃໝ່ ເພື່ອດຶງດູດນັກທ່ອງທ່ຽວ.ທ່ານ ສີສະອາດ ກຸມພົນ ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງຕົ້ນເຜີ້ງ ໄດ້ບອກຜ່ານໜັງສືພິມວຽງຈັນທາມສ໌ວານນີ້ວ່າ ປະຈຸບັນສະຖານທີ່ທ່ອງທ່ຽວນ້ຳຕົກຕາດດັ່ງກ່າວໄດ້ເປີດໃຫ້ບໍລິການແກ່ນັກທ່ອງທ່ຽວແລ້ວ.ອ່ານຕໍ່ ...