News

ວຽງຈັນ (ວຽງຈັນທາມສ໌/ANN) – ບໍລິສັດພູເບ້ຍມາຍນິ້ງຈຳກັດ ຫວັງສືບຕໍ່ສັນຍາສຳປະທານໃນການຂຸດຄົ້ນບໍ່ແຮ່ ຢູ່ເມືອງອານຸວົງ ແຂວງໄຊສົມບູນ, ເຊິ່ງຈະສິ້ນສຸດໃນທ້າຍປີ 2021 ນີ້.ທາງບໍລິສັດໄດ້ສະກັດຕົວຢ່າງຈາກພື້ນທີ່ສຳຫຼວດໃໝ່ເພື່ອນຳມາວິເຄາະ ເຊິ່ງຜົນການວິເຄາະຈະຮູ້ໄດ້ໃນຕົ້ນປີໜ້າ. ຈາກນັ້ນຈະມີການສຶກສາຄວາມເປັນໄປໄດ້ ແລະ ປຶກສາຫາລືກັບກະຊວງພະລັງງານ ແລະ ບໍ່ແຮ່ ເພື່ອຄົ້ນຄວ້າຂັ້ນຕອນໃນການດຳເນີນໂຄງການໃນຂັ້ນຕໍ່ໄປ.ອ່ານຕໍ່ ...

(ຂປລ) ນັກຊ່ຽວຊານກວ່າ 70 ຄົນຈາກລາວ ແລະ ບັນດາປະເທດອາຊຽນພົບປະກັນທີ່ນະຄອນວຽງຈັນ ເພື່ອທົບທວນບົດລາດ ແລະ ຜົນກະທົບຂອງການຮຽນຮູ້ ແລະ ການສຶກສາສຳລັບຜູ້ໃຫຍ່ໃນການສ້າງສັງຄົມອາຊີໃນສັດຕະວັດທີ 20.ຈຸດປະສົງອີກຢ່າງໜຶ່ງຂອງກອງປະຊຸມດັ່ງກ່າວແມ່ນເພື່ອສັນຫາໂອກາດສຳລັບ ສະມາຄົມການຮຽນຮູ້ ແລະ ການສຶກສາສຳລັບຜູ້ໃຫຍ່ໃນສັດຕະວັດທີ 20 ແລະ ເພື່ອທົບທວນກ່ຽວກັບການປ່ຽນແປງ ແລະ ນະວັດຕະກຳຕ່າງໆ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານຈະເລັ່ງການໃຫ້ກູ້ຢືມຜ່ານຂະແໜງການທະນາຄານ ເພື່ອສົ່ງເສີມທຸລະກິດທ້ອງຖິ່ນ ໃຫ້ເຂົາເຈົ້າມີການແຂ່ງຂັນຫຼາຍຂຶ້ນ ແລະ ສ້າງໂອກາດໃນການສົ່ງອອກສິນຄ້າ.ອຳນາດການປົກຄອງມີແຜນເພີ່ມທະວີການເງິນກູ້ໃຫ້ເປັນປະມານ 55% ຂອງ GDP ພາຍໃນທ້າຍປີນີ້, ຊຶ່ງເພີ່ມຂຶ້ນຈາກຕົວເລກປະຈຸບັນ 46.32% (ຫຼື 76,030.60 ຕື້ກີບ).ອ່ານຕໍ່ ...

(ຂປລ) ສະຖານທູດໄທ ນະຄອນຫຼວງວຽງຈັນ ຮ່ວມກັບ ບໍລິສັດ ເອັດສ໌ຊີຈີ ແລະ ຜູ້ປະກອບການຄົນໄທໃນລາວ ໄດ້ຈັດກິດຈະກຳກວດສຸຂະພາບ ແລະ ສຸຂະພາບຊ່ອງປາກສຳລັບພະສົງ ແລະ ສາມະເນນຫຼາຍຮ້ອຍອົງ ເນື່ອງໃນໂອກາດສະເຫຼີມສະຫຼອງການຂຶ້ນຄອງລາດຂອງເຈົ້າຊີວິດໄທ ລາດຊະການທີສິບໃນຫວ່າງບໍ່ດົນມານີ້ ແລະ ວັນເກີດຂອງພະລາຊິນີ.ງານດັ່ງກ່າວໄດ້ຈັດຂຶ້ນທີ່ວັດອົງຕື້ ນະຄອນຫຼວງວຽງຈັນ ໃນວັນທີ 5-6 ມິຖຸນານີ້.ອ່ານຕໍ່ ...

(ຂປລ) ການເຂົ້າເຖິງ ແລະ ກິດຈະກຳສົ່ງເສີມສຸຂະພາບໄວຈະເລີນພັນ ມີຈຸດປະສົງແນໃສ່ເພີ່ມທະວີການເຂົ້າເຖິງໂຮງງານຕັດຫຍິບໃນນະຄອນຫຼວງວຽງຈັນ.ຄຼີນີິກໄວໜຸ່ມນະຄອນຫຼວງວຽງຈັນ (VYC) ຮ່ວມກັບສະຫະພັນແມ່ຍິງລາວ (LWU) ໄດ້ຈັດຕັ້ງກອງປະຊຸມປຶກສາຫາລືຮ່ວມກັບເຈົ້າຂອງ ແລະ ຫົວໜ້າໂຮງງານຕັດຫຍິບໃນນະຄອນຫຼວງວຽງຈັນໃນວັນທີ 7 ມິຖຸນາ ເພື່ອຫາລືການຂະຫຍາຍຂອບເຂດຂອງວຽກງານໃນປະຈຸບັນ ແລະ ເພີ່ມທະວີການມີສ່ວນຮ່ວມຂອງຂະແໜງເອກະຊົນ ເພື່ອສົ່ງເສີມການເຂົ້າເຖິງຂໍ້ມູນຂ່າວສານ ແລະ ການບໍລິການດ້ານສຸຂະພາບໄວຈະເລີນພັນສຳລັບຜູ້ອອກແຮງງານ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ວານນີ້ ສະມາຊິກສະພາແຫ່ງຊາດໄດ້ສຸມໃສ່ການຫາລືວິທີການໃນການແກ້ໄຂບັນຫາດ້ານເສດຖະກິດ, ການສະແດງຄວາມກັງວົນຕໍ່ໜີ້ສິນຂອງຊາດທີ່ກຳລັງເພີ່ມພູນ, ການຂາດດູນລາຍຮັບ, ການຫຼຸດລົງຂອງຄັງສຳຮອງເງິນຕາຕ່າງປະເທດ, ກໍຄືການຫຼຸດຜ່ອນການຂະຫຍາຍຕົວຂອງເສດຖະກິດ.ໃນຂະນະທີ່ຫາລືບົດລາຍງານການພັດທະນາເສດຖະກິດ-ສັງຄົມ ແລະ ແຜນງົບປະມານຂອງລັດຖະບານໃນກອງປະຊາມສະໄໝສາມັນວານນີ້, ສະມາຊິກສະພາໄດ້ຮຽກຮ້ອງໃຫ້ລັດຖະບານສືບຕໍ່ແກ້ໄຂບັນຫາປາກທ້ອງຂອງປະຊາຊົນ ແລະ ການຫຼຸດຜ່ອນຄວາມທຸກຍາກ.ການຫາລືດັ່ງກ່າວກໍເນື່ອງຈາກວ່າປະເທດລາວກຳລັງຜະເຊີນກັບບັນຫາທາງດ້ານເສດຖະກິດ. ເສດຖະກິດຂອງຊາດຍັງບໍ່ທັນເຂັ້ມແຂງຕໍ່ຜົນກະທົບຈາກພາຍນອກ ແລະ ຕ້ອງມີທັດສະນະການເມືອງທີ່ເຂັ້ມແຂງໃນການແກ້ໄຂບັນຫາດັ່ງກ່າວ.ອ່ານຕໍ່ ...

ມະຫາວິທະຍາໄລແຫ່ງຊາດ ແລະ ສະຖາບັນຊ່ວຍເຫຼືອດ້ານກົດໝາຍ ແລະ ວິຊາການຈະສືບຕໍ່ຊ່ວຍເຫຼືອນັກສຶກສາໃນການພັດທະນາຄວາມຮູ້ທົ່ວໄປໃຫ້ທັນກັບສະພາບ, ເສີມຂະຫຍາຍທັກສະພາສາອັງກິດ ແລະ ເສີມສ້າງອັດທະຍາໄສໃນການຮຽນຮູ້ ຈາກການແຂ່ງຂັນຖາມຕອບມະຫາວິທະຍາໄລຄັ້ງທີສອງ.ການແຂ່ງຂັນຖາມຕອບມະຫາວິທະຍາໄລຄັ້ງທີສອງໄດ້ຈັດຂຶ້ນທີ່ມະຫາວິທະຍາໄລແຫ່ງຊາດ (ມຊ) ນະຄອນຫຼວງວຽງຈັນ ໃນວັນພຸດຜ່ານມາ, ພາຍໃຕ້ການເຂົ້າຮ່ວມຂອງທ່ານອາຈານ ພູວົງ ວິໄລແສງ ຮອງຄະນະບໍດີຝ່າຍຄຸ້ມຄອງນັກສຶກສາ ຄະນະນິຕິສາດ ແລະ ວິທະຍາສາດການເມືອງ, ທ່ານ ຈອນ ຄອນໂນລີ ອຳນວຍການດ້ານຂໍ້ມູນຂ່າວສານຂອງ ສະຖາບັນຊ່ວຍເຫຼືອດ້ານກົດໝາຍ ແລະ ວິຊາການ, ພ້ອນດ້ວຍນັກສຶກສາ.ອ່ານຕໍ່ ...

ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມຈະເພີ່ມທະວີບົດບາດໃນການອະນຸມັດການເຊົ່າ ແລະ ສຳປະທານທີ່ດິນ ເພື່ອປັບປຸງການຄຸ້ມຄອງການຈ່າຍອາກອນທີ່ດິນ, ຕາມທ່ານນາຍົກລັດຖະມົນຕີ ທອງລຸນ ສີສຸລິດ.“ຈາກນີ້ຕໍ່ໄປ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມຈະຮັບຜິດຊອບໃນການສຳຫຼວດ, ວັດແທກ ແລະ ວາງແຜນໂຄງການເຊົ່າ ແລະ ສຳປະທານທີ່ດິນທັງໝົດ,” ທ່ານນາຍົກ່າວຕໍ່ສະມາຊິກສະພາແຫ່ງຊາດໃນວັນພຸດຜ່ານມາ.ອ່ານຕໍ່ ...

ຫຼວງນ້ຳທາ, ລາວ (ວຽງຈັນທາມສ໌/ANN) – ໃນຊ່ວງສິບປີຫຼັງ, ເມືອງຊາຍແດນ ບໍ່ເຕັນ ແຂວງຫຼວງນ້ຳທາ ເຄີຍຄຶກຄັກໄປດ້ວຍໄຟແສງສີ, ຟົດຟື້ນໄປດ້ວຍນັກທ່ອງທ່ຽວ ແລະ ຫົວໜ່ວຍທຸລະກິດຕ່າງໆເຊິ່ງເປັນສູນກາງຂອງກາຊີໂນ ແລະ ແຫຼ່ງການພະນັນ ທີ່ດຶງດູດນັກທ່ອງທ່ຽວຈີນຫຼາຍພັນຄົນຈາກທົ່ວສາລະທິດຊາຍແດນທາງພາກເໜືອຂອງລາວໃນແຕ່ລະເດືອນ.ເມື່ອສະຖານກາຊິໂນໄດ້ມີການປິດຕົວໃນປີ 2012, ນັກທ່ອງທ່ຽວກໍຫົດຫາຍ ແລະ ທຸລະກິດຕ່າງໆໄດ້ມີການປິດກິດຈະການຢ່າງຖາວອນ. ເປັນເຫດໃຫ້ຈຳນວນປະຊາກອນຫຼຸດໜ້ອຍລົງຢ່າງຈະແຈ້ງ, ເມື່ອຂ້າພະເຈົ້າເດີນທາງໄປຢ້ຽມຢາມໃນສອງສາມປີຫຼັງ ບໍ່ເຕັນຍັງຄົງເຫຼືອແຕ່ເສດຊາກຂອງຄວາມຈະເລີນໃນເມື່ອກ່ອນ. ຫ້າງຮ້ານທີ່ເປັນໃຈກາງທຸລະກິດຖືກປົກຄຸມໄປດ້ວຍຫຍ້າ, ຄາບສີທີ່ລອກຈາກຝາ ແລະ ປ່ອງອ້ຽມແກ້ວທີ່ແຕກກະຈາຍ ແລະ ປະຊາຊົນຈຳນວນໜ້ອຍທີ່ຍັງຢູ່ອາໄສເບິ່ງຄືໄຮ້ຊີວິດຊີວາ ພາຍໃຕ້ເສດຊາກຕົວເມືອງທີ່ຢູ່ອ້ອມຮອບ.ອ່ານຕໍ່   ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ເປີດໄຟຂຽວໃຫ້ແກ່ບໍລິສັດໄຟຟ້າຕາດສະໂກຍຈຳກັດ ໃນການດຳເນີນໂຄງການພະລັງງານໄຟຟ້ານ້ຳຕົກຕາດສະໂກຍ ເມືອງເຊໂປນ ແຂວງສະຫວັນນະເຂດ.ຂໍ້ຕົກລົງການສຳປະທານໂຄງການແມ່ນໄດ້ຮັບການລົງນາມຫວ່າງໆໝໍ່ໆມານີ້ ທີ່ວຽງຈັນ ລະຫວ່າງທ່ານ ປອ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ, ທ່ານ ປອ ສິນນະວາ ສຸພານຸວົງ ຮອງລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ສຸຣະສັກ ພັນເຣືອງວົງ ປະທານບໍລິສັດ B.Grimm Power (ລາວ) ຈຳກັດ, ແລະ ທ່ານ ພິມພາ ເອກະພົນ ອຳນວຍການບໍລິຫານກຸ່ມບໍລິສັດການລົງທຶນ ແລະ ກໍ່ສ້າງ ດາວສະຫວັນ ຈຳກັດ.ອ່ານຕໍ່ ...