News

ລັດຖະບານຄາດຄະເນວ່າ ການຂາດດູນງົບປະມານແຫ່ງຊາດໃນຊ່ວງຫົກເດືອນຕົ້ນປີນີ້ ອາດເພີ່ມຂຶ້ນສູງເຖິງ 1.16 ພັນຕື້ກີບ, ເພີ່ມທະວີຄວາມເຄັ່ງຕຶງດ້ານງົບປະມານ ເນື່ອງຈາກສະພາບຂາດແຄນທາງດ້ານລາຍຮັບຢ່າງຕໍ່ເນື່ອງ.ຖ້າລວມທັງຈຳນວນເງິນຕົ້ນທີ່ຕ້ອງຈ່າຍຄືນໃຫ້ເຈົ້າໜີ້ທັງພາຍໃນແລະ ຕ່າງປະເທດ, ປະເທດລາວອາດຕ້ອງໃຊ້ງົບທັງໝົດ 5.87 ພັນຕື້ກີບ ເພື່ອຮອງຮັບຄວາມຕ້ອງການໃນການໃຊ້ຈ່າຍໃນປະຈຸບັນ.ໃນກອງປະຊຸມສະໄໝສາມມັນຂອງສະພາແຫ່ງຊາດຄັ້ງຫຼ້າສຸດ, ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ແຈ້ງແຜນການຂອງລັດຖະບານ ໃນການແກ້ໄຂບັນຫາການຂາດດູນດັ່ງກ່າວ ໂດຍການລະດົມແຫຼ່ງທຶນເພີ່ມເຕີມຈາກທັງພາຍໃນ ແລະ ຕ່າງປະເທດ. ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດຕ່າງປະເທດທີ່ສົ່ງອອກສິນຄ້າເຂົ້າສູ່ຕະຫຼາດລາວຈະບໍ່ຈຳເປນຕ້ອງມີໃບອະນຸຍາດດຳເນີນທຸລະກິດພາຍໃນປະເທດ ຍ້ອນວ່າກະຊວງອຸດສາຫະກຳ ແລະ ການຄ້າໄດ້ແກ້ໄຂບັນຫາທີ່ເປັນປະເດັນດັ່ງກ່າວແລ້ວ.ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າໄດ້ເຊັນຮັບຮອງຂໍ້ຕົກລົງຂອງລັດຖະມົນຕີ ສະບັບລົງວັນທີ 6 ມິຖຸນາ ເພືື່ອອະນຸຍາດໃຫ້ບໍລິສັດຕ່າງປະເທດສົ່ງອອກສິນຄ້າມາລາວໂດຍບໍ່ຕ້ອງຂໍໃນອະນຸຍາດໃນການດຳເນີນທຸລະກິດພາຍໃນປະເທດ.ຕາມກົດໝາຍ, ທຸກໆບໍລິສັດທີ່ເຄື່ອນໄຫວທຸລະກິດໃນລາວ ຈຳເປັນຕ້ອງຂໍໃບຢັ້ງຢືນການລົງທະບຽນທຸລະກິດໃນລາວ ແລະ ໃບອະນຸຍາດດຳເນີນທຸລະກິດ. ເຖິງຢ່າງໃດກໍຕາມ ບໍລິສັດພາຍໃນຈຳນວນໜຶ່ງໄດ້ຮ້ອງຮຽນວ່າ ບໍລິສັດຕ່າງຊາດມີການຂາຍສິນຄ້າໃນລາວໂດຍບໍ່ມີໃບອະນຸຍາດ.ອ່ານຕໍ່ ...

ເພື່ອຊ່ວຍໃນການສືບຕໍ່ສະໜັບສະໜູນການລົງທຶນໃນລາວ, ທະນາຄານກະສິກອນໄທ ຈຳກັດ ປະຈຳ ສປປ ລາວ ໄດ້ສະໜອງແຫຼ່ງທຶນໃຫ້ແກ່ ເຄືອຂ່າຍໂຮງໝໍບາງກອກ (BCH), ເຊິ່ງເປັນບໍລິສັດຊັ້ນນຳຂອງໄທ, ໃນການກໍ່ສ້າງໂຮງໝໍສາກົນກະເສມລາດວຽງຈັນ ຂະໜາດ 254 ຕຽງນອນ, ເຊິ່ງມີແຜນເປີດດຳເນີນການໃນປີ 2021.ທ່ານ ພັດຕະນະພົງ ຕັນສົມບູນ ປະທານທະນາຄານກະສິກອນໄທ (ເຄແບັງ) ປະຈຳລາວ ກ່າວວ່າທາງທະນາຄານມີເປົ້າໝາຍຊຸມຍູ້ການຂະຫຍາຍຕົວດ້ານເສດຖະກິດຂອງປະເທດອາຊຽນ, ໂດຍສະເພາະແມ່ນລາວ, ເຊິ່ງມີການຂະຫຍາຍຕົວຢ່າງວ່ອງໄວ ແລະ ການຂະຫຍາຍຕົວດ້ານອຸດສາຫະກຳ, ເຊິ່ງເຫັນໄດ້ຈາກເພີ່ມຂຶ້ນຂອງອຳນາດຊື້ຂອງຄົນລາວທີ່ຕ້ອງການສິນຄ້າ ແລະ ການບໍລິການທີ່ມີຄຸນນະພາບ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານ ແລະ ເຈົ້າຂອງໂຄງການເຂື່ອນໄຟຟ້າໄດ້ລິເລີ່ມຄົ້ນຄວ້າການພັດທະນາເຂື່ອນຕົວແບບ ທີ່ເປັນປະໂຫຍດສຳລັບຜູ້ມີສ່ວນຮ່ວມທຸກພາກສ່ວນ ແລະ ຮັບປະກັນຄວາມປອດໄພໃນການປະຕິບັດການຂອງເຂື່ອນ.ກອງປະຊຸມຄັ້ງທຳອິດເພື່ອປຶກສາຫາລື ແລະ ແລກປ່ຽນບົດຮຽນກ່ຽວກັບບັນຫາລະຫວ່າງລັດຖະບານ ແລະ ບໍລິສັດເຂື່ອນໄຟຟ້າ ໄດ້ຈັດຂຶ້ນໃນວັນສຸກແລ້ວນີ້ ທີ່ນະຄອນວຽງຈັນ ເຊິ່ງກະຊວງພະລັງງານ ແລະ ບໍ່ແຮ່ ແລະ ບໍລິສັດໄຟຟ້ານ້ຳເທີນ 2 ຮ່ວມກັນຈັດຕັ້ງຂຶ້ນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວຮ່ວມມືກັບຈີນ, ປະເທດສະມາຊິກອາຊຽນ ແລະ ປະເທດເພື່ອນບ້ານ ຫາລືກ່ຽວກັບການສະໜັບສະໜູນສອງຝ່າຍໃນການສ້າງສະຖາບັນ ແລະ ສູນຝຶກອົບຮົມຕຳຫຼວດ.ການຮ່ວມມືດັ່ງກ່າວໄດ້ມີການຫາລືໃນລະຫວ່າງກອງປະຊຸມໂຕະມົນ ເພື່ອຍົກລະດັບຄວາມສາມາດດ້ານການບັງຄັບໃຊ້ກົດໝາຍ ຂອງປະທານສະຖາບັນຕຳຫຼວດຈີນ-ອາຊຽນ ແລະ ປະເທດເພື່ອນບ້ານຄັ້ງທີ 3 ທີ່ວຽງຈັນ ໃນວັນອັງຄານຜ່ານມານີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະມາຄົມໄຊເບີເຣຍ ເພື່ອການຮ່ວມມືສາກົນ ຈາກເຂດໂນໂວຊິເບີດຂອງລັດເຊຍ ມີແຜນຈັດຕັ້ງສຳນັກງານຢູ່ປະເທດລາວ ເພື່ອປັບປຸງການປະສານງານ ແລະ ການຮ່ວມມືດ້ານທຸລະກິດ.ທ່ານ ພາເວວ ອອສ໌ໂຕຣເວີຮອຟ໌ ປະທານສະມາຄົມໄດ້ເປີດເຜີຍແຜນດັ່ງກ່າວ ໃນຂະນະນຳພາທີມຜູ້ປະກອບການຈາກເຂດໂນໂວຊິເບີດ ເດີນທາງພົບປະກັບນັກທຸລະກິດລາວທີ່ນະຄອນວຽງຈັນໃນອາທິດແລ້ວນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຜົນກະທົບຕໍ່ສິ່ງແວດລ້ອມຂອງຂີ້ເຫຍື້ອພລາສ໌ຕິກໃນນະຄອນວຽງຈັນ ກຳລັງເປັນບັນຫາທີ່ໜ້າເປັນຫ່ວງ.ທ່ານ ອຸດອນ ຈັນທະວົງສີ ເຈົ້າຂອງໂຮງບຳບັດຂີ້ເຫຍື້ອ ລາວຈະເລີນໄຊ ເຊິ່ງເປັນຮ້ານຮັບຊື້ຂີ້ເຫຍື້ອ ພລາສ໌ຕິກ ມາຫຼາຍປີ, ບອກຜ່ານທາງໂທລະສັບວ່າ ປະລິມານຂີ້ເຫຍື້ອໃນຕົວເມືອງເພີ່ມປະລິມານຂຶ້ນຢ່າງມາຫາສານ ແລະ ມີຜູ້ເກັບຂີ້ເຫຍື້ອຈຳນວນຫຼວງຫຼາຍນຳມາຂາຍໃຫ້ທາງຮ້ານ.ແຕ່ວ່າຜູ້ເກັບຂີ້ເຫຍື້ອເອງບໍ່ສາມາດເກັບຂີ້ເຫຍື້ອພລາສ໌ຕິກທັງໝົດທີ່ຖືກເທຖິ້ມໄດ້, ໂດຍສະເພາະຢູ່ຕາມສະຖານທີ່ທີ່ບໍ່ມີຖັງຂີ້ເຫຍື້ອ.ອ່ານຕໍ່ ...

(ຂປລ) ກອງປະຊຸມປຶກສາຫາລືບັນຫາທີ່ກ່ຽວຂ້ອງກັບເດັກນ້ອຍໄດ້ມີຂຶ້ນໃນວັນທີ 17 ມິຖຸນາ ທີ່ເມືອງສາມັກຄີໄຊ ແຂວງອັດຕະປື, ພາຍໃຕ້ການເປັນປະທ່ານຮ່ວມຂອງທ່ານ ຮສ ປອ ສົມອົກ ກິ່ງສະດາ ຮອງປະທານສູນການແນວລາວສ້າງຊາດ ແລະ ທ່ານນາງ ສີສະຫວັນ ແສງໄພບູນ ປະທານແນວລາວແຂວງອັດຕະປື.ເຂົ້າຮ່ວມໃນກອງປະຊຸມດັ່ງກ່າວມີພະນັກງານກວ່າ 40 ຄົນຈາກຫ້ອງການແນວລາວຫ້າຕົວເມືອງ ແລະ ພະແນກການທີ່ກ່ຽວຂ້ອງຂອງແຂວງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກຸ່ມຊາວກະສິກອນອິນຊີວຽງຈັນ ຍັງຄົງຕ້ອງການໂອກາດດ້ານຕະຫຼາດເພີ່ມເຕີມ ເພື່ອການຂະຫຍາຍທຸລະກິດຂອງສະມາຊິກ ເພື່ອສ້າງຄວາມຍືນຍົງດ້ານກະຜະລິດ.ກົມປູງຝັງ ພາຍໃຕ້ກະຊວງກະສິກຳ ແລະ ປ່າໄມ້  ຮ່ວມກັບພະແນກກະສິກຳ ແລະ ປ່າໄມ້ນະຄອນຫຼວງ ໄດ້ຈັດກິດຈະກຳເພື່ອສົ່ງເສີມຜັກປອດສານພິດຂຶ້ນ ທີ່ສູນການຄ້າລາວ-ໄອເຕັກ ວຽງຈັນ ໃນວັນເສົາຜ່ານມາ. ກິດຈະກຳດັ່ງກ່າວແມ່ນສ່ວນໜຶ່ງຂອງໂຄງການພັດທະນາກະສິກຳສະອາດ (CADP) ພາຍໃຕ້ການສະໜັບສະໜູນຂອງອົງການຮ່ວມມືສາກົນແຫ່ງປະເທດຍີ່ປຸ່ນ (JICA).ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານລາວ ແລະ ສອງບໍລິສັດເອກະຊົນໄດ້ລົງນາມໃນການພັດທະນາໂຄງການເຂື່ອນໄຟຟ້າ ເຊບັ້ງໄຟ 1 (ແກ້ງແກວ).ຂໍ້ຕົກລົງການສ້າງເຂື່ອນດັ່ງກ່າວໄດ້ມີລານລົງນາມທີ່ວຽງຈັນໃນວັນສຸກຜ່ານມາ ໂດຍຜູ້ຕາງໜ້າຈາກກະຊວງແຜນການ ແລະ ການລົງທຶນ, ກະຊວງພະລັງງານ ແລະ ບໍ່ແຮ່, ແລະ ບໍລິສັດທັນສະໄໝກໍ່ສ້າງຂົວທາງ ຈຳກັດ ແລະ ບໍລິສັດພະລັງງານສະອາດ ນາຣາ ຈຳກັດ.ອ່ານຕໍ່ ...