ພື້ນຖານໂຄງລ່າງ ແລະ ສິ່ງອຳນວນຄວາມສະດວກດ້ານການຂົນສົ່ງ

(ຂປລ) ເຈົ້າໜ້າທີ່ລັດປະມານ 40 ຄົນ ຮ່ວມກັບເຈົ້າໜ້າທີ່ຈາກສະຫະລັດ ແລະ ຫວຽດນາມ ເຂົ້າຮ່ວມກອງປະຊຸມສຳມະນາວ່າດ້ວຍອະນຸສັນຍາ Cape Town ເພື່ອຫາລືກ່ຽວກັບມາດຕະການປະຕິບັດທີ່ດີທີ່ສຸດໃນການສົ່ງເສີມສະພາບແວດລ້ອມທຸລະກິດກ່ຽວກັບການຊື້ ແລະ ການລົງທຶນດ້ານເຮືອບິນໃນ ສປປ ລາວ.ກອງປະຊຸມສຳມະນາດັ່ງກ່າວແມ່ນຈັດໂດຍສະຖານທູດສະຫະລັດ ຮ່ວມກັບກົມການບິນພົນລະເຮືອນຂອງກະຊວງໂຍທາທິການ ແລະ ຂົນສົ່ງ, ພາຍໃຕ້ການສະໜັບສະໜູນຂອງບໍລິສັດ Boeing ແລະ GE ທີ່ນະຄອນຫຼວງວຽງຈັນ ໃນວັນທີ 20 ກຸມພາ 2019.ອ່ານຕໍ່  ...

ຂົວໃໝ່ເຊກຸມກາມ ແລະ ເຊທ່າມວກ ທີ່ຕັ້ງຢູ່ເສັ້ນທາງແຫ່ງຊາດເລກທີ 9 ແຂວງສະຫວັນນະເຂດ ກໍ່ສ້າງສຳເລັດປະມານ 80% ເຊິ່ງເຈົ້າໜ້າທີ່ຮັບຜິດຊອບຄາດວ່າຈະສາມາດມອບຮັບພາຍໃນເດືອນພຶດສະພານີ້.ທ່ານ ຄຳໝັ້ນ ແສນພິມມະຈັກ ໄດ້ເປີດເຜີຍຕໍ່ວຽງຈັນທາມສ໌ໃນວັນຈັນຜ່ານມາວ່າ, “ການກໍ່ສ້າງຂົວສອງແຫ່ງດັ່ງກ່າວ ປະຈຸບັນແມ່ນສຳເລັດແລ້ວ 77.49. ຄາດວ່າໜ້າວຽກທຸກຢ່າງຈະໃຫ້ສຳເລັດພາຍໃນເດືອນເມສາ ແລະ ມີການມອບຮັບໃນກາງເດືອນພຶດສະພານີ້.”ອ່ານຕໍ່   ...

ວຽງຈັນ (ວຽງຈັນທາມສ໌/ANN) – ແອເອເຊຍ AirAsia ສາຍການບິນລາຄາປະຢັດທີ່ດີທີ່ສຸດລະດັບໂລກມາເປັນເວລາ 10 ປີພາຍໃຕ້ການບໍລິຫານຂອງ Skytrax, ສືບຕໍ່ເປີດໂຕຖ້ຽວບິນໂດຍກົງຫາປະເທດລາວ ແລະ ປະຈຸບັນສາມາດສ້າງເສັ້ນທາງເຊື່ອມຕໍ່ລາວກັບ 130 ຈຸດໝາຍປາຍທາງໃນເຄືອຂ່າຍພາກພື້ນອາຊີຕາເວັນອອກສຽງໃຕ້ ແລະ ອາຊີ.ປະຈຸບັນ ແອເອເຊຍໃຫ້ບໍລິການຖ້ຽວບິນໃນສອງເມືອງຂອງລາວຄື ວຽງຈັນ ແລະ ຫຼວງພະບາງ, ເຊິ່ງມີເສັ້ນທາງບິນໂດຍກົງຈາກວຽງຈັນ-ບາງກອກ (ດອນເມືອງ), ວຽງຈັນ-ກົວລາລຳເປີ, ມາເລເຊຍ ແລະ ຫຼວງພະບາງ-ບາງກອກ.ອ່ານຕໍ່ ...

ປະຊາຊົນທີ່ອາໄສລຽບຕາມຖະໜົນໄລຍະ 9.4 ກມ ທີ່ກຳລັງມີການຍົກລະດັບ ໄດ້ອາໄສສື່ສັງຄົມອອນໄລໃນການສະແດງຄວາມບໍ່ພໍໃຈກັບສະພາບຝຸ່ນຄວັນທີ່ປົກຄຸມ ອັນເປັນເຫດມາຈາກສະພາບຖະໜົນທີ່ຍັງຄົງບໍ່ສຳເລັດການປູຢາງປົວແປງ.ຖະໜົນດັ່ງກ່າວແມ່ນນັບແຕ່ທາງແບ່ງຕານມີໄຊເມືອງໄຊທານີ ຫາ ທາງແບ່ງສີເກີດເມືອງນາຊາຍທອງ, ນະຄອນຫຼວງວຽງຈັນ.ອ່ານຕໍ່ ...

ສະຄູດ, ສາຍການບິນລາຄາຖືກຂອງກຸ່ມສາຍການບິນສິງກະໂປແອລາຍ (SIA) ຈະເລີ່ມໃຫ້ບໍລິການຖ້ຽວບີນຈາກເອເທນຫາລາວ (ວຽງຈັນ ແລະ ຫຼວວງພະບາງ) ຜ່ານສິງກະໂປພາຍໃນເດືອນເມສານີ້.ຕາມການຖະແຫຼງຂ່າວ, ສາຍການບິນດັ່ງກ່າວໄດ້ເລີ່ມຂາຍປີ້ຍົນຈາກເອເທນເຖິງລາວໃນລາຄາຫຼຸດພິເສດ ເພື່ອເປັນການສະຫຼອງການເປີດເສັ້ນທາງການບິນໃໝ່ຫາວຽງຈັນ ແລະ ຫຼວງພະບາງ.ອ່ານຕໍ່ ...

ປະຊາຊົນ 100 ກວ່າຄົນທີ່ຕ້ອງສູນເສຍທີ່ດິນ ແລະ ຊັບສິນອື່ນໆ ເນື່ອງຈາກແຜນການກໍ່ສ້າງທາງດ່ວນທີ່ຈະຕັດຜ່ານນະຄອນວຽງຈັນ ຍັງຄົງບໍ່ເຂົ້າແຈ້ງເຈດຈຳນົງໃນການຮັບຄ່າຊົດເຊີຍ ຕາມກຳນົດການທີ່ວາງໄວ້ພາຍໃນວັນທີ 30 ມັງກອນ.ເສັ້ນທາງດ່ວນໄລຍະ 15.2 ກມ ດັ່ງກ່າວຈະຕັດຜ່ານບໍລິເວນສູນການຄ້າລາວໄອເຕັກ ເມືອງໄຊເສດຖາ ຫາ ບ້ານດົງໝາກຄາຍ ເມືອງໄຊທານີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວຕ້ອງສ້າງຖ້ຽວບິນໂດຍກົງລະຫວ່າງຈີນ ແລະ ລາວໃຫ້ຫຼາຍຂຶ້ນ ເພື່ອບັນລຸເປົ້າໝາຍການດຶງດູດນັກທ່ອງທ່ຽວຂອງລັດຖະບານໃຫ້ໄດ້ ຫຼາຍກວ່າ 1 ລ້ານຄົນຈາກຈີນ ແລະ 4.5 ລ້ານຄົນຈາກທົ່ວໂລກ ໃນປີທ່ອງທ່ຽວລາວ-ຈີນ 2019 ຕາມຄຳເຫັນຂອງເຈົ້າໜ້າທີ່ການນຳແຂວງຈຳປາສັກ.ອ່ານຕໍ່ ...

ພະນັກງານການບິນລາວເຊື່ອວ່າຈຳນວນລູກຄ້າຊາວຈີນຈະເພີ່ມຂຶ້ນເປັນ 241,500 ຄົນໃນປີນີ້.ຕົວເລກດັ່ງກ່າວແມ່ນເພີ່ມຂຶ້ນປະມານ 42% ທຽບກັບປີຜ່ານມາ ເຊິ່ງມີຍອດຈອງຖ້ຽວບິນຂອງປະຊາຊົນຈີນລວມ 170,500 ຖ້ຽວ.ອ່ານຕໍ່ ...

ໂຄງການຍົກລະດັບຖະໜົນໄລຍະ 9 ກມ ຈາກສີ່ແຍກຕານມີໄຊ ເມືອງໄຊທານີ ຫາທາງແບ່ງສີເກີດ ເມືອງນາຊາຍທອງ ນະຄອນຫຼວງວຽງຈັນ ອາດຕ້ອງມີການຕໍ່ເວລາອີກ 9 ເດືອນ ເນື່ອງຈາກໜ້າວຽກຊັກຊ້າກວ່າກຳນົດການ.ໂຄງການດັ່ງກ່າວແມ່ນໜຶ່ງໃນໂຄງການບູລິມະສິດການພັດທະນາພື້ນຖານໂຄງລ່າງນະຄອນຫຼວງວຽງຈັນ ຍ້ອນວ່າການຍົກລະດັບຖະໜົນດັ່ງກ່າວຈະເຮັດໃຫ້ການສັນຈອນເຈົ້າໃນຕົວເມືອງສະດວກຍິ່ງຂຶ້ນ. ນອກນີ້ມັນຍັງເປັນທາງເວັ້ນສຳລັບລົດບັກທຸກໜັກທີ່ສັນຈອນລະຫວ່າງແຂວງພາກເໜືອ ແລະ ແຂວງພາກໃຕ້ ແລະ ການສັນຈອນຈາກຕົວເມືອງວຽງຈັນຫາຂົວມິດຕະພາບລາວ-ໄທ.ອ່ານຕໍ່ ...

ບໍລິສັດການບິນລາວ ຜູ້ປະກອບການການບິນແຫ່ງຊາດ ໄດ້ເລີ່ມເປີດຖ້ຽວບິນລາຍອາທິດໄປນະຄອນຊຽງໄຮ ເພື່ອຮອງຮັບກະແສນັກທ່ອງທ່ຽວຈາກຈີນ ແລະ ລູກຄ້າອື່ນໆ ໃນລະຫວ່າງປີທ່ອງທ່ຽວລາວ-ຈີນ 2019.ການເລີ່ມໃຫ້ບໍລິການດັ່ງກ່າວແມ່ນເນືື່ອງໃນໂອກາດການເປີດປີທ່ອງທ່ຽວລາວ-ຈີນທີ່ວຽງຈັນ.ຖ້ຽວບິນດັ່ງກ່າວຈະໃຊ້ເວລາເດີນທາງປະມານ ສາມຊົ່ວໂມງເຄິ່ງ ແລະ ຈະເປັນທາງເລືອກທີ່ດີທີ່ສຸດສຳລັບລູກຄ້າທີ່ຕ້ອງການຫຼີກລ່ຽງການລໍຖ້າຢູ່ສະໜາມບິກສາກົນຕ່າງໆ.ອ່ານຕໍ່ ...