ໂຄງການພູມິທັດ ແລະ ຊີວິດການເປັນຢູ່ ໄດ້ໄຂຂື້ນທີ່ນະຄອນຫຼວງວຽງຈັນ
ກະຊວງກະສິກຳ ແລະ ປ່າໄມ້ ແລະ ທະນາຄານໂລກ ໄດ້ເປີດຕົວໂຄງການພູມິທັດ ແລະ ຊີວິດການເປັນຢູ່ຂື້ນທີ່ນະຄອນຫຼວງວຽງຈັນ ໃນວັນພະຫັດ, ທີ 5 ສິງຫາ ທີ່ຜ່ານມາ ດ້ວຍງົບປະມານຈຳນວນ 57 ລ້ານໂດລາ ສະຫະລັດ. ໂຄງການດັ່ງກ່າວ ຈະເປັນການສ້າງວຽກເຮັດງານທຳ ແລະ ລາຍຮັບຢູ່ເຂດຫ່າງໄກສອກຫຼີກ ໂດຍການສົ່ງເສີມການລົງທຶນໃນສິ່ງແວດລ້ອມແບບຍືນຍົງ ແລະ ການບໍລິຫານພູມິທັດ ແລະ ປ່າໄມ້ຢ່າງມີຄວາມຮັບຜິດຊອບ ແລະ ການອະນຸລັກທຶນຮອນທາງທຳມະຊາດຂອງ ສປປ ລາວ. ໂຄງການດັ່ງກ່າວຈະມີການດຳເນີນເປັນເວລາທັງໝົດ 6 ປີ ນັບແຕ່ ປີ 2021 ເຖິງ 2027.
Advertorial Desk
