News

ບໍ່ແກ້ວ, ລາວ (ວຽງຈັນທາມສ໌/ANN) – ການລັກລອບວາງເພີງເປັນສາເຫດໃຫ້ເກີດຄວາມເສຍຫາຍຕໍ່ພື້ນທີ່ປ່າໄມ້ເກືອບ 1,000 ເຮັກຕາ ຫຼັງຈາກທີ່ໄຟປ່າໄດ້ໃໝ້ລາມເຂົ້າເຂດປ່າສະຫງວນແຫ່ງຊາດນ້ຳຄານ ແຂວງບໍ່ແກ້ວ.ທ່ານຄຳເຫຼັກ ແສນຄຳວາງ ເຈົ້າໜ້າທີ່ປ່າສະຫງວນແຫ່ງຊາດດັ່ງກ່າວ ໄດ້ບອກກັບໜັງສືພິມວຽງຈັນທາມສ໌ວ່າ ນັບແຕ່ວັນທີ 10 ພຶດສະພາເປັນຕົ້ນມາ ໄຟປ່າໄດ້ເຜົາທຳລາຍພື້ນທີ່ປ່າໄມ້ເກືອບ 1,000 ເຮັກຕາແລ້ວໃນຂົງເຂດສາມບ້ານ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການພັດທະນາຄົນພິການອາຊີ (ADDP) ຢືນຢັນວ່າຈະສືບຕໍ່ໃຫ້ການຊ່ວຍເຫຼືອຄົນພິການໂດຍການສ້າງໂອກາດໃນການມີວຽກເຮັດງານທຳໃຫ້ແກ່ພວກເຂົາ.ADDP ໄດ້ລົງນາມໃນບົດບັນທຶກຄວາມເຂົ້າໃຈກັບກະຊວງແຮງງານ ແລະ ສະຫວັດດີການສັງຄົມ ກ່ຽວກັບການສະໜັບສະໜູນໂຄງການຊ່ວຍເຫຼືອໃນໄລຍະທີສອງ ໃນວັນສຸກຜ່ານມາ.ໂຄງການທີ່ມີຊື່ວ່າ “ສູນຝຶກອົບຮົມວິຊາຊີບສຳລັບຄົນພິການ” ແນໃສ່ຊ່ວຍເຫຼືອຄົນພິການໃນກນຮຽນທັກສະຕ່າງໆເຊັ່ນ ການເຮັດສວນ ແລະ ການເກັບກ່ຽວພືດພັນ ເພື່ອຊ່ວຍໃຫ້ເຂົາເຈົ້າສາມາດເພິ່ງພາຕົນເອງໃນການດຳລົງຊີວິດໃຫ້ຫຼາຍທີ່ສຸດເທົ່າທີ່ເປັນໄປໄດ້.ອ່ານຕໍ່ ...

ຈຳປາສັກ, ລາວ (ວຽງຈັນທາມສ໌/ANN) – ເພື່ອເປັນການຟື້ນຟູສະພາບແວດລ້ອມ ແລະ ເພີ່ມທະວີເນື້ອທີ່ປ່າໄມ້ໃຫ້ໄດ້ 70% ຂອງພື້ນທີ່ທົ່ວປະເທດພາຍໃນປີ 2020, ອຳນາດການປົກຄອງແຂວງຈຳປາສັກມີແຜນປູກຕົ້ນໄມ້ໃຫ້ໄດ້ 950 ເຮັກຕາໃນປີນີ້.ທ່ານ ກັນຫາ ແກ້ວບົວລະພາ ຮອງຫົວໜ້າພະແນກກະສິກຳ ແລະ ປ່າໄມ້ແຂວງກ່າວວ່າ ທາງພະແນກ ແລະ ຂະແໜງການຕ່າງໆພວມກະກຽມການປູກຕົ້ນໄມ້ໃນເນື້ອທີ່ 950 ເຮັກຕາໃນບັນດາເຂດ ແລະ ເມືອງຕ່າງໆທົ່ວແຂວງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວສາມາດບັນລຸເປົ້າໝາຍດຶງດູດນັກທ່ອງທ່ຽວຈີນ ໜຶ່ງລ້ານຄົນໃນປີ 2019, ຕາມບົດລາຍງານ.ຄວາມພະຍາມຍາມໃນການບັນລຸເປົ້າໝາຍອັນສູງສົ່ງນີ້ແມ່ນໄດ້ຮັບການຊຸກຍູ້ຈາກແຜນລາຍການສົ່ງເສີມການທ່ອງທ່ຽວຕ່າງໆຂອງເຈົ້າໜ້າທີ່ຝ່າຍລາວ ແລະ ຈີນ ເນື່ອງໃນໂອກາດປີທ່ອງທ່ຽວລາວ-ຈີນ 2019.ບົດລາຍງານໂດຍໜັງສືພິມວຽງຈັນທາມສ໌ ໄດ້ມີການນຳສະເໜີໃນກອງປະຊຸມປະຈຳເດືອນພຶດສະພາຂອງລັດຖະບານ, ເຊິ່ງຄະນະລັດຖະບານໄດ້ມີການຮັບຮອງເອົາບົດລາຍງານດັ່ງກ່າວ. ນັບແຕ່ຕົ້ນປີນີ້ຈົນເຖິງປະຈຸບັນ ມີນັກທ່ອງທ່ຽວຈາກຈີນເຂົ້າມາທ່ຽວລາວຈຳນວນ 259,205 ຄົນ – ເພີ່ມຂຶ້ນ 16% ທຽບກັບໄລຍະດຽວກັນຂອງປີຜ່ານມາ. ຕົວເລກດັ່ງກ່າວສະແດງທ່າແຮງຄວາມເປັນໄປໄດ້ໃນກັນບັນລຸຍອດນັກທ່ອງທ່ຽວຈາກຈີນໃຫ້ໄດ້ໜຶ່ງລ້ານຄົນສຳລັບໝົດປີ.ອ່ານຕໍ່ ...

ບໍ່ແກ້ວ, ລາວ (ວຽງຈັນທາມສ໌/ANN) – ພິທີມອບຮັບໂຮງຮຽນເຕັກນິກ-ວິຊາຊົບແຂວງບໍ່ແກ້ວທີ່ໄດ້ຮັບການປົວແປງໄດ້ມີຂຶ້ນຢ່າງເປັນທາງການຫວ່າງໝໍ່ໆມານີ້.ການປັບປຸງໂຮງຮຽນໃຫ້ທັນສະໄໝ ແລະ ການຂະຫຍາຍອາຄານຮຽນແມ່ນໄດ້ຮັບທຶນຊ່ວຍເຫຼືອຈາກລັດຖະບານລາວ ແລະ ລັດຖະບານເຢຍລະມັນຜ່ານໂຄງການ KfW, ເຊິ່ງມີມູນຄ່າລວມເກືອບ 1 ລ້ານຢູໂຣ.ໃນປີ 2015 ໂຮງຮຽນດັ່ງກ່າວໄດ້ເຂົ້າຮ່ວມໂຄງການຮ່ວມມືລາວ-ເຢຍລະມັນ VELA-FC (ການສຶກສາວິຊາຊີບໃນລາວ) ເຊິ່ງແນໃສ່ຍົກລະດັບການສຶກສາ ແລະ ການຝຶກອົບຮົມສຳລັບໂຮງຮຽນວິຊາຊີບໃນລາວ ທັງໃນດ້ານປະລິມານ ແລະ ຄຸນນະພາບ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກອງທອນໂລກໄດ້ຄາດຄະເນງົບປະມານກວ່າ 2 ລ້ານໂດລາເພື່ອຊ່ວຍເຫຼືອລາວແຕ່ປີ 2018 ເຖິງປິ 2020 ໃນການລຶບລ້າງພະຍາດໄຂ້ປ່າ ແລະ ຫຼຸດຜ່ອນຜົນກະທົບຈາກການດື້ຢາຫຼາຍຊະນິດໃນຫ້າແຂວງຂອງລາວ.ຂໍ້ຕົກລົງກ່ຽວກັບທຶນດັ່ງກ່າວໄດ້ຮັບການລົງນາມໃນວັນສຸກແລ້ວນີ້ ທີ່ນະຄອນຫຼວງວຽງຈັນ ລະຫວ່າງທ່ານ ດຣ ສີສະຫວາດ ສຸດທະນີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ແລະ ທ່ານ ໂຣນາວໂດ ເອັສ໌ເຕີຣາ ອຳນວຍການອົງການ Health Poverty Action ປະຈຳລາວ.ອ່ານຕໍ່ ...

ໃນວັນສຸກແລ້ວນີ້ ກຸ່ມສິດທິມະນຸດລາວໄດ້ຮຽກຮ້ອງໃຫ້ເຈົ້າໜ້າທີ່ນະຄອນຫຼວງວຽງຈັນ ສືບສວນສອບສວນການເສຍຊີວິດຂອງຜູ້ຕ້ອງຂັງໃນເດືອນແລ້ວນີ້ ເຊິ່ງແມ່ນຊາວບ້ານທີ່ຖືກກັກຕົວມາແຕ່ປີ 2011 ໃນຄະດີການປະທ້ວງກ່ຽວກັບທີ່ດິນຢູ່ແຂວງສາລະວັນ.ລັດຖະບານຍັງຄົງບໍ່ສະແດງທ່າທີໃດໆກ່ຽວກັບການຕາຍໃນຄຸກຂອງທ້າວສີ ພົງ ໜຶ່ງໃນສອງນັກໂທດທີ່ຖືກຈຳຄຸກ ຫຼັງຈາກທີ່ຜູ້ຮ່ວມປະທ້ວງຈຳນວນ 23 ຄົນເຊິ່ງຖືກກັກຕົວໃນປີ 2011 ໄດ້ຮັບການປ່ອຍຕົວ.ອ່ານຕໍ່ ...

(ຂປລ) ໂຄງການຊ່ວຍເຫຼືອດ້ານວິຊາການ (TA) ໄດ້ໃຫ້ການຊ່ວຍເຫຼືອໃນການພັດທະນາລະບົບການບໍລິການການມີວຽກເຮັດງານທຳສຳລັບກະຊວງແຮງານ ແລະ ສະຫວັດດີການສັງຄົມ (MLSW) ເພື່ອຂະຫຍາຍໂອກາດສຳລັບຜູ້ທີ່ກຳລັງຊອກຫາວຽກເຮັດງານທຳ ໃນການເຂົ້າເຖິງແຫຼ່ງຂໍ້ມູນຂ່າວສານກ່ຽວກັບການຈ້າງງານ.“ໂຄງການຊ່ວຍເຫຼືອດ້ານວິຊາການດັ່ງກ່າວແມ່ນມີຄວາມສຳຄັນ ແລະ ຈຳເປັນສຳລັບ ສປປ ລາວ ໃນສະຖານະການປະຈຸບັນ ເນື່ອງຈາກວ່າມັນເປັນການສະໜອງລະບົບການບໍລິການການມີວຽກເຮັດງານທຳ ແລະ ສ້າງຄວາມເຂັ້ມແຂງດ້ານຄວາມສາມາດໃນການຄຸ້ມຄອງດ້ານວິຊາການສຳລັບລັດຖະກອນທີ່ປະຕິບັດໜ້າທີ່ໃນສູນຈັດຫາງານໃນອະນາຄົດ,” ທ່ານ ໄທ ແສງອາລຸນ ຮອງຫົວໜ້າກົມພັດທະນາທັກສະອາຊີບ ແລະ ການຈ້າງງານ, ກະຊວງແຮງງານ ແລະ ສະຫວັດດີການສັງຄົມ ກ່າວໃນກອງປະຊຸມວິຊາການກ່ຽວກັບການຍົກລະດັບຄວາມສາມາດໃນການກວດສອບການປະເມີນຜົນກະທົບ AT ທີ່ນະຄອນຫຼວງວຽງຈັນ ໃນວັນທີ 22 ພຶດສະພາຜ່ານມານີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການກອງທຶນການເງິນສາກົນ (IMF) ຄາດຄະເນວ່າ ການຂະຫຍາຍຕົວດ້ານເສດຖະກິດຂອງລາວໃນປີນີ້ຈະຍັງຄົງເຂັ້ມແຂງ, ເຊິ່ງໂຄງການທາງລົດໄຟລາວ-ຈີນທີ່ກຳລັງດຳເນີນການກໍ່ສ້າງ ແມ່ນໜຶ່ງໃນປັດໄຈຂັບເຂື່ອນທີ່ສຳຄັນ.ສະຖາບັນການເງິນໂລກດັ່ງກ່າວໄດ້ເປີດເຜີຍການຄາດຄະເນເສດຖະກິດຂອງລາວໃນວັນທີ 22 ພຶດສະພາ ພາຍຫຼັງສຳເລັດການປຶກສາຫາລືມາດຕາສີ່ຮ່ວມກັບລາວ, ເຊິ່ງມີໃຈຄວາມວ່າ ເຖິງວ່າລາວຈະຜະເຊີນກັບໄພທຳມະຊາດຕ່າງໆ, ການຂະຫຍາຍຕົວດ້ານເສດຖະກິດຂອງລາວຈະຍັງຄົງເຂັ້ມແຂງ.ອ່ານຕໍ່ ...

ຄຳມ່ວນ, ລາວ (ວຽງຈັນທາມສ໌/ANN) – ແຫຼ່ງທ່ອງທ່ຽວພູຜ້າມ່ານ ເມືອງຄູນຄຳ ແຂວງຄຳມ່ວນມີແຜນຈັດກິດຈະກຳທ່ອງທ່ຽວແບບຜະຈົນໄພ ເຊິ່ງແຜນດັ່ງກ່າວຈະດຳເນີນໂດຍບໍລິສັດກຣີນ ດິສ໌ຄໍເວີຣີລາວ.ທ່ານ ອິນທິ ເດືອນສະຫວັນ ສະມາຊິກຄະນະອຳນວຍການສະມາຄົມການທ່ອງທ່ຽວ, ເຈົ້າຂອງບໍລິສັດກຣີນ ດິສ໌ຄໍເວີຣີລາວ ລາຍງານຜ່ານໜັງສືພິມວຽງຈັນທາມສ໌ວ່າ ປະຈຸບັນສະຖານທີ່ທ່ອງທ່ຽວດັ່ງກ່າວໄດ້ມີການຕິດຕັ້ງສິ່ງອຳນວຍຄວາມສະດວກສຳລັບນັກທ່ອງທ່ຽວເຊັ່ນ ຈຸດຊົມວິວ, ຫ້ອງນ້ຳ ແລະ ສູນຂໍ້ມູນຂ່າວສານ.ປະຈຸບັນ ກຣີນ ດິສ໌ຄໍເວີຣີລາວ ມີແຜນຕິດຕັ້ງສາຍສະລິງ, ທາງຍ່າງຊົມພູຜາ, ແລະ ກະກຽມກິດຈະກຳເດີນປ່າໂດຍຜູ້ນຳທາງເພື່ອຊົມສັດປ່າ.ອ່ານຕໍ່ ...