News

ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ຮຽກຮ້ອງໃຫ້ທຸກໆຂະແໜງການໃນທົ່ວສັງຄົມ ຈົ່ງຮ່ວມແຮງຮ່ວມໃຈກັນໃນການປົກປ້ອງ, ສົ່ງເສີມ ແລະ ຊ່ວຍເຫຼືອພັດທະນາເດັກນ້ອຍ ເພື່ອໃຫ້ເຂົາເຈົ້າເຕີບໃຫຍ່ເປັນພົນລະເມືອງທີ່ຫ້າວຫັນຂອງສັງຄົມ.ທ່ານນາຍົກໄດ້ກ່າວຄຳຮຽກຮ້ອງດັ່ງກ່າວໃນຄຳໂອວາດເນື່ອງໃນໂອກາດວັນເດັກນ້ອຍສາກົນ ວັນທີ 1 ມິຖຸນາ.ອ່ານຕໍ່ ...

ໂຕກຽວ (ວຽງຈັນທາມສ໌/ANN) – ລັດຖະບານຍີ່ປຸ່ນໄດ້ຕົກລົງຊ່ວຍເຫຼືອປະເທດລາວ ໃນການພັດທະນາຊັບພະຍາກອນມະນຸດທີ່ມີຄຸນນະພາບ ທີ່ຮັບຜິດຊອບໃນການສ້າງຄວາມເຂັ້ມແຂງດ້ານຄວາມສາມາດໃນການບໍລິຫານ ແລະ ການຈັດຕັ້ງສະຖາບັນ, ເຊັ່ນ ການຍົກລະດັບຄວາມສາມາດຂອງເຈົ້າໜ້າທີ່ລັດຖະບານ, ຕາມເວັບໄຊຂອງກະຊວງການຕ່າງປະເທດຍີ່ປຸ່ນ.ຄຳສັນຍາດັ່ງກ່າວໄດ້ມີຂຶ້ນໃນການໂອ້ລົມລະຫວ່າງທ່ານ ທອງລຸນ ສີສຸລິດ ແລະ ທ່ານ ຊິນໂຊ ອາເບ ນາຍົກລັດຖະມົນຕີຂອງສອງປະເທດ ທີ່ນະຄອນໂຕກຽວວານນີ້.ອ່ານຕໍ່  ...

ນັກສຶກສາມະຫາວິທະຍາໄລ ແລະ ນັກສຶກສາຈົບໃໝ່ທົ່ວປະເທດ ຄົ້ນຫາໂອກາດຊອກວຽກໃນງານຕະຫຼາດນັດແຮງງານແຫ່ງຊາດ ເຊິ່ງຈັດຂຶ້ນທີ່ນະຄອນຫຼວງວຽງຈັນ.ການລົງທະບຽນລາຍຊື່ໄວ້ກັບບໍລິສັດໃຫຍ່ໆ ແລະ ການຮັບຄຳແນະນຳຈາກຊ່ຽວຊານໃນທຸລະກິດຕ່າງໆກ່ຽວກັບເສັ້ນທາງສາຍອາຊີບ ແມ່ນໜຶ່ງໃນຊ່ອງທາງເພື່ອດຶງດູດນັກສຶກສາທີ່ກຳລັງຊອກວຽກ ເຂົ້າມາໃນງານຕະຫຼາດນັດແຮງງານໄລຍະສອງວັນດັ່ງກ່າວ.ອ່ານຕໍ່ ...

ວຽງຈັນ, 29 ພຶດສະພາ (Xinhua) –– ກຸ່ມບໍລິສັດກໍ່ສ້າງ ແລະ ຖືຫຸ້ນການລົງທຶນຢຸນນານປະເທດຈີນ (YCIH) ແລະ ກະຊວງແຜນການ ແລະ ການລົງທຶນຂອງລາວ ໄດ້ລົງນາມໃນຂໍ້ຕົກລົງກ່ຽວກັບຂອບການຮ່ວມມືສຳລັບການກໍ່ສ້າງທາງດ່ວນຈີນ-ລາວ ທີ່ນະຄອນຫຼວງວຽງຈັນ.ອີງຕາມຂໍ້ຕົກລົງທີ່ໄດ້ລົງນາມໃນວັນອັງຄານຜ່ານມານີ້, ທັງສອງຝ່າຍຈະຍຶດໝັ້ນຕາມຫຼັກການການມີຜົນປະໂຫຍດຮ່ວມກັນ ແລະ ຕ່າງຝ່າຍຕ່າງໄດ້ຮັບຜົນປະໂຫຍດ, ການພັດທະນາຮ່ວມກັນ, ແລະ ການດຳເນີນການຄ້າພາຍໃຕ້ການສະໜັບສະໜູນຂອງລັດຖະບານສອງຝ່າຍ, ເພື່ອຮ່ວມກັນພັດທະນາໂຄງການກໍ່ສ້າງທາງດ່ວນຈີນ-ລາວ. ທັງສອງຝ່າຍຈະລົງທຶນຮ່ວມກັນ ໃນການກໍ່ສ້າງແຕ່ລະຕອນທາງຂອງໂຄງການບົນພື້ນຖານ “ສປສ” (ສ້າງ-ປະຕິບັດ-ສົ່ງມອບ).ເສັ້ນທາງດ່ວນວຽງຈັນ-ວັງວຽງທີ່ພວມດຳເນີນການກໍ່ສ້າງນີ້ມີໄລຍະ 109.1 ກມ, ແລະ ມີມູນຄ່າປະມານ 1.3 ຕື້ໂດລາສະຫະລັດ. ເສັ້ນທາງສີ່ເລນດັ່ງກ່າວຈະຊ່ວຍປະຢັດເວລາໃນການເດີນທາງຈາກວຽງຈັນເຖິງວັງວຽງປະມານ 2.5 ຊົ່ວໂມງພາຍຫຼັງສຳເລັດໂຄງການ, ເຫຼືອພຽງປະມານ 1.5 ຊົ່ວໂມງດ້ວຍລົດສ່ວນຕົວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທະນາຄານໂລກໄດ້ຕົກລົງປ່ອຍສິນເຊື່ອຈຳນວນ US$40 ລ້ານໂດລາໃຫ້ແກ່ລັດຖະບານລາວ ເພື່ອສົ່ງເສີມການປະຕິຮູບການຂະຫຍາຍຕົວສີຂຽວ.ສະຖາບັນການເງິນໂລກດັ່ງກ່າວໄດ້ຖະແຫຼງໃນອາທິດນີ້ວ່າ ຄະນະບໍລິຫານໄດ້ທຳການອະນຸມັດຂໍ້ຕົກລົງເງິນກູ້ດັ່ງກ່າວໃນວັນທີ 28 ພຶດສະພານີ້. ເຖິງຢ່າງໃດກໍຕາມ ຍັງບໍ່ມີລາຍງານກ່ຽວກັບກຳນົດການໃນການລົງນາມໃນຂ້ຕົກລົງເງິນກູ້ດັ່ງກ່າວຂອງລັດຖະບານລາວ ຮ່ວມກັບທາງທະນາຄານ.ອ່ານຕໍ່ ...

ລັດຖະບານຍີ່ປຸ່ນໄດ້ຕົກລົງໃຫ້ທຶນຊ່ວຍເຫຼືອ 97 ລ້ານເຢັນ (US$880,201 ໂດລາ) ໃນການຂະຫຍາຍລະບົບນ້ຳປະປາໃນຕົວເມືອງຫຼວງພະບາງ.ໂຄງການດັ່ງກ່າວຈະດຳເນີນແຕ່ວັນທີ 1 ມິຖຸນາ 2019 ເຖິງ 10 ຕຸລາ 2020.ໃນວັນອັງຄານຜ່ານມາ ອົງການຮ່ວມມືສາກົນແຫ່ງປະເທດຍີ່ປຸ່ນປະຈຳລາວ ໄດ້ລົງນາມໃນຂໍ້ຕົກລົງກັບກະຊວງແຜນການ ແລະ ການລົງທຶນ ກ່ຽວກັບການປັບປຸງລະບົບນ້ຳປະປາ ເພື່ອຮັບປະກັນການສະໜອງນ້ຳສະອາດທີ່ພຽງພໍສຳລັບຕົວເມືອງທີ່ມີການຂະຫຍາຍຕົວຢ່າງວ່ອງໄວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ພື້ນທີ່ປ່າໄມ້ຄາດວ່າຈະເພີ່ມເປັນ 68% ຂອງເນື້ອທີ່ດິນທົ່ວປະເທດໃນປີ 2020, ຫຼຸດລະດັບໝາຍ 70% ເລັກໜ້ອຍ, ຕາມບົດລາຍງານຫຼ້າສຸດທີ່ກ່ຽວຂ້ອງ.ການສຳຫຼວດໃນປີ 2015 ເປີດເຜີຍວ່າເນື້ອທີ່ປ່າໄມ້ຂອງລາວມີ 58%. ຖ້າຄິດສະເລ່ຍອັດຕາການເພີ່ມຢູ່ທີ່ 2%, ເນື້ອທີ່ປ່າໄມ້ອາດເພີ່ມເປັນ 68% ໃນປີ 2020, ຕາມບົດລາຍງານຂອງກົມປ່າໄມ້, ກະຊວງກະສິກຳ ແລະ ປ່າໄມ້.ອ່ານຕໍ່ ...

ບໍລິສັດຈີນຈະເຮັດສວນກ້ວຍໃນພື້ນທີ່ຈັດສັນຂອງລັດຖະບານເພື່ອຊົດເຊີຍໃຫ້ແກ່ຜູ້ປະສົບໄພເຂື່ອນແຕກໃນປີ 2018 ທີ່ຖືໄດ້ວ່າເປັນໄພນ້ຳຖ້ວມຄັ້ງຮ້າຍແຮງທີ່ສຸດຂອງປະເທດ ໃນຮອບຫຼາຍທົດສະວັດ, ຕາມຂ່າວຈາກໜ່ວຍຂ່າວ RFA ລາວ.ໄພພິບັດດັ່ງກ່າວ ເກີດຂື້ນໃນເດືອນກໍລະກົດປີກາຍນີ້ ເນື່ອງຈາກສັນເຂື່ອນຂອງໂຄງການພະລັງງານໄຟຟ້າເຊປຽນ-ເຊນ້ຳນ້ອຍແຕກ ຫຼັງຈາກມີຝົນຕົກໜັກ ເຮັດໃຫ້ນ້ຳໄຫຼຖ້ວມ 12 ບ້ານ ແລະ ຂ້າຊີວິດຊາວບ້ານຢ່າງໜ້ອຍ 40 ຄົນຢູ່ແຂວງຈຳປາສັກ ແລະ ອັດຕະປືທາງພາກໃຕ້ຂອງລາວ ແລະ ມີຜູ້ສູນຫາຍອີກບາງຈຳນວນ.ພື້ນທີ່ດິນຈຳນວນ 2,000 ເຮັກຕາທີ່ຕັ້ງຢູ່ໃກ້ບ້ານພິນດົງ ເມືອງສະໜາມໄຊ ແຂວງອັດຕະປື ໄດ້ຮັບການບຸກເບີກໂດຍລັດຖະບານໃນສາມເດືອນກ່ອນ ເຊິ່ງເຂົ້າໃຈວ່າຈະມອບໃຫ້ແກ່ຜູ້ປະສົບໄພໃຫ້ສາມາດທຳການຜະລິດໃນຊ່ວງລະດູຝົນນີ້,​ ແຕ່ວ່າຫຼ້າສຸດ ອຳນາດການປົກຄອງໄດ້ມີການອະນຸຍາດໃຫ້ນັກລົງທຶນຈີນເຂົ້າມາປູກກ້ວຍ.ອ່ານຕໍ່ ...

ບໍລິສັດກໍ່ສ້າງຂອງເກົາຫຼີໃຕ້ບໍ່ຍອມຮັບຂໍ້ສະຫຼຸບຫຼ້າສຸດຂອງລັດຖະບານລາວ ທີ່ກ່າວອ້າງກ່ຽວກັບສາເຫດຂອງການແຕກຂອງເຂື່ອນໄຟຟ້ານ້ຳຕົກໃນປີກາຍນີ້ຢູ່ລາວ.ບໍລິສັດ  SK ເອັນຈິເນຍຣິງ  & ຄອນສະຕຣັກເຊິນ ກ່າວໃນກອງປະຊຸມສື່ມວນຊົນໃນວັນທີ 29 ພຶດສະພາວ່າ ທາງບໍລິສັດບໍ່ສາມາດຍອມຮັບ ກ່ຽວກັບຂໍ້ສະຫຼຸບດັ່ງກ່າວໄດ້ ເນື່ອງຈາກມັນຂາດພື້ນຖານ ແລະ ຂໍ້ມູນທີ່ເປັນວິທະຍາສາດ.ອ່ານຕໍ່ ...

ວຽງຈັນ (AsiaNews/Agencies) – ການແຕກຂອງສັນເຂື່ອນເຊປຽນ-ເຊນ້ຳນ້ອຍ ໃນວັນທີ 23 ກໍລະກົດ 2018 ແມ່ນຍ້ອນວິທີການກໍ່ສ້າງທີ່ບໍ່ໄດ້ມາດຕະຖານ ໂດຍການນຳໃຊ້ດິນແທນຊີມັງ.ລັດຖະບານລາວໄດ້ຈັດຖະແຫຼງການວານນີ້ ເພື່ອໃຫ້ຂໍ້ສະຫຼຸບກ່ຽວກັບການສືບສວນສອບສວນກໍລະນີດັ່ງກ່າວຂອງທີມຜູ້ຊ່ຽວຊານອິດສະຫຼະ (IEP).ພາຍຫຼັງການແຕກຂອງໂຄງສ້າງເຂື່ອນ, ມວນນ້ຳປະລິມານຫ້າຕື້ແມັດກ້ອນໄດ້ໄຫຼເຂົ້າຖ້ວມ 12 ບ້ານຢູ່ແຂວງຈຳປາສັກ ແບະ ອັດຕະປືທາງພາກໃຕ້ຂອງລາວ ເຮັດໃຫ້ມີຜູ້ເສຍຊີວິດຢ່າງໜ້ອຍ 40 ຄົນ ພ້ອມຜູ້ສູນຫາຍອີກຈຳນວນໜຶ່ງ.ອ່ານຕໍ່ ...