ການພັດທະນາດ້ານສັງຄົມ

ທີມ Okayama Rivets ທີມປິ່ງປ່ອງອາຊີບຂອງຍີ່ປຸ່ນ ບໍລິຈາກຊຸດເຄື່ອງກິລາປິ່ງປ່ອງ ໃຫ້ແກ່ສະມາຄົມປິ່ງປ່ອງລາວ, ໂດຍຢືນຢັນຈະສືບຕໍ່ສະໜັບສະໜູນລາວ ເພື່ອສົ່ງເສີມອຸດສາຫະກຳກິລາປິ່ງປ່ອງ.ທີມ Okayama Rivets ມີການສ້າງຕັ້ງໃນປີ 2018, ເປັນທີມປິ່ງປ່ອງຂອງເມືອງ ໂອກາຢາມະ ທີ່ເຂົ້າຮ່ວມໃນບັ້ນແຂ່ງຂັນປິ່ງປ່ອງອາຊີບຂອງຍີ່ປຸ່ນ ທີ່ເອີ້ນວ່າ T League.ທີມກິລາດັ່ງກ່າວ ໄດ້ທຳການບໍລິຈາກແຜ່ນຢາງຕີປິ່ງປ່ອງ 300 ແຜ່ນ, ໄມ້ຕີປິ່ງປ່ອງ 26 ອັນ ແລະ ລູກປິ່ງປ່ອງ 30 ໜ່ວຍ, ຕາມການເປີດເຜີຍຂອງ ບໍລິສັດ Sanko ກໍ່ສ້າງ, ຜູ້ສະໜັບສະໜູນທີມ Okayama Rivet.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຜູ້ຕາງໜ້າຈາກຂະແໜງທຸລະກິດແຂວງອຸດົມໄຊ ເຂົ້າຮ່ວມໃນໂຄງການຝຶກອົບຮົມ ເພື່ອພັດທະນາຄຸນນະພາບທາງອາຊີບ ທີ່ຈຳເປັນສຳລັບການດຳເນີນກິດຈະການຂອງເຂົາເຈົ້າ.ໂຄງການຝຶກອົບຮົມດັ່ງກ່າວ ເຊິ່ງຈະດຳເນີນແຕ່ວັນທີ 18 ເຖິງ 22 ພະຈິກນີ້, ແມ່ນຮ່ວມກັນຈັດໂດຍ ສະພາອຸດສາຫະກຳ ແລະ ການຄ້າແຫ່ງຊາດລາວ ແລະ ຫ້ອງການອຸດສາຫະກຳ ແລະ ການຄ້າແຂວງອຸດົມໄຊ ໂດຍຮ່ວມມືກັບສະມາຄົມເພື່ອການຮ່ວມມືທາງດ້ານວິຊາການຕ່າງປະເທດ ແລະ ການມີສ່ວນຮ່ວມແບບຍືນຍົງ (AOTS) ປະເທດຍີ່ປຸ່ນ. ການຝຶກອົບຮົບດັ່ງກ່າວ ແມ່ນຈັດຕັ້ງປະຕິບັດໂດຍສະມາຄົມສົ່ງເສີມເທັກໂນໂລຢີ (ໄທ-ຍີ່ປຸ່ນ) (TPA).ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ນັກຊ່ຽວຊານດ້ານສະຫວັດດີການສັງຄົມຈາກລາວ ແລະ ບັນດາປະເທດສະມາຊິກອາຊຽນ ເຂົ້າຮ່ວມກອງປະຊຸມ ທີ່ນະຄອນຫຼວງວຽງຈັນ ໃນວັນຈັນນີ້ ເພື່ອເສີມຂະຫຍາຍຄວາມພະຍາຍາມ ໃນການປົກປ້ອງຜູ້ອ່ອນແອ ໃນທົ່ວພາກພື້ນ.ໃນການກ່າວຄຳເຫັນໃນກອງປະຊຸມ GO-NGO ອາຊຽນ ຄັ້ງທີ 14 ກ່ຽວກັບວຽກງານສະຫວັດດີການສັງຄົມ ແລະ ການພັດທະນາ ໃນຫົວຂໍ້ “ການສ້າງຄວາມເຂັ້ມແຂງໃນການປົກປ້ອງທາງສັງຄົມ ສຳລັບເດັກທີ່ອ່ອນແອໃນພາກພື້ນອາຊຽນ”, ທ່ານ ວົງຄຳ ພັນທະນູວົງ ຮອງຫົວໜ້າກົມສະຫວັດດີການສັງຄົມ, ກະຊວງແຮງງານ ແລະ ສະຫວັດດີການສັງຄົມ ໄດ້ສະແດງຄວາມຂອບໃຈຕໍ່ບັນແຂກຜູ້ເຂົ້າຮ່ວມ ກໍຄືກະຊວງການຕ່າງປະເທດ, ເລຂາທິການອາຊຽນ ແລະ ສະພາສະຫວັດດີການສັງຄົມສາກົນ ໃນການເອື້ອເຟື້ອຊັບພະຍາກອນເພື່ອການຈັດກອງປະຊຸມໃນຄັ້ງນີ້.ອ່ານຕໍ່ ...

(ຂປລ) ເພື່ອຊ່ວຍປັບປຸງໂພຊະນາການໃຫ້ແກ່ປະຊາຊົນລາວ ໂດຍສະເພາະແມ່ນເດັກນ້ອຍ, ສະຫະລັດ ພາຍໃຕ້ການຮ່ວມມືຢ່າງໃກ້ຊິດກັບກະຊວງສາທາລະນະສຸກ,​ ໄດ້ທຳການເປີດສະຖາບັນໂພຊະນາການແຫ່ງຊາດ ແລະ ການລິເລີ່ມດ້ານໂພຊະນາການ ລາວ-ອາເມລິກາ ໃນວັນທີ 14 ພະຈິກ 2019 ທີ່ນະຄອນຫຼວງວຽງຈັນ.ສະຖາບັນແຫ່ງໃໝ່ດັ່ງກ່າວ ລວມມີ ອາຄານຄຼີນິກ ແລະ ຫ້ອງຮຽນ, ມີມູນຄ່າລວມ US$ 3.9 ລ້ານໂດລາ. ອ່ານຕໍ່ ...

ລາວຈະສຳເລັດການກໍ່ສ້າງເດີ່ນກິລາເບສ໌ບອລ໌ ແຫ່ງທຳອິດຂອງປະເທດ ໃນເດືອນທັນວານີ້.DGB ກຼຸ໊ບ, ກຸ່ມບໍລິສັດການເງິນຂອງເກົາຫຼີໃຕ້ ຈະສະໜັບສະໜູນທຶນຈຳນວນ 300 ລ້ານວອນ (USD 256,200 ໂດລາ) ສຳລັບການກໍ່ສ້າງສະໜາມກິລາດັ່ງກ່າວ, ເຊິ່ງລັດຖະບານລາວ ໃຫ້ການສະໜອງພື້ນທີ່ ແລະ ສິ່ງທີ່ຈຳເປັນຕ່າງໆ. ການກໍ່ສ້າງໄດ້ເລີ່ມດຳເນີນມາແຕ່ເດືອນເມສາປີນີ້, ເຊິ່ງຫຼ້າສຸດແມ່ນຫາກໍ່ສຳເລັດການອັດໜ້າດິນໃຫ້ລຽບ. ປະຈຸບັນ ຜູ້ຮັບເໝົາກຳລັງທຳການປູຫຍ້າທຽມ, ຕາມຂ່າວຈາກສຳນັກ Yonhap News Agency. ອ່ານຕໍ່ ...

ວຽງຈັນ, 17 ພະຈິກ (ຊິນຫົວ) — ບ້ານຊໍ ເມືອງສັງທອງ ຕັ້ງຢູ່ເຂດພູດອຍ ຫ່າງຈາກນະຄອນຫຼວງວຽງຈັນໄປທາງທິດເໜືອ ປະມານສອງຊົ່ວໂມງ ຕາມເສັ້ນທາງບໍ່ດີທີ່ເຕັມໄປດ້ວຍຂຸມ.ບ້ານດັ່ງກ່າວປະກອບດ້ວຍ 407 ຄອວຄົວ, ຫຼື 2,007 ຄົນ, ເຊິ່ງປະຊາຊົນປະມານເຄິ່ງບ້ານ ຢູ່ພາຍໃຕ້ຄວາມທຸກຍາກ, ມີລາຍຮັບສຸດທິຕໍ່ຫົວຄົນຕໍ່ປີ ຕ່ຳກວ່າ 700 ໂດລາ.ເຖິງຢ່າງໃດກໍຕາມ, ຖະໜົນ, ບ້ານເຮືອນ ແລະ ໄຟຖະໜົນພະລັງງານແສງອາທິດ ທີ່ຫາກໍ່ສ້າງໃໝ່ ໄດ້ສ້າງຄວາມແຕກຕ່າງຢ່າງເຫັນໄດ້ຈະແຈ້ງ ທຽບກັບພື້ນຖານໂຄງລ່າງເກົ່າທີ່ເປ່ເພ, ​ເຊິ່ງສະແດງໃຫ້ເຫັນຄວາມພະຍາຍາມໃນການພັດທະນາບ້ານດັ່ງກ່າວໃຫ້ຫຼຸດພົ້ນຈາກຄວາມທຸກຍາກ.ພາບໃຕ້ໂຄງການທົດລອງເພື່ອຫຼຸດຜ່ອນຄວາມທຸກຍາກໃນອາຊີຕາເວັນອອກ, ທີມງານຈາກຈີນ ໄດ້ຄັດເລືອກບ້ານຊໍ ເພື່ອສາທິດປະສົບການໃນການຫຼຸດຜ່ອນຄວາມທຸກຍາກຂອງຈີນ ມາແຕ່ປີ 2017.ອ່ານຕໍ່ ...

ເດັກນ້ອຍນັກຮຽນ ເມືອງດັກຈຶ້ງ ແຂວງເຊກອງ ໄດ້ຮັບໂຮງຮຽນມັດທະຍົມແຫ່ງໃໝ່, ມູນຄ່າການກໍ່ສ້າງ 9 ຕື້ກີບ (US$1 ລ້ານໂດລາ) ພາຍໃຕ້ທຶນຊ່ວຍເຫຼືອລ້າ ຈາກລັດຖະບານຫວຽດນາມ.ໂຮງຮຽນ ບ້ານໂນນສະຫວັນ ດັ່ງກ່າວ ໄດ້ມີການມອບຮັບຢ່າງເປັນທາງການ ໃຫ້ແກ່ອຳນາດການປົກຄອງ ໃນອາທິດແລ້ວນີ້.ເຂົ້າຮ່ວມໃນພິທີມອບຮັບດັ່ງກ່າວມີທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີ ແລະ ຮອງຫົວໜ້າຫ້ອງວ່າການທຳນຽບປະທານປະເທດ, ​ທ່ານ ຮສ.ປອ ກອງສີ ແສງມະນີ ຮອງລັດຖະມົນຕີກະຊວງສຶກສາທິການ ແລະ ກິລາ, ແລະ ທ່ານ ຫງວຽນ ປາ ຮຸງ ເອກອັກຄະລັດຖະທູດຫວຽດນາມປະຈຳລາວ.ໂຮງຮຽນຂະໜາດສອງຊັ້ນດັ່ງກ່າວ ປະກອບດ້ວຍຫົກຫ້ອງຮຽນ, ສີ່ຫ້ອງທົດລອງ, ສອງຫ້ອງຄັອມພິວເຕີ, ຫ້ອງພັກຄູ, ຫ້ອງສະໝຸດ, ຫ້ອງປະຊຸມ, ແລະ ສອງຫ້ອງສາງ ພ້ອມດ້ວຍຫ້ອງນ້ຳ ແລະ ສິ່ງອຳນວຍຄວາມສະດວກອື່ນໆ.ອ່ານຕໍ່ ...

ອົງການ World Concern ລາວ (WCL) ແລະ ກະຊວງສາທາລະນະສຸກ ຈະຮ່ວມມືໃນການເປີດໂຕໂຄງການພັດທະນາແບບບູລະນາການ ໄລຍະທີ 3 ເພື່ອສົ່ງເສີມສຸຂະພາບຊຸມຊົມ ທີ່ເມືອງໂພນທອງ ແຂວງຈຳປາສັກ.ໂຄງການດັ່ງກ່າວ ຈະດຳເນີນແຕ່ປີ 2020 ເຖິງ 2022 ແລະ ຈະສ້າງປະໂຫຍດໃຫ້ແກ່ປະຊາຊົນຢ່າງໜ້ອຍ 3,000 ຄົນໃນແປດຊຸມຊົນ.ອ່ານຕໍ່ ...

ສອງໂຄງການໃໝ່ ຄື ໂຄງການຫຼຸດຜ່ອນຄວາມທຸກຍາກໃນຊົນນະບົດ ແລະ ຄວາມບົກພ່ອງທາງໂພຊະນາການ, ແລະ ໂຄງການສົ່ງເສີມນ້ຳປະປາ, ສຸຂະອະນາໄມ ແລະ ສຸຂາພິບານ ໄດ້ມີການເປີດໂຕທີ່ນະຄອນຫຼວງວຽງຈັນ ໃນວັນພຸດນີ້ ເພື່ອແກ້ໄຂບັນຫາການຂາດສານອາຫານໃນເດັກນ້ອຍ.ໂຄງການດັ່ງກ່າວແມ່ນຢູ່ພາຍໃຕ້ການສະໜັບສະໜູນຂອງທະນາຄານໂລກ ມີມູນຄ່າໂຄງການ  460 ຕື້ກີບ (US$52 ລ້ານໂດລາ).ໂຄງການລິເລີ່ມດັ່ງກ່າວຈະດຳເນີນແຕ່ປີ 2019-2024 ຢູ່ໃນສີ່ແຂວງທີ່ມີອັດຕາການຂາດສານອາຫານສູງ ຄື ແຂວງຊຽງຂວາງ, ຫົວພັນ, ຜົ້ງສາລີ ແລະ ອຸດົມໄຊ.ອ່ານຕໍ່   ...

ວຽງຈັນ (ວຽງຈັນທາມສ໌/ANN) – ລາວ ແລະ ຄິວບາ ໄດ້ຕົກລົງເສີມຂະຫຍາຍການຮ່ວມມື ດ້ານສາທາລະນະສຸກ ແລະ ວິທະຍາສາດການແພດ.ຂໍ້ຕົກລົງໄດ້ມີການລົງນາມ ທີ່ນະຄອນຮາວານາ ໃນລະຫວ່າງການຢ້ຽມຢາມປະເທດຄິວບາຢ່າງເປັນທາງການ ຂອງທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດລາວ ໃນລະຫວ່າງວັນທີ 11-12 ພະຈິກນີ້ ຕາມຄຳເຊີນຂອງທ່ານບຼູໂນ ໂຣດິຼເກສ໌ ພາຣີລາ, ຕາມການເປີດເຜີຍຂອງກະຊວງການຕ່າງປະເທດລາວ.ທັງສອງທ່ານໄດ້ຮ່ວມລົງນາມໃນຂໍ້ຕົກລົງສອງສະບັບຄື ຂໍ້ຕົກລົງການຮ່ວມມືລະຫວ່າງລັດຖະບານລາວ ແລະ ລັດຖະບານຄິວບາ ແລະ ບົດບັນທຶກຄວາມເຂົ້າໃຈໃນວຽກງານສາທາລະນະສຸກ ແລະ ວິທະຍາສາດສຸຂະພາບ ລະຫວ່າງກະຊວງສາທາລະນະສຸກຂອງສອງປະເທດ.ອ່ານຕໍ່ ...