ລັດຖະມົນຕີເຊື່ອວ່າ: ຍັງມີຫຼາຍຄອບຄົວທີ່ຢູ່ຫຼຸດມາດຖານຄວາມທຸກຍາກ
ຍັງມີຫຼາຍຄອບຄົວໃນບັນດາແຂວງທົ່ວປະເທດ ເຊື່ອວ່າອາດຢູ່ຫຼຸດມາດຖານຄວາມທຸກຍາກ ເນື່ອງຈາກໄພນ້ຳຖ້ວມໃນປີນີ້- ເຊິ່ງເປັນຄັ້ງຮ້າຍແຮງໃນຮອບຫຼາຍທົດສະວັດ, ລັດຖະມົນຕີລາຍງານຕໍ່ຄະນະລັດຖະບານ.
ບົດລາຍງາຍຄວາມຄືບໜ້າເບື້ອງຕົນກ່ຽວກັບວຽກງານການຫຼຸດຜ່ອນຄວາມທຸກຍາກສະແດງໃຫ້ເຫັນວ່າ ຈຳນວນຄົວເຮືອນທີ່ຈັດຢູ່ໃນສະຖານະທຸກຍາກຢ່າງເປັນທາງການຫຼຸດລົງຈາກ 76,318 ຄົວເຮືອນໃນປີ 2016 ມາເປັນ 64,593 ຄົວເຮືອນໃນປີ 2018, ຫຼືຈາກ 6.53% ມາເປັນ 5.34%, ຕາມການລາຍງານຂອງທ່ານ ປອ ຫຼຽນ ທິແກ້ວ ຕໍ່ກອງປະຊຸມປະຈຳເດືອນຂອງຄະນະລັດຖະບານອາທິດແລ້ວນີ້.
ສຸກສາຄອນ ແຫວນແກ້ວ
