ພະລັງງານ

ວຽງຈັນ (ວຽງຈັນທາມສ໌/ANN) – ລາວຄາດວ່າຈະນຳເຂົ້າລົດໄຟຟ້າໃນປີໜ້າ ເພື່ອສະໜັບສະໜູນບາດກ້າວຂອງລັດຖະບານໃນການຫຼຸດຜ່ອນການນຳໃຊ້ເຊື້ອໄຟຈາກຊາກດຶກດຳບັນ.ການນຳເຂົ້າລົດໄຟຟ້າຈະດຳເນີນຕາມຄຳສັ່ງຂອງລັດຖະບານສຳລັບໂຄງການທົດລອງ, ທ່ານ ທອງຈັນ ສັນທະສິດ ຮອງປະທານບໍລິຫານບໍລິສັດລາວ ອີວີ ຈຳກັດ ເປີດເຜີຍຕໍ່ສຳນັກຂ່າວວຽງຈັນທາມສ໌ໃນວັນພຸດນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວມີເປົ້າໝາຍເພີ່ມທະວີການຄ້າຂາຍໄຟຟ້າກັບປະເທດຫວຽດນາມແບບປີຕໍ່ປີ ຫຼັງຈາກທີ່ສອງຝ່າຍໄດ້ບັນລຸຂໍ້ຕົກລົງໃນການພັດທະນາໂຄງການພະລັງງານ ແລະ ບໍ່ແຮ່, ແລະ ສັນຍາກາຍຊື້ຂາຍໄຟຟ້າໃນຕົ້ນປີນີ້.ການສົ່ງອອກໄຟຟ້າໃຫ້ແກ່ຫວຽດນາມຈະລວມເອົາພະລັງງານໄຟຟ້າຈາກໂຄງການຜະລິດໄຟຟ້າພາຍໃຕ້ການລົງທຶນຂອງຫວຽດນາມ ກໍຄືບໍລິສັດພັດທະນາພະລັງງານອື່ນໆໃນລາວ.ຂໍ້ຕົກລົງການຮ່ວມມືພາຄີໃນການພັດທະນາໂຄງການພະລັງງານ ແລະ ບໍ່ແຮ ແມ່ນໜຶ່ງໃນບັນດາຂໍ້ຕົກລົງທີ່ໄດ້ຜ່ານການລົງນາມໃນກອງປະຊຸມຄະນະກຳມະການຮ່ວມລັດຖະບານ ລາວ-ຫວຽດນາມ ຄັ້ງທີ 40 ທີ່ປະເທດຫວຽດນາມໃນປີນີ້.ອ່ານຕໍ່ ...

ປະເທດກຳປູເຈຍໄດ້ຮຽກຮ້ອງໃຫ້ລາວເລັ່ງລັດໃນການສົ່ງມອບໄຟຟ້າໃຫ້ແກ່ລາດຊະອານາຈັກກຳປູເຈຍ ຕາມຂໍ້ຕົກລົງທີ່ໄດ້ມີການລົງນາມກັນໃນຕົ້ນປີນີ້.ໃນເດືອນມີນາ, ບໍລິສັດໄຟຟ້າແຫ່ງກຳປູເຈຍ (EDC) ໄດ້ລົງນາມໃນຂໍ້ຕົກລົງຊື້ຂາຍໄຟຟ້າຈຳນວນ 200 ເມກາວັດຈາກລາວແຕ່ປີ 2019 ຫາ 2020.ທ່ານ ພັນ ສໍຣະສັກ ລັດຖະມົນຕີກະຊວງການຄ້າຂອງກຳປູເຈຍໄດ້ຮຽກຮ້ອງຕໍ່ທ່ານ ອຳໄພ ກິດາວົງ ເອກອັກຄະລັດຖະທູດລາວ ໃຫ້ຝ່າຍລາວດຳເນີນການສົ່ງມອບກະແສໄຟຟ້າດັ່ງກ່າວໃຫ້ໄວທີ່ສຸດ, ຕາມການລາຍງານຂອງສຳນັກຂ່າວ ຂະແມທາມສ໌ ຂອງກຳປູເຈຍໃນວັນພຸດນີ້.ອ່ານຕໍ່ ...

ຝົນຕົກໜັກທາງພາກຕາເວັນອອກສຽງເໜືອຂອງລາວ ເຮັດໃຫ້ເຂື່ອນໄຟຟ້ານ້ອຍຂະໜາດໜຶ່ງເມກາວັດແຕກ ຢູ່ເມືອງແປກ ແຂວງຊຽງຂວາງ ໃນຕົ້ນອາທິດນີ້, ເຮັດໃຫ້ເກີດຜົນເສຍຫາຍເປັນບໍລິເວນກວ້າງ ແລະ ນ້ຳຖ້ວມໄຮ່ນາ ແລະ ຊັບສິນ, ຕາມການລາຍງານຂອງປະຊາຊົນທ້ອງຖິ່ນໃນວັນພຸດຜ່ານມານີ້.“ເນື່ອງຈາກຝົກຕົກໜັກ ແລະ ມີປະລິມານນ້ຳຫຼາຍເກີນໄປ ເຮັດໃຫ້ເຂື່ອນບໍ່ສາມາດຕ້ານທານໄດ້ ຈຶ່ງແຕກພັງລົງ ສ້າງຄວາມເສຍຫາຍເປັນບໍລິເວນກວ້າງ ແລະ ເກີດນ້ຳຖ້ວມພື້ນທີ່ໄຮ່ນາ ແລະ ໜອງປາ 30 ເຮັກຕາ (74 ເອເຄີ),” ຕາມການກ່າວຂອງຊາວບ້ານທີ່ອາໄສຢູ້ໃກ້ກັບເຂື່ອນດັ່ງກ່າວ.ອ່ານຕໍ່ ...

(ຂປລ) ປະລິນ້ຳທີ່ປ່ອຍຈາກສະຖານນີໄຟຟ້າຊຽງຮຸ່ງ ແຂວງຢຸນນານຂອງຈີນ ຈະຫຼຸດຜ່ອນລົງປະມານ 25-45 ເປີເຊັນພາຍໃນໄລຍະເວລາຫ້າວັນ, ຕາມການແຈ້ງການຢ່າງເປັນທາງການຈາກກະຊວງຊັບພະຍາກອນນ້ຳຂອງຈີນ ທີ່ໄດ້ສົ່ງໃຫ້ແກ່ຄະນະກຳມາທິການແມ່ນ້ຳຂອງໃນວັນຈັນຜ່ານມາ.ຕາມແຈ້ງການດັ່ງກ່າວ, ທາງກະຊວງໄດ້ແຈ້ງວ່າ ປະລິມານນ້ຳຈາກເຂື່ອນຊຽງຮຸ່ງຈະເລີ່ມຫຼຸດລົງຈາກ 1,100 ແມັດກ້ອນຕໍ່ວິນາທີ (m3/s) ມາເປັນປະມານ 600-800 m3/s ແຕ່ວັນທີ 11 – 15 ສິງຫານີ້ ກ່ອນທີ່ຈະຄ່ອຍໆກັບຄືນສູ່ລະດັບປົກກະຕິ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລັດຖະບານໄດ້ກ່າວປະຕິເສດບົດລາຍງານທີ່ເຜີຍແຜ່ທາງສື່ສັງຄົມອອນໄລວ່າ ເຂື່ອນໄຊຍະບູລີເປັນສາເຫດໃຫ້ການໄຫຼຂອງນ້ຳໃນແມ່ນ້ຳຂອງຕອນລຸ່ມຊ້າລົງ.ເຂື່ອນດັ່ງກ່າວແມ່ນສ້າງຕາມແບບຈຳລອງນ້ຳໄຫຼ, ເຊິ່ງບໍ່ຈຳເປັນຕ້ອງມີການກັກເກັບນ້ຳ, ທ່ານ ສົມພິດ ແກ້ວວິຈິດ ຫົວໜ້າກົມທຸລະກິດພະລັງງານ ລາຍງາຍຜ່ານສື່ມວນຊົນທ້ອງຖິ່ນໃນອາທິດແລ້ວນີ້.ເຈົ້າໜ້າທີ່ຢືນຢັນວ່າ ຫຼັກການສ້າງເຂື່ອນຕາມແບບຈຳລອງນ້ຳໄຫຼກໍຄື ປະລິມານນ້ຳໄຫຼເຂົ້າແມ່ນເທົ່າກັບປະລິມານນ້ຳໄຫຼອອກ.ອ່ານຕໍ່ ...

ລັດຖະບານລາວ ແລະ ເຈົ້າຂອງໂຄງການເຂື່ອນໄຟຟ້ານ້ຳຂອງໄຊຍະບູລີ ປະຕິເສດຂໍ້ກ່າວຫາທີ່ວ່າ ການກັ້ນເຂື່ອນໃນແມ່ນ້ຳຂອງ ເພື່ອທົດລອງການຜະລິດກະແສໄຟຟ້າ ແມ່ນໜຶ່ງໃນສາເຫດທີ່ເຮັດໃຫ້ລະດັບນ້ຳຂອງຫຼຸດລົງຢ່າງໄວວາໃນສາຍນ້ຳຂອງທີ່ຢູ່ເບື້ອງລຸ່ມຂອງເຂື່ອນ. ລະດັບນ້ຳໃນອ່າງໂຕ່ງເຂື່ອນ ໄລຍະ 30 ແມັດຈາກຕາຝັ່ງ ແມ່ນມີປະມານ 2.75 ແມັດ.ບໍລິສັດ CK Power (ປະເທດໄທ) ສາຂາບໍລິສັດ Ch Karn Chang ເຈົ້າຂອງໂຄງການເຂື່ອນ ໄດ້ອອກມາກ່າວປະຕິເສດໃນມື້ນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດນ້ຳມັນເຊື້ອໄຟ ສິບເອັດບໍລິສັດທີ່ຈະໄດ້ຮັບການຂຶ້ນທະບຽນໃນການນຳເຂົ້ານ້ຳມັນເຊື້ອໄຟ ຕ້ອງສຳເລັດການປະເມີນຜົນໃນການປັບປຸງທຸລະກິດທັງໝົດ ຕາມທີ່ໄດ້ລະບຸໄວ້ໃນດຳລັດຂອງນາຍົກລັດຖະມົນຕີ ສະບັບເລກທີ 331 ໃນເດືອນພະຈິກ, ຫົວໜ້າສະມາຄົມນ້ຳມັນເຊື້ອໄຟ ແລະ ແກ໊ສ໌ກ່າວ.ອຳນາດການປົກຄອງທີ່ກ່ຽວຂ້ອງມີແຜນດຳເນີນການປະເມີນຄືນ ພາຍຫຼັງທີ່ຄັດເລືອກຜູ້ປະກອບການຈາກທັງໝົດ 26 ບໍລິສັດ ທີ່ສອດຄ່ອງຕາມເງື່ອນໄຂໃນການນຳເຂົ້ານ້ຳມັນເຊື້ອໄຟ. ອຳນາດການປົກຄອງໄດ້ໃຫ້ໂອກາດ 11 ບໍລິສັດໃນການດຳເນີນການປັບປຸງປ່ຽນແປງທີ່ຈຳເປັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໂຮງງານຜະລິດໄຟຟ້າແຂວງໄຊຍະບູລີ ໄດ້ເລີ່ມທົດລອງການປະຕິບັດການຂອງຈັກປັ່ນໄຟໝາຍເລກຫ້າໃນມື້ວານນີ້, ເຊິ່ງຄາດວ່າເຂື່ອນນ້ຳຂອງແຫ່ງທຳອິດໃນເຂດລຸ່ມແມ່ນ້ຳຂອງດັ່ງກ່າວ ຈະສາມາດເລີ່ມການປະຕິບັດການເພື່ອການຄ້າພາຍໃນທ້າຍປີນີ້.  ເຈົ້າໜ້າທີ່ການນຳພະແນກພະລັງງານ ແລະ ບໍ່ແຮ່ ແຂວງໄຊຍະບູລີ ກ່າວວ່າ ການທົດລອງການຜະລິດຂອງຈັກປັ່ນໄຟໝາຍເລກຫ້າຂອງເຂື່ອນດັ່ງກ່າວ ໄດ້ເລີ່ມຂຶ້ນໃນວັນທີ 17 ກໍລະກົດທີ່ຜ່ານມາ.ການທົດລອງຈັກປັ່ນໄຟໂຕອື່ນໄດ້ມີຂຶ້ນໃນຊ່ວງຕົ້ນປີນີ້ ເຊິ່ງເປັນສ່ວນໜຶ່ງຂອງການກະກຽມການປະຕິບັດການເພື່ອການຄ້າຢ່າງເຕັມຮູບແບບ. ເຂື່ອນດັ່ງກ່າວມີຈັກປັ່ນໄຟທັງໝົດແປດເຄື່ອງ.ອ່ານຕໍ່ ...

ຊາວບ້ານປະມານ 1,400 ຄົນປະສົບຄວາມຫຍຸ້ງຍາກໃນການລ້ຽງຊີບ ພາຍໃນໄລຍະສາມເດືອນຫຼັງການຍ້າຍພູມລຳເນົາສຳລັບໂຄງການກໍ່ສ້າງເຂື່ອນ. ຊາວບ້ານບາງຈຳນວນຈຳຕ້ອງກັບຄືນບ້ານເດີມເພື່ອປູກເຂົ້າຕາມລະດູການ.ເຂື່ອນໄຟຟ້ານ້ຳອູ 4 ຂອງບໍລິສັດຈີນ ເປັນໜຶ່ງໃນເຈັດເຂື່ອນທີ່ມີແຜນກໍ່ສ້າງຕາມລຳນ້ຳອູ ທີ່ໄຫຼຜ່ານແຂວງຜົ້ງສາລີ ແລະ ແຂວງຫຼວງພະບາງທາງພາກເໜືອຂອງລາວ.ປະຊາຊົນ  1,400 ຈາກ 297 ຄອບຄົວທີ່ອາໄສຢູ່ໃນຫ້າບ້ານຂອງເມືອງຂວາ ແຂວງຜົ້ງສາລີ ໄດ້ທຳການຍົກຍ້າຍພູມລຳເນົາມາຢູ່ບ້ານໃໝ່ໃນວັນທີ 14 ມີນາ 2019.ອ່ານຕໍ່ ...