ສິ່ງແວດລ້ອມ ແລະ ຊັບພະຍາກອນທຳມະຊາດ

ລະດັບນ້ຳໃນແມ່ນ້ຳຂອງໃນປະຈຸບັນແມ່ນຕ່ຳທີ່ສຸດໃນຮອບສັດຕະວັດຕາມການບັນທຶກໃນວັນທີ 19 ກໍລະກົດນີ້, ເຊິ່ງຫຼຸດຕ່ຳກວ່າລະດັບທີ່ບັນທຶກໃນເດືອນເມສາ 1973.ສູນ Stimson ອາຊີຕາເວັນອອກສຽງໃຕ້ ລາຍງານວ່າ ຕາມພາບຖ່າຍຈາກດາວທຽມຫຼ້າສຸດ ລະດັບນ້ຳໃນແມ່ນ້ຳດັ່ງກ່າວແມ່ນຫຼຸດຕ່ຳລົງຢ່າງເຫັນໄດ້ຈະແຈ້ງ ຈາກຈຳນວນເກາະດອນ ແລະ ສັນຊາຍທີ່ພົ້ນຂຶ້ນເໜືອໜ້ານ້ຳເປັນຈຳນວນຫຼວງຫຼາຍ. ບົດລາຍງານດັ່ງກ່າວຕົ້ນຕໍແມ່ນອ້າງອີງເຖິງລະດັບນ້ຳໃນບໍລິເວນສາມຫຼ່ຽມທອງຄຳ ເຊິ່ງເປັນເຂດຊາຍແດນລະຫວ່າງໄທ, ລາວ ແລະ ມຽນມາ.ບົດລາຍງານຍັງກ່າວອີກວ່າ “ນີ້ອາດຈະເປັນສະພາບປົກກະຕິຂອງແມ່ນ້ຳຂອງໃນຍຸກໃໝ່ ເນື່ອງຈາກການຄວບຄຸມການໄຫຼຂອງນ້ຳໃນເຂື່ອນຕົ້ນນ້ຳ ແລະ ການປ່ຽນແປງຂອງສະພາບອາກາດ ສົ່ງຜົນໃຫ້ເກີດໄພແລ້ງທີ່ກິນເວລາຍາວນານ.”ອ່ານຕໍ່ ...

ແມ່ນ້ຳຂອງເຊິ່ງໄຫຼຜ່ານປະເທດລາວ ກຳລັງຜະເຊີນກັບສະພາບລະດັບນ້ຳທີ່ຕ່ຳທີ່ສຸດໃນປະຫວັດສາດ ເນື່ອງຈາກຝົນຂາດຊ່ວງ.ຢູ່ວຽງຈັນ ລະດັບນ້ຳໃນແມ່ນ້ຳຂອງແມ່ນຢູ່ທີ່ 0.7 ແມັດ, ຫຼື 5.54 ແມັດຕ່ຳກວ່າລະດັບນ້ຳສະເລ່ຍໃນຮອບ 57 ປີ (1961-2018). ເຊິ່ງຕ່ຳກວ່າລະດັບນ້ຳຕ່ຳສຸດທີ່ເຄີຍວັດແທກໄດ້ 1.36 ແມັດ.ໃນລະຫວ່າງວັນທີ 16 ແລະ 18 ກໍລະກົດ, ລະດັບນ້ຳຢູ່ສະຖານນີວັດແທກນ້ຳດັ່ງກ່າວແມ່ນຢູ່ທີ່ 5.58 ແມັດ, ຕາມຄະນະກຳມາທິການແມ່ນ້ຳຂອງ (MRC).ອ່ານຕໍ່ ...

ວຽງຈັນ, 18 ກໍລະກົດ 2019 -​ ລະດັບແມ່ນ້ຳຂອງໃນຊ່ວງຕົ້ນລະດູຝົນແຕ່ເດືອນມິຖຸນາຫາເດືອນກໍລະກົດປີນີ້ ຫຼຸດລົງຕ່ຳສຸດເທົ່າທີ່ເຄີຍບັນທຶກມາ, ຕ່ຳກວ່າລະດັບນ້ຳຕ່ຳສຸດທີ່ເຄີຍບັນທຶກໃນປະຫວັດສາດ. ແຕ່ຢ່າງໃດກໍຕາມ ກໍມີການຄາດຄະເນວ່າ ສະຖານະການນ້ຳຈະດີຂຶ້ນພາຍໃນທ້າຍເດືອນກໍລະກົດນີ້.ນັບແຕ່ເຂດຕົ້ນແມ່ນ້ຳຂອງຕອນລຸ່ມຄືຊຽງແສນປະເທດໄທ ລົງມາເຖິງຫຼວງພະບາງ ແລະ ວຽງຈັນ ຕໍ່ໄປຫາໜອງຄາຍປະເທດໄທ ແລະ ນຽກເລິງປະເທດກຳປູເຈຍ, ລະດັບນ້ຳໃນແຕ່ລະຈຸດແມ່ນຕ່ຳກວ່າລະດັບໃນປີ 1992, ເຮັດໃຫ້ປີນີ້ເປັນປີທີ່ມີລະດັບນ້ຳຕ່ຳທີ່ສຸດ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ສະຫະພາບຢູໂຣບ (ອີຢູ) ໄດ້ໃຫ້ທຶນຊ່ວຍເຫຼືອຈຳນວນ 8 ລ້ານຢູໂຣ ເພື່ອສະໜັບສະໜູນໂຄງການໃໝ່ໃນເຈັດປະເທດ ລວມທັງປະເທດລາວ, ເພື່ອເປັນໜຶ່ງໃນບາດກ້າວການສ້າງຄວາມເຂັ້ມແຂງໃຫ້ແກ່ລັດຖະບານ ໃນການແກ້ໄຂບັນຫາການຄ້າສັດປ່າ ແລະ ອາດຊະຍາກຳປ່າໄມ້.ສຳລັບປະເທດລາວ ໄດ້ດຳເນີນກິດຈະກຳການລິເລີ່ມລະດັບຊາດຂອງອີຢູ ທີ່ມີຊື່ວ່າ ຄູ່ຮ່ວມງານເພື່ອຕ້ານອາດຊະຍາກຳກ່ຽວກັບສັດປ່າ ເຊິ່ງຈັດຂຶ້ນໃນວັນເສົາຜ່ານມານີ້ ທີ່ສູນຟື້ນຟູສັດປ່າ ບ້ານເກີນ ແຂວງວຽງຈັນ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ອຳນາດການປົກຄອງແຂວງສາລະວັນຢືນຢັນວ່າ ທາງແຂວງກຳລັງຜະເຊີນບັນຫາຮ້າຍແຮງໃນການສະກັດກັ້ນການລະບາດຂອງພະຍາດອະຫິວາໝູອາຟຣິກາ ເຊິ່ງພົບວ່າມີຈຳນວນໝູຕາຍຍ້ອນພະຍາດດັ່ງກ່າວເພີ່ມຂຶ້ນ.ເຈົ້າໜ້າທີ່ແຂວງລາຍງານວ່າ ມາເຖິງວັນທີ 20 ມິຖຸນາ ມີໝູຕາຍຍ້ອນພະຍາດດັ່ງກ່າວແລ້ວຈຳນວນ 1,500 ໂຕ, ແຕ່ວ່າຕົວເລກຫຼ້າສຸດຢືນຢັນວ່າພົບໝູຕາຍທັງໝົດປະມານ 2,500 ໂຕ.ອ່ານຕໍ່ ...

ອຳນາດການປົກຄອງແຂວງຊຽງຂວາງຈະສືບຕໍ່ສືບສວນສອບສວນເຈົ້າໜ້າທີ່ ທີ່ຖືກກ່າວຫາວ່າຮັບສິນບົນໃນການຄ້າໄມ້ເຖື່ອນ ເຊິ່ງສ້າງຄວາມເສຍຫາຍຕໍ່ປະເທດຊາດບ້ານເມືອງ.ທ່ານ ບຸນຕອນ ຈັນທະພອນ ແຂວງແຂວງຊຽງຂວາງ ລາຍງານໃນກອງປະຊຸມສື່ມວນຊົນ ເຊິ່ງເປັນສ່ວນໜຶ່ງຂອງກອງປະຊຸມລະຫວ່າງຄະນະລັດຖະບານ, ເຈົ້າແຂວງ ແລະ ເຈົ້າຄອງນະຄອນວຽງຈັນ ວ່າເຈົ້າໜ້າທີ່ທີ່ທຳການສໍ້ລາດບັງຫຼວງຕ້ອງຖືກລົງໂທດ.ອ່ານຕໍ່  ...

ລັດຖະບານລາວໄດ້ສະແດງຄວາມຮູ້ບຸນຄຸນຕໍ່ໄທ ໃນການສົ່ງອຸປະກອນຂ້າເຊື້ອເຂົ້າມາຊ່ວຍໃນການຕ້ານການລະບາດຂອງພະຍາດອະຫິວາໝູອາຟຣິກາ ຢູ່ແຂວງສາລະວັນ.ທ່ານ ສໍຣິວິດ ຖານິໂຕ ຫົວໜ້າກົມການພັດທະນາການລ້ຽງສັດຂອງໄທ ກ່າວໃນວັນອາທິດຜ່ານມານີ້ວ່າ ກົມລ້ຽງສັດ ແລະ ການປະມົງຂອງລາວໄດ້ສົ່ງຈົດໝາຍສະແດງຄວາມຂອບໃຈຕໍ່ການຊ່ວຍເຫຼືອຂອງໄທໃນດ້ານອຸປະກອນເພື່ອສະກັດກັ້ນການລະບາດຂອງພະຍາດໃນຊ່ວງເດືອນນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຜົນກະທົບຕໍ່ສິ່ງແວດລ້ອມຂອງຂີ້ເຫຍື້ອພລາສ໌ຕິກໃນນະຄອນວຽງຈັນ ກຳລັງເປັນບັນຫາທີ່ໜ້າເປັນຫ່ວງ.ທ່ານ ອຸດອນ ຈັນທະວົງສີ ເຈົ້າຂອງໂຮງບຳບັດຂີ້ເຫຍື້ອ ລາວຈະເລີນໄຊ ເຊິ່ງເປັນຮ້ານຮັບຊື້ຂີ້ເຫຍື້ອ ພລາສ໌ຕິກ ມາຫຼາຍປີ, ບອກຜ່ານທາງໂທລະສັບວ່າ ປະລິມານຂີ້ເຫຍື້ອໃນຕົວເມືອງເພີ່ມປະລິມານຂຶ້ນຢ່າງມາຫາສານ ແລະ ມີຜູ້ເກັບຂີ້ເຫຍື້ອຈຳນວນຫຼວງຫຼາຍນຳມາຂາຍໃຫ້ທາງຮ້ານ.ແຕ່ວ່າຜູ້ເກັບຂີ້ເຫຍື້ອເອງບໍ່ສາມາດເກັບຂີ້ເຫຍື້ອພລາສ໌ຕິກທັງໝົດທີ່ຖືກເທຖິ້ມໄດ້, ໂດຍສະເພາະຢູ່ຕາມສະຖານທີ່ທີ່ບໍ່ມີຖັງຂີ້ເຫຍື້ອ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄະນະກຳມາທິການແມ່ນ້ຳຂອງ (MRC) ແລະ ອົງການອ່າງແມ່ນ້ຳເມີເຣ-ດາລິງ (MDBA) ຂອງອອສ໌ເຕຣເລຍ ໄດ້ລົງນາມໃນຂໍ້ຕົກລົງ ເພື່ອເປັນຂີດໝາຍສືບຕໍ່ການຈັດຕັ້ງຊ່ອງທາງ ເພື່ອໂອນຖ່າຍຄວາມຮູ້ລະຫວ່າງສອງອົງການ.ທ່ານ ອັນ ປິກ ຫັດດາ ຫົວໜ້າເລຂາທິການ MRC ແລະ ທ່ານ ຟິລິບ ໄກລ ປະທານບໍລິຫານ MDBA ໄດ້ລົງນາມບົດບັນທຶກຄວາມເຂົ້າໃຈຢ່າງເປັນທາງການທີ່ເມືອງແຄນເບີຣາ ປະເທດອອສ໌ເຕຣເລຍ ໃນວັນທີ 6 ມິຖຸນາຜ່ານມາ.ອ່ານຕໍ່ ...

ສະພາແຫ່ງຊາດ ຮັບຮອງເອົາຮ່າງກົດໝາຍວ່າດ້ວຍປ່າໄມ້ ສະບັບປັບປຸງ (2019) ໃນກອງປະຊຸມສະໄໝສາມັນຄັ້ງທີ 7 ຂອງສະພາແຫ່ງຊາດ ໃນອາທິດທີ່ຜ່ານມາ (ວັນທີ 14 ມິຖຸນາ 2019).ເຊິ່ງການນຳສະເໜີ ຜ່ານຮ່າງເພື່ອຮັບຮອງເອົາກົດໝາຍສະບັບປັບປຸງ ໃນກອງປະ­ຊຸມສະ­ໄໝສາ­ມັນເທື່ອທີ 7 ຂອງສະພາແຫ່ງຊາດ ຊຸດທີ VIII ນີ້ມີ ບັນດາ ສະມາຊິກສະພາແຫ່ງຊາດ (ສສຊ) ໄດ້ມີການເຈາະຈີ້ນ ກ່ຽວກັບເນື້ອໃນຂອງກົດໝາຍທີ່ຢູ່ໃນ ສະບັບປັບປຸງນີ້: ທ່ານ ສົມໃຈ ເພັດສີນວນ ສສຊ ເຂດເລືອກຕັ້ງທີ 12 ແຂວງຄຳມ່ວນ ໄດ້ມີຄຳເຫັນຕໍ່ມາດ­ຕາ 24 ໂດຍສະເພາະ ກຳ­ນົດກ່ຽວກັບການສຳຫຼວດ ເພື່ອຂຸດຄົ້ນໃນເຂດຫັນ­ປ່ຽນທີ່ດິນປ່າ­ໄມ້ ໄດ້ສະ­ເໜີໃຫ້ຕື່ມຊື່ຂອງປະເພດປ່າ­ໄມ້ເຊັ່ນ ໂດຍໃຫ້ມີການກຳນົດຢ່າງຈະແຈ້ງເຊັ່ນ: ປ່າຜະ­ລິດ ປ່າຊົມ­ໃຊ້ ແລະ ປ່າປະ­ເພດອື່ນໆ. ແລະ ໃນມາດ­ຕາ 62 ການຊົມ­ໃຊ້ປ່າ­ໄມ້ໃນເຂດທ້ອງ­ຖິ່ນບ້ານ ແມ່ນສະ­ເໜີໃຫ້ຕື່ມບາງຄຳສັບໃນການກຳ­ນົດການນຳໃຊ້ໄມ້ ເພື່ອປະ­ໂຫຍດຕ່າງໆເຊັ່ນ: ການສ້າງວັດ, ສ້າງຂົວ ແລະ ການນຳໃຊ້ສ້າງເຮືອນທ່ານ ບຸນໄທ ສີເທບ ສສຊ ເຂດເລືອກຕັ້ງທີ 7 ແຂວງໄຊຍະບູລີ ໄດ້ປະ­ກອບຄຳເຫັນໃສ່ມາດ­ຕາ 81, 45, ...