Gender

ສູນລາວ ວີ-ເມັດ ເພື່ອການປິ່ນປົວພະຍາດຕັບອັດເສບຊະນິດ B ແລະ C ໄດ້ເປີດບໍລິການຢ່າງເປັນທາງການທີ່ວຽງຈັນ ໃນວັນຈັນນີ້, ແລະ ຍັງໃຫ້ບໍລິການປິ່ນປົວຄົນເຈັບພະຍາດ  HIV/AIDS ແລະ ພະຍາດຕິດຕໍ່ທາງເພດສຳພັນຕ່າງໆ.ສູນດັ່ງກ່າວແມ່ນຕັ້ງຢູ່ທີ່ໂຮງໝໍເສດຖາທິລາດ ເຊິ່ງເປັນການຮ່ວມມືລະຫວ່າງກະຊວງສາທາລະນະສຸກ ແລະ ບໍລິສັດລາວເຕັກໂນໂລຊີເພື່ອສັງຄົມເປີດຈຳກັດຂອງຈີນ (OTS).ອ່ານຕໍ່ ...

ອົງການສະຫະປະຊາຊາດເພື່ອການພັດທະນາ (UNDP) ຈະສືບຕໍ່ຊ່ວຍເຫຼືອໂຄງການ ເພີ່ມທະວີການມີສ່ວນຮ່ວມຂອງປະຊາຊົນຜ່ານວິທະຍຸຊຸມຊົນ ເຖິງປີ 2021.ໂຄງການຮ່ວມມືດັ່ງກ່າວ ເຊິ່ງເລີ່ມມາແຕ່ປີ 2017 ຈະສືບຕໍ່ດຳເນີນເຖິງປີ 2021 ເຊິ່ງມີມູນຄ່າລວມກວ່າ 25 ຕື້ກີບ (US$3 ລ້ານໂດລາ).ອ່ານຕໍ່ ...

(ຂປລ) ໄທມີແຜນຈັດຕັ້ງປະຕິບັດໂຄງການກວດ ແລະ ປິ່ນປົວພະຍາດມະເລັງທໍ່ນ້ຳບີ (CASCAP) ເພື່ອຊ່ວຍເຫຼືອກຸ່ມສ່ຽງໃນປະເທດລາວເພື່ອນບ້ານ, ທ່ານ ນະຣົງ ກັນຕິແກ້ວ ກ່າວຕໍ່ສື່ມວນຊົນທ້ອງຖິ່ນ.ໃນເບື້ອງຕົ້ນ ໂຄງການແມ່ນໄດ້ດຳເນີນຢູ່ໃນຈັງຫວັດທາງພາກອິສານຂອງໄທ.ດຣ ນະຣົງ ກັນຕິແກ້ວ ຈາກມະຫາວິທະຍາໄລຂອນແກ່ນ ກ່າວວ່າ ໂຄງການດັ່ງກ່າວແມ່ນໄດ້ຮັບທຶນສະໜັບສະໜູນຈາກມູນນິທິ Kadoorie ທີ່ຮ່ອງກົງ ຜ່ານວິທະຍາໄລລອນດອນ, ມູນຄ່າຂອງໂຄງການແມ່ນ 1 ລ້ານປອນ (41 ລ້ານບາດ).ອ່ານຕໍ່ ...

ປັບປຸງເວລາ 3.45 P.M. ວັນທີ 2019-04-18ຊາວອາເມລິກາສາມຄົນທີ່ຖືກກັກຕົວໃນລາວມາແຕ່ອາທິດແລ້ວນີ້ ໃນຂໍ້ຫາເຂົ້າມາເຜີຍແຜ່ຄຳພີໄບເບີ້ນ ແລະ ສື່ສາດສະໜາດໂດຍບໍ່ໄດ້ຮັບອະນຸຍາດຈາກການຈັດຕັ້ງ ໄດ້ຖືກປ່ອຍຕົວ ແລະ ເນລະເທດໄປປະເທດໄທ ໃນວັນພະຫັດນີ້, ອົງການຈັດຕັ້ງສາດສະໜາທີ່ກ່ຽວຂ້ອງເຜີຍຕໍ່ໜ່ວຍຂ່າວ RFA ລາວ.ອາສາສະໝັກຈາກ ອົງການສາດສະໜາ Vision Beyond Borders ທີ່ຕັ້ງຢູ່ຫວຽວໝິງ, ໃນນາມສົມມຸດ: ເວ, ອໍທຳ ແລະ ໂຈເຊັບ ໄດ້ຖືກກັກຕົວໂດຍເຈົ້າໜ້າທີ່ຕຳຫຼວດ ທີ່ແຂວງຫຼວງນ້ຳທາ ພາກເໜືອຂອງລາວ ໃນວັນທີ 8 ເມສາ, ຫຼັງຈາກທີ່ໄດ້ລົງເຜີຍແຜ່ສື່ສາດສະໜາໃຫ້ແກ່ຊາວບ້ານ, ຕາມການບອກກ່າວຂອງເຈົ້າໜ້າທີ່ ແລະ ພະຍານ ຕໍ່ໜ່ວຍຂ່າວ RFA.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານລາວພວມສະຫຼຸບແຜນດຳເນີນງານແຫ່ງຊາດ ເພື່ອແນໃສ່ລຶບລ້າງພະຍາດທີ່ເກີດຈາກການນຳໃຊ້ແຮ່ໃຍຫີນໃນປະເທດ ໂດຍການຢຸດການນຳເຂົ້າ ແລະ ນຳໃຊ້ວັດສະດຸກໍ່ສ້າງທີ່ເປັນອັນຕະລາຍຕໍ່ສຸຂະພາບໃນທົ່ວປະເທດ ພາຍໃນປີ 2020.ປະເທດລາວ ກໍຄືຫຼາຍປະເທດໃນພາກພື້ນອາຊຽນ ມີປະຫວັດການນຳໃຊ້ວັດສະດຸກໍ່ສ້າງດັ່ງກ່າວທັງໃນການກໍ່ສ້າງເພື່ອທຸລະກິດ ແລະ ທີ່ຢູ່ອາໄສ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກອງທຶນການຮ່ວມມືອາຊຽນ-ເກົາຫຼີ ໃຫ້ການສະໜັບສະໜູນໂຄງການຝຶກອົບຮົມກ່ຽວກັບລະບົບທຸລະກິດອິເລັກໂທຣນິກ (E-Business) ເພື່ອຂະຫຍາຍໂອກາດສຳລັບຜູ້ປະກອບການແມ່ຍິງລາວ, ການປັບປຸງດ້ານລາຍຮັບ ແລະ ຄວາມຢູ່ດີກິນດີຂອງແມ່ຍິງລາວ.ພິທີເປີດໂຄງການແມ່ນໄດ້ຮັບກຽດໃນການເປັນປະທານໂດຍທ່ານນາງ ບັນດິດ ປະທຸມວັນ ຮອງປະທານສະຫະພັນແມ່ຍິງລາວ, ແລະ ເຂົ້າຮ່ວມໂດຍຜູ້ຕາງໜ້າຈາກສະມາຄົມນັກທຸລະກິດຍິງລາວ ແລະ ຄູຝຶກຂອງສະຫະພັນແມ່ຍິງລາວ.ອ່ານຕໍ່  ...

ແກ້ໄຂ 7 P.M. ວັນທີ 2019-04-12ເຈົ້າໜ້າທີ່ລາວໄດ້ຈັບຕົວຊາວອາເມລິກາ 3 ຄົນ ທີ່ເມືອງສິງ ແຂວງຫຼວງນ້ຳທາ ທີ່ທຳການເຜີຍແຜ່ຄຳພີໄບເບີ້ນ ແລະ ສື່ໂຄສະນາສາດສະໜາຕ່າງໆ ໂດຍບໍ່ໄດ້ຮັບອະນຸຍາດ, ອົງການຄຣິສຕຽນອາເມລິກາລາຍງານຕໍ່ໜ່ວຍຂ່າວ RFA ລາວໃນວັນສຸກຜ່ານມາ.ຕາມການເປີດເຜີຍລາຍຊື່ຈາກອົງການ, ເວນ, ອໍທຳ ແລະ ໂຈເຊັບ ຄາດວ່າໄດ້ຖືກກັກຕົວທີ່ບ້ານພັກມາແຕ່ວັນຈັນ, ຫຼັງຈາກທີ່ໄດ້ລົງເຜີຍແຜ່ສື່ສາດສະໜາດັ່ງກ່າວຢູ່ຕາມບ້ານທາງພາກເໜືອຂອງລາວ.ອ່ານຕໍ່ ...

(ຂປລ) ໃນວັນຈັນຜ່ານມາ ຄະນະຜູ້ແທນນຳໂດຍທ່ານ ລີໂອ ເຟເບີ ເອກອັກຄະລັດຖະທູດສະຫະພາບຢູໂຣບປະຈຳ ສປປ ລາວ ແລະ ທ່ານ ອົກຕາວຽນ ບີໂວ ຜູ້ຕາງໜ້າອົງການຢູນິເຊັບ, ໄດ້ລິເລີ່ມການລົງຢ້ຽມຢາມເມືອງບຸນເໜືອ ແລະ ເມືອງຍອດອູ ແຂວງຜົ້ງສາລີ ເປັນໄລຍະສີ່ວັນ ເພື່ອສັງເກດການການແຊກແຊງດ້ານໂພຊະນາການ ພາຍໃຕ້ໂຄງການການຮ່ວມມືເພື່ອການປັບປຸງດ້ານໂພຊະນາການ (PIN).ທີ່ບ້ານຫ້ວຍໜຶ່ງ ເມືອງບຸນເໜືອ ແລະ ບ້ານສະຫວ່າງ ເມືອງຍອດອູ, ຄະນະຜູ້ແທນດັ່ງກ່າວຈະເຂົ້າສອງຮ່ວມກິດຈະກຳການເຂົ້າເຖິງດ້ານສຸຂະພາບຮ່ວມ ເຊິ່ງເປັນຍຸດທະສາດການນຳສົ່ງການບໍລິການເຊິ່ງນຳພາໂດຍລັດຖະບານ ເພື່ອອຳນວຍຄວາມສະດວກໃຫ້ແກ່ການເຂົ້າເຖິງການບໍລິການດ້ານສຸຂະພາບ ແລະ ໂພຊະນາການສຳລັບປະຊາຊົນໃນບ້ານທີ່ບໍ່ມີສຸກສາລາ.ອ່ານຕໍ່  ...

(ຂປລ) ເພື່ອເປັນສ່ວນໜຶ່ງຂອງການລິເລີ່ມລະບົບຂໍ້ມູນຂ່າວສານດ້ານໂພຊະນາການແຫ່ງຊາດ (NIPN), ສະຫະພາບເອີຣົບ (EU) ແລະ ອົງການຢູນິເຊັບ UNICEF ໄດ້ມີການສ້າງຄວາມສາມາດໃຫ້ແກ່ເຈົ້າໜ້າທີ່ພາກລັດ ເພື່ອປັບປຸງການນຳໃຊ້ຫຼັກຖານ ແລະ ຂໍ້ມູນຂ່າວສານໃນການສ້າງ ແລະ ຈັດຕັ້ງປະຕິບັດນະໂຍບາຍ ແລະ ໂຄງການທີ່ກ່ຽວຂ້ອງກັບວຽກງານໂພຊະນາການ ຜ່ານກອງປະຊຸມວິຊາການທີ່ວຽງຈັນໃນວັນທີ 3 ເມສາ.ກອງປະຊຸມພາຍໃຕ້ຫົວຂໍ້ “ການສະໜັບສະໜູນການຈັດຕັ້ງປະຕິບັດວົງຈອນການປະຕິບັດງານ NIPN: ການສ້າງຂໍ້ຄຳຖາມທີ່ກ່ຽວຂ້ອງກັບນະໂຍບາຍ ແລະ ການວິເຄາະຂໍ້ມູນທີ່ມີຢູ່” ໄດ້ສົ່ງເສີມການສ້າງຄວາມສາມາດຂອງທີມງານໃນການປະຕິບັດການລິເລີ່ມ, ໃຫ້ທິດທາງ ແລະ ຫາລືກ່ຽວກັບບູລິມະສິດໃນແຜນດຳເນີນງານ ສຳລັບຫົກເດືອນຕໍ່ໜ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນຂະນະທີ່ວຽກງານການຄວບຄຸມພະຍາດຕິດຕໍ່ໄດ້ຮັບການປັບປຸງໃຫ້ດີຂຶ້ນ, ຂະແໜງການດັ່ງກ່າວຍັງຕ້ອງສືບຕໍ່ຝຶກອົບຮົມແພດໝໍ ແລະ ພະຍາບານໃນວຽກງານດັ່ງກ່າວ ເພື່ອສົ່ງເສີມສຸຂະພາບຂອງປະຊາຊົນຮອບດ້ານ.ການຝຶກອົບຮົມຈະສ້າງໂອກາດໃນການນຳໃຊ້ລະບົບການປ້ອງກັນການລະບາດຂອງພະຍາດ, ການພັດທະນາລະບົບຂໍ້ມູນຂ່າວສານສາທາລະນະສຸກ, ແລະ ສ້າງຄວາມເຂັ້ມແຂງດ້ານຄວາມສາມາດໃນການລາຍງານ ກ່ຽວກັບການລະບາດຂອງພະຍາດໃນກໍລະນີສຸກເສີນ ເພື່ອຄຸ້ມຄອງປະສິດທິພາບຂອງຂະແໜງການສາທາລະນະສຸກໃນຊ່ວງວິກິດການ.ອ່ານຕໍ່ ...