News

ວຽງຈັນ (ວຽງຈັນທາມສ໌/ANN) – ຕົວເລກການຄ້າຂາອອກ ແລະ ຂາເຂົ້າລວມຂອງລາວສຳລັບປີນີ້ ຍັງຄົງບໍ່ສາມາດບັນລຸເປົ້າ ຫຼັງຈາກທີ່ໃນຊ່ວງສີ່ເດືອນຕົ້ນປີ 2019 ສາມາດບັນລຸໄດ້ພຽງ 22.7% ຂອງແຜນປີ 2019, ຕາມການລາຍງານຕໍ່ສະພາແຫ່ງຊາດ.“ສະພາແຫ່ງຊາດໄດ້ກຳນົດເປົ້າໝາຍມູນຄ່າການຄ້າສຳລັບປີ 2019 ໄວ້ທີ່ US$11,291 ລ້ານໂດລາ, ແຕ່ວ່າໃນຊ່ວງສີ່ເດືອນທຳອິດຂອງປີນີ້ ມູນຄ່າການຄ້າລວມຂອງລາວມີພຽງ US$2,573 ລ້ານໂດລາ,” ທ່ານ ທອງລຸນ ສີສຸລິດ ນາຍົກລັດຖະມົນຕີ ກ່າວໃນການເປີດກອງປະຊຸມສະໄໝສາມັນຂອງສະພາແຫ່ງຊາດວານນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຜູ້ທີ່ຖືໜັງສືເດີນທາງທາງການທູດຂອງລາວ ຫຼື ໜັງສືເດີນທາງແດງ ແມ່ນບໍ່ຈຳເປັນຕ້ອງຂໍວີຊາເພື່ອເດີນທາງເຂົ້າປະເທດນໍເວ, ຕາມກະຊວງການຕ່າງປະເທດລາວ.ກະຊວງໄດ້ແຈ້ງວ່າປະເທດລາວ ແລະ ນໍເວໄດ້ຕົກລົງໃນເດືອນສິງຫາປີ 2018 ກ່ຽວກັບການຍົກເວັ້ນວີຊາສຳລັບຜູ້ຖືໜັງສືເດີນທາງທາງການທູດ ທີ່ຕ້ອງການເດີນທາງປະເທດເຂົ້າອອກສອງປະເທດ. ເຖິງຢ່າງໃດກໍຕາມ ຂໍ້ຕົກລົງຫາກໍ່ມີຜົນນຳໃຊ້ນັບແຕ່ວັນທີ 1 ມິຖຸນານີ້ເປັນຕົ້ນໄປ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ຕົກລົງສືບຕໍ່ນຳໃຊ້ແຜນພັດທະນາເສດຖະກິດສັງຄົມແຫ່ງຊາດ ແລະ ແຜນງົບປະມານແຫ່ງຊາດສະບັບປະຈຸບັນ ເຖິງວ່າຈະປະສົບກັບສິ່ງທ້າທາຍຫຼາຍຢ່າງໃນການບັນລຸເປົ້າໝາຍ.ໃນບົດລາຍງານຕໍ່ທີ່ປະຊຸມສະພາແຫ່ງຊາດວານນີ້, ທ່ານນາຍົກໄດ້ກ່າວວ່າ “ລັດຖະບານຈະສືບຕໍ່ດຳເນີນພາລະບົດບາດ ແລະ ໜ້າທີ່ຮັບຜິດຊອບ ຕາມທີ່ໄດ້ລະບຸໃນບົດລາຍງານແລະ ມະຕິຕ່າງທີ່ນຳສະເໜີໃນກອງປະຊຸມເທື່ອທີຫົກຂອງສະພາແຫ່ງຊາດຊຸດທີ 8.”ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານສັນຍາຈະພັດທະນາ ແລະ ປັບປຸງສະຖານທີ່ທ່ອງທ່ຽວຫ້າແຫ່ງໃນແຕ່ລະແຂວງ ກໍຄືການປັບປຸງຖະໜົນໃນການເຂົ້າເຖິງ ແລະ ສີ່ງອຳນວຍຄວາມສະດວກຕ່າງໆພາຍໃນປີໜ້າ ເພື່ອຫວັງດຶງດູດນັກທ່ອງທ່ຽວໃຫ້ຫຼາຍຂຶ້ນ.ນີ້ແມ່ນຄຳເຫັນຂອງທ່ານ ສຈ ປອ ບໍ່ແສງຄຳ ວົງດາຣາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໃນພິທີເປີດກອງປະຊຸມສະໄໝສາມັນຂອງສະພາແຫ່ງຊາດວານນີ້.ທ່ານລັດຖະມົນຕີກ່າວວ່າ ລັດຖະບານຈະຊຸກຍູ້ການຊ່ວຍເຫຼືອຈາກຂະແໜງເອກະຊົນ ໃນການກໍ່ສ້າງພື້ນຖານໂຄງລ່າງ, ສິ່ງອຳນວຍຄວາມສະດວກ ແລະ ການບໍລິການຕ່າງໆເພື່ອຮອງຮັບການຂະຫຍາຍຕົວຂອງການທ່ອງທ່ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກອງປະຊຸມສະໄໝາສາມັນຄັ້ງທີເຈັດຂອງສະພາແຫ່ງຊາດຊຸດທີ 8 ໄດ້ໄຂຂຶ້ນວານນີ້, ເຊິ່ງໄດ້ມີການຍົກໃຫ້ເຫັນຂໍ້ຫຍຸ້ງຍາກທາງດ້ານເສດຖະກິດຂອງຊາດ, ເຊິ່ງລັດຖະບານຕ້ອງສືບຕໍ່ແກ້ໄຂປັບປຸງ.ໃນການກ່າວຄຳເຫັນໃນການເປີດກອງປະຊຸມຄັ້ງນິ້, ທ່ານນາງ ປານີ ຢາທໍ່ຕູ້  ປະທານສະພາແຫ່ງຊາດກ່າວວ່າ ກອງປະຊຸມສະໄໝສາມັນໃນຮອບຫົກເດືອນນີ້ ຈະມີການພິຈາລະນາການແຕ່ງຕັ້ງສະມາຊິກຄະນະລັດຖະບານຊຸດໃໝ່ ຕາມການສະເໜີຂອງທ່ານ ທອງລຸນ ສີສຸລິດ ນາຍົກລັດຖະມົນຕີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານລາວໄດ້ຕົກລົງດຳເນີນການສຶກສາຄວາມເປັນໄປໄດ້ກ່ຽວກັບການຊື້ຂາຍກະແສໄຟຟ້າ ແລະ ແລກປ່ຽນພະລັງງານໄຟຟ້າ ກັບບັນດາປະເທດເພື່ອນບ້ານເພື່ອສົ່ງເສີມການຮ່ວມມືໃນຂະແໜງພະລັງງານ.ລາວໄດ້ຕົກລົງຈຳໜ່າຍກະແສໄຟຟ້າ 5,000 ເມກາວັດໃຫ້ແກ່ຫວຽດນາມ ແລະ ໃນປະຈຸບັນກຳລັງມີການສົ່ງອອກພະລັງງານກວ່າ 300 ເມກາວັດ ແລະ ຄາດວ່າສະສະໜອງພະລັງງານໃຫ້ໄດ້ 1,000 ເມກາວັດພາຍໃນປີ 2020, ທ່ານ ປອ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ລາຍງານໃນພິທີກອງປະຊຸມຂອງຂະແໜງພະລັງງານ ແລະ ບໍ່ແຮ່ ສຳລັບໄຕມາດທຳອິດ ໃນວັນຈັນມາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ຮຽກຮ້ອງໃຫ້ຂະແໜງພະລັງງານ ແລະ ບໍ່ແຮ່ ເພີ່ມທະວີການນຳໃຊ້ຊັບພະຍາກອນທຳມະຊາດ ເພື່ອສ້າງປະໂຫຍດສູງສຸດທາງດ້ານລາຍຮັບແບບຍືນຍົງຈາກໂຄງການຕ່າງໆທົ່ວປະເທດ.ຄຽງຄູ່ກັບການເພີ່ມທະວີຜົນປະໂຫຍດຈາກໂຄງການພະລັງງານ ແລະ ບໍ່ແຮ່, ນາຍົກຍັງໄດ້ແນະນຳຕໍ່ເຈົ້າໜ້າທີ່ພາກສ່ວນກ່ຽວຂ້ອງໃນກອງປະຊຸມປະຈຳໄຕມາດທຳອິດຂອງປີ 2019 ຂອງຂະແໜງການ ໃນການພິຈາລະນາສາມມາດຕະການກ່ອນການອະນຸມັດໂຄງການ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ໃນລະຫວ່າງການໂອ້ລົມທີ່ປະເທດຫວຽດນາມໃນວັນເສົາຜ່ານມາ, ທ່ານ ທອງລຸນ ສີສຸລິດ ນາຍົກລັດຖະມົນຕີລາວ ແລະ ທ່ານ ຫງວຽນ ຊວນ ພຸກ ນາຍົກຫວຽດນາມໄດ້ສົນທະນາກ່ຽວກັບຜົນສຳເລັດຂອງໂຄງການຮ່ວມມື, ໂດຍສະເພາະແມ່ນໂຄງການກໍ່ສ້າງພື້ນຖານໂຄງລ່າງຂະໜາດໃຫຍ່.ນາຍົກລາວໄດ້ແວ່ພັກທີ່ນະຄອນຮ່າໂນ້ຍ ໃນຂະນະເດີນທາງກັບຈາກກອງປະຊຸມ Future of Asia ທີ່ປະເທດຍີ່ປຸ່ນ, ຕາມການລາຍງານຂອງສື່ມວນຊົນລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານລາວ ແລະ ເກົາຫຼີໃຕ້ມີການຮ່ວມມືໃນການກໍ່ສ້າງໂຮງໝໍທັນສະໄໝຂຶ້ນທີ່ນະຄອນວຽງຈັນ ເພື່ອໃຫ້ການບໍລິການການປິ່ນປົວແບບທັນສະໄໝ ແລະ ຫຼຸດຜ່ອນປະລິມານຄົນເຈັບທີ່ຕ້ອງເດີນທາງໄປປິ່ນປົວຢູ່ບັນດາປະເທດເພື່ອນບ້ານ.ໂຮງໝໍດັ່ງກ່າວມີມູນຄ່າການກໍ່ສ້າງກວ່າ US$80 ລ້ານໂດລາ ເຊິ່ງລວມມີການປະກອບສ່ວນຈາກລັດຖະບານເກົາຫຼີ ພາຍໃຕ້ກອງທຶນການຮ່ວມມືໃນການພັດທະນາເສດຖະກິດ (EDCF) ເປັນມູນຄ່າ US$65 ລ້ານໂດລາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະພາການຄ້າ ແລະ ອຸດສາຫະກຳຢູໂຣບປະຈຳລາວ (ECCIL) ໄດ້ລິເລີ່ມໂຄງການບົດລາຍງາຍໜ້າຂາວ 2019 ເພື່ອສະໜອງຂໍ້ມູນລາຍລະອຽດກ່ຽວກັບເສດຖະກິດຂອງລາວ ເຊິ່ງຫວັງວ່າປະເທດລາວຈະສາມາດດຶງດູດການລົງທຶນຈາກ ອີຢູ ໄດ້ຫຼາຍຂຶ້ນ.ໃນກອງປະຊຸມຕໍ່ສື່ມວນຊົນໃນວັນພຸດຜ່ານມາ, ທ່ານ ດານ ຟິສ໌ແພດທຣິກ ຫົວໜ້າໂຄງການຂອງ ECCIL ກ່າວວ່າ ບົດລາຍງານໜ້າຂາວຂອງ ECCIL ຈະສະໜອງຂໍ້ມູນກ່ຽວກັບໂອກາດໃນການລົງທຶນສຳລັບໂຄງການກໍ່ສ້າງພື້ນຖານໂຄງລ່າງຕ່າງໆໃນລາວ ໃຫ້ແກ່ນັກລົງທຶນທັງພາຍໃນ ແລະ ຕ່າງປະເທດ.ອ່ານຕໍ່ ...