ໄພພິບັດ ແລະ ການຮອງຮັບເຫດສຸກເສີນ

ວຽງຈັນ (ວຽງຈັນທາມສ໌) – ແມ່ນ້ຳຂອງ ໜຶ່ງໃນແມ່ນ້ຳທີ່ໃຫຍ່ທີ່ສຸດໃນອາຊີຕາເວັນອອກສຽງໃຕ້ ກຳລັງຜະເຊີນກັບວິກິດລະດັບນ້ຳທີ່ຕ່ຳທີ່ສຸດໃນປະຫວັດສາດ, ເຊິ່ງຊາວນະຄອນວຽງຈັນທີ່ອາໄສແມ່ນ້ຳໃນການດຳລົງຊີວິດ ກຳລັງຜະເຊີນກັບຄວາມຫຍຸ້ງຍາກໃນການດຳເນີນກິດຈະກຳ.ໄຊຊະນະ ບຸນຍະລັດ ທີ່ດຳລົງຊີວິດດ້ວຍການຫາປາຕາມລຳແມ່ນ້ຳໃນເຂດທ່າວັດຈັນມາແຕ່ 1975 ກ່າວໃນມື້ວານນີ້ວ່າ ບໍ່ເຄີຍເຫັນລະດັບນ້ຳທີ່ຫຼຸດຕ່ຳເຊັ່ນນີ້ມາກ່ອນໃນຊ່ວງໄລຍະນີ້ຂອງປີ.ອ່ານຕໍ່  ...

ລະດັບນ້ຳໃນແມ່ນ້ຳຂອງໃນປະຈຸບັນແມ່ນຕ່ຳທີ່ສຸດໃນຮອບສັດຕະວັດຕາມການບັນທຶກໃນວັນທີ 19 ກໍລະກົດນີ້, ເຊິ່ງຫຼຸດຕ່ຳກວ່າລະດັບທີ່ບັນທຶກໃນເດືອນເມສາ 1973.ສູນ Stimson ອາຊີຕາເວັນອອກສຽງໃຕ້ ລາຍງານວ່າ ຕາມພາບຖ່າຍຈາກດາວທຽມຫຼ້າສຸດ ລະດັບນ້ຳໃນແມ່ນ້ຳດັ່ງກ່າວແມ່ນຫຼຸດຕ່ຳລົງຢ່າງເຫັນໄດ້ຈະແຈ້ງ ຈາກຈຳນວນເກາະດອນ ແລະ ສັນຊາຍທີ່ພົ້ນຂຶ້ນເໜືອໜ້ານ້ຳເປັນຈຳນວນຫຼວງຫຼາຍ. ບົດລາຍງານດັ່ງກ່າວຕົ້ນຕໍແມ່ນອ້າງອີງເຖິງລະດັບນ້ຳໃນບໍລິເວນສາມຫຼ່ຽມທອງຄຳ ເຊິ່ງເປັນເຂດຊາຍແດນລະຫວ່າງໄທ, ລາວ ແລະ ມຽນມາ.ບົດລາຍງານຍັງກ່າວອີກວ່າ “ນີ້ອາດຈະເປັນສະພາບປົກກະຕິຂອງແມ່ນ້ຳຂອງໃນຍຸກໃໝ່ ເນື່ອງຈາກການຄວບຄຸມການໄຫຼຂອງນ້ຳໃນເຂື່ອນຕົ້ນນ້ຳ ແລະ ການປ່ຽນແປງຂອງສະພາບອາກາດ ສົ່ງຜົນໃຫ້ເກີດໄພແລ້ງທີ່ກິນເວລາຍາວນານ.”ອ່ານຕໍ່ ...

ແມ່ນ້ຳຂອງເຊິ່ງໄຫຼຜ່ານປະເທດລາວ ກຳລັງຜະເຊີນກັບສະພາບລະດັບນ້ຳທີ່ຕ່ຳທີ່ສຸດໃນປະຫວັດສາດ ເນື່ອງຈາກຝົນຂາດຊ່ວງ.ຢູ່ວຽງຈັນ ລະດັບນ້ຳໃນແມ່ນ້ຳຂອງແມ່ນຢູ່ທີ່ 0.7 ແມັດ, ຫຼື 5.54 ແມັດຕ່ຳກວ່າລະດັບນ້ຳສະເລ່ຍໃນຮອບ 57 ປີ (1961-2018). ເຊິ່ງຕ່ຳກວ່າລະດັບນ້ຳຕ່ຳສຸດທີ່ເຄີຍວັດແທກໄດ້ 1.36 ແມັດ.ໃນລະຫວ່າງວັນທີ 16 ແລະ 18 ກໍລະກົດ, ລະດັບນ້ຳຢູ່ສະຖານນີວັດແທກນ້ຳດັ່ງກ່າວແມ່ນຢູ່ທີ່ 5.58 ແມັດ, ຕາມຄະນະກຳມາທິການແມ່ນ້ຳຂອງ (MRC).ອ່ານຕໍ່ ...

ເປັນໄລຍະເກືອບໜຶ່ງປີພາຍຫຼັງການແຕກຂອງສັນເຂື່ອນເຊິ່ງເຮັດໃຫ້ເກີດໄພນ້ຳຖ້ວມຄັ້ງຮ້າຍແຮງທີ່ສຸດໃນລາວໃນຮອບຫຼາຍທົດສະວັດ, ຜູ້ປະສົບໄພທີ່ລອດຊີວິດຍັງຄົງລັງເລທີ່ຈະຮັບຂໍ້ສະເໜີໃນການຊົດເຊີຍຄວາມເສຍຫາຍເປັນມູນຄ່າເຄິ່ງໜຶ່ງຂອງຊັບສິນທັງໝົດຂອງເຂົາເຈົ້າ.ໄພພິບັດດັ່ງກ່າວໄດ້ເກີດຂຶ້ນໃນວັນທີ 23 ກໍລະກົດ 2018 ເມື່ອສັນເຂື່ອນຂອງໂຄງການເຂື່ອນໄຟຟ້າ ເຊປຽນ ເຊນ້ຳນ້ອຍ (PNPC) ໄດ້ພັງລົງຫຼັງຈາກມີຝົນຕົກໜັກ, ເຮັດໃຫ້ນ້ຳໄຫຼເຂົ້າຖ້ວມ 12 ບ້ານຢູ່ແຂວງຈຳປາສັກ ແລະ ອັດຕະປື, ເຮັດໃຫ້ມີຜູ້ເສຍຊີວິດຢ່າງໜ້ອຍ 40 ຄົນ ແລະ ມີຜູ້ສູນຫາຍອີກຈຳນວນໜຶ່ງ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) –  89 ຄົວເຮືອນຕ້ອງມີການຍົກຍ້າຍໄປຢູ່ບ່ອນສູງ ພາຍຫຼັງມີຝົນຕົກໜັກຕິດຕໍ່ກັນເປັນເວລາຫຼາຍຊົ່ວໂມງ ເຮັດໃຫ້ເກີດນ້ຳຖ້ວມກະທັນຫັນໃນເຂດທີ່ຢູ່ອາໄສ ແລະ ເສັ້ນທາງເມືອງສະໜາມໄຊ ແຂວງອັດຕະປື ໃນວັນທີ 2-3 ກໍລະກົດທີ່ຜ່ານມາ.ທ່ານ ບຸນໂຮມ ພົມມະເສນ ເຈົ້າເມືອງສະໜາມໄຊ ລາຍງານຜ່ານສຳນັກຂ່າວວຽງຈັນທາມສ໌ວານນີ້ວ່າ “ທາງອຳນາດການປົກຄອງບໍ່ໄດ້ຮັບລາຍງານກ່ຽວກັບຄວາມເສຍຫາຍໃຫຍ່ໃດໆຈາກພາກສ່ວນກ່ຽວຂ້ອງ. ເຖິງຢ່າງໃດກໍຕາມ ພວກເຮົາຈະເລັ່ງມືໃນການປະເມີນຄວາມເສຍຫາຍ ແລະ ລົງສຳຫຼວດພື້ນທີ່ທີ່ປະສົບໄພນ້ຳຖ້ວມທັນໆທີ່ລະດັບນ້ຳຫຼຸດລົງ.”ອ່ານຕໍ່  ...

ເສົາສີຟ້າສຳລັບເຫດສຸກເສີນ ເຊິ່ງເລີ່ມມີການຕິດຕັ້ງໃນທົ່ວນະຄອນວຽງຈັນໃນຊ່ວງສອງສາມເດືອນຜ່ານມາ ແມ່ນຖືກອອກແບບເພື່ອໃຫ້ການບໍລິການແບບທັນສະພາບໃນພາວະສຸກເສີນ ແລະ ໃຫ້ການຊ່ວຍເຫຼືອຕາມແຕ່ລະຈຸດໃນກໍລະນີຈຳເປັນ, ຕາມທີ່ທາງສຳນັກ Laotian Times ໄດ້ຮູ້ມາ.ເມື່ອມີຜູ້ກົດປຸ່ມຢູ່ໃນເສົາ, ເຈົ້າໜ້າທີ່ຈາກສູນບໍລິການເຫດສຸກເສີນ ຈະມາຮັບສາຍເພື່ອໃຫ້ການຊ່ວຍເຫຼືອ. ເຈົ້າໜ້າທີ່ຈະສາມາດສົນທະນາກັນຜູ້ທີ່ໂທເຂົ້າມາ ແລະ ສາມາດເບິ່ງເຫັນຜູ້ໂທຜ່ານກ້ອງວົງຈອນປິດທີ່ຕິດຕັ້ງໄວ້.ອ່ານຕໍ່ ...

ລາວໄດ້ຕົກລົງສະໜອງຂໍ້ມູນ ແລະ ຂ່າວສານກ່ຽວກັບຊັບພະຍາກອນແຫຼ່ງນ້ຳ ແລະ ແຜນການຄຸ້ມຄອງແຫຼ່ງນ້ຳ ທີ່ກ່ຽວຂ້ອງກັບແມ່ນ້ຳຂອງໃຫ້ແກ່ເຈົ້າໜ້າທີ່ໄທ ເພື່ອປະເມີນສະຖານະການນ້ຳ ແລະ ດຳເນີນມາດຕະການເພື່ອປ້ອງກັນໄພນ້ຳຖ້ວມໃນແປດຈັງຫວັດທາງພາກຕາເວັນອອກສຽງເໜືອຂອງໄທ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບິນຄ່າກະແສໄຟຟ້າຂອງໂຮງຮຽນມັດທະຍົມສະໜາມໄຊ ເມືອງສະໜາມໄຊ ແຂວງອັດຕະປື ຈະຖືກລົງ ຍ້ອນການຊ່ວຍເຫຼືອຈາກບໍລິສັດພະລັງງານເກົາຫຼີຕາເວັນຕົກ (KOWEPO) ທີ່ໄດ້ທຳການຕິດຕັ້ງພະລັງງານແສງອາທິດໃຫ້ແກ່ໂຮງຮຽນ.ບໍລິສັດດັ່ງກ່າວໄດ້ຕົກລົງໃຫ້ການຊ່ວຍເຫຼືອໂຮງຮຽນ ຫຼັງຈາກທີ່ເມືອງສະໜາມໄຊໄດ້ປະສົບກັບໄພນ້ຳຖ້ວມກະທັນຫັນໃນປີກາຍນີ້, ເຮັດໃຫ້ຫຼາຍພັນຄົນຕ້ອງສູນເສຍທີ່ຢູ່ອາໄສ ທັງສົ່ງຜົນກະທົບຕໍ່ຊີວິດການເປັນຢູ່ຂອງປະຊາຊົນ.ອ່ານຕໍ່ ...

ບໍລິສັດກໍ່ສ້າງຂອງເກົາຫຼີໃຕ້ບໍ່ຍອມຮັບຂໍ້ສະຫຼຸບຫຼ້າສຸດຂອງລັດຖະບານລາວ ທີ່ກ່າວອ້າງກ່ຽວກັບສາເຫດຂອງການແຕກຂອງເຂື່ອນໄຟຟ້ານ້ຳຕົກໃນປີກາຍນີ້ຢູ່ລາວ.ບໍລິສັດ  SK ເອັນຈິເນຍຣິງ  & ຄອນສະຕຣັກເຊິນ ກ່າວໃນກອງປະຊຸມສື່ມວນຊົນໃນວັນທີ 29 ພຶດສະພາວ່າ ທາງບໍລິສັດບໍ່ສາມາດຍອມຮັບ ກ່ຽວກັບຂໍ້ສະຫຼຸບດັ່ງກ່າວໄດ້ ເນື່ອງຈາກມັນຂາດພື້ນຖານ ແລະ ຂໍ້ມູນທີ່ເປັນວິທະຍາສາດ.ອ່ານຕໍ່ ...

ວຽງຈັນ (AsiaNews/Agencies) – ການແຕກຂອງສັນເຂື່ອນເຊປຽນ-ເຊນ້ຳນ້ອຍ ໃນວັນທີ 23 ກໍລະກົດ 2018 ແມ່ນຍ້ອນວິທີການກໍ່ສ້າງທີ່ບໍ່ໄດ້ມາດຕະຖານ ໂດຍການນຳໃຊ້ດິນແທນຊີມັງ.ລັດຖະບານລາວໄດ້ຈັດຖະແຫຼງການວານນີ້ ເພື່ອໃຫ້ຂໍ້ສະຫຼຸບກ່ຽວກັບການສືບສວນສອບສວນກໍລະນີດັ່ງກ່າວຂອງທີມຜູ້ຊ່ຽວຊານອິດສະຫຼະ (IEP).ພາຍຫຼັງການແຕກຂອງໂຄງສ້າງເຂື່ອນ, ມວນນ້ຳປະລິມານຫ້າຕື້ແມັດກ້ອນໄດ້ໄຫຼເຂົ້າຖ້ວມ 12 ບ້ານຢູ່ແຂວງຈຳປາສັກ ແບະ ອັດຕະປືທາງພາກໃຕ້ຂອງລາວ ເຮັດໃຫ້ມີຜູ້ເສຍຊີວິດຢ່າງໜ້ອຍ 40 ຄົນ ພ້ອມຜູ້ສູນຫາຍອີກຈຳນວນໜຶ່ງ.ອ່ານຕໍ່ ...