ການພົວພັນຕ່າງປະເທດ

ວຽງຈັນ (ວຽງຈັນທາມສ໌/ANN) – ບໍລິສັດພັດທະນາແຫ່ງລັດ AAA ສີສວນ ຈຳກັດ ແລະ ບໍລິສັດ ASIN Intl (ລາວ) ຈຳກັດ ໄດ້ລົງນາມໃນບົດບັນທຶກຄວາມເຂົ້າໃຈກ່ຽວກັບການຮ່ວມມືທາງທຸລະກິດ ພາຍໃຕ້ໂຄງການລິເລີ່ມຖະໜົນ ແລະ ແລວທາງ ໃນກວາງອັນ ແຂວງສີສວນ ປະເທດຈີນ.ອີງຕາມສະມາຄົມສົ່ງເສີມເສດຖະກິດການຄ້າລາວ-ຈີນ (LCETPA), ສອງຝ່າຍຈະສົ່ງເສີມການສ້າງຜົນປະໂຫຍດຮ່ວມສູງສຸດທາງດ້ານພື້ນຖານໂຄງລ່າງ “ຖະໜົນ ແລະ ແລວທາງ” ແລະ ສົ່ງເສີມການຈັດຕັ້ງປະຕິບັດແຜນຍຸດທະສາດ “ຖະໜົນ ແລະ ແລວທາງ” ໃຫ້ປະກົດຜົນເປັນຈິງ.ອ່ານຕໍ່  ...

ກອງປະຊຸມປະຈຳປີຂອງລັດຖະມົນຕີຕ່າງປະເທດອາຊຽນໄດ້ໄຂຂຶ້ນທີ່ບາງກອກ ປະເທດໄທ ໃນມື້ວານນີ້ ເພື່ອຫາລື ແລະ ສືບຕໍ່ການກໍ່ສ້າງຊຸມຊົນອາຊຽນໃຫ້ເຂັ້ມແຂງ ແລະ ເສີມຂະຫຍາຍການຮ່ວມມືໃນພາກພື້ນ.ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດຂອງລາວກໍໄດ້ເດີນທາງເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນຄັ້ງທີ 25 ດັ່ງກ່າວ ແລະ ກອງປະຊຸມທີ່ກ່ຽວຂ້ອງອື່ນໆ ເຊິ່ງຈັດຂຶ້ນຢູ່ປະເທດໄທ.ອ່ານຕໍ່ ...

ໃນວັນສຸກແລ້ວນີ້ ກະຊວງການຕ່າງປະເທດໄດ້ຈັດກອງປະຊຸມ ເພື່ອເຜີຍແຜ່ເນື້ອໃນກົດໝາຍວ່າດ້ວຍອົງກອນຜູ້ຕາງໜ້າ ສປປ ລາວຢູ່ຕ່າງປະເທດ ໃຫ້ແກ່ລັດຖະກອນ.ໃຫ້ກຽດເປັນປະທານໃນກອງປະຊຸມດັ່ງກ່າວມີທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ.ສະພາແຫ່ງຊາດໄດ້ຮັບຮອງເອົາກົດໝາຍສະບັບດັ່ງກ່າວໃນກອງປະຊຸມສະໄໝສາມັນໃນເດືອນທັນວາປີກາຍນີ້ ແລະ ຈາກນັ້ນອີກໜຶ່ງເດືອນ ທ່ານປະທານປະເທດ ບຸນຍັງວໍລະຈິດ ກໍໄດ້ຖະແຫຼງການປະກາດໃຊ້ກົດໝາຍສະບັບທີ່ສອງດັ່ງກ່າວສຳລັບຂະແໜງການຕ່າງປະເທດຢ່າງເປັນທາງການ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ລັດເຊຍໄດ້ຕົກລົງຮ່່ວມມືກັນໃນຂະແໜງການຄ້າ, ເສດຖະກິດ, ແລະ ວິທະຍາສາດ ແລະ ວິຊາການ ເພື່ອສືບຕໍ່ສາຍພົວພັນສອງຝ່າຍ.ທ່ານ ປອ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນຂອງລາວ ແລະ ທ່ານ ກອນສ໌ຕັນຕິນ ໂນສ໌ກອຟ໌ ລັດຖະມົນຕີກະຊວງການພັດທະນາດິຈິຕອລ໌, ການສື່ສານ ແລະ ສື່ມວນຊົນແຫ່ງສະພັນພັນລັດເຊຍ ໄດ້ລົງນາມໃນຂໍ້ຕົກລົງການຮ່ວມມືໃນຂົງເຂດວຽກງານດັ່ງກ່າວ, ໃນລະຫວ່າງການເດີນທາງຢ້ຽມປະເທດລັດເຊຍຂອງທ່ານສຸພັນໃນອາທິດແລ້ວນີ້.ອ່ານຕໍ່ ...

NDO/VNA – ກະຊວງປ້ອງກັນຄວາມສະຫງົບຂອງຫວຽດນາມ ແລະ ລາວ ໄດ້ຈັດຕັ້ງກອງປະຊຸມຄັ້ງທີ 10 ຂຶ້ນ ທີ່ວຽງຈັນ ໃນວັນທີ 9 ກໍລະກົດທີ່ຜ່ານມາ ເພື່ອທົບທວນພາລະກິດຮ່ວມໃນການຕ້ານອາດສະຍາກຳ.ກອງປະຊຸມດັ່ງກ່າວແມ່ນພາຍໃຕ້ການເປັນປະທານຮ່ວມຂອງທ່ານພົນຕີ ທອງສະຫວັນ ວົງສະຫວັດ ຮອງຫົວໜ້າກົມຕຳຫຼວດຂອງລາວ ແລະ ທ່ານພັນໂທ ວູ ງ໊ອກ ທາງ ຮອງປະທານສຳນັກງານຕຳຫຼວດສືບສວນຂອງຫວຽດນາມ. ໃນກອງປະຊຸມດັ່ງກ່າວ ເຈົ້າໜ້າທີ່ຝ່າຍລາວກ່າວວ່າ ປະເທດລາວໄດ້ຜະເຊີນກັບບັນຫາທ້າທາຍດ້ານອາດຊະຍາກຳຕ່າງໆເຊັ່ນ ບັນຫາຢາເສບຕິດ ແລະ ການຄ້າມະນຸດ, ການປຸ້ນຈີ້, ແລະ ອາດຊະຍາກຳທີ່ສັບຊ້ອນໂດຍນຳໃຊ້ເທັກໂນໂລຢີຍຸກໃໝ່.ອ່ານຕໍ່ ...

ລັດຖະບານໄດ້ມອບຫຼຽນການມິດຕະພາບໃຫ້ແກ່ທ່ານ ໂດມິນິກ ໂກະ ເອກອັກຄະລັດຖະທູດສິງກະໂປປະຈຳລາວ ເນື່ອງໃນໂອກາດສຳເລັດພາລະກິດທາງການທູດ ເຊິ່ງທ່ານໄດ້ປະກອບສ່ວນອັນສຳຄັນໃນການສົ່ງເສີມສາຍພົວພັນລະຫວ່າງສອງຊາດ ລາວ-ສິງກະໂປ.ທ່ານເອກອັກຄະລັດຖະທູດ ໂກະ ຈະເດີນທາງກັບປະເທດ ພາຍຫຼັງປະຈຳການໃນລາວເປັນໄລຍະກວ່າສີ່ປີ.ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ, ຕາງໜ້າລັດຖະບານ ແລະ ປະຊາຊົນລາວ, ມອບຫຼຽນກາມິດຕະພາບດັ່ງກ່າວໃຫ້ແກ່ທ່ານທູດໃນວັນທີ 8 ກໍລະກົດຜ່ານມານີ້ ທີ່ກະຊວງການຕ່າງປະເທດລາວ.ອ່ານຕໍ່   ...

ລາວ ແລະ ຫວຽດນາມໄດ້ຕົກລົງສືບຕໍ່ການຮ່ວມມືໃນຂະແໜງວິທະຍາສາດ ແລະ ເທັກໂນໂລຢີ ໂດຍການແບ່ງປັນຜົນງານການຄົ້ນຄວ້າໃນມະຫາວິທະຍາໄລ ເພື່ອສົ່ງເສີມຂະແໜງການຄົ້ນຄວ້າວິໄຈຂອງສອງປະເທດ.ຂໍ້ຕົກລົງການຮ່ວມມືດັ່ງກ່າວໄດ້ຮັບການລົງນາມທີ່ວຽງຈັນໃນວັນສຸກແລ້ວນີ້ ລະຫວ່າງທ່ານ ປອ ຄຳເພັດ ວົງດາຣາ ຫົວໜ້າກົມແຜນການ ແລະ ການຮ່ວມມືສາກົນ ພາຍໃຕ້ກະຊວງວິທະຍາສາດ ແລະ ເທັກໂນໂລຢີ ແລະ ທ່ານ ຮສ.ປອ ຫງວຽນ ວັນຄັງ ຮອງປະທານມະຫາວິທະຍາໄລວິທະຍາສາດ ແລະ ເທັກໂນໂລຢີຮ່າໂນ້ຍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ຈີນວາງແຜນສົ່ງເສີມການຮ່ວມມື ແລະ ການຊ່ວຍເຫຼືອທາງວິຊາການໃນການກໍ່ສ້າງເສັ້ນທາງ ແລະ ຂົວ ເພື່ອອຳນວຍຄວາມສະດວກໃຫ້ແກ່ການຈັດຕັ້ງປະຕິບັດໂຄງການທີ່ມີຄຸນນະພາບສູງໃຫ້ມີຄວາມວ່ອງໄວ ແລະ ປອດໄພຍິ່ງຂຶ້ນ.ຕາງໜ້າຈາກບໍລິສັດກໍ່ສ້າງຂອງລາວ ແລະ ຈີນໄດ້ຈັດປະຊຸມທີ່ວຽງຈັນວານນີ້ ເພື່ອແລກປ່ຽນປະສົບການ ແລະ ຮັບຟັງຄຳຄິຄຳເຫັນກ່ຽວກັບການພັດທະນາດ້ານເຕັກນິກ, ເທັກໂນໂລຢີ ແລະ ອຸປະກອນການກໍ່ສ້າງໃໝ່.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ປະເທດລຸກຊຳບວກຈະສືບຕໍ່ສະໜັບສະໜູນການພັດທະນາເສດຖະກິດ-ສັງຄົມໃນລາວ ເພື່ອແນໃສ່ໃຫ້ປະເທດຫຼຸດພົ້ນອອກຈາກສະຖານະດ້ອຍພັດທະນາທີ່ສຸດພາຍໃນປີ 2024 ແລະ ວຽກງານການພັດທະນາແບບຍືນຍົງ.ທ່ານ ຊອງ ອັດເຊວບອນ ລັດຖະມົນຕີກະຊວງການຕ່າງປະເທດ ເຊິ່ງເປັນເຈົ້າໜ້າທີ່ລະດັບສູງແຫ່ງລາດຊະອານາຈັກລຸກຊຳບວກ ໄດ້ພົບປະກັບທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດຂອງລາວ ທີ່ເດີນທາງຢ້ຽມຢາມປະເທດໃນສະຫະພາບຢູໂຣບໃນອາທິດແລ້ວນີ້ ຕາມຄຳເຊີນຂອງຝ່າຍລຸກຊຳບວກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສາຍສຳພັນລະຫວ່າງລາວ ແລະ ຈີນຄາດວ່າຈະເພີ່ມທະວີຄວາມເຂັ້ມແຂງຂຶ້ນ ພາຍໃຕ້ພິທີມອບຮັບສະຖາບັນຂົງຈື້ໃໝ່ ທີ່ມະຫາວິທະຍາໄລແຫ່ງຊາດລາວ ທີ່ວຽງຈັນ ໃນວັນພຸດຜ່ານມາ.ສະຖາບັນຂົງຈື້ດັ່ງກ່າວຈະເປັນໂຄງການແບບຢ່າງໃນການສົ່ງເສີມການແລກປ່ຽນຄວາມຮູ້ຈາກຄົນສູ່ຄົນ ລະຫວ່າງລາວ ແລະ ຈີນ ແລະ ສົ່ງເສີມຄົນລາວໃນການຮ່ຳຮຽນພາສາຈີນ ແລະ ຮຽນຮູ້ເທັກໂນໂລຢີ ເພື່ອເພີ່ມທະວີຄວາມເຂົ້າໃຈຕໍ່ປະເທດເພື່ອບ້ານທາງເໜືອ, ກໍຄືປະກອບສ່ວນຕໍ່ການພັດທະນາເສດຖະກິດ-ສັງຄົມຂອງປະເທດຊາດ.ອ່ານຕໍ່ ...