ສິ່ງແວດລ້ອມ ແລະ ຊັບພະຍາກອນທຳມະຊາດ

ວຽງຈັນ (ວຽງຈັນທາມສ໌/ANN) – ບໍລິສັດທີ່ປຶກສາ FISHBIO ລາວໄດ້ຈັດກອງປະຊຸມວິຊາການຮ່ວມກັບກົມລ້ຽງສັດ ແລະ ການປະມົງ ກະຊວງກະສິກຳ ແລະ ປ່າໄມ້ ເພື່ອອະທິບາຍກ່ຽວກັບປື້ມຄູ່ມືສະບັບໃໝ່ ເຊິ່ງຈັດທຳຂຶ້ນເພື່ອເປັນແຫຼ່ງຂໍ້ມູນເພື່ອການປັບປຸງການປະເມີນເຂດຮັກສາພັນປາໃນລາວ.ປະຈຸບັນມີແຫຼ່ງຂໍ້ມູນພຽງຈຳນວນໜ້ອຍສຳລັບນັກອະນຸລັກພັນປາ ທີ່ຕ້ອງການປະເມີນປະສິດທິພາບຂອງພື້ນທີ່ປົກປ້ອງພັນປານ້ຳຈືດ ເຊັ່ນ ເຂດຮັກສາພັນປາ ທັນທີທີ່ມີການຈັດຕັ້ງປະຈິບັດ.ອ່ານຕໍ່ ...

ບໍ່ແກ້ວ, ລາວ (ວຽງຈັນທາມສ໌/ANN) – ສິ່ງທີ່ມີຊີວິດທັງໝົດ ບໍ່ວ່າຈະເປັນພືດ, ​ສັດ ຫຼື ຄົນກໍລ້ວນແລ້ວແຕ່ຕ້ອງການນ້ຳເພື່ອການດຳລົງຊີວິດ. ແຕ່ວ່າເຖິງວ່າປະເທດລາວອຸດົມສົມບູນໄປດ້ວຍນ້ຳ ແລະ ແມ່ນ້ຳລຳເຊ, ໃນລະດູແລ້ງປະຊາຊົນໃນຫຼາຍບ້ານ ກໍ່ຍັງບໍ່ທັນເຂົ້າເຖິງແຫຼ່ງນ້ຳສະອາດ ເຊິ່ງເຮັດໃຫ້ມີຄວາມສ່ຽງສູງຕໍ່ສຸຂະພາບ ແລະ ຊີວິດການເປັນຢູ່ຂອງເຂົາເຈົ້າ.ລັດຖະບານໄດ້ທຳການສູ້ຊົນເພື່ອບັນລຸເປົ້າໝາຍການພັດທະນາແບບຍືນຍົງທີ 6 (SDG 6) ເພື່ອຮັບປະກັນການສະໜອງ ແລະ ການຄຸ້ມຄອງນ້ຳ ແລະ ສຸຂາພິບາານແບບຍືນຍົງສຳລັບທຸກຄົນພາຍໃນປີ 2030. ແຕ່ຍັງຕ້ອງມີການບຸກບືນຕື່ມ ເນື່ອງຈາກການສຳຫຼວດຕົວຊີ້ວັດທາງດ້ານສັງຄົມຂອງລາວ ໃນປີ 2018 ເປີດເຜີຍວ່າ ປະຊາຊົນລາວ 17% ບໍ່ມີການເຂົ້າເຖິງແຫຼ່ງນ້ຳສະອາດ.ນີ້ໝາຍຄວາມວ່າມີປະຊາຊົນຢ່າງໜ້ອຍ 30,000 ຄົນທີ່ບໍ່ມີນ້ຳໃຊ້ພຽງພໍໃນຊີວິດປະຈຳວັນ. ແນ່ນອນວ່າຄົນເຫຼົ່ານີ້ແມ່ນອາໄສຢູ່ໃນຊຸມຊົນຊົນນະບົດ ແລະ ປະກອບອາຊີບກະສິກຳ.ບ້ານໃນເຂດຊົນນະບົດພູສູງຫຼາຍແຫ່ງແມ່ນຕັ້ງຢູ່ໃກ້ກັບບໍ່ນ້ຳພຸທຳມະຊາດ ເຊິ່ງຊ່ວຍສະໜອງນ້ຳໃຊ້ທີ່ສະອາດໄດ້ເປັນຢ່າງດີ. ແຕ່ວ່າ ຫຼາຍບ້ານໃນຊົນນະບົດໃນເຂດທົ່ງພຽງທີ່ຕັ້ງຢູ່ຫ່າງຈາກແມ່ນ້ຳລຳເຊ ຍັງຕ້ອງອາໄສໂປມນ້ຳ ແລະ ນ້ຳສ້າງເພື່ອນຳໃຊ້ນ້ຳຈາກບາດານ.ອ່ານຕໍ່ ...

ນະຄອນຫຼວງວຽງຈັນຈະປູກຕົ້ນໄມ້ຢ່າງໜ້ອຍ 1.3 ລ້ານຕົ້ນໃນປີນີ້ ເນື່ອງຈາກອຳນາດການປົກຄອງມີແຜນສ້າງໃຫ້ເປັນຕົວເມືອງສີຂຽວດ້ວຍການຂະຫຍາຍເນື້ອທີ່ປ່າໄມ້ຢູ່ຫຼາຍຈຸດ.ທ່ານ (ປອ) ຫຼ້າສາຍ ນວນທະສິງ ຫົວໜ້າພະແນກກະສິກຳ ແລະ ປ່າໄມ້ນະຄອນຫຼວງວຽງຈັນ ກ່າວໃນອາທິດແລ້ວນີ້ວ່າ ອີງຕາມຂໍ້ມູນຈາກຫຼາຍພາກສ່ວນ ໃນປີນີ້ຈະມີການປູກເບ້ຍໄມ້ຢ່າງໜ້ອຍ 1.3 ລ້ານຕົ້ນ ເຊິ່ງເປັນສ້ວນໜຶ່ງຂອງພາລະກິດການສ້າງສະພາບແວດລ້ອມສີຂຽວສຳລັບຊາວເມືອງ.ອ່ານຕໍ່ ...

ອັດຕະປື, ລາວ (ວຽງຈັນທາມສ໌/ANN) – ແຂວງອັດຕະປືໄດ້ແຈ້ງການປະມູນໄມ້ທ່ອນທີ່ຍຶດໄດ້ໂດຍຄະນະກຳມະການຄຸ້ມຄອງໄມ້ ພາຍໃຕ້ພະແນກອຸດສາຫະກຳ ແລະ ການຄ້າ.ການປະມູນດັ່ງກ່າວໄດ້ມີການເຊື້ອເຊີນສະມາຄົມເຟີນີເຈີ, ໂຮງງານປຸງແຕ່ງໄມ້,​ ໂຮງງານເຟີນີເຈີ ແລະ ທຸລະກິດໄມ້ທົ່ວປະເທດເພື່ອເຂົ້າຮ່ວມ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສູນກາງຊາວໜຸ່ມປະຊາຊົນປະຕິວັດລາວໄດ້ຮວມມືກັບກຸ່ມອະນຸລັກສິ່ງແວດລ້ອມ Green Vientiane ເພື່ອຫຼຸດຜ່ອນກການນຳໃຊ້ ພລາສ໌ຕິກ ແລະ ຄົ້ນຄວ້າຫາວິທີການຫຼຸດຜ່ອນຂີ້ເຫຍື້ອພລາສ໌ຕິກ.ສະມາຊິກຈາກສູງການຊາວໜຸ່ມ ແລະ ກຸ່ມ Green Vientiane ໄດ້ຈັດກອງປະຊຸມໂຕມົນປຶກສາຫາລືວານນີ້ກ່ຽວກັບວິກິດການພລາສ໌ຕິກ, ພາຍໃຕ້ການເປັນປະທານຂອງທ່ານ ແສງດາວ ແກ້ວຂາວມະນີ ຫົວໜ້າໜ່ວຍປະຕິບັດການຂອງສູນ.ອ່ານຕໍ່  ...

ເຈົ້າໜ້າທີ່ອຸຕຸນິຍົມຈາກລາວ, ຫວຽດນາມ, ມຽນມາ ແລະ ກຳປູເຈຍ ປະຊຸມທີ່ນະຄອນຫຼວງວຽງຈັນໃນວັນອັງຄານຜ່ານມາ ເພື່ອຫາລື ແລະ ຮຽນຮູ້ກ່ຽວກັບການຈຳລອງແບບສະພາບອາກາດຂັ້ນສູງ.ເຂົ້າຮ່ວມໃນກອງປະຊຸມຝຶກອົບຮົມກ່ຽວກັບການຈຳລອງແບບສະພາບອາກາດຂັ້ນສູງສາກົນ ເຊິ່ງຈັດໂດຍກົມອຸຕຸນິຍົມວິທະຍາ ແລະ ອຸທົກກະສາດ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ມີທ່ານ ຄຳມະນີ ຄູນພົນ ຫົວໜ້າກົມ, ທ່ານ ປາໂບລ ອິມບາກ ຜູ້ຕາງໜ້າ CIAT ແລະ ທ່ານ ນາຊາ ຮາຢັດ ຜູ້ຕາງໜ້າ FAO ປະຈຳລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ພິທີລົງນາມໃນຂໍ້ຕົກການລົງທຶນໄດ້ມີຂຶ້ນໃນອາທິດແລ້ວນີ້ທີ່ວຽງຈັນ ລະຫວ່າງກອງທຶນປົກປັກຮັກສາສິ່ງແວດລ້ອມ ແລະ ກົມປ່າໄມ້ ຂອງກະຊວງກະສິກຳ ແລະ ປ່າໄມ້, ແລະ ກົມແຜນການ ແລະ ການຮ່ວມມື ຂອງກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ.ລັດຖະບານໄດ້ອະນຸມັດທຶນກວ່າ 2.4 ຕື້ກີບສຳລັບການຟື້ນຟູປ່າໄມ້ໃນສວນພຶກສາຫ້ວຍຍາງ-ດົງໝາກຄາຍ ເພື່ອສົ່ງເສີມການຄົ້ນຄວ້າກ່ຽວກັບປ່າໄມ້ ແລະ ລະບົບນິເວດ ກໍຄືການທ່ອງທ່ຽວຢ້ຽມຢາມພື້ນທີ່.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອິດທິພົນຂອງຄົນຕໍ່ສິ່ງແວດລ້ອມ ແລະ ຄວາມສາມາດໃນການປ່ຽນແປງສິ່ງແວດລ້ອມ ແມ່ນຫົວຂໍ້ການປຶກສາຫາລືລະຫວ່າງເຈົ້າໜ້າທີ່ກະຊວງວິທະຍາສາດ ແລະ ເຕັກໂນໂລຊີ ແລະ ອົງການຈັດຕັ້ງລັດຖະບານອື່ນໆ ໃນອາທິດນີ້.ນຳພາໃນກອງປະຊຸມປຶກສາຫາລືດັ່ງກ່າວແມ່ນທ່ານ (ປອ) ບໍ່ວຽງຄຳ ວົງດາຣາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ, ເຊິ່ງຈັດໂດຍສະຖານບັນນິເວດວິທະຍາ ແລະ ເຕັກໂນໂລຊີສິ່ງມີຊີວິດ ເຊິ່ງຈັດຂຶ້ນໃນວັນອັງຄານທີ່ຜ່ານມາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ນ້ຳຊອງ ເມືອງວັງວຽງ ແຂວງວຽງຈັນຕ້ອງການການເອົາໃຈໃສ່ເປັນພິເສດ ເນື່ອງຈາກມີການປ່ອຍນ້ຳເສຍ ແລະ ນ້ຳຮ່ອງຈາກໂຮງແຮມ, ບ້ານພັກ, ແລະ ຮ້ານອາຫານຕ່າງໆລົງສູ່ແມ່ນ້ຳ.ເມືອງວັງວຽງເປັນຈຸດສູນກາງການທ່ອງທ່ຽວ ແລະ ມີທິວທັດແມ່ນ້ຳທີ່ສວຍງາມທ່າມກາງທຳມະຊາດ. ຖ້າວ່າແມ່ນ້ຳເກີດເປົນມົນລະພິດ ຈະສົ່ງຜົນໂດຍກົງຕໍ່ນັກທ່ອງທ່ຽວທີ່ຕ້ອງການລົງຫຼີ້ນນ້ຳ, ຂີ່ກົງເບັງ ຫຼື ພາຍເຮືອ ໂດຍສະເພາະໃນບໍລິເວນແຄມແມ່ນ້ຳ. ເຊິ່ງອາດສົ່ງຜົນເຖິງທຸລະກິດທີ່ອາດຕ້ອງປິດກິດຈະການ ເມື່ອບໍ່ມີນັກທ່ອງທ່ຽວມາທ່ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເມື່ອຍ່າງລົງໄປທາງໃຕ້ຂອງສາຍນ້ຳຊອງ ເມືອງວັງວຽງ ແຂວງວຽງຈັນ ທ່ານຈະຕົກໃຈກັບມວນຂີ້ເຫຍື້ອອັນມະຫາສານ ເຊິ່ງເກີດມາຈາກການທ່ອງທ່ຽວມ່ວນຊື່ນກັບກິດຈະກຳທີ່ຫຼາກຫຼາຍຕ່າງໆຕາມລ້ອງແມ່ນ້ຳ.ໂຊກບໍ່ດີທີ່ນັກທ່ອງທ່ຽວຈຳນວນຫຼາຍ ມົວເມົານຳແຕ່ການມ່ວນຊື່ນກັບກິດຈະກຳການຂີ່ກົງເບັງ, ພາຍເຮືອ ແລະ ຂີ່ເຮືອ ຈົນລືມຖິ້ມຂີ້ເຫຍື້ອຂອງຕົນລົງຖັງທີ່ຈັດສັນໄວ້, ເຮັດໃຫ້ສິ່ງເສດເຫຼືອຕ່າງໆເຫຼົ່ານັ້ນຕ້ອງລ່ອງລອຍຢູ່ຕາມແມ່ນ້ຳ.ອ່ານຕໍ່ ...