ເສດຖະກິດ ແລະ ການຄ້າ

ວຽງຈັນ (ວຽງຈັນທາມສ໌/ANN) – ໂຄງການສົ່ງເສີມການແຂ່ງຂັນການສົ່ງອອກສິນຄ້າທາງພາກເໜືອຂອງລາວ (ECL) ໃໝ່ມີຈຸດປະສົງແນໃສ່ເພີ່ມທະວີການລົງທຶນໃນການສົ່ງອອກສິນຄ້າໃນຂະແໜງເປົ້າໝາຍ ເພື່ອປັບປຸງການສ້າງລາຍຮັບແບບຍືນຍົງສຳລັບຄົວເຮືອນທີ່ທຸກຍາກ, ໂດຍສະເພາະແມ່ນກຸ່ມແມ່ຍິງ.ເປົ້າໝາຍຂອງໂຄງການແມ່ນແນໃສ່ປັບປຸງການແຂ່ງຂັນການສົ່ງອອກສິນຄ້າໃນສາມແຂວງພາກເໜືອ ໂດຍສະເພາະແມ່ນແນໃສ່ປັບປຸງສະພາບແວດລ້ອມການດຳເນີນທຸລະກິດໃນທ້ອງຖິ່ນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ນັກທຸລະກິດຍິງລາວເຂົ້າຮັບລາງວັນນັກທຸລະກິດຍິງດີເດັ່ນອາຊຽນ 2019 ຈາກເຄືອຂ່າຍນັກທຸລະກິດຍິງອາຊຽນ (AWEN) ທີ່ໂຮງແຮມ JW Marriott, ບາງກອກ ປະເທດໄທ ໃນອາທິດແລ້ວນີ້.ເຂົ້າຮ່ວມໃນງານດັ່ງກ່າວມີນັກທຸລະກິດຍິງເກືອບ 90 ຄົນຈາກບັນດາປະເທດອາຊຽນ, ເຊິ່ງໃນນັ້ນມີນັກທຸລະກິດຍິງ 10 ຄົນຈາກລາວ, ເພື່ອແນໃສ່ສົ່ງເສີມບົດບາດຂອງນັກທຸລະກິດຍິງ ແລະ ຮັດແໜ້ນສາຍພົວພັນພາຍໃນເຄືອຂ່າຍ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ສະພາການຄ້າ ແລະ ອຸດສາຫະກຳແຫ່ງຊາດລາວ (LNCCI) ຮ່ວມກັບອົງການແຮງງານສາກົນ (ILO) ຈັດງານຕະຫຼາດນັດ MSME 2019 ເພື່ອສ້າງໂອກາດໃນການເຂົ້າເຖິງແຫຼ່ງທຶນໃຫ້ແກ່ຜູ້ປະກອບການຂະໜາດນ້ອຍສຸດ, ຂະໜາດນ້ອຍ ແລະ ຂະໜາດກາງ.ງານຕະຫຼາດນັດດັ່ງກ່າວໄດ້ຈັດຂຶ້ນທີ່ LNCCI ນະຄອນຫຼວງວຽງຈັນໃນວັນສຸກແລ້ວນີ້ ພາຍໃຕ້ການເຂົ້າຮ່ວມຂອງທ່ານ ສົມຈິດ ອິນທະມິດ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທະນາຄານແຫ່ງ ສປປ ລາວ ຮຽກຮ້ອງການຮ່ວມມືຢ່າງໃກ້ຊິດກັບຂະແໜງການທີ່ກ່ຽວຂ້ອງ ເພື່ອສ້າງມາດຕະຖານການຈ່າຍເງິນໂດຍນຳໃຊ້ລະຫັດ QR code ສຳລັບທະນາຄານ ແລະ ສະຖາບັນການເງິນຕ່າງໆ ເພື່ອເພີ່ມຄວາມສະດວກໃນການຈ່າຍເງິນ.ເຈົ້າໜ້າທີ່ຈາກທະນາຄານ ແລະ ສະຖາບັນການເງິນຕ່າງໆ ລວມທັງຕົວແທນຈາກຂະແໜງການທີ່ກ່ຽວຂ້ອງ ຮ່ວມປະຊຸມຢູ່ວຽງຈັນໃນວັນສຸກແລ້ວນີ້ ເພື່ອຮຽນຮູ້ກ່ຽວກັບການສ້າງມາດຕະຖານການຈ່າຍເງິນໂດຍນຳໃຊ້ລະຫັດ QR code ແລະ ການພັດທະນາ QR code ຈາກເຈົ້າໜ້າທີ່ລະດັບສູງຂອງທະນາຄານແຫ່ງປະເທດໄທ.ອ່ານຕໍ່ ...

ກະຊວງການເງິນເຊື່ອວ່າການຄຸ້ມຄອງລະບົບການເງິນຂອງລັດຈະມີປະສິດທິຜົນ, ມີຄວາມໂປ່ງໃສ ແລະ ສາມາດກວດສອບໄດ້ດີຍິ່ງຂຶ້ນ ພາຍຫຼັງການລິເລີ່ມການຈັດຕັ້ງປະຕິບັດສອງໂຄງການເພື່ອສະໜັບສະໜູນການປະຕິຮູບໃນວັນສຸກແລ້ວນີ້.ການລິເລີ່ມສອງໂຄງການດັ່ງກ່າວມີຄື ໂຄງການເສີມຂະຫຍາຍການຄຸ້ມຄອງການເງິນຂອງລັດຜ່ານການນຳໃຊ້ເທັກໂນໂລຢີ ແລະ ທັກສະດ້ານຂໍ້ມູນຂ່າວສານ ແລະ ການສື່ສານ ແລະ ໂຄງການປະຕິຮູບການຄຸ້ມຄອງການເງິນຂອງລັດ (EU-WB TF).ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ງານວາງສະແດງສິນຄ້າລາວທອບ 3 ເອັກສ໌ໂປ 2019 ເຊິ່ງເປັນງານວາງສະແດງສິນຄ້າທີ່ໃຫຍ່ລະດັບປະເທດ, ໄດ້ເລີ່ມຂຶ້ນທີ່ຫໍປະຊຸມແຫ່ງຊາດ ນະຄອນຫຼວງວຽງຈັນວານນີ້ ເພື່ອວາງສະແດງສິນຄ້າກ່ຽວກັບການກໍ່ສ້າງ, ສະຖາປັດ, ນ້ຳປະປາ, ອາຫານ ແລະ ເຄື່ອງດື່ມ ແລະ ການຄ້າ.ເຂົ້າຮ່ວມໃນພິທີເປີດງານວາງສະແດງມີທ່ານ ປອ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງ, ທ່ານ ວຽງສະຫວັນ ສີພັນດອນ ຮອງລັດຖະມົນຕີກະຊວງໂຍທາ, ທ່ານ ພານທອງ ພິດທຸມມາ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ພ້ອມດ້ວຍເອກອັກຄະລັດຖະທູດ, ເຈົ້າໜ້າທີ່ລັດຖະບານ ແລະ ຕາງໜ້າຫົວໜ່ວຍທຸລະກິດທັງພາຍໃນ ແລະ ຕ່າງປະເທດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງອຸດສາຫະກຳ ແລະ ການຄ້າກຳລັງດຳເນີນການແກ້ໄຂບັນຫາທີ່ບໍລິສັດຕ່າງປະເທດຈຳນວນໜຶ່ງດຳເນີນກິດຈະການໃນລາວ ໂດຍບໍ່ມີໃບອະນຸຍາດດຳເນີນທຸລະກິດທີ່ຖືກຕ້ອງ.ທ່ານນາງ ເຂັມມະນີ ພົນເສນາ ລັດຖະມົນຕີກະຊວງການຄ້າ ໄດ້ລົງນາມຮັບຮອງເອົາຄຳສັ່ງແນະນຳຂອງລັດຖະມົນຕີ ລົງວັນທີ 12 ມິຖຸນາ, ສະເໜີໃຫ້ພະແນກອຸດສະຫະກຳ ແລະ ການຄ້າແຂວງ ແລະ ເມືອງດຳເນີນການໃນເລື່ອງດັ່ງກ່າວໃນເດືອນີ້.ຄຳສັ່ງແນະນຳດັ່ງກ່າວ ເຊິ່ງມີການເຜີຍແຜ່ໃນເວັບໄຊຈົດໝາຍເຫດທາງລັດຖະການໃນວັນທີ 18 ມິຖຸນາ ມອບໝາຍພະແນກອຸດສະຫະກຳ ແລະ ການຄ້າແຂວງ ແລະ ເມືອງແຕ່ງຕັ້ງເຈົ້າໜ້າທີ່ ເພື່ອລົງກວດກາຫົວໜ່ວຍທຸລະກິດຂອງຕ່າງປະເທດ ເພື່ອຮັບປະກັັນການປະຕິບັດໃຫ້ສອດຄ່ອງຕາມລະບຽບກົດໝາຍ.ອ່ານຕໍ່ ...

ສິນຄ້າ ແລະ ການບໍລິການທີ່ລັດຖະບານບໍ່ສົ່ງເສີມ ເຊັ່ນ ເຄື່ອງດື່ມມືນເມົາ ຈະຖືກເກັບອາກອນເພີ່ມຂຶ້ນ ຖ້າວ່າກົດໝາຍວ່າດ້ວຍພາສີອາກອນສະບັບໃໝ່ມີຜົນບັງຄັບໃຊ້ໃນປີ 2020.ໃນທາງກົງກັນຂ້າມ, ລັດຈະຫຼຸດພາສີສຳລັບສິນຄ້າເຊັ່ນ ນ້ຳມັນເຊື້ອໄຟ ແລະ ລົດຈັກ ເຊິ່ງເຫັນວ່າມີຄວາມຈຳເປັນຕໍ່ການປັບປຸງຊີວິດການເປັນຢູ່.ອ່ານຕໍ່ ...

ບໍລິສັດຕ່າງປະເທດທີ່ຕ້ອງການສົ່ງອອກສິນຄ້າມາປະເທດລາວ ແມ່ນບໍ່ຈຳເປັນຕ້ອງຂໍໃບອະນຸຍາດດຳເນີນທຸລະກິດພາຍໃນປະເທດ ຕາມລະບຽບການການຄ້າໃໝ່ຂອງກະຊວງການຄ້າ.ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າລາວ ໄດ້ອອກຂໍ້ຕົກລົງຂອງລັດຖະມົນຕີ ສະບັບໃໝ່ ໃນວັນທີ 6 ມິຖຸນາ ເພື່ອຍົກເລີກລະບຽບການທີ່ບໍລິສັດຕ່າງປະເທດຕ້ອງຂໍໃບອະນຸຍາດດຳເນີນທຸລະກິດພາຍໃນ ໃນການສົ່ງອອກສິນຄ້າມາປະເທດລາວ.ພາຍໃຕ້ລະບຽບການໃໝ່ນີ້ ບໍລິສັດຕ່າງປະເທດທີ່ຕ້ອງການສົ່ງອອກສິນຄ້າມາປະເທດລາວ ຕ້ອງຍື່ນໃບຄຳຮ້ອງຂໍສິດທາງການຄ້າ ໂດຍກົງຕໍ່ກົມການນຳເຂົ້າ ແລະ ສົ່ງອອກ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ການຜະລິດພະລັງງານໄຟຟ້າຂອງລາວ ເພື່ອນຳໃຊ້ພາຍໃນ ແລະ ສົ່ງອອກ ເພີ່ມຂຶ້ນໃນໄຕມາດທຳອິດຂອງປີນີ້ ໃນຂະນະທີ່ການນຳເຂົ້າຫຼຸດລົງ.ລາວສ້າງລາຍຮັບຈາກການສົ່ງອອກໄຟຟ້າໄດ້ US$422 ລ້ານໂດລາໃນໄຕມາດທຳອິດຂອງປີນີ້, ເພີ່ມຂຶ້ນ 10.2 ເປີເຊັນທຽບກັບໄລຍະດຽວກັນຂອງປີກາຍ ເຊິ່ງກວມ 24.3 ເປີເຊັນຂອງແຜນການປະຈຳປີ, ຕາມກະຊວງພະລັງງານ ແລະ ບໍ່ແຮ່.ອ່ານຕໍ່  ...