ພະລັງງານ

ຫວຽດນາມມີຄວາມການຊື້ພະລັງງານໄຟຟ້າຈາກລາວເພິ່ມຂື້ນ ເພື່ອຕອບສະໜອງບັນຫາຂາດແຄນພະລັງງານ, ອີງຕາມການລາຍງານຈາກເຈົ້າທີ່ອາວຸໂສ. ທ່ານ ດາວວອນ ພອນແກ້ວ, ຮອງລັດຖະມົນຕີກະຊວງພະລັງງານ ແລະ ບໍ່ແຮ່ ໄດ້ກ່າວຕໍ່ວຽງຈັນທາມໃນວັນພຸດທີ່ຜ່ານມາວ່າ: ຫວຽດນາມກຳລັງຊື້ກະແສໄຟຟ້າຈາກໂຮງງານພະລັງງານທີ່ເຮັດຂື້ນໂດຍນັກລົງທຶນລາວ ແລະ ຫວຽດນາມ.ທ່ານກ່າວວ່າ “ນັບແຕ່ປັດຈຸບັນ ຈົນເຖິງປີ 2025, ຫວຽດນາມຈະຊື້ພະລັງງານ 3000 ເມກາວັດ ຈາກລາວ ໃນລາຄາ 6.95 ເຊັນຕໍ່ກິໂລວັດ. ຊຶ່ງຄາດຄະເນວ່າ ຈຳນວນກະແສໄຟຟ້າທີ່ໄດ້ຂາຍໃຫ້ຫວຽດນາມທີ່ຜ່ານມານັ້ນ ຈະເພິ່ມຂື້ນເຖິງ 5,000 ເມກາວັດ ລະຫວ່າງປີ 2026 ແລະ 2030, ຕາມລາຄາທີ່ໄດ້ກຳນົດໃໝ່”.ອ່ານເພິ່ມເຕີມ.  ...

ວຽງຈັນທາມ – ໂຄງການ ເຂື່ອນເຊປຽນ-ເຊນຳ້ນ້ອຍ ທີ່ແຂວງອັດຕະປື ໄດ້ຮັບການສ້າງຄືນໃໝ່ ພາຍຫຼັງຈາກການເພພັງ ທີ່ເກີດຈາກໄພນຳ້ຖ້ວມໃນ 2 ປີຫຼັງທີ່ຜ່ານມານັ້ນ. ພະນັກງານໂຄງການໄດ້ກ່າວຕໍ່ຜູ້ສື່ຂ່າວໃນພຸດນີ້ວ່າ ໂຄງການໄດ້ລິເລີ່ມກໍ່ສ້າງບໍ່ຫ່າງຈາກສະຖານທີ່ຕັ້ງເດີມທີ່ໄດ້ເພພັງໄປແລ້ວນັ້ນ ທີ່ເຄີຍພັງລົງ ແລະ ສ້າງຄວາມເສຍຫາຍຕໍ່ຫຼາຍຫຼັງຄາເຮືອນຂອງປະຊາຊົນເມືອງສະໜາມໄຊ. ອ່ານເພີ່ມເຕີມ..  ...

ລາວຊຽນທາມສ໌- ລັດຖະບານລາວ ໄດ້ເຊັນສັນຍາຕົກລົງຮ່ວມກັບ ບໍລິສັດເມືອງໂຂງພະລັງງານສະອາດ ໃນການກໍ່ສ້າງພະລັງງານແສງອາທິດ ຢູ່ທີ່ເມືອງໂຂງ, ນະຄອນຈຳປາສັກ. ໂຄງການດັ່ງກ່າວ ຢູ່ໃນຂັ້ນຕອນສຳເລັດການສຳຫຼວດຄວາມເປັນໄປໄດ້ ແລະ ຈະກາຍເປັນການສ້າງພະລັງງານແສງອາທິດເທື່ອທຳອິດຂອງລາວ ທີ່ຈະສົ່ງໄປປະເທດກຳປູເຈຍ. ອ່ານເພິ່ມເຕີມ..    ...

ຫວຽດນາມ ຕົກລົງນຳເຂົ້າໄຟຟ້າຈາກລາວຕື່ມອີກ 200 MW ໃນປີໜ້າ ທ່າມການຂາດແຄນພະລັງງານທີ່ອາດເກີດຂື້ນ.ການຕັດສິນໃຈດັ່ງກ່າວ ແມ່ນມາຈາກຄວາມກັງວົນທີ່ວ່າ ປະເທດອາດຜະເຊີນກັບຄວາມຂາດແຄນດ້ານພະລັັງງານ ນັບຈາກປີ 2020.ກະຊວງອຸດສາຫະກຳ ແລະ ການຄ້າຂອງຫວຽດນາມ ໄດ້ປະເມີນວ່າປະເທດຈະຜະເຊີນກັບພາວະຂາດແຄນພະລັງງານ 3.7 ຕື້ kWh ໃນປີ 2021, ເຊິ່ງຈະເພີ່ມສູງຂຶ້ນເຖິງ 15 ຕື້ kWh ໃນປີ 2023, ກ່ອນທີ່ຈະປັບຫຼຸດລົງປີລະເຄິ່ງ ຈົນເຖິງລະດັບ 3.5 ຕື້ kWh ໃນປີ 2025.ອ່ານຕໍ່ ...

ວິທະຍາໄລວິຊາຊີບແຂວງຄຳມ່ວນ ແລະ ບໍລິສັດໄຟຟ້ານ້ຳເມີນ 2 ຈຳກັດ ໄດ້ລົງນາມໃນຂໍ້ຕົກລົງການຮ່ວມມືສະບັບໃໝ່ ກ່ຽວກັບການພັດທະນາທັກສະໃນທ້ອງຖິ່ນແບບຍືນຍົງ ສຳລັບຂະແໜງພະລັງງານໄຟຟ້ານ້ຳຕົກ.ຂໍ້ຕົກລົງການຮ່ວມມືດັ່ງກ່າວ ໄດ້ມີການລົງນາມໃນອາທິດແລ້ວນີ້, ພາຍຫຼັງສິ້ນສຸດການຈັດຕັ້ງປະຕິບັດແຜນດຳເນີນງານ ຕາມບົດບັນທຶກຄວາມເຂົ້າໃຈກ່ຽວກັບການພັດທະນາຊັບພະຍາກອນມະນຸດໄປສູ່ແຮງງານ ໃນເດືອນຕຸລາປີນີ້.ຂໍ້ຕົກລົງດັ່ງກ່າວ ໄດ້ມີການລົງນາມໂດຍທ່ານ ວຽງສະຫວັນ ພັດທະວົງ ອຳນວຍການໂຮງຮຽນວິທະຍາໄລວິຊາຊີບ ແຂວງຄຳມ່ວນ ແລະ ທ່ານນາງ ຄໍຣີນ ອາເລຣາ ຫົວໜ້າບໍລິຫານບໍລິສັດນ້ຳເທີນ 2, ພາຍໃຕ້ການເຂົ້າຮ່ວມຂອງຕາງໜ້າຈາກພະແນກສຶກສາທິການ ແລະ ກິລາແຂວງຄຳມ່ວນ, ບໍລິສັດນ້ຳເທີນ 2, ພ້ອມດ້ວຍບັນດາຄູອາຈານ ແລະ ນັກສຶກສາຈາກວິທະຍາໄລດັ່ງກ່າວ.  ອ່ານຕໍ່ ...

ຊາວບ້ານ 100 ກວ່າຄອບຄົວ ທີ່ໄດ້ຍ້າຍທີ່ຕັ້ງບ້ານໃນສີ່ປີກ່ອນ ສຳລັບການກໍ່ສ້າງເຂື່ອນໄຟຟ້ານ້ຳທາ 1 ຢູ່ແຂວງຫຼວງນ້ຳທາ ກຳລັງຢູ່ໃນສະພາບຂາດແຄນນ້ຳ ເນື່ອງຈາກໄພແລ້ງ, ຕາມແຫຼ່ງຂ່າວທ້ອງຖິ່ນ.ແຫຼ່ງນ້ຳທີ່ຢູ່ໃກ້ເຂດບ້ານທີ່ຍົກຍ້າຍພູມລຳເນົາເພື່ອການສ້າງເຂື່ອນນ້ຳທາ 1 ເຊິ່ງປະກອບດ້ວຍເຈັດບ້ານນ້ອຍ, ຕັ້ງຢູ່ເຂດເນີນສູງ ຫ່າງຈາກນ້ຳທາປະມານ 10 ກມ (6 ໄມ) ຢູ່ເມືອງນາແລ ໃນປະຈຸບັນແມ່ນຢູ່ໃນສະພາບບົກແຫ້ງ, ຫົວໜ້າເຂດບ້ານຕະວັນ ເປີດເຜີຍໃນການສຳພາດຕໍ່ໜ່ວຍຂ່າວ RFA ລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຂື່ອນໄຟຟ້ານ້ຳພາໃຫຍ່ ແຂວງໄຊສົມບູນ ໄດ້ເລີ່ມການຜະລິດກະແສໄຟຟ້າຢ່າງເປັນທາງການ ພາຍຫຼັງທີ່ສຳເລັດການກໍ່ສ້າງ ໃນເດືອນກັນຍາທີ່ຜ່ານມາ.ພິທີເປີດເຂື່ອນດັ່ງກ່າວ ໄດ້ຈັດຂຶ້ນໃນອາທິດແລ້ວນີ້ ທີ່ບ້ານພານ້ອຍ ເມືອງລ່ອງແຈ້ງ ແຂວງໄຊສົມບູນ, ເຂົ້າຮ່ວມໃນພິທີດັ່ງກ່າວມີທ່ານ ຈັນສີ ໂພສີຄຳ ສະມາຊິກຫ້ອງການກົມການເມືອງ ແລະ ຫົວໜ້າຈັດຕັ້ງ ແລະ ບຸກຄະລາກອນ ຄະນະກຳມະການສູນກາງພັກ, ທ່ານ ປອ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານພົນເອກ ຄຳລຽງ ອຸທະໄກສອນ ເຈົ້າແຂວງແຂວງໄຊສົມບູນ, ແລະ ທ່ານ ໄຊຍະສິງ ຊະນະແກ້ວ ປະທານບໍລິສັດກຸ່ມ D.S.K.ອ່ານຕໍ່ ...

ໂຄງການເຂື່ອນໄຟຟ້າດອນສະໂຮງ ແມ່ນ້ຳຂອງ ແຂວງຈຳປາສັກ ເລີ່ມການປະຕິບັດການຢ່າງເປັນທາງການ.ປະຈຸບັນ ເຄື່ອງຈັກປັ່ນໄຟເຂື່ອນ ໄດ້ເລີ່ມການດຳເນີນການເພື່ອທຸລະກິດ ຕາມການເປີດເຜີຍຂອງບໍລິສັດ Sinohydro Corp ຈຳກັດ ຜູ້ຮັບເໝົາກໍ່ສ້າງຈາກຈີນ. ໂຄງການເຂື່ອນໄຟຟ້າມູນຄ່າ US 401 ລ້ານໂດລາ ດັ່ງກ່າວ ເຊິ່ງຕັ້ງຢູ້ໃກ້ກັບນ້ຳຕົກຕາດຄອນ ແຂວງຈຳປາສັກ ໄດ້ສຳເລັດການກໍ່ສ້າງ 48 ວັນກ່ອນກຳນົດການ, ຕາມເຈົ້າຂອງໂຄງການຄື ບໍລິສັດ Mega First Corp Bhd ຂອງມາເລເຊຍ ພາຍຫຼັງທີ່ເລີ່ມຕົ້ນການກໍ່ສ້າງມາແຕ່ເດືອນມັງກອນ 2016.ຜູ້ລົງທຶນໃນໂຄງການດັ່ງກ່າວລວມມີ ບໍລິສັດ Mega First ຖືຄອງຫຸ້ນ 80 ສ່ວນຮ້ອຍ, ສ່ວນບໍລິສັດໄຟຟ້າລາວມະຫາຊົນ (EDL-GEN) ຖືຫຸ້ນ 20 ສ່ວນຮ້ອຍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດ China Southern Power Grid (CSG) ແລະ ລັດວິສາຫະກິດໄຟຟ້າລາວ (EDL) ຈະຮ່ວມທີມກັນ ໃນການສະໜອງພະລັງງານ ສຳລັບເສັ້ນທາງລົດໄຟໃໝ່ ເຊິ່ງໄດ້ມີພິທີຖະແຫຼງການຈັດຕັ້ງວິສາຫະກິດຮ່ວມປະສົມ ທີ່ວຽງຈັນ ໃນອາທິດແລ້ວນີ້.ວິສາຫະກິດຮ່ວມປະສົມດັ່ງກ່າວ ໃສ່ຊື່ຢ່າງເປັນທາງການວ່າ ບໍລິສັດການລົງທຶນດ້ານພະລັງງານລາວ-ຈີນ. ທ່ານ ປອ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ແລະ ທ່ານ ປີ້ ຢາຊຽງ ຮອງປະທານບໍລິສັດ CSG ໄດ້ຮ່ວມຖະແຫຼງກ່ຽວກັບການເປີດຕົວວິສາຫະກິດຮ່ວມປະສົມດັ່ງກ່າວ ພາຍໃຕ້ການເປັນສັກຂີພະຍານຂອງທ່ານ ຈຽງ ໄຈຕົງ ເອກອັກຄະລັດຖະທູດຈີນປະຈຳລາວ. ອ່ານຕໍ່ ...

ບັນດາຜູ້ມີສ່ວນຮ່ວມ ມີຄວາມກັງວົນຕໍ່ກັບສິດທິຊອບທຳໃນຂະບວນການການມີສ່ວນຮ່ວມຫຼາຍປະເທດ ໃນການອະນຸມັດໂຄງການເຂື່ອນໄຟຟ້າຫຼວງພະບາງຂອງລາວ, ພາຍຫຼັງມີການສະເໜີຄຳແນະນຳ ໃຫ້ຫຼຸດຜ່ອນຜົນກະທົບຕໍ່ສິ່ງແວດລ້ອມ, ແຕ່ມີການຮັບຮອງເອົາເປັນສ່ວນໜ້ອຍ ໃນລະຫວ່າງກອງປະຊຸມປຶກສາຫາລືຂອງຄະນະກຳມາທິການແມ່ນ້ຳຂອງ (MRC) ໃນອາທິດແລ້ວນີ້ ທີ່ນະຄອນວຽງຈັນ.ກອງປະຊຸມດັ່ງກ່າວ ໄດ້ຈັດຂຶ້ນທີ່ນະຄອນຫຼວງວຽງຈັນ ໃນວັນທີ 5 ແລະ 6 ພະຈິກນີ້, ເຊິ່ງຄະນະກຳມາທິການ ໄດ້ອອກບົດລາຍງານກ່ຽວກັບຂະບວນການປຶກສາຫາລືລ່ວງໜ້າຫົກເດືອນ ກ່ຽວກັບໂຄງການກໍ່ສ້າງເຂື່ອນດັ່ງກ່າວ.ອ່ານຕໍ່ ...