ໄພພິບັດ ແລະ ການຮອງຮັບເຫດສຸກເສີນ

ວຽງຈັນ (ວຽງຈັນທາມສ໌/ANN) – ກວ່າ 50 ຫຼັງຄາເຮືອນໃນສີ່ບ້ານຂອງເມືອງໄຊຍະບູລີ ແຂວງໄຊຍະບູລີ ໄດ້ຮັບຄວາມເສຍຫາຍຈາກລົມແຮງ ແລະ ຝົນຕົກໜັກ ເນື່ອງຈາກພະຍຸຝົນທີ່ພັດຜ່ານນະຄອນຫຼວງໃນອາທິດຜ່ານແລ້ວນີ້.ທ່ານນາງ ບຸນທັນ ຄຳສິງ ຮອງຫົວໜ້າຫ້ອງການແຮງງານ ແລະ ສະຫວັດດີການສັງຄົມເຜີຍຕໍ່ວຽງຈັນທາມສ໌ໃນວັນສຸກຜ່ານມານີ້ ວ່າພະຍຸຝົນດັ່ງກ່າວແມ່ນເລີ່ມແຕ່ຕອນແລງຂອງວັນທີ 28 ກຸມພາ.ອ່ານຕໍ່ ...

ບໍລິສັບຮັບເໝົາທີ່ຈະໄດ້ຮັບປະມູນການກໍ່ສ້າງເຮືອນພັກຖາວອນສຳລັບຜູ້ປະສົບໄພນ້ຳຖ້ວມໃນລາວຕ້ອງຈ່າຍຄ່ານາຍໜ້າ 10 ຫາ 26% ຂອງມູນຄ່າໂຄງການໃຫ້ແກ່ອຳນາດການປົກຄອງ ຖ້າຕ້ອງການຜ່ານການປະມູນ, ຕາມແຫຼ່ງຂ່າວ.ເຈົ້າໜ້າທີ່ລັດຖະບານແຂວງອັດຕະປື, ເຊິ່ງປະສົບໄພເຂື່ອນແຕກປີກາຍນີ້ ເຮັດໃຫ້ມີຜູ້ເສຍຊີວິດຢ່າງໜ້ອຍ 40 ຄົນ ແລະ ອີກຫຼາຍພັນຄົນຕ້ອງສູນເສຍທີ່ຢູ່ອາໄສ, ຈະຕ້ອງເຊັນຮັບຮອງການປະມູນການກໍ່ສ້າງ ກ່ອນທີ່ຈະຍື່ນສະເໜີຕໍ່ສູນກາງເພື່ອອະນຸມັດໂຄງການ.ອ່ານຕໍ່ ...

ເຮືອນຊານປະຊາຊົນປະມານ 30 ຫຼັງຄາເຮືອນທີ່ເມືອງຊຽງຄໍ້ ແຂວງຫົວພັນ ໄດ້ຮັບຄວາມເສຍຫາຍຈາກພະຍຸຝົນທີ່ພັດກະໜ່ຳພື້ນທີ່ໃນອາທິດຜ່ານມາ ເຊິ່ງມີທັງພະຍຸ, ຝົນ, ໝາກເຫັບ ແລະ ລົມແຮງ.ທ່ານເຈົ້າເມືອງ ພັນຕາ ທອງວົງສາ ໄດ້ລາຍງານຜ່ານວຽງຈັນທາມສ໌ໃນວັນຈັນນີ້ວ່າ ‘ພະຍຸຝົນໄດ້ພັດຜ່ານເກົ້າບ້ານຂອງເມືອງໃນວັນທີ 19 ກຸມພາ. ໃນນັ້ນ ມີສາມສິບຫຼັງຄາເຮືອນ ພ້ອມດ້ວຍໂຮງຮຽນສອງຫຼັງ ທີ່ເມືອງນາຄາງ ແລະ ມົນງາມ ໄດ້ຮັບຄວາມເສຍຫາຍໜັກ. ມີຫຼັງຄາເປີດ ແລະ ໂຄງສ້າງອື່ນໆຖືກພັດພັງເສຍຫາຍ.’ໂຊກດີທີ່ບໍ່ມີລາຍງານຜູ້ໄດ້ຮັບບາດເຈັບ.ອ່ານຕໍ່ ...

ເປັນເວລາຫົກເດືອນມາແລ້ວທີ່ທົ່ວໂລກໄດ້ຮັບຮູ້ກ່ຽວກັບເຫດໄພພິບັດສັນເຂື່ອນແຕກທີ່ໜ້າສະເທືອນຂວັນໃນປະເທດລາວ.ເຫດການດັ່ງກ່າວແມ່ນເກີດໃນທ້າຍເດືອນກໍລະກົດ 2018 ທີ່ສັນເຂື່ອນເຊປຽນ-ເຊນ້ຳນ້ອຍໄດ້ແຕກ ເຮັດໃຫ້ມວນນ້ຳມາຫາສານໄຫຼຖ້ວມຢ່າງກະທັນຫັນ ສົ່ງຜົນກະທົບຕໍ່ປະຊາຊົນກວ່າ 13,000 ຄົນທີ່ແຂວງອັດຕະປື ທາງພາກໃຕ້ຂອງ ສປປ ລາວ. ມວນນ້ຳດັ່ງກ່າວໄດ້ພັດຖ້ວມເຮືອນຊານຂອງປະຊາຊົນກວ່າ 6,000 ຄົນ ແລະ ໄດ້ປະເສດຊາກຂີ້ຕົມ ແລະ ກ້ອນຫີນໄວ້ຕາມພື້ນທີ່ກະສິກຳເຊິ່ງເປັນອູ່ເຂົ້າອູ່ປາ ແລະ ແຫຼ່ງລາຍຮັບຂອງຫຼາຍຄອບຄົວໃນພື້ນທີ່.ມາເຖິງປະຈຸບັນ ຫຼາຍຄອບຄົວທີ່ໄດ້ຮັບຜົນກະທົບໄດ້ກັບຄືນສູ່ບ້ານເຮືອນຂອງຕົນທີ່ໄດ້ຮັບການປົວແປງ, ຂະນະທີ່ຜູ້ທີ່ບ້ານເຮືອນເພພັງເຫຼືອແຕ່ເສດຊາກ ຍັງຄົງລໍຄອຍທີ່ຢູ່ອາໄສຖາວອນໃໝ່ ທີ່ທາງລັດຖະບານກຳລັງຈັດສັນກໍ່ສ້າງ.ອ່ານຕໍ່  ...

ວຽງຈັນທາມສ໌ (ວຽງຈັນທາມສ໌/ANN) – ອຳນາດການປົກຄອງແຂວງອັດຕະປືສັນຍາຈະສືບຕໍ່ຊ່ວຍສະໜອງສິ່ງຈຳເປັນພື້ນຖານ ໃຫ້ແກ່ປະຊາຊົນທີ່ສູນເສຍທີ່ຢູ່ອາໄສ ເນື່ອງຈາກເຂື່ອນແຕກ ລວມເຖິງໃຫ້ຄຳປຶກສາເປັນໄລຍະໆໃນການປະເມີນຄວາມຕ້ອງການຂອງເຂົາເຈົ້າ.ທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງໄດ້ກ່າວໃນວານນີ້ວ່າ ອຳນາດການປົກຄອງມີແຜນສືບຕໍ່ສະໜອງເຂົ້າສານຈຳນວນ 20 ກິໂລຕໍ່ຄົນຕໍ່ເດືອນ ຈົນກວ່າການຜະລິດກະສິກຳຈະກັບສູ່ສະພາບປົກກະຕິ.ອ່ານຕໍ່ ...

ອຳນາດການປົກຄອງຂອງລາວກ່າວວ່າ ໄດ້ມີການເລີ່ມເປີດສາກການເຈລະຈາກ່ຽວກັບການຊົດເຊີຍສຳລັບຜູ້ປະສົບໄພ ຈາກກໍລະນີເຂື່ອນເຊປຽນ-ເຊນ້ຳນ້ອຍແຕກໃນປີຜ່ານມາ,  ແຕ່ວ່ານັກອະນຸລັກສິ່ງແວດລ້ອມ ແລະ ນັກສິດທິມະນຸດຕ້ອງການໃຫ້ເຈົ້າຂອງໂຄງການເຂື່ອນຊ່ວຍເຫຼືອນອກເໜືອຈາກການຈ່າຍເງິນ – ພວກເຂົາຄວນຊ່ວຍເຫຼືອໃນການຟື້ນຟູຊີວິດການເປັນຢູ່ຂອງຜູ້ປະສົບໄພ.ຜູ້ລອດຊີວິດກວ່າ 7,000 ຄົນ ຈາກໄພພິບັດເຂື່ອນແຕກທີ່ເມືອງສະໜາມໄຊ ແຂວງອັດຕະປືທາງພາກໃຕ້ຂອງລາວ ຍັງຄົງປະສົບຄວາມຫຍຸ້ງຍາກໃນການດຳລົງຊີວິດມາເກືອບເຈັດເດືອນແລ້ວ.ອ່ານຕໍ່ ...

 ຜູ້ປະສົບໄພພິບັດທີ່ລອດຊີວິດຈາກໄພພິບັດເຂື່ອນແຕກໃນເດືອນກໍລະກົດ 2018 ເຊິ່ງເປັນໄພນ້ຳຖ້ວມຄັ້ງຮ້າຍແຮງທີ່ສຸດໃນລາວໃນຮອບຫຼາຍທົດສະວັດ ຍັງຄົງຜະເຊີນກັບຄວາມຫຍຸ້ງຍາກທັງດ້ານຮ່າງກາຍ ແລະ ຈິດໃຈ, ຕາມເຈົ້າໜ້າທີ່ບັນເທົາທຸກຊາວເກົາຫຼີໃຕ້.ໄພພິບັດດັ່ງກ່າວເກີດຂຶ້ນຍ້ອນສັນເຂື່ອນຂອງໂຄງການໄຟຟ້ານ້ຳຕົກເຊປຽນ-ເຊນ້ຳນ້ອຍ (PNPC) ໄດ້ແຕກ ເຮັດໃຫ້ນ້ຳໄຫຼເຂົ້າຖ້ວມ 12 ບ້ານ ແລະ ມີຜູ້ເສຍຊີວິດຢ່າງໜ້ອຍ 40 ຄົນໃນແຂວງຈຳປາສັກ ແລະ ອັດຕະປື, ສ່ວນອີກຫຼາຍຄົນຍັງຄົງສູນຫາຍ.ອ່ານຕໍ່  ...

ລັດຖະບານແຈ້ງເຕືອນປະຊາຊົນໃຫ້ລະມັດລະວັງການເກີດໄຟປ່າເນື່ອງຈາກອຸນຫະພູມຮ້ອນຂຶ້ນ ແລະ ປ່າໄມ້ກໍມີລັກສະນະແຫ້ງແລ້ງ.ກະຊວງກະສິກຳ ແລະ ປ່າໄມ້ ເຊິ່ງຮັບຜິດຊອບວຽກງານການຄຸ້ມຄອງໄຟປ່າ ໄດ້ອອກແຈ້ງການຫວ່າງໝໍ່ໆມານີ້ ໃຫ້ພາກສ່ວນທີ່ກ່ຽວຂ້ອງດຳເນີນຕາມຂັ້ນຕອນເພື່ອປ້ອງກັນການເກີດໄຟປ່າໃນລະດູແລ້ງນີ້.ອ່ານຕໍ່ ...

(ຂປລ) ໃນວັນອັງຄານຜ່ານມາ ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ມອບສິ່ງຂອງຊ່ວຍເຫຼືອບັນເທົາທຸກທີ່ໄດ້ຮັບບໍລິຈາກຈາກພໍ່ແມ່ປະຊາຊົນ ແລະ ອົງການຈັດຕັ້ງທ້ອງຖິ່ນ ແລະ ສາກົນ ໃຫ້ແກ່ຄອບຄົວຜູ້ປະສົບໄພນ້ຳຖ້ວມທີ່ອັດຕະປື ກວ່າ 300 ຄອບຄົວ.ເຄື່ອງຊ່ວຍເຫຼືອດັ່ງກ່າວລວມມີ ເຄື່ອງໃຊ້ໃນຊີວິດປະຈຳວັນ ແລະ ອາຫານແຫ້ງ.ອ່ານຕໍ່ ...

ຫົກເດືອນຫຼັງຈາກສັນເຂື່ອນເຊປຽນ-ເຊນ້ຳນ້ອຍແຕກຢູ່ທາງພາກໃຕ້ຂອງລາວ ເຮັດໃຫ້ເກີດໄພນ້ຳຖ້ວມທຳລາຍເຮືອນຊານບ້ານຊ່ອງ, ປະຊາຊົນທີ່ລອດຊີວິດໃນປະຈຸບັນກຳລັງຜະເຊີນໄພຈາກພະຍາດໄຂ້ຍູງ ແລະ ພາວະທຸພະໂພຊະນາການ.ອ່ານຕໍ່ ...