News

ວຽງຈັນ (ວຽງຈັນທາມສ໌/ANN) – ທ່ານ ສຈ ປອ ບໍ່ແສງຄຳ ວົງດາຣາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ໋ຽວ ໄດ້ຮຽກຮ້ອງການຮ່ວມມືຈາກພາກລັດໃນການອະນຸລັກ ແລະ ຮັກສາສະຖານທີ່ທ່ອງທ່ຽວຕ່າງໆໃນເມືອງວັງວຽງ ພາຍຫຼັງເຫັນວ່າການຂະຫຍາຍຕົວຂອງໂຮງງານອຸດສາຫະກຳອາດເປັນໄພອັນຕະລາຍຕໍ່ສະຖານທີ່ທ່ອງທ່ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນວັນສຸກແລ້ວນີ້ ສະມາຊິກສະພາແຫ່ງຊາດໄດ້ອະນຸມັດ ການແຕ່ງຕັ້ງທ່ານ ຄຳພາ ແສງດາຣາ ເປັນປະທານສານປະຊາຊົນສູງສຸດຄົນໃໝ່ ແລະ ທ່ານ ວິດົງ ໄຊຍະສອນ ເປັນລັດຖະມົນຕີປະຈຳສຳນັກງານນາຍົກລັດຖະມົນຕີຄົນໃໝ່.ການແຕ່ງຕັ້ງສອງຕຳແໜ່ງດັ່ງກ່າວໄດ້ຮັບການອະນຸມັດ ຕາມການຍື່ນສະເໜີຂອງທ່ານປະທານປະເທດ ບຸນຍັງ ວໍລະຈິດ ແລະ ທ່ານນາຍົກລັດຖະມົນຕີ ທອງລຸນ ສີສຸລິດ. ການແຕ່ງຕັ້ງດັ່ງກ່າວໄດ້ຮັບຄະແນນສຽງສ່ວນໃຫຍ່ຈາກການໂຫວດຂອງສະມາຊິກສະພາ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ເດັກນ້ອຍນັກຮຽນປະຖົມກວ່າ 800,000 ທົ່ວປະເທດຈະໄດ້ນຳໃຊ້ປຶ້ມແບບຮຽນໃໝ່ໃນເດືອນກັນຍາ ເຊິ່ງເປັນສ່ວນໜຶ່ງຂອງຫຼັກສູດການສຶກສາຊັ້ນປະຖົມໃໝ່ ເຊິ່ງຈະນຳໃຊ້ໃນຊຸມປີຕໍ່ໜ້າ.ໃນປີນີ້ ຄູອາຈານຊັ້ນປໍ 1, ຄະນະອຳນວຍການ ແລະ ວິຊາການສິດສອນ 16,600 ຄົນ ຈະໄດ້ຮັບການຝຶກອົບຮົມກ່ຽວກັບການສິດສອນຫຼັກສູດໃໝ່ດັ່ງກ່າວ. ຄູສອນຊັ້ນປະຖົມທັງໝົດຈະຈະເຊື່ອມຊຶມເນື້ອໃນຫຼັກສູດການຮຽນການສອນດັ່ງກ່າວຜ່ານການຝຶກອົບຮົມໃນຄັ້ງນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວຫວັງວ່າອັນດັບໂລກໃນດັດຊະນີຄວາມສະດວກໃນການດຳເນີນທຸລະກິດ ຈະໄດ້ຮັບການປັບປຸງ ຫຼັງຈາກທີ່ລັດຖະບານໄດ້ອອກມາດຕະການເພື່ອຂັບເຄື່ອນເສດຖະກິດ ໂດຍການສ້າງຄວາມສະດວກໃນການດຳເນີນທຸລະກິດໃນປະເທດ.ໃນປີ 2019, ມີພຽງປະເທດມຽນມາທີ່ຢູ່ອັນດັບຕ່ຳກວ່າລາວໃນປະດາປະເທດສະມາຊິກອາຊຽນ. ລາວຕົກອັນດັບໄປ 13 ລະດັບມາຢູ່ອັນດັບທີ 154 ໃນ 190 ປະເທດທີ່ເຂົ້າຮ່ວມໃນການຈັດອັນດັບ. ສ່ວນປະເທດມຽນມາແມ່ນຢູ່ອັນດັບທີ 171.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດວິສາຫະກິດເພື່ອການບໍລິການດ້ານກະສິກຳ (SAS) ໄດ້ຕົກລົງຮ່ວມມືກັບບໍລິສັດວັນມາ ການຄ້າຂາເຂົ້າ ຂາອອກສາກົນຈຳກັດ ຂອງຈີນ ເພື່ອພັດທະນາການຜະລິດກະສິກຳໃນລາວເພື່ອການບໍລິໂພກພາຍໃນ ແລະ ການສົ່ງອອກ.ຂໍ້ຕົກລົງດັ່ງກ່າວໄດ້ມີການລົງນາມທີ່ນະຄອນວຽງຈັນໃນອາທິດແລ້ວນີ້ ໂດຍທ່ານ ວຽງທອງ ພົມມະຫາໄຊ ອຳນວຍການບໍລິຫານຂອງ SAS ແລະ ທ່ານ ເສີນ ຈິນການ ອຳນວຍການບໍລິສັດວັນມາ ການຄ້າຂາເຂົ້າ ຂາອອກສາກົນຈຳກັດ. ພິທີລົງນາມດັ່ງກ່າວແມ່ນຢູ່ພາຍໃຕ້ການເປັນສັກຂີພິຍານຂອງເຈົ້າໜ້າທີ່ລັດຖະບານລາວ ແລະ ຈີນ ພ້ອນດ້ວຍຜູ້ຕາງໜ້າຈາກທັງສອງຝ່າຍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສົງຄາມການຄ້າລະຫວ່າງສະຫະລັດ-ຈີນ ບໍ່ສົ່ງຜົນກະທົບຕໍ່ການຄ້າລະຫວ່າງລາວ ແລະ ຈີນ, ທູດຈີນຢືນຢັນ.ໃນການສຳພາດຕໍ່ສື່ມວນຊົນລາວທີ່ວຽງຈັນໃນວັນພະຫັດແລ້ວນີ້, ທ່ານ ຈຽງ ໄຈຕົງ ເອກອັກຄະລັດຖະທູດຈີນປະຈຳລາວກ່າວວ່າ ການຮ່ວມມືດ້ານການຄ້າລະຫວ່າງສອງປະເທດຍັງສືບຕໍ່ຂະຫຍາຍຕົວ ທ່າມການການຂັດແຍ່ງດ້ານການຄ້າລະຫວ່າງສະຫະລັດ ແລະ ຈີນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ, ຕີມໍເລັດສ໌ເຕ ໄດ້ຕົກລົງສືບຕໍ່ສົ່ງເສີມການຮ່ວມມືສອງຝ່າຍ ທັງມີການຄົ້ນຄວ້າທ່າແຮງໃໝ່ ເພື່ອເສີມຂະຫຍາຍການຮ່ວມມືດ້ານເສດຖະກິດ. ໝາກຜົນຂອງກອງປະຊຸມເຊິ່ງໄຂຂຶ້ນທີ່ວຽງຈັນໃນວັນພະຫັດຜ່ານມານີ້ ກໍຄືຂໍ້ຕົກລົງການຮ່ວມມືລະຫວ່າງຄະນະຜູ້ແທນຈາກກະຊວງຂອງສອງຊາດ.ອ່ານຕໍ່ ...

ລັດຖະບານຍີ່ປຸ່ນໄດ້ບໍລິຈາກອາຫານກະປ໋ອງ ແລະ ເຂົ້າສານ ມູນຄ່າ 27 ຕື້ກີບ (US$3.2 ລ້ານໂດລາ) ໃຫ້ແກ່ໂຄງການອາຫານໂຮງຮຽນ ແລະ ການສ້າງຄວາມເຂັ້ມແຂງເພື່ອຮັບມືຕໍ່ໄພພິບັດໃນລາວ ຂອງອົງການອາຫານໂລກ (WFP) .ການຊ່ວຍເຫຼືອໃນຄັ້ງນີ້ແມ່ນສຳລັບຊ່ວຍເຫຼືອຊຸມຊົນ ໂດນສະເພາະໃນການຮັບມືກັບໄພພິບັດ ແລະ ສະພາບການທີ່ມີຜົນກະທົບຕໍ່ສະບຽງອາຫານ.ອ່ານຕໍ່ ...

ເຈົ້າໜ້າທີ່ 1,285 ຄົນພົບວ່າມີສ່ວນກ່ຽວຂ້ອງກັບການສໍ້ຫຼາດບັງຫຼວງ ເຮັດໃຫ້ສູນເສຍງົບປະມານຂອງລັດຖະບານ 999 ຕື້ກີບ, ຕາມຜົນການກວດສອບລັດຖະບານປີ 2018.ທ່ານ ທອງລຸນ ສີສຸລິດ ນາຍົກລັດຖະມົນຕີ ລາຍງານຕໍ່ສະພາແຫ່ງຊາດໃນວັນສຸກແລ້ວນີ້ ພາຍຫຼັງຄະນະກຳມະກາດກວດສອບແຫ່ງລັດໄດ້ມີການສືບສວນສອບສວນກວ່າ 1,000 ຄະດີ ແລະ ທຳການເປີດໂປງກິດຈະກຳການສໍ້ລາດບັງຫຼວງ.ອ່ານຕໍ່ ...

ລັດຖະບານໄດ້ລຶບລ້າງທຸລະກິດການສົ່ງອອກສິນຄ້າບາງປະເພດ ອອກຈາກລາຍການທຸລະກິດຄວບຄຸມ ເຊິ່ງເປັນສ່ວນໜຶ່ງຂອງຄວາມພະຍາຍາມໃນການສົ່ງເສີມການສົ່ງອອກສິນຄ້າລາວສູ່ຕະຫຼາດຕ່າງປະເທດ, ຕາມກະຊວງອຸດສາຫະກຳ ແລະ ການຄ້າ.ຫຼ້າສຸດ ກະຊວງໄດ້ຖະແຫຼງວ່າ ລັດຖະບານຈະບໍ່ຈັດປະເພດການສົ່ງອອກສິນຄ້າບໍລິໂພກທົ່ວໄປເຂົ້າໃນລາຍການທຸລະກິດຄວາມຄຸມ. ນີ້ກໍໝາຍຄວາມວ່າຜູ້ສົ່ງອອກສິນຄ້າປະເພດດັ່ງກ່າວບໍ່ຈຳເປັນຕ້ອງຂໍອະນຸຍາດຈາກເຈົ້າໜ້າທີ່ ກ່ອນດຳເນີນການສົ່ງອອກສິນຄ້າ.ອ່ານຕໍ່ ...