ລັດຖະບານ

ອຸດສາຫະກຳທີ່ສ້າງມົນລະພິດຈະຕ້ອງຈ່າຍອາກອນເພີ່ມເຕີມ ຕາມແນວທາງຍຸດທະສາດການພັດທະນາສີຂຽວຂອງລັດຖະບານ. ພາຍໃຕ້ຍຸດທະສາດດັ່ງກ່າວ ເຊິ່ງຮັບຮອງໂດຍ ທ່ານນາຍົກ ທອງລຸນ ສີສຸລິດ ໃນວັນທີ 30 ມັງກອນ, ກະຊວງການເງິນໄດ້ແຈ້ງອາກອນເພື່ອຫຼຸດຜ່ອນການສ້າງມົນລະພິດ ແລະ ຂີ້ເຫຍື້ອທີ່ເປັນອັນຕະລາຍຂອງອຸດສາຫະກຳຕ່າງໆ.ປະຈຸບັນ ອຸດສາຫະກຳຕ້ອງເສຍອາກອນທຸລະກິດ ເຊິ່ງຄິດເປັນ 24% ຂອງກຳໄລຂອງບໍລິສັດ, ກໍຄືພາສີ, ອາກອນມູນຄ່າເພີ່ມ ແລະ ອາກອນລາຍຮັບ.ອ່ານຕໍ່   ...

ວຽງຈັນ (ວຽງຈັນທາມສ໌/ANN) – ລາວ ແລະ ກຳປູເຈຍໄດ້ຕົກລົງກ່ຽວກັບການປະຕິບັດການຮ່ວມ ກ່ຽວກັບບູລິມະສິດຕົ້ນຕໍຂອງໂຄງການຮ່ວມມືໃນການພັດທະນາ ແລະ ການຄຸ້ມຄອງຊັບພະຍາກອນແຫຼ່ງນ້ຳຂ້າມຊາຍແດນ.ຕົວແທນຈາກສອງຊາດໄດ້ຮ່ວມຫາລືແຜນການໃນກອງປະຊຸມຂອງຄະນະກວດສອບລະດັບພາກພື້ນ, ເຊິ່ງໄດ້ກຳນົດເອົາການທ່ອງທ່ຽວແບບອະນຸລັກ ແລະ ການຄຸ້ມຄອງການປະມົງເປັນບູລິມະສິດສູງສຸດສຳລັບໂຄງການ ລະຫວ່າງແຂວງສະຕັງເຕຣັງຂອງກຳປູເຈຍ ແລະ ແຂວງຈຳປາສັກຂອງລາວ.ອ່ານຕໍ່ ...

ຄະນະລັດຖະບານສັ່ງໃຫ້ກະຊວງການເງິນ ແລະ ອົງກອນພາກລັດຕ່າງໆ ບຸກບືນເກັບກຳລາຍຮັບໃຫ້ໄດ້ຢ່າງໜ້ອຍ 20% ຂອງເປົ້າໝາຍລວມພາຍໃນທ້າຍເດືອນນີ້.ໃນກອງປະຊຸມສື່ມວນຊົນຫຼັງກອງປະຊຸມຂອງຄະນະລັດຖະບານໃນທ້າຍເດືອນກຸມພາຜ່ານມານີ້, ທ່ານ (ປອ) ຈະເລີນ ເຢຍປາວເຮີ ກ່າວວ່າ ຄະນະລັດຖະບານໄດ້ຕົກລົງໃຫ້ໜ່ວຍງານພາກລັດບຸກບືນໃນການເກັບກຳລາຍຮັບໃຫ້ໄດ້ 25% ຂອງຄາດໝາຍລາຍຮັບປີ 2019 ຄື 26,305 ຕື້ກີບ (US$3 ຕື້ໂດລາ) ພາຍໃນໄຕມາດທຳອິດຂອງປີນີ້.ອ່ານຕໍ່ ...

ສປປ ລາວ ຊົມເຊີຍຄວາມພະຍາຍາມຂອງສາທາລະນະລັດ ປະຊາຊົນ ປະຊາທິປະໄຕເກົາຫຼີ (ສປ ເກົາຫຼີ) ແລະ ສະຫະລັດອາເມລິກາ ໃນການຮ່ວມກອງປະຊຸມສຸດຍອດຄັ້ງທີສອງ ລະຫວ່າງຜູ້ນຳຂອງສອງປະເທດ ໃນວັນທີ 27-28 ກຸມພາ 2019, ທີ່ນະຄອນຮາໂນຍ, ຫວຽດນາມ. ສປປ ລາວ ຍັງໄດ້ກ່າວຊົມເຊີຍລັດຖະບານ ແລະ ປະຊາຊົນຫວຽດນາມໃນການເປັນເຈົ້າພາບຈັດກອງປະຊຸມສຸດຍອດດັ່ງກ່າວ, ເຊິ່ງເປັນການປະກອບສ່ວນໃນການສ້າງສັນຕິພາບໃນພາກພື້ນ ແລະ ໃນໂລກ, ເຖິງວ່າໃນກອງປະຊຸມຈະບໍ່ມີການບັນລຸຂໍ້ຕົກລົງຮ່ວມໃດໆກໍຕາມ.ອ່ານຕໍ່ ...

ຊາວຕ່າງປະເທດທີ່ຕ້ອງການເຮັດວີຊາສຳລັບການພັກອາໄສ ຫຼື ທ່ອງທ່ຽວ ຕ້ອງເພື່ອເວລາລໍຖ້າສອງອາທິດສຳລັບການນັດສຳພາດວີຊາ ຫຼື ການຕໍ່ວີຊາຜ່ານສະຖານກົງສູນໄທປະຈຳນະຄອນວຽງຈັນ, ປະເທດລາວ.ໄລຍະການລໍຖ້າສອງອາທິດດັ່ງກ່າວແມ່ນສຳລັບການນັດໝາຍວີຊາເຂົ້າປະເທດໄທຜ່ານລະບົບວີຊາກົງສູນທີ່ https://thaivisavientiane.com/.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຫວ່າງຫມໍ່ໆມານີ້ ທ່ານ ທອງລຸນ ສີສຸລິດ ນາຍົກລັດຖະມົນຕີໄດ້ຕັກເຕືອນໃຫ້ບັນກາກະຊວງ ແລະ ອຳນາດການປົກຄອງແຂວງ ແລະ ເມືອງ ຈົ່ງຢຸດເຊົາໃນການນຳໃຊ້ລະບົບເກື້ອກູນໃນການຄັດເລືອກລັດຖະກອນ.ການຕັກເຕືອນດັ່ງກ່າວແມ່ນມາຈາກທີ່ລັດຖະບານໄດ້ຮູ້ມາວ່າມີກໍລະນີການຮັບຍາດພີ່ນ້ອງ ຫຼື ເສັ້ນສາຍຫົວໜ້າ ເຂົ້າເຮັດວຽກໃນກົມກອງຂອງລັດ ໂດຍບໍ່ຄຳນຶງເຖິງລະດັບຄຸນວຸດທິການສຶກສາ ເຮັດໃຫ້ສົ່ງຜົນເສຍຕໍ່ການເຮັດວຽກພາຍໃນລັດຖະບານ.ອ່ານຕໍ່ ...

ອົງກອນພາກລັດທີ່ຕ້ອງການນຳໃຊ້ງົບປະມານລັດເກີນ 5 ລ້ານກີບຕ້ອງເຮັດສັນຍາປະມູນໂຄງການ, ອີງຕາມກະຊວງການເງິນ. ທ່ານ ສົມດີ ດວງດີ ລັດຖະມົນຕີກະຊວງການເງິນ ໄດ້ລົງນາມຮັບຮອງເອົາຂໍ້ຕົກລົງຂອງລັດຖະມົນຕີ ໃນຕົ້ນເດືອນນີ້ ເຊິ່ງກຳນົດຂັ້ນຕອນໃໝ່ທີ່ໜ່ວຍງານພາກລັດຕ້ອງປະຕິບັດໃນການນຳໃຊ້ງົບປະມານລັດ.ຂໍ້ຕົກລົງດັ່ງກ່າວແມ່ນໜຶ່ງໃນຄວາມພະຍາຍາມຂອງກະຊວງ ໃນການບັງຄັບໃຊ້ກົດໝາຍວ່າດ້ວຍການຈັດຊື້ແຫ່ງລັດໃນບັນດາໜ່ວຍງານລັດ ແລະ ເພື່ອຮັບປະກັນວ່າການໃຊ້ຈ່າຍງົບປະມານມີຄວາມຄຸ້ມຄ່າ ແລະ ສົມເຫດສົມຜົນ.ອ່ານຕໍ່   ...

ການກຳນົດຄ່າປັບໄໝໃນອັດຕາທີ່ສູງຂອງເຈົ້າໜ້າທີ່ ຕໍ່ເຈົ້າຂອງຍານພາຫະນະຈະຊ່ວຍຊຸກຍູ້ການຈ່າຍອາກອນທາງຕາມກຳນົດການ ແລະ ຊ່ວຍສົ່ງເສີມການເກັບງົບປະມານເຂົ້າລັດ, ຕາມຄວາມເຫັນຂອງເຈົ້າໜ້າທີ່ກົມອາກອນ.ທີ່ຜ່ານມາ ລັດຖະບານຂາດດູນລາຍຮັບຈາກອາກອນທາງປະຈຳປີ ເຊິ່ງສ່ວນໃຫຍ່ແມ່ນເກັບກຳໄດ້ພຽງ 30% ຂອງຍານພາຫະນະທັງໝົດ.ອ່ານຕໍ່  ...

(ຂປລ) ກອງປະຊຸມຄະນະກຳມະການຮ່ວມເພື່ອການຮ່ວມມືສອງຝ່າຍຄັ້ງທີ 13 ລະຫວ່າງລາວ ແລະ ກຳປູເຈຍ ໄດ້ຈັດຂຶ້ນທີ່ວຽງຈັນ ໃນວັນທີ 22 ກຸມພານີ້ ເພື່ອປະເມີນຕີລາຄາການຈັດຕັ້ງປະຕິບັດບົດບັນທຶກກອງປະຊຸມຄະນະກຳມະການຮ່ວມຄັ້ງທີ 12 ທີ່ນະຄອນສຽມລຽບ ປະເທດກຳປູເຈຍ ໃນເດືອນ ທັນວາ 2014 ແລະ ເພື່ອແລກປ່ຽນຄຳຄິດຄຳເຫັນກ່ຽວກັບການຮ່ວມມືສອງຝ່າຍໃນຂົງເຂດຕ່າງໆ ເຊັ່ນ ຄວາມເປັນລະບຽບຮຽບຮ້ອຍຂອງສັງຄົມ ແລະ ວຽກງານປ້ອງກັນຊາດ, ການຮ່ວມມືດ້ານເສດຖະກິດ ແລະ ວິຊາການ, ການຄ້າ, ການສຶກສາ ແລະ ສາທາລະນະສຸກ.ອ່ານຕໍ່ ...

ຍານພາຫະນາຂົນສົ່ງສິນຄ້າເຂົ້າມາປະເທດລາວຢູ່ເປັນປົກກະຕິ ຈາກທ່າເຮືອແຂວງທັນຮົວ ປະເທດຫວຽດນາມ, ເຊິ່ງຕັ້ງຢູ່ຫ່າງຈາກແຂວງຫົວພັນປະມານ 250 ກິໂລແມັດ. ປະລິມານການຈໍລະຈອນເຂົ້າປະເທດລາວອາດບໍ່ໜາແໜ້ນ ແຕ່ວ່າຢູ່ທີ່ດ່ານຊາຍແດນດັ່ງກ່າວກໍ່ຄັບຄາໄປດ້ວຍລົດຂົນສົ່ງສິນຄ້າເຂົ້າອອກສອງປະເທດ.ອ່ານຕໍ່ ...