ພື້ນຖານໂຄງລ່າງ

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ນະຄອນຫຼວງວຽງຈັນ ຈະເພີ່ມຄວາມເຂັ້ມງວດໃນການກວດກາລົດສາມລໍ້ໄຟຟ້າ ແລະ ລົດຈັກທີ່ມີການດັດທາງຂ້າງ ໃນນະຄອນຫຼວງວຽງຈັນ ທີ່ມີການສັນຈອນຕາມທ້ອງຖະໜົນໃນຕົວເມືອງແບບບໍ່ຖືກລະບຽບ.ທ່ານ ສີວອນ ຊັບທະວີ ຫົວໜ້າຂະແໜງຄຸ້ມຄອງການຂົນສົ່ງ ພາຍໃຕ້ພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ ໄດ້ເປີດເຜີຍຕໍ່ສຳນັກຂ່າວວຽງຈັນທາມສ໌ ວານນີ້ວ່າ ທາງພະແນກຈະຮ່ວມມືກັບເຈົ້າໜ້າທີ່ຕຳຫຼວດຈໍລະຈອນ ແລະ ຂະແໜງການທີ່ກ່ຽວຂ້ອງ ເພື່ອກວດກາບັນດາລົດສາມລໍ້ໄຟຟ້າ ແລະ ລົດຈັກດັດຂ້າງ ໃນນະຄອນຫຼວງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ມື້ວານນີ້ ໂຄງການທາງດ່ວນວຽງຈັນເລກທີ 1 ໄດ້ຈ່າຍຄ່າຊົດເຊີຍ ລວມມູນຄ່າ 4 ລ້ານກວ່າໂດລາ ເຊິ່ງເປັນເງິນຊົດເຊີຍງວດທີສອງ ໃຫ້ແກ່ເຈົ້າຂອງຊັບສິນທີ່ໄດ້ຮັບຜົນກະທົບຈາກໂຄງການດັ່ງກ່າວ.ເຈົ້າຂອງດິນ 92 ຕອນ ເຊິ່ງມີເນື້ອທີ່ລວມທັງໝົດ 344,671 ຕາແມັດ ທີ່ໄດ້ຮັບຜົນກະທົບຈາກໂຄງການດັ່ງກ່າວ ຢູ່ເມືອງໄຊທານີ ແລະ ໄຊເສດຖາ ນະຄອນຫຼວງວຽງຈັນ ລວມຕົວກັນທີ່ສະໂມສອນເມືອງໄຊທານີ ເພື່ອຮັບເງິນຊົດເຊີຍດັ່ງກ່າວ ໃນວັນພະຫັດນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກອງທຶນການຮ່ວມມືເພື່ອການພັດທະນາເສດຖະກິດຂອງເກົາຫຼີໃຕ້ (EDCF) ຕົກລົງໃຫ້ທຶນກູ້ຢືມດອກເບ້ຍຕ່ຳ ມູນຄ່າເກືອບ US$44 ລ້ານໂດລາ ເພື່ອສະໜັບສະໜູນໂຄງການພັດທະນານ້ຳປະປາ ຢູ່ແຂວງຈຳປາສັກ ແລະ ແຂວງສາລະວັນ ທາງພາກໃຕ້ຂອງລາວ.ນີ້ແມ່ນການຕົກລົງໃນກອງປະຊຸມລະຫວ່າງຕົວແທນກອງທຶນ EDCF  ແລະ ລັດຖະບານລາວ ເພື່ອຫາລືຊ່ອງທາງໃນການຈັດຕັ້ງປະຕິບັດໂຄງການເຫຼົ່ານີ້.ອ່ານຕໍ່ ...

ທ່ານ ມູນ ແຈອິນ ປະທານປະເທດເກົາຫຼີໃຕ້ ກ່າວໃນວັນອັງຄານນີ້ວ່າ ເກົາຫຼີໃຕ້ຈະຊ່ວຍເຫຼືອປະເທດລາວ ໃຫ້ບັນລຸເປົ້າໝາຍການເປັນ “ສູນກາງການຂົນສົ່ງ ແລະ ໂລຈິສ໌ຕິກ” ໃນພາກພື້ນ.ທ່ານປະທານປະເທດໄດ້ໃຫ້ຄຳໝັ້ນ ໃນການຫາລືສອງຝ່າຍຮ່ວມກັບທ່ານ ທອງລຸນ ສີສຸລິດ ນາຍົກລັດຖະມົນຕີຂອງລາວ ທີ່ເມືອງປູຊານ, ເຊິ່ງຢູ່ຫ່າງຈາກນະຄອນຫຼວງໂຊນ ປະມານ 450 ກມໄປທາງຕາເວັນອອກສຽງໃຕ້. ທ່ານນາຍົກໄດ້ເດີນທາງຢ້ຽມຢາມເມືອງທ່າເຮືອດັ່ງກ່າວ ເພື່ອເຂົ້າຮ່ວມກອງປະຊຸມສຸດຍອດພິເສດ ອາຊຽນ-ສາທາລະນະລັດເກົາຫຼີ ເພື່ອສະເຫຼີມສະຫຼອງວັນຄົບຮອບ 30 ປີຂອງການສ້າງຕັ້ງສາຍພົວພັນ.ອ່ານຕໍ່ ...

ລາວໂທລະຄົມ ໄດ້ມີການເປີດໂຕການບໍລິການ ຊິມ ອິເລັກໂທຣນິກ ຄັ້ງທຳອິດໃນປະເທດລາວ ໂດຍຮ່ວມມືກັບບໍລິສັດ 10T Tech, ບໍລິສັດບໍລິການ eSIM  ໃນຮ່ອງກົງ.ການບໍລິການດັ່ງກ່າວຈະຊ່ວຍໃຫ້ຜູ້ນຳໃຊ້ໂທລະສັບມືຖື ທີ່ນຳໃຊ້ເຄື່ອງໄອໂຟນ ແລະ ໄອແພັດ ແລະ Google Pixel 3a ແລະ 4 ສາມາດຂຶ້ນທະບຽນສຳລັບແຜນມືຖືແບບຈ່າຍລ່ວງໜ້າ ແລະ ແບບລາຍເດືອນ ດ້ວຍການເຂົ້າໄປສູນບໍລິການໃກ້ບ້ານ ເພື່ອດາວໂຫຼດ ແລະ ເປີດນຳໃຊ້ບໍລິການ eSIM, ຕາມບົດຂ່າວຈາກ 10T Tech.ອ່ານຕໍ່ ...

ວຽງຈັນ, 21 ພະຈິກ (Xinhua) — ບໍລິສັດທາງລົດໄຟລາວ-ຈີນ ຈຳກັດ ຜູ້ຮັບຜິດຊອບການກໍ່ສ້າງເສັ້ນທາງລົດໄຟລາວ-ຈີນ ທາງພາກເໜືອຂອງລາວ,​ ລາຍງານໃນວັນພະຫັດນີ້ວ່າ ການກໍ່ສ້າງເສັ້ນທາງລົດໄຟ ບໍ່ໄດ້ຮັບຜົນກະທົບຈາກເຫດແຜ່ນດິນໄຫວລະດັບຕື້ນທີ່ເກີດຂຶ້ນ.ເຫດແຜ່ນດິນໄຫວຂະໜາດ 6.1 ດັ່ງກ່າວ ແມ່ນເກີດຂຶ້ນຢູ່ເຂດຊາຍແດນລະຫວ່າງພາກເໜືອຂອງໄທ ແລະ ລາວ ໃນເວລາ 6:50 ໂມງ ຂອງວັນພະຫັດນີ້ ໃນລະດັບຄວາມເລິກ 10 ກມ, ຕາມໜ່ວຍງານສຳຫຼວດທໍລິນີວິທະຍາຂອງສະຫະລັດ.ອ່ານຕໍ່ ...

ຢູນິເທວ ໄດ້ຮັບລາງວັນຈາກ Speedtest ໃນການເປັນເຄືອຂ່າຍມືຖື ທີ່ໄວທີ່ສຸດໃນລາວ ໃນໄຕມາດທີສອງ ແລະ ທີສາມຂອງປີ 2019.Ookla, ເຈົ້າຂອງເວັບໄຊ speedtest.net, ໄດ້ທຳການທົດສອບສົມທຽບຈາກຜູ້ໃຊ້ງານ ຜ່ານລະບົບແອັບພິຼເຄຊັນມືຖື Speedtest iOS ແລະ Android ຈາກຜູ້ໃຊ້ໂທລະສັບມືຖືສ່ວນໃຫຍ່ໃນລາວ ໃນໄລຍະການຊິງລາງວັນ ເພື່ອສຳຫຼວດເບິ່ງວ່າຜູ້ປະກອບການເຈົ້າໃດ ທີ່ໃຫ້ບໍລິການດ້ວຍຄວາມໄວສູງສຸດ ໃນບັນດາເຄືອຂ່າຍໂທລະສັບມືຖື.ເຄືອຂ່າຍຢູນິເທວ (Unitel) ໄດ້ຊະນະເລີດລາງວັນດັ່ງກ່າວ ດ້ວຍຄະແນນຄວາມໄວ 32.62, ມີຄວາມໄວສະເລ່ຍສຳລັບການດາວໂຫຼດ 33.43 Mbps ແລະ ການອັບໂຫຼດ 17.30 Mbps.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດ China Southern Power Grid (CSG) ແລະ ລັດວິສາຫະກິດໄຟຟ້າລາວ (EDL) ຈະຮ່ວມທີມກັນ ໃນການສະໜອງພະລັງງານ ສຳລັບເສັ້ນທາງລົດໄຟໃໝ່ ເຊິ່ງໄດ້ມີພິທີຖະແຫຼງການຈັດຕັ້ງວິສາຫະກິດຮ່ວມປະສົມ ທີ່ວຽງຈັນ ໃນອາທິດແລ້ວນີ້.ວິສາຫະກິດຮ່ວມປະສົມດັ່ງກ່າວ ໃສ່ຊື່ຢ່າງເປັນທາງການວ່າ ບໍລິສັດການລົງທຶນດ້ານພະລັງງານລາວ-ຈີນ. ທ່ານ ປອ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ແລະ ທ່ານ ປີ້ ຢາຊຽງ ຮອງປະທານບໍລິສັດ CSG ໄດ້ຮ່ວມຖະແຫຼງກ່ຽວກັບການເປີດຕົວວິສາຫະກິດຮ່ວມປະສົມດັ່ງກ່າວ ພາຍໃຕ້ການເປັນສັກຂີພະຍານຂອງທ່ານ ຈຽງ ໄຈຕົງ ເອກອັກຄະລັດຖະທູດຈີນປະຈຳລາວ. ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການກໍ່ສ້າງເສັ້ນທາງລົດໄຟລາວ-ຈີນ ໄລຍະທາງ 414-ກມ ຈາກຊາຍແດນຈີນ ເຖິງນະຄອນຫຼວງວຽງຈັນ ດຳເນີນໄປໄດ້ດີ ແລະ ປະຈຸບັນແມ່ນສຳເລັດແລ້ວ 78.2 ສ່ວນຮ້ອຍ.ຕາມບົດລາຍງານຂອງຄະນະຄຸ້ມຄອງຄອງການ ເມື່ອວັນທີ 30 ກັນຍາ, ໂຄງສ້າງທີ່ສຳຄັນທຸກຢ່າງ ເຊັ່ນ ອຸໂມງ, ຂົວ, ແລະ ຕົວຮອງຮັບທາງລົດໄຟຊັ້ນເທິງ ແມ່ນກໍ່ສ້າງສຳເລັດແລ້ວ. ແຕ່ວ່າການປູລາງລົດໄຟ ພ້ອມດ້ວຍອຸປະກອນອຳນວຍຄວາມສະດວກອື່ນໆ ຍັງບໍ່ທັນສຳເລັດ ເນື່ອງຈາກຢູ່ໃນຂໍ້ຕົກລົງຄົນລະສະບັບ.ອ່ານຕໍ່ ...

ວຽງຈັນ – ເຈົ້າໜ້າທີ່ກະຊວງໂຍທາທິການ ແລະ ຂົນສົ່ງ ພ້ອມດ້ວຍຂະແໜງການທີ່ກ່ຽວຂ້ອງ ກຳລັງຮຽນຮູ້ກ່ຽວກັບການປະຕິບັດການທາງລົດໄຟຈາກຜູ້ຊ່ຽວຊານຈີນ ທີ່ນະຄອນຫຼວງວຽງຈັນ ເພື່ອກະກຽມສຳລັບການເປີດເສັ້ນທາງລົດໄຟລາວ-ຈີນ ໃນປີ 2021.ຫຼັກສູດຝຶກອົບຮົມກ່ຽວກັບເທັກໂນໂລຢີທາງລົດໄຟຂັ້ນສຸດທ້າຍ ກຳລັງຈັດຂຶ້ນທີ່ສູນຝຶກອົບຮົມສູນກາງແນວລາວສ້າງຊາດ ແຕ່ວັນສຸກແລ້ວນີ້ ເຖິງວັນທີ 28 ພະຈິກ, ເຊິ່ງມີຜູ້ເຂົ້າຮ່ວມຫຼັກສູດດັ່ງກ່າວ 45 ຄົນ, ຕາມການລາຍງານຂອງສຳນັກຂ່າວທ້ອງຖິ່ນ ວຽງຈັນທາມສ໌ໃນວັນຈັນນີ້.ອ່ານຕໍ່ ...