ເຕືອນນັກຂັບຂີ່ໃຫ້ຫຼີກລ່ຽງເສັ້ນທາງກາສີ-ນ່ານ
ໄດ້ມີການເຕືອນຜູ້ນຳໃຊ້ເສັນທາງໃຫ້ຫຼີກລ່ຽງຕອນທາງແຕ່ເມືອງກາສີ ແຂວງວຽງຈັນ ຫາເມືອງນ່ານ ແຂວງຫຼວງພະບາງ ເຊິ່ງມີສະພາບຖະໜົນມື່ນ ແລະ ໄດ້ຮັບຜົນກະທົບຈາກດິນເຈື່ອນ. ທ່ານ ສຸມຸນທາ ສົມຈັນມະວົງ ຫົວໜ້າພະແນກໂຍທາທິການ ແລະ ຂົນສົ່ງແຂວງວຽງຈັນ ໄດ້ແຈ້ງຜ່ານສຳນັກຂ່າວວຽງຈັນທາມສ໌ໃນມື້ວານນີ້ວ່າ ຍ້ອນມີຝົນຕົກໜັກເຮັດໃຫ້ການສັນຈອນເປັນອັນຕະລາຍ ແລະ ຕອນຖະໜົນມື່ນຈາກດິນເຈື່ອນຫຼາຍຄັ້ງ ເປັນໄລຍະ 500 ແມັດ ຕາມເສັ້ນທາງແຕ່ເມືອງກາສີ ຫາເມືອງນ່ານ.
ວຽງຈັນທາມສ໌
