ນະໂຍບາຍ ແລະ ການຄຸ້ມຄອງທີ່ດິນ

Global Land Tool Network Initiative ໄດ້ຈັດຕັ້ງໂຄງການເຂົ້າເຖິງທີ່ດິນ ແລະ ຊັບພະຍາກອນຢ່າງປອດໄພ ຫຼື “ຊາລາ” ພາຍໃຕ້ການສະໜັບສະໜູນຈາກ ກະຊວງຮ່ວມມືເສດຖະກິດ ແລະ ການພັດທະນາຂອງລັດຖະບານປະເທດເຢຍລະມັນ ດ້ວຍຈຸດປະສົງກໍເພື່ອຍົກລະດັບຄວາມຮັບຮູ້ ໃຫ້ຊາວກະສິກອນຂະໜາດນ້ອຍໃນຊົນນະບົດກ່ຽວກັບການປັບປຸງການອະນຸລັກທີ່ດິນ ແລະ ຊັບພະຍາກອນທຳມະຊາດ ໂດຍຜ່ານການລົງທະບຽນທີ່ດິນແບບລວມໝູ່, ການວາງແຜນ ແລະ ການສ້າງແຜນທີ່, ໂດຍເອົາໃຈໃສ່ກັບການນຳໃຊ້ແບບປະເພນີ. ໂຄງການດັ່ງກ່າວຢູ່ປະເທດລາວ ແມ່ນຖືກຈັດຕັ້ງປະຕິບັດໂດຍອົງການໝູ່ບ້ານຈຸດສຸມ (Village Focus International) ຮ່ວມກັບກົມທີ່ດິນຂອງກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ພ້ອມກັບຫ້ອງການທ້ອງຖິ່ນ ແລະ ຄູ່ຮ່ວມງານອື່ນໆ.ສາມາດກົດເບິ່ງວີດີໂອໄດ້ທີ່ນີ້ >>>>  ...

ພິທີລົງນາມການບັນທຶກການຕົກລົງເຂດແດນເຊື່ອມຕໍ່ລະຫວ່າງ ແຂວງໄຊສົມບູນ, ຫຼວງພະບາງ ແລະ ວຽງຈັນ ໄດ້ມີຂື້ນໃນວັນທີ 2 ກຸມພາ 2021 ທີ່ແຂວງໄຊສົມບູນ ທັງນີ້ກໍເພື່ອເຮັດໃຫ້ການແກ້ໄຂເຂດແດນເຊື່ອມຕໍ່ລະຫວ່າງແຂວງດັ່ງກ່າວ ມີຄວາມຈັດເຈນເປັນເອກະພາບກັນ ແລະ ມີຄວາມສະດວກໃນການຄຸ້ມຄອງ ແລະ ນຳໃຊ້ດີຂື້ນກ່ວາເກົ່າ. ອ່ານຕໍ່​  ...

ວຽງຈັນ (ວຽງຈັນທາມສ໌/ANN) – ໃນວັນອັງຄານນີ້ ສະພາແຫ່ງຊາດໄດ້ຮັບຮອງເອົາຜົນຂອງບົດລາຍງານ ກ່ຽວກັບການກວດກາການເຊົ່າ ແລະ ສຳປະທານທີ່ດິນ ສຳລັບນັກພັດທະນາ.ພາຍຫຼັງຮັບຟັງການນຳສະເໜີບົດລາຍງານ, ສະມາຊິກສະພາໄດ້ມີການແລກປ່ຽນຄຳເຫັນກ່ຽວກັບຫົວຂໍ້ດັ່ງກ່າວ ເຊິ່ງບາງທ່ານກໍໃຫ້ຄຳເຫັນວ່າ ຄວນມີການກຳນົດມາດຕະການທີ່ຈະແຈ້ງ ໃນການລົງໂທດຜູ້ທີ່ລະເມີດຕໍ່ສັນຍາຕາມລະບຽບກົດໝາຍ.ອ່ານຕໍ່ ...

ລັດຖະບານເຕືອນວ່າຈະເພີກຖອນໃບອະນຸຍາດສຳລັບນັກລົງທຶນທີ່ບໍ່ດຳເນີນການພັດທະນາ ຫຼື ບໍ່ມີຄວາມຄືບໜ້າໃດໆໃນໂຄງການສຳປະທານທີ່ດິນ.ບາດກ້າວດັ່ງກ່າວແມ່ນມາຈາກການກວດສອບໂຄງການສຳປະທານທີ່ດິນຂອງລັດຖະບານກວ່າ 1,000 ແຫ່ງ, ເຊິ່ງພົບວ່າມີ 138 ໂຄງການໃນພື້ນທີ່ 22,000 ເຮັກຕາບໍ່ໄດ້ມີການປະຕິບັດຕາມຂໍ້ສັນຍາທີ່ໄດ້ຕົກລົງກັບລັດຖະບານ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະມາຊິກສະພາແຫ່ງຊາດສະໜັບສະໜູນການແກ້ໄຂກົດໝາຍວ້າດ້ວຍທີ່ດິນ ແຕ່ກໍສະແດງຄວາມກັງວົນຕໍ່ການສູນເສຍທີ່ດິນຂອງລັດ ແລະ ການຫັນປ່ຽນທີ່ດິນທຳການຜະລິດເປັນທີ່ດິນປະເພດອື່ນ.ໃນການຫາລືຢູ່ກອງປະຊຸມສະໄໝສາມັນຂອງສະພາແຫ່ງຊາດ, ສະມາຊິກສະພາຈຳນວນໜຶ່ງ ໄດ້ຖົກຖຽງກ່ຽວກັບທີ່ດິນຫຼາຍຕອນທີ່ຢູ່ພາຍໃຕ້ການຄຸ້ມຄອງຂອງລັດ ໄດ້ຖືກໂອນໃຫ້ເປັນກຳມະສິດຂອງບຸກຄົນ. ບັນຫານີ້ອາດສົ່ງຜົນຕໍ່ການພັດທະນາໄລຍະຍາວ ເມື່ອລັດຖະບານຕ້ອງການນຳໃຊ້ທີ່ດິນໃນການຂະຫຍາຍພື້ນຖານໂຄງລ່າງ ແລະ ພື້ນທີ່ສາທະລະນະ.ອ່ານຕໍ່ ...

ລັດຖະບານໄດ້ມີການອະນຸມັດໃຫ້ອົງກອນພາກລັດສາມາດເພີກຖອນໃບອະນຸຍາດການສຳປະທານທີ່ດິນ ສຳລັບນັກລົງທຶນທີ່ບໍ່ທຳເຄື່ອນໄຫວໃດໆໃນທີ່ດິນສຳປະທານຂອງລັດຕາມຂໍ້ຕົກລົງ.ໃນກອງປະຊຸມສື່ມວນຊົນໃນຕອນທ້າຍກອງປະຊຸມປະຈຳເດືອນຂອງຄະນະລັດຖະບານໃນວັນພຸດຜ່ານມານີ້, ທ່ານ ປອ ຈະເລີນ ເຢຍປາວເຮີ ໂຄສົກລັດຖະບານ ໄດ້ກ່າວເປີດເຜີຍວ່າກອງປະຊຸມໄດ້ມີການອະນຸມັດມາດຕະການ ເພື່ອສົ່ງເສີມໃຫ້ນັກລົງທຶນເຄື່ອນໄຫວພັດທະນາທີ່ດິນທີ່ຕົນໄດ້ຮັບສຳປະທານຈາກລັດຖະບານ.ອ່ານຕໍ່ ...

(ຂປລ) ເຈົ້າໜ້າທີ່ແຂວງໄຊຍະບູລີ ແລະ ອົງການກອງທຶນອະນຸລັກທຳມະຊາດໂລກປະຈຳລາວ  (WWF-Laos) ຮ່ວມປະຊຸມທີ່ເມືອງພຽງທາງພາກເໜືອຂອງແຂວງໄຊຍະບູລີ ເພື່ອວາງແຜນກິດຈະກຳການນຳໃຊ້ທີ່ດິນພາຍໃນບ້ານນາແວນ ເຊິ່ງຈະດຳເນີນໄປຕະຫຼອດເດືອນພະຈິກປີນີ້.ອ່ານຕໍ່ ...

ສະພາແຫ່ງຊາດໄດ້ອະນຸມັດແຜນແມ່ບົດເພື່ອຈັດສັນທີ່ດິນທົ່ວປະເທດ, ​ເຊິ່ງກຳນົດປະເພດທີ່ດິນຕ່າງໆທີ່ຕ້ອງຈັດສັນແຕ່ນີ້ເຖິງປີ 2030. ແຜນແມ່ບົດ ທີ່ມີການຮັບຮອງເອົາໃນກອງປະຊຸມສະໄໝສາມັນເທື່ອທີ 5 ​ຂອງນິຕິບັນຍັດສະພາແຫ່ງຊາດຊຸດທີ 8 ໄດ້ເນັ້ນຄວາມຈຳເປັນໃນການເພີ່ມທະວີເນື້ອທີ່ປ່າໄມ້ໃຫ້ໄດ້ 70 ເປີເຊັນຂອງພື້ນທີ່ທົ່ວປະເທດ, ສ່ວນອີກ 30 ເປີເຊັນແມ່ນຈັດສັນເພື່ອກິດຈະກຳການພັດທະນາ.ອ່ານຕໍ່ ...

ໃນມື້ວານນີ້ ສະມາຊິກສະພາແຫ່ງຊາດໄດ້ຮຽກຮ້ອງໃຫ້ລັດຖະບານທຳການປັບປຸງການຄຸ້ມຄອງ ແລະ ຈັດສັນທີ່ດິນໃຫ້ເໝາະສົມກັບຈຸດປະສົງການນຳໃຊ້ຕ່າງໆ ເມື່ອນັກກົດໝາຍຫາລືແຜນແມ່ບົດແຫ່ງຊາດກ່ຽວກັບການຈັດສັນທີ່ດິນ.ອ່ານຕໍ່ ...