News

ວຽງຈັນ (ວຽງຈັນທາມສ໌/ANN) – ອົງການຮ່ວມມືສາກົນແຫ່ງປະເທດເກົາຫຼີ (KOICA) ກຳລັງກະກຽມໂຄງການລວນສູນຟື້ນຟູໄພພິບັດສຳລັບແຂວງອັດຕະປື ແລະ ຈະສືບຕໍ່ຊ່ວຍເຫຼືອລາວໃນຂະແໜງການຕ່າງໆ. ທ່ານນາງ ລີ ມິກຢຸງ ປະທານອົງການ KOICA ໄດ້ພົບປະກັບທ່ານ ທອງລຸນ ສີສຸລິດ ນາຍົກລັດຖະມົນຕີ ເພື່ອຫາລືກ່ຽວກັບການຊ່ວຍເຫຼືອລາວ ໃນລະຫວ່າງການຢ້ຽມຢາມປະເທດລາວຢ່າງເປັນທາງການ ໃນອາທິດແລ້ວນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານມີແຜນໃນການຂະຫຍາຍສະໜາມບິນສາກົນວັດໄຕ ເພື່ອຕອບສະໜອງຄວາມຕ້ອງການໃນການຂົນສົ່ງຜູ້ໂດຍສານທີ່ເພີ່ມສູງຂຶ້ນ, ຕາມເຈົ້າໜ້າທີ່ການນຳລັດຖະບານ.ສະໜາມບິນດັ່ງກ່າວສາມາດຮອງຮັບຜູ້ໂດຍສາານປະມານ 1.8 ລ້ານຄົນຕໍ່ປີ, ເຊິ່ງຄາດວ່າຈະເກີນ 1.5 ລ້ານຄົນໃນປີ 2020, ທ່ານ (ປອ) ສັນຕິສຸກ ສິມມາລາວົງ ຮອງລັດຖະມົນຕີກະຊວງໂຍທາທິການ ແລະ ຂົນສົ່ງກ່າວຕໍ່ໜັງສືພິມວຽງຈັນທາມສ໌ຫວ່າງໝໍ່ໆມານີ້. ຖ້າການຂະຫຍາຍອາຄານຜູ້ໂດຍສານ 2 ດຳເນີນຕາມແຜນ, ສະໜາມບິນດັ່ງກ່າວຈະສາມາດຮອງຮັບຜູ້ໂດຍສານໄດ້ 3 ລ້ານຄົນຕໍ່ປີ.ອ່ານຕໍ່ ...

ປັກກິ່ງ (ວຽງຈັນທາມສ໌/ANN) – ວັດທະນະທຳມີບົດບາດສຳຄັນໃນຂະບວນການພັດທະນາເສດຖະກິດສັງຄົມ ແລະ ເປັນພື້ນຖານໃນການສ້າງ ແລະ ຮັກສາສາຍສຳພັນມິດຕະພາບອັນຍາວນານ, ທ່ານລັດຖະມົນຕີກ່າວ ໃນກອງປະຊຸມທີ່ນະຄອນປັກກິ່ງອາທິດແລ້ວນີ້.ໃນກອງປະຊຸມສົນທະນາກ່ຽວກັບຄວາມຈະເລີນຂອງອາຊີ ທີ່ນະຄອນຫຼວງຂອງຈີນ, ທ່ານ (ສ.ປອ) ບໍ່ແສງຄຳ ວົງດາຣາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ເນັ້ນເຖິງຄວາມສຳຄັນຂອງຄວາມສຳເລັດໃນການພັດທະນາດ້ານວັດທະນະທຳ.ອ່ານຕໍ່ ...

(ຂປລ) ລາວຄາດວ່າຈຳນວນນັກທ່ອງທ່ຽວຈາກຈີນຈະເພີ່ມສູງຂຶ້ນໃນປີນີ້. ໃນຂະນະດຽວກັນ ລັດຖະບານຈີນກໍຍັງຢືນຢັນວ່າຈະຮ່ວມມືກັບບັນດາປະເທດເພື່ອສົ່ງເສີມການທ່ອງທ່ຽວໃນອາຊີ.ງານວາງສະແດງວັດທະນະທຳ ແລະ ການທ່ອງທ່ຽວອາຊີ ໄດ້ຈັດຂຶ້ນທີ່ນະຄອນປັກກິ່ງ ປະເທດຈີນ ໃນວັນທີ 16 ພຶດສະພາ. ເຊິ່ງມີຜູ້ຕາງໜ້າຈາກຫຼາຍກວ່າ 47 ປະເທດໃນອາຊີ.ໃນພິທີເປີດງານດັ່ງກ່າວ ທ່ານ ບໍ່ແສງຄຳ ວົງດາຣາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ໃຫ້ຄຳເຫັນວ່າ ການທ່ອງທ່ຽວແມ່ນໜຶ່ງໃນຂະແໜງເສດຖະກິດທີ່ມີການຂະຫຍາຍຕົວຢ່າງຕໍ່ເນື່ອງ ແລະ ວ່ອງໄວໃນຫຼາຍປະເທດໃນອາຊີ ແລະ ທົ່ວໂລກ.ອ່ານຕໍ່ ...

ລັດຖະບານລາວໄດ້ປະຕິບັດວິໄນເຈົ້າໜ້າທີ່ 200 ກວ່າຄົນ ທີ່ມີສ່ວນພົວພັນກ່ຽວຂ້ອງກັບການກິນສິນບົນ ຫຼື ສໍ້ໂກງໃນຊຸມເດືອນຜ່ານມາ ເຊິ່ງເປັນສ່ວນໜຶ່ງຂອງພາລະກິດການປາບປາມການສໍ້ລາດບັງຫຼວງທີ່ແຜ່ຫຼາຍໃນລາວ, ແຕ່ວ່າກໍມີພຽງຈຳນວນໜ້ອຍເທົ່ານັ້ນ ທີ່ໄດ້ຮັບການລົງໂທດທາງອາຍາຍ້ອນການກະທຳດັ່ງກ່າວ.ໃນຕົ້ນອາທິດນີ້ ອຳນາດການປົກຄອງແຂວງຊຽງຂວາງ ໄດ້ສຶກສາອົບຮົມເຈົ້າໜ້າທີ່ລັດຈຳນວນ 16 ຄົນ, ສັ່ງປົດ 2 ຄົນ, ແລະ ຕັກເຕືອນອີກ 9 ຄົນ ຫຼັງຈາກທີ່ກວດພົບວ່າເຂົາເຈົ້າໄດ້ສໍ້ໂກງງົບປະມານ ຫຼາຍລ້ານໂດລາ, ຕາມການລາຍງານຂອງສື່ມວນຊົນລັດ.ອ່ານຕໍ່ ...

ອັດຕະປື, ລາວ (ວຽງຈັນທາມສ໌/ANN) – ການຟື້ນຟູສ້ອມແປງຖະໜົນ ແລະ ການສ້າງຮ່ອງລະບາຍນ້ຳໃນເມືອງສະໜາມໄຊ ແຂວງອັດຕະປືທີ່ປະສົບໄພນ້ຳຖ້ວມ ພວມກຳລັງດຳເນີນຕາມແຜນ.ບົດລາຍງານຄວາມຄືບໜ້າໄດ້ມີການນຳສະເໜີຕໍ່ທ່ານນາງ ວິໄລຄຳ ໂພສະລາດ ຮອງລັດຖະມົນຕີກະຊວງໂຍທາທິການ ແລະ ຂົນສົ່ງ ພ້ອມດ້ວຍເຈົ້າໜ້າທີ່ກ່ຽວຂ້ອງ ທີ່ໄດ້ລົງຢ້ຽມຢາມພຶ້ນທີ່ໃນອາທິດແລ້ວນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານຮຽກຮ້ອງໃຫ້ຂະແໜງເອກະຊົນຮ່ວມມືກັບພາກສ່ວນລັດຖະບານ ເພື່ອໃຫ້ລາວສາມາດສ້າງສະພາບແວດລ້ອມທີ່ເປັນມິດຕໍ່ທຸລະກິດ ແລະ ສົ່ງເສີມຄວາມສະດວກໃນການດຳເນີນທຸລະກິດ.ເຖິງວ່າອຸປະສັກທີ່ບໍ່ຈຳເປັນກຳລັງໄດ້ຮັບການລຶບລ້າງເປັນລຳດັບ, ວຽກງານການຮ່ວມມືລະຫວ່າງລັດຖະບານ ກັບຂະແໜງເອກະຊົນເຊື່ອວ່າຍັງຄົງເປັນບັນຫາທີ່ຕ້ອງປະຕິບັດ.ອ່ານຕໍ່ ...

ສູນເທັກໂນໂລຢີຂໍ້ມູນຂ່າວສານເພື່ອເດັກ-ໄວໜຸ່ມ ພາຍໃຕ້ທຶນຊ່ວຍເຫຼືອກວ່າ US$3 ລ້ານໂດລາຈາກອົງການຮ່ວມມືສາກົນເກົາຫຼີ (KOICA) ເພື່ອຊ່ວຍເຫຼືອສູນກາງຊາວໜຸ່ມປະຊາຊົນປະຕິວັດລາວ, ໄດ້ເປີດຂຶ້ນຢ່າງເປັນທາງການ ທີ່ນະຄອນວຽງຈັນໃນອາທິດນີ້.ເປົ້າໝາຍຂອງສູນດັ່ງກ່າວແມ່ນເພື່ອຍົກລະດັບຄວາມຮູ້ ແລະ ທັກສະດ້ານ IT ໃຫ້ແກ່ຊາວໜຸ່ມລາວ ເພື່ອເພີ່ມທະວີການມີສ່ວນຮ່ວມຂອງເຂົາເຈົ້າໃນການສ້າງສາພັດທະນາປະເທດຊາດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄະນະກຳມະການສູນກາງພັກປະຊາຊົນປະຕິວັດລາວ ໄດ້ອອອກມະຕິຕົກລົງເພື່ອໃຫ້ລັດຖະບານຮ່ວມກັນເປັນຈິດໜຶ່ງໃຈດຽວເພື່ອຮັກສາລະດັບການຂະຫຍາຍຕົວດ້ານເສດຖະກິດ.ຄະນະພັກ ເຊິ່ງເປັນສູນກາງການນຳດ້ານການເມືອງຂອງ ສປປ ລາວ ໄດ້ອອກມະຕິໃນຕອນທ້າຍຂອງກອງປະຊຸມໃຫຍ່ຄັ້ງທີ 10 ຂອງຄະນະພັກສະໄໝທີ 8 ໃນອາທິດນີ້.ໂດຍອີງຕາມມະຕິດັ່ງກ່າວ ໜຶ່ງໃນແນວທາງທີ່ລັດຖະບານຕ້ອງປະຕິບັດ ກໍຄືການປັບປຸງສະພາບແວດລ້ອມການດຳເນີນທຸລະກິດ ແລະ ການລົງທຶນ ເພາະເປັນປັດໄຈທີ່ສຳຄັນໃນການຮັກສາລະດັບການຂະຫຍາຍຕົວດ້ານເສດຖະກິດຂອງຊາດ.ອ່ານຕໍ່ ...

ອຸດົມໄຊ, ລາວ, 16 ພຶດສະພາ (Xinhua) — ອົງການອາຫານໂລກ (WFP) ໄດ້ສົ່ງມອບໂຄງການອາຫານໂຮງຮຽນໃນ 500 ກວ່າໂຮງຮຽນໃຫ້ແກ່ລັດຖະບານລາວ.ພິທີດັ່ງກ່າວໄດ້ມີຂຶ້ນໃນວັນພຸດຜ່ານມານີ້ ທີ່ໂຮງຮຽນບ້ານບໍ່ ແຂວງອຸດົມໄຊ, ຫ່າງຈາກນະຄອນວຽງຈັນໄປທາງພາກເໜືອປະມານ 310 ກມ, ເຊິ່ງ WFP ຈະສະໜອງອາຫານ 40,000 ຈານຕໍ່ປີໃຫ້ແກ່ເດັກນັກຮຽນຈຳນວນ 200 ຄົນໃນໂຮງຮຽນດັ່ງກ່າວ.ນັບແຕ່ປີ 2002 ເປັນຕົ້ນມາ ອົງການ WFP ໄດ້ເລີ່ມຕົ້ນການສະໜອງອາຫານໃຫ້ແກ່ໂຮງຮຽນ ໂດຍການສະໜອງຄາບເຂົ້າທີ່ມີໂພຊະນາການຄົບຖ້ວນໃຫ້ແກ່ເດັກນ້ອຍນັກຮຽນທີ່ມາໂຮງຮຽນໂດຍບໍ່ໄດ້ກິນເຂົ້າ. ມາເຖິງປະຈຸບັນ ໂຄງການໄດ້ຂະຫຍາຍການຄຸ້ມຄອງເດັກນ້ອຍຫຼາຍກວ່າ 140,000 ຄົນ ໃນ 1,450 ໂຮງຮຽນທົ່ວປະເທດ.ອ່ານຕໍ່ ...