ທາງລົດໄຟ

ປະເທດໄທກະກຽມເປີດຕົວລົດໄຟຄວາມໄວສູງຄັ້ງທຳອິດຂອງປະເທດ ເຊິ່ງຈະແລ່ນລະຫວ່າງບາງກອກຫາປັກກິ່ງ ປະເທດຈີນ ເຊິ່ງລາວແມ່ນໜຶ່ງໃນສະຖານນີລະຫວ່າງທາງ.“ສາຍທາງລົດໄຟຂ້າມອາຊຽນ” ຈະຄອບຄຸມໄລຍະທາງ  3,193 ກິໂລແມັດ ເຊິ່ງມີມູນຄ່າປະມານ 2.07 ພັນຕື້ບາດ (USD 67.2 ຕື້ໂດລາ) ແລະ ເຊື່ອມຕໍ່ສະຖານນີບາງຊື່ ກັບຈັງຫວັດຊຽງໃໝ່ທາງພາກເໜືອ, ລາວທາງພາກຕາເວັນອອກສຽງເໜືອ, ກຳປູເຈຍ ທາງພາກຕາເວັນອອກ ແລະ ມາເລເຊຍທາງພາກໃຕ້ຂອງໄທ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລັດຖະບານເຂົ້າໃຈດີວ່າຕ້ອງທຳການກະກຽມຄວາມພ້ອມໃນການໃຫ້ບໍລິການທາງຜ່ານ ເພື່ອສ້າງຜົນປະໂຫຍດຈາກເສັ້ນທາງລົດໄຟລາວ-ຈົນ.ທ່ານ ປອ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ກ່າວຕໍ່ສຳນັກຂ່າວວຽງຈັນທາມສ໌ວ່າ ລັດຖະບານຈະຊຸກຍູ້ໃຫ້ບໍລິສັດເອກະຊົນພັດທະນາພື້ນຖານໂຄງລ່າງ ແລະ ສິ່ງອຳນວຍຄວາມສະດວກຕາມເສັ້ນທາງລົດໄຟ.ໃນນີ້ລວມມີ ການພັດທະນາສະຖານທີ່ທ່ອງທ່ຽວ ແລະ ນິຄົມອຸດສາຫະກຳ ກໍຄືໂຄງການສິ່ງອຳນວຍຄວາມສະດວກຕ່າງໆ ເພື່ອກອບໂກຍຜົນປະໂຫຍດຈາກທ່າແຮງຂອງໂຄງການມູນຄ່າ 5.9 ຕື້ໂດລາດັ່ງກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເສັ້ນທາງລົດໄຟລາວ-ຈີນຈະສ້າງວຽກຫຼາຍພັນຕຳແໜ່ງສຳລັບຄົນລາວ ເມື່ອໂຄງການເລີ່ມເປີດດຳເນີນການໃນປີ 2021, ຕາມເຈົ້າໜ້າທີ່ການນຳລັດຖະບານ.ລັດຖະບານພວມມີການວາງແຜນສ້າງຕັ້ງວິທະຍາໄລວິຊາຊີບ ພາຍໃຕ້ການຊ່ວຍເຫຼືອຂອງລັດຖະບານຈີນ ເພື່ອຝຶກອົບຮົມ ແລະ ສະໜອງບຸກຄະລາກອນຊ່ຽວຊານກ່ຽວກັບທາງລົດໄຟສຳລັບໂຄງການດັ່ງກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ໄທໄດ້ຕົກລົງເລີ່ມຕົ້ນໂຄງການກໍ່ສ້າງເສັ້ນທາງລົດໄຟລາວ-ໄທ ໄລຍະສອງ ເພື່ອເຊື່ອມຕໍ່ລະຫວ່າງສະຖານນີຊານເມືອງກັບສູນກາງນະຄອນຫຼວງວຽງຈັນ. ເສັ້ນທາງເຊື່ອມຕໍ່ດັ່ງກ່າວຄາດວ່າຈະໃຫ້ສຳເລັດພາຍໃນປີ 2021.ກົມການລົດໄຟພາຍໃຕ້ກະຊວງໂຍທາທິການ ແລະ ຂົນສົ່ງໄດ້ລົງນາມໃນບົດບັນທຶກຄວາມເຂົ້າໃຈກ່ຽວກັບໂຄງການດັ່ງກ່າວ ຮ່ວມກັບບໍລິສັດເສີມສະຫງວນກໍ່ສ້າງຈຳກັດຂອງໄທ.ອ່ານຕໍ່ ...

ລາວ ແລະ ໄທໄດ້ລົງນາມໃນຂໍ້ຕົກລົງເພື່ອຂະຫຍາຍການເຊື່ອມຕໍ່ເສັ້ນທາງ ແລະ ທາງລົດໄຟລະຫວ່າງສອງປະເທດ ເຊິ່ງມີມູນຄ່າລວມກວ່າ 3 ຕື້ບາດໄທ (USD 98.2 ລ້ານໂດລາ).ພາຍໃຕ້ຂໍ້ຕົກລົງດັ່ງກ່າວ ສອງປະເທດໄດ້ວາງແຜນປັບປຸງເສັ້ນທາງ R11 ທີ່ເຊື່ອມຕໍ່ດ່ານຊານແດນພູດູ່ ຈັງຫວັດອຸດຕະລະດິດທາງພາກເໜືອຂອງໄທ ກັບນະຄອນຫຼວງວຽງຈັນຂອງລາວ. ເສັ້ນທາງສອງເລນດັ່ງກ່າວຈະໄດ້ຮັບການປູຢາງ ເຊິ່ງຄິດເປັນມູນຄ່າປະມານ 1.8 ຕື້ບາດໄທ (USD 59 ລ້ານໂດລາ), ຕາມການລາຍງານຂອງສຳນັກຂ່າວບາງກອກໂພສ໌ ໃນວັນທີ 1 ກໍລະກົດນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຫວ່າງບໍ່ດົນມານີ້ ທ່ານ ບຸນຍັງ ວໍລະຈິດ ປະທານປະເທດລາວ ໄດ້ອອກດຳລັດປະທານປະເທດກ່ຽວກັບການປະກາດໃຊ້ກົດໝາຍວ່າດ້ວຍທາງລົດໄຟສະບັບໃໝ່, ເຊິ່ງໃຫ້ທິດຊີ້ນຳກ່ຽວກັບການກໍ່ສ້າງທາງລົດໄຟ.ກົດໝາຍທີ່ປະກອບມີຫ້າສິບໜ້າສະບັບດັ່ງກ່າວ ກຳນົດຫຼັກການ, ລະບຽບການ ແລະ ມາດຕະການໃນການຄຸ້ມຄອງ, ຕິດຕາມ ແລະ ກວດກາວຽກງານການກໍ່ສ້າງເສັ້ນທາງລົດໄຟ. ເຊິ່ງມີເປົ້າໝາຍແນໃສ່ຮັບປະກັນປະສິດທິພາບ, ປະສິດທິຜົນ, ຄວາມທັນສະໄໝ, ຄວາມຍືນຍົງ ແລະ ການກໍ່ສ້າງເສັ້ນທາງລົດໄຟທີ່ເປັນມິດຕໍ່ສິ່ງແວດລ້ອມ.ອ່ານຕໍ່ ...

ກຳມະກອນກຳລັງກຳກຽມຖານສຳລັບການກໍ່ສ້າງສອງສະຖານນີທາງລົດໄຟລາວ-ຈີນທີ່ໃຫຍ່ທີ່ສຸດ – ສະຖານນີທີໜຶ່ງແມ່ນຢູ່ໃກ້ກັບຊາຍແດນຈີນ ແລະ ສະຖານນີທີສອງແມ່ນຢູ່ປາຍສຸດຂອງເສັ້ນທາງລົດໄຟທີ່ນະຄອນວຽງຈັນ.ພະນັກງານໂຄງການກໍ່ສ້າງທາງລົດໄຟລາວ-ຈີນ ຊຶ່ງບໍ່ປະສົງອອກນາມ ລາຍງານຕໍ່ໜັງສືພິມວຽງຈັນທາມສ໌ໃນວັນພຸດຜ່ານມາວ່າ ສະຖານນີທີ່ວຽງຈັນຈະເປັນສະຖານນີທີ່ໃຫຍ່ທີ່ສຸດ ແລະ ປະກອບມີທັງພາກສ່ວນສຳລັບຜູ້ໂດຍສານ ແລະ ສຳລັບການຂົນສົ່ງສິນຄ້າ.ອ່ານຕໍ່ ...

ໄທ, ຈີນ ແລະ ລາວຈະລົງນາມບົດບັນທຶກການຮ່ວມມືກ່ຽວກັບຂົວທາງລົດໄຟແຫ່ງໃໝ່ເພື່ອຂ້າມແມ່ນ້ຳຂອງ ໃນລະຫວ່າງການຢ້ຽມຢາມນະຄອນປັກກິ່ງຂອງທ່ານ ປະຍຸດ ຈັນໂອຊາ ນາຍົກລັດຖະມົນຕີໄທ ໃນອາທິດນີ້, ຕາມການລາຍງານຂອງເຈົ້າໜ້າທີ່ກະຊວງການຕ່າງປະເທດໄທໃນວັນອັງຄານຜ່ານມາ.ຂົວດັ່ງກ່າວຈະເຊື່ອມຕໍ່ຈັງຫວັດໜອງຄາຍທາງພາກອີສານຂອງໄທ ກັບນະຄອນຫຼວງວຽງຈັນຂອງລາວ, ເຈົ້າໜ້າທີ່ໄທກ່າວຕໍ່ BenarNews, ເຊິ່ງນັກວິເຄາະເຊື່ອວ່າຈະເສີມຂະຫຍາຍຄວາມມຸ່ງໝັ້ນຂອງຈີນ ໃນການສ້າງເຄືອຂ່າຍທາງລົດໄຟຄວາມໄວສູງໃນອາຊີຕາເວັນອອກສຽງໃຕ້, ເຊິ່ງຕໍ່ຍາວໄປເຖິງມາເລເຊຍ ແລະ ເຂົ້າສູ່ສິງກະໂປ.ອ່ານຕໍ່ ...

ຫຼວງພະບາງ, ລາວ (ວຽງຈັນທາມສ໌/ANN) – ໃນສອງປີຕໍ່ໜ້າ, ຂະບວນລົດໄຟລາວ-ຈີນຈະເດີນອອກມາຈາກອຸໂມງ, ຜ່ານຂົວທາງລົດໄຟຂ້າມນ້ຳຂອງທີ່ຫຼວງພະບາງ ແລະ ແລ່ນເຂົ້າໄປໃນສາຍພູໃນອີກຟາກໜຶ່ງ.ຢູ່ຈຸດທີ່ສ້າງຂົວ, ນ້ຳຂອງມີຄວາມກວ້າງປະມານໜຶ່ງກິໂລແມັດ, ແລະ ລົດໄຟໂດຍສາຍຈະສາມາດແລ່ນໃນລະດັບຄວາມໄວປະມານ 160 ກມ ຕໍ່ຊົ່ວໂມງ ໃນຂະນະທີ່ລົດໄຟຂົນສົ່ງສິນຄ້າຈະແລ່ນດ້ວຍຄວາມໄວ 120 ກມ ຕໍ່ຊົ່ວໂມງ.ອ່ານຕໍ່ ...

ຫຼວງນ້ຳທາ, ລາວ (ວຽງຈັນທາມສ໌/ANN) –  ການກໍ່ສ້າງອຸໂມງທາງລົດໄຟ ທີ່ຊາຍແດນລາວ-ຈີນ ແຂວງຫຼວງນ້ຳທາ ອາດຕ້ອງນຳໃຊ້ວັດສະດຸກໍ່ສ້າງທີ່ສາມາດຕ້ານທານຕໍ່ການກັດເຊາະຂອງເກືອ, ເພື່ອປ້ອງກັນລາງລົດໄຟທີ່ອາດໄດ້ຮັບຜົນກະທົບຈາກບໍ່ເກືອຂະໜາດໃຫຍ່ໃຕ້ດິນ.ນັກວິສະວະກອນຈີນ ຫວັງ ສຽວຕົງ ໄດ້ເປີດເຜີຍຕໍ່ສື່ມວນຊົນລາວ ແລະ ຈີນວ່າ ທີມກໍ່ສ້າງໄດ້ຄົ້ນພົບບໍ່ເກືອສອງແຫ່ງໃນລາວ ແຕ່ບໍ່ພົບໃນຈີນ.ອຸໂມງທີ່ດ່ານຊາຍແດນດັ່ງກ່າວແມ່ນອຸໂມງທາງລົດໄຟຂະໜາດໃຫຍ່ທີ່ສຸດໃນການກໍ່ສ້າງເສັ້ນທາງລົດໄຟລາວ-ຈີນ, ແລະ ມີໄລຍະ 7,000 ແມັດໃນປະເທດຈີນ ແລະ ອີກ 2,000 ແມັດໃນປະເທດລາວ.ອ່ານຕໍ່  ...