ສູນບໍລິການໃຫ້ຄຳປຶກສາແຂວງຈຳປາສັກຈະສ້າງຄວາມເຂັ້ມແຂງໃຫ້ຫົວໜ່ວຍທຸລະກິດແຂວງພາກໃຕ້
ວຽງຈັນ (ວຽງຈັນທາມສ໌) – ສູນບໍລິການທຸລະກິດຂະໜາດນ້ອຍ ແລະ ຂະໜາດກາງແຂວງຈຳປາສັກ (SSC) ມີເປົ້າໝາຍແນໃສ່ສ້າງຄາມເຂັ້ມແຂງດ້ານຄວາມສາມາດຂອງທຸລະກິດ SMEs ແຂວງພາກໃຕ້ ເພື່ອເລັ່ງໃສ່ການຂະຫຍາຍທຸລະກິດ ແລະ ເພີ່ມທະວີການແຂ່ງຂັນທຸລະກິດໃນພາກ.
ສູນດັ່ງກ່າວໄດ້ມີການເປີດບໍລິການຢ່າງເປັນທາງການໃນວັນພຸດນີ້. ເຂົ້າຮ່ວມເປັນກຽດໃນພິທີດັ່ງກ່າວມີທ່ານ ສົມຈິດ ອິນທະມິດ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ, ທ່ານ ບົວສອນ ວົງສອງກອນ ຮອງເຈົ້າແຂວງແຂວງຈຳປາສັກ, ແລະ ຜູ້ຕາງໜ້າຈາກຫ້ອງການການຄ້າ ແລະ ອຸດສາຫະກຳແຂວງຈຳປາສັກ.
