ພື້ນຖານໂຄງລ່າງ

ວຽງຈັນ (Vientiane Times/ANN) – ລາວຄາດວ່າຂະແໜງການກໍ່ສ້າງໃນປີນີ້ຈະຂະຫຍາຍຕົວຢ່າງໜ້ອຍ 10% ພາຍໃຕ້ມາດຕະການຂອງລັດຖະບານໃນການສົ່ງເສີມການລົງທຶນ ແລະ ກະຕຸ້ນເສດຖະກິດ.ທ່າອ່ຽງດັ່ງກ່າວແມ່ນມາຈາກຫຼາຍປັດໄຈ ເຊັ່ນ ການລົງທຶນດ້ານການບໍລິການ, ການພັດທະນາພື້ນຖານໂຄງລ່າງ ແລະ ອະສັງຫາລິມະຊັບ ເຊິ່ງມີສ່ວນພົວພັນກົມກຽວກັນຢ່າງແໜ້ນແຟ້ນ.ອ່ານຕໍ່ ...

ການກໍ່ສ້າງທາງດ່ວນເພື່ອເຊື່ອມຕໍ່ສູນການຕົວເມືອງກັບເຂດຊານເມືອງວຽງຈັນຈະເລີ່ມລົງມືໃນເດືອນໜ້າ ຕາມການລາຍງານຂອງການນຳລັດຖະບານ.ການກໍ່ສ້າງທາງໄລຍະ 15 ກມ ຈະຊ່ວຍຫຼຸດຜ່ອນບັນຫາລົດຕິດ ແລະ ຮອງຮັບຄວາມຕ້ອງການໃນການສັນຈອນທີ່ເພີ່ມຂຶ້ນຂອງຕົວເມືອງ ໃຫ້ມີຄວາມວ່ອງໄວ ແລະ ສະດວກສະບາຍ.ອ່ານຕໍ່  ...

(ຂປລ) ກົມຂົວທາງກ່າວວ່າຕ້ອງໃຊ້ງົບປະມານ 1,200 ພັນຕື້ກີບ ໃນການຈັດຕັ້ງປະຕິບັດ 20 ໂຄງການ ແລະ 148 ສັນຍາຮັບເໝົາໃນການກໍ່ສ້າງ ແລະ ບູລະນະຖະໜົນຫົນທາງໃນທົ່ວປະເທດ.ໃນຈຳນວນງົບປະມານດັ່ງກ່າວ, 896 ຕື້ກີບແມ່ນຈະໃຊ້ໃນການບູລະນະ ແລະ ສ້ອມແປງຖະໜົນ, 251 ຕື້ ແມ່ນສຳລັບຍົກລະດັບຖະໜົນ, ແລະ ອີກ 93 ຕື້ ແມ່ນສຳລັບການຕິດຕັ້ງທໍ່ລະບາຍນ້າ ແລະ ຂອບທາງ.ອ່ານຕໍ່ ...

(ຂປລ) ໃນຊ່ວງການສະເຫຼີມສະຫຼອງປີໃໝ່ສາກົນ 2019 ທີ່ວຽງຈັນມີຜູ້ເສຍຊີວິດຍ້ອນອຸປະຕິເຫດຕາມທ້ອງຖະໜົນແລ້ວ 238 ຄົນ. ເຖິງຢ່າງໃດກໍຕາມ ຍອດຜູ້ເສຍຊີວິດກໍມີການຫຼຸດລົງ 5% ທຽບກັບປີຜ່ານມາ. ປີນີ້ມີຈຳນວນການເກີດອຸປະຕິເຫດຫຼຸດລົງ 36%.ອ່ານຕໍ່ ...

ການຄົ້ນຄວ້າຫຼ້າສຸດສະແດງວ່າ ຕົ້ນທຶນດ້ານການບໍລິການຂົນສົ່ງໃນລາວອາດຖືກລົງ ຖ້າລັດຖະບານລາວອະນຸຍາດໃຫ້ບໍລິສັດຕ່າງປະເທດໃນການໃຫ້ບໍລິການ.ການຄົ້ນຄວ້າ ພາຍໃຕ້ການສະໜັບສະໜູນທຶນຂອງກຸ່ມທະນາຄານໂລກ ແລະ ຄູ່ຮ່ວມພັດທະນາສາກົນໃນລາວ ສະແດງວ່າຕົ້ນທຶນຂອງການບໍລິການຂົນສົ່ງຕາມເສັ້ນທາງ ອາດຫຼຸດຜ່ອນລົງໄດ້ ຖ້າລັດຖະບານອະນຸຍາດໃຫ້ບໍລິສັດຕ່າງປະເທດເຂົ້າມາດຳເນີນກິດຈະການ ແທນທີ່ການຜູກຂາດບໍລິສັດຂົນສົ່ງພາຍໃນ.ອ່ານຕໍ່ ...

(ຂປລ/VNA) ສະຖານນີສົ່ງສັນຍານວິທະຍຸ ແລະ ໂທລະທັດພາຍໃຕ້ທຶນຂອງຫວຽດນາມເລີ່ມໃຫ້ບໍລິການໃນແຂວງສະຫວັນນະເຂດ ທາງພາກກາງຂອງລາວ ຕັ້ງແຕ່ວັນທີ 25 ທັນວາ ພາຍຫຼັງການກໍ່ສ້າງສາມປີ.ສະຖານນີກະຈາຍສັນຍານໃນເນື້ອທີ 10,000 ຕາແມັດ ໄດ້ຮັບການສ້າງຕັ້ງຂຶ້ນດ້ວຍທຶນການກໍ່ສ້າງລວມເກືອບ 115 ຕື້ດົງຫວຽດນາມ (4.9 ລ້ານໂດລາ) ພາຍໃຕ້ທຶນຊ່ວຍເຫຼືອລ້າຂອງລັດຖະບານຫວຽດນາມ.ອ່ານຕໍ່ ...

ທາງສຳລັບຂຶ້ນລົງເຮືອບິນທີ່ສະໜາມບິນຫ້ວຍຊາຍ ແຂວງບໍ່ແກ້ວ ພວມໄດ້ຮັບການຂະຫຍາຍປັບປຸງ ເພື່ອຮອງຮັບຄວາມຕ້ອງການໃນການຂົນສົ່ງທີ່ເພີ່ມສູງຂຶ້ນ ແລະ ກຽມພ້ອມສຳລັບການຂະຫຍາຍການລົງທຶນ ແລະ ການທ່ອງທ່ຽວ.ປະຈຸບັນໂຄງການດັ່ງກ່າວຫາກໍ່ດຳເນີນໄດ້ 7%, ເຊິ່ງຄາດວ່າຈະສຳເລັດພາຍໃນປີ 2020 ຕົກເປັນມູນຄ່າລວມທັງໝົດ 149 ຕື້ກີບ ພາຍໃຕ້ການລົງທຶນຂອງລັດຖະບານ.ອ່ານຕໍ່   ...

ອິນເຕີເນັດ ເປັນສິ່ງທີ່ຈຳເປັນໃນສັງຄົມປະຈຸບັນ; ຍິ່ງອິນເຕີເນັດມີຄວາມໄວສູງ ແລະ ລາຄາຖືກຍິ່ງເປັນການດີ.ເຖິງວ່າການເຊື່ອມຕໍ່ທາງໂທລະສັບມືຖືຈະກ້າວໄປໄກ,​ ແຕ່ວ່າການເຊື່ອມຕໍ່ຜ່ານລະບົບສາຍໃຍແກ້ວຍັງຄົງຄອງອັນດັບຄວາມໄວສູງສຸດ.ຜົນສຳຫຼວດຄ່າບໍລິການອິນເຕີເນັດ broadband  ໃນປະຈຸບັນຈາກເວັບໄຊ cable.co.uk  ຂອງອັງກິດ ສະແດງໃຫ້ເຫັນວ່າ ມູນຄ່າການເຊື່ອນຕໍ່ອິນເຕີເນັດໃນປະເທດລາວແມ່ນສູງທີ່ສຸດໃນໂລກ. ຫ້າອັນດັບຊຸດບໍລິການອິນເຕີເນັດທີ່ແພງທີ່ສຸດໃນໂລກ“ຫ້າອັນດັບການໃຫ້ບໍລິການອິນເຕີເນັດ broadband  ທີ່ແພງທີ່ສຸດໃນໂລກໄດ້ແກ່ ປະເທດເບີກີນາ ຟາໂຊ ($651.72), ລາວ ($818.13), ນາມິເບຍ ($1117.87), ມໍຣິຕາເນຍ  ($1368.72) ແລະ ປາປົວນິວກິເນຍ ($1849.09)”, ຕາມຜົນການສຳຫຼວດດັ່ງກ່າວ.ອ່ານຕໍ່ ...

ທຸລະກິດນ້ຳກ໊ອກໃນເມືອງຫຼວງພະບາງເມືອງທ່ອງທ່ຽວອັນດັບຕົ້ນຂອງລາວ ມີທ່າແຮງສູງໃນການຂະຫຍາຍຕົວ ເນື່ອງຈາກການຂະຫຍາຍຕົວຢ່າງວ່ອງໄວດ້ານການທ່ອງທ່ຽວ, ການປະຕິບັດໂຄງການທາງລົດໄຟຄວາມໄວສູງ ແລະ ຄວາມຕ້ອງການໃນການນຳໃຊ້ນ້ຳປະປາທີ່ມີສູງໃນທົ່ວປະເທດ, ຕາມຂໍ້ມູນຈາກທະນາຄານ ເອັກຊິມ ແລະ ນັກລົງທຶນໄທໃນລາວ.ການສະໜອງນ້ຳປະປາແມ່ນເພີ່ມສູງຂຶ້ນຢ່າງໄວວາໃນຊຸມປີຜ່ານມາ ເພື່ອຕອບສະໜອງຄວາມຕ້ອງການທີ່ເພີ່ມຂຶ້ນໃນອັດຕາ 10-15 ເປີເຊັນຕໍ່ປີໃນຫຼວງພະບາງ.ອ່ານຕໍ່ ...

(ຂປລ) ກະຊວງພະລົງງານ ແລະ ບໍ່ແຮ່ສືບຕໍ່ປັບປຸງຍຸດທະສາດການພັດທະນາ ເພື່ອຮັບປະກັນການຫຼຸດຜ່ອນຄ່າໄຟຟ້າສຳລັບຂະແໜງການກະສິກຳ.ແຜນການດັ່ງກ່າວຈະສ້າງປະໂຫຍດໃຫ້ແກ່ຂະແໜງກະສິກຳ ໂດຍການຫຼຸດຄ່າໄຟຟ້າ 50% ໃຫ້ແກ່ຊາວໄຮ່ນາ ແລະ 30% ສຳລັບຜູ້ລ້ຽງສັດ,​ ຕາມການລາຍງານຂອງທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ໃນກອງປະຊຸມສະໄໝສາມັນເທື່ອທີ່ 6 ຂອງສະພາແຫ່ງຊາດຊຸດທີ 8 ໃນວັນຈັນຜ່ານມາ.ອ່ານຕໍ່ ...