ເສດຖະກິດ ແລະ ການຄ້າ

ບໍລິສັດແລກປ່ຽນເງິນຕາວຽງຈັນຈະເປັນບໍລິສັດແລກປ່ຽນເງິນຕາສາກົນແຫ່ງທຳອິດທີ່ມີການຢັ້ງຢືນການອະນຸມັດທຸລະກຳເງິນຕາດິຈິຕອລໃນລາວ. ນີ້ແມ່ນເຫດການຄັ້ງປະຫວັດສາດຄັ້ງສຳຄັນ ໃນການນຳໃຊ້ເຕັກໂນໂລຊີໃໝ່ໃນການດຳລົງຊີວິດປະຈຳວັນ, ເຊິ່ງເປັນການເປີດປະສົບການໃໝ່ ແລະ ສ້າງໂອກາດດ້ານທຸລະກຳການເງິນໃນໂລກອະນາຄົດ.ອ່ານຕໍ່ ...

ເຖິງຈະມີຄວາມຫຍຸ້ງຍາກທາງດ້ານງົບປະມານ, ລັດຖະບານກຳລັງພະຍາຍາມລະດົມທຶນຈຳນວນ 3.25 ພັນຕື້ກີບເພື່ອຊົດໃຊ້ໃຫ້ແກ່ບໍລິສັດເອກະຊົນ ພາຍໃຕ້ການລິເລີ່ມການຊຳລະສະສາງແບບສາມຫຼ່ຽມໜີ້ຜັນ. ໃນມື້ວານນີ້​ ທ່ານ ສົມດີ ດວງດີ ຮອງນາຍົກລັດຖະມົນຕີ ແລະ ລັດຖະມົນຕີກະຊວງການເງິນ ໄດ້ກ່າວອະທິບາຍສະຖານະຂອງລັດຖະບານກ່ຽວກັບການຈັດຕັ້ງປະຕິບັດການລິເລີ່ມດັ່ງກ່າວ ຕໍ່ທີ່ປະຊຸມຕໍ່ສະພາແຫ່ງຊາດ.ອ່ານຕໍ່ ...

ບໍລິສັດສຸກຮຸ່ງເຮືອງ ວາງແຜນຂາຍກ້ວຍ 12,000 ໂຕນທີ່ເກັບກ່ຽວໄດ້ຈາກການສຳປະທານພື້ນທີ່ກະສິກຳໃນແຂວງສະຫວັນນະເຂດ ໃຫ້ແກ່ລັດເຊຍ. ບໍລິສັດຫວຽດລາຍນີ້ ວາງແຜນການລົງທຶນ 38 ລ້ານໂດລາສະຫະລັດ ໃນການປູກໄມ້ໃຫ້ໝາກ ປະມານ 5,500 ເຮັກຕາ ຢູ່ເມືອງນອງ ແຂວງສະຫວັນນະເຂດ ແລະໄດ້ຖາກຖາງພື້ນທີ່ 1,900 ເຮັກຕາເພື່ອປູກຕົ້ນໄມ້ ພາຍຫຼັງໄດ້ມີການປູກສຳເລັດ 700 ເຮັກຕາ ໃນປີທີ່ຜ່ານມາອ່ານຕໍ່ ...

ລັດຖະບານໄດ້ຮັບຮອງເອົາມາດຕະການເພື່ອກະຕຸ້ນການເຕີບຕົວທາງດ້ານເສດຖະກິດ ທັງດຳເນີນບາດກ້າວເພື່ອຈຳກັດເງິນເຟີ້ ເຊິ່ງອາດເກີດຄວາມຫຍຸ້ງຍາກ ຖ້າຄ່າເງິນດີດຕົວຂຶ້ນສູງ.ອ່ານຕໍ່ ...

ມູນຄ່າຫຸ້ນທີ່ຊື້ຂາຍໃນຕະຫຼາດຫຼັກຊັບລາວ ມີການເຕີບຕົວຢ່າງວ່ອງໄວໃນປີທີ່ຜ່ານມາ ຕາມບົດລາຍງານຂອງທະນາຄານແຫ່ງ ສປປ ລາວ. ທະນາຄານກາງໄດ້ເປີດເຜີຍບົດລາຍງານປະຈຳປີ ເຊິ່ງສະແດງໃຫ້ເຫັນພາບລວມຂອງການພັດທະນາເສດຖະກິດຂອງລາວໃນປີທີ່ຜ່ານມາ ລວມທັງການຊື້ຂາຍໃນຕະຫຼາດຫຼັກຊັບລາວ ໜຶ່ງໃນຕະຫຼາດທຶນແຫ່ງໃໝ່ຂອງປະເທດອ່ານຕໍ່ ...

ເຈົ້າໜ້າທີ່ລະດັບສູງໄດ້ໃຫ້ຮູ້ວ່າ ປ້ຳນ້ຳມັນທີ່ເປີດກິດຈະການໃກ້ກັບສິ່ງອຳນວຍຄວາມສະດວກ ຫຼື ຕັ້ງຢູ່ໃກ້ພື້ນທີ່ຢູ່ອາໄສເກີນຄວນ ຕ້ອງຍ້າຍອອກພາຍໃນກຳນົດ 1 ປີນັບແຕ່ມື້ນີ້ເປັນຕົ້ນໄປ. ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ ໄດ້ອອກມະຕິໃນຊ່ວງຕົ້ນເດືອນນີ້ ກ່ຽວກັບການຈັດຕັ້ງປະຕິບັດ ດຳລັດນາຍົກລັດຖະມົນຕີ ສະບັບເລກທີ 133 ເພື່ອຈັດລະບຽບທຸລະກິດນ້ຳມັນ ລວມທັງປ້ຳນ້ຳມັນຕ່າງໆ.ອ່ານຕໍ່ ...

ລັດຖະບານໄດ້ທຳການທົດລອງໂຄງການປະຕູດຽວແຫ່ງຊາດລາວ (LNSW) ທີ່ດ່ານຊາຍແດນສາກົນ ເພື່ອເພີ່ມຄວາມໄວໃນການຊຳລະພາສີຍານພາຫະນະ ແລະ ເຊື່ອມໂຍງປະເທດລາວເຂົ້າກັບລະບົບປະຕູດຽວຂອງອາຊຽນ. ກົມພາສີ ກະຊວງການເງິນ ໄດ້ເຊັນບົດບັນທຶກຄວາມເຂົ້າໃຈກັບ ກົມຂົນສົ່ງ ກະຊວງໂຍທາທິການ ແລະ ຂົນສົ່ງ ໃນອາທິດທີ່ຜ່ານມາ ເພື່ອຮ່ວມມືກັນຈັດຕັ້ງປະຕິບັດຂະບວນການດັ່ງກ່າວ.ອ່ານຕໍ່ ...

ຫົວໜ່ວຍທຸລະກິດແລະຜູ້ສົ່ງເສີມວຽກງານກະສິກຳຮຽກຮ້ອງໃຫ້ເຈົ້າໜ້າທີ່ເພີ່ມມາດຕະການໃນການກວດສອບການນຳເຂົ້າສິນຄ້າກະເສດຂ້າມຊາຍແດນ. ສິນຄ້ານຳເຂົ້າແບບບໍ່ເປັນລະບົບຜ່ານຊ່ອງທາງດັ່ງກ່າວຖືເປັນອຸປະສັກໃນການດຶງດູດການລົງທຶນແລະການເຕີບຕົວຂອງຂະແໜງການກະສິກຳຂອງປະເທດ. ທ່ານ ດາວວອນ ພະຈັນທະວົງ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ ໃນວັນພຸດນີ້ວ່າ ພາກສ່ວນລັດຖະບານຄວນເອົາໃຈໃສ່ໃນການຈັດການສິນຄ້ານຳເຂົ້າ.ອ່ານຕໍ່ ...

ນັກເສດຖະສາດລາວຊຸກຍູ້ລັດຖະບານໃຫ້ເລັ່ງມືຂະບວນການຫັນລັດວິສາຫະກິດໃຫ້ເປັນເອກະຊົນ ເຊິ່ງເປັນສ່ວນໜຶ່ງຂອງມາດຕະການປັບປຸງສະຖານະພາບທາງການເງິນ.ນັກເສດຖະສາດທີ່ສະຖາບັນຄົ້ນຄວ້າເສດຖະກິດແຫ່ງຊາດໃຫ້ຄຳແນະນຳດັ່ງກ່າວຈາກການຄົ້ນຄວ້າເສດຖະກິດໃນເດືອນມິນາ ແນໃສ່ຊ່ວຍຫຼຸດຜ່ອນເງິນອຸດໜູນຈາກພາກລັດ.ອ່ານຕໍ່ ...

ຕາມການລາຍງານຂອງຄະນະຮັບຜິດຊອບ, ເຖິງວ່າຈະມີຂັ້ນຕອນທີ່ຫຍຸ້ງຍາກສົມຄວນ, ລົດ 600 ກວ່າຄັນທີ່ນຳເຂົ້າມາແຂວງບໍລິຄຳໄຊແບບບໍ່ຖືກກົດໝາຍນັ້ນ ປະຈຸບັນ ແມ່ນໄດ້ຮັບການຂຶ້ນທະບຽນຕາມກົດໝາຍແລ້ວ. ທ່ານຄຳແຫວນ ປັນຍะນຸວົງ ຫົວໜ້າຄະນະຮັບຜິດຊອບ ໄດ້ກ່າວແຈ້ງກັບນັກຂ່າວວຽງຈັນທາມສ໌ ໃນວັນສຸກຜ່ານມານີ້ວ່າ ປະຈຸບັນຍັງເຫຼືອລົດຈຳນວນ 100 ຄັນເທົ່ານັ້ນທີ່ຕ້ອງຂຶ້ນທະບຽນເພີ່ມເຕີມ.ອ່ານຕໍ່ ...