ໄພພິບັດ ແລະ ການຮອງຮັບເຫດສຸກເສີນ

ໃນອາທິດແລ້ວນີ້ ເຈົ້າໜ້າທີ່ລັດຖະບານ ແລະ ທະຫານໄດ້ນຳໃຊ້ເຮືອບິນ ແລະ ລົດບັນທຸກຂອງກອງທັບປະຊາຊົນລາວ ເພື່ອລຳລຽງເຄື່ອງຊ່ວຍເຫຼືອສຸກເສີນ ເຊັ່ນນ້ຳດື່ມ, ອາຫານ, ເຮືອ, ເຕັ້ນທີ່ພັກ ແລະ ເຄື່ອງໃຊ້ສອຍປະຈຳວັນທີ່ຈຳເປັນ ໄປມອບໃຫ້ແກ່ປະຊາຊົນຫົກແຂວງ ທີ່ໄດ້ຮັບຜົນກະທົບຈາກໄພນ້ຳຖ້ວມ.ພະຍຸໝູນເຂດຮ້ອນໂພດູ ແລະ ລະບົບສະພາບອາກາດທີ່ກ່ຽວຂ້ອງ ທີ່ພັດຜ່ານພາກໃຕ້ ແລະ ພາກກາງຂອງລາວມາແຕ່ທ້າຍເດືອນສິງຫາ ເຮັດໃຫ້ເກີດຝົນຕົນໜັກຕິດຕໍ່ກັນ, ສົ່ງຜົນໃຫ້ເກີດໄພນ້ຳຖ້ວມເປັນບໍລິເວນກວ້າງຢູ່ແຂວງຄຳມ່ວນ, ສະຫວັນນະເຂດ, ອັດຕະປື, ສາລະວັນ, ຈຳປາສັກ ແລະ ເຊກອງ.ອ່ານຕໍ່ ...

(ຂປລ) ປະຊາຊົນ 122,800 ກວ່າຄົວເຮືອນໃນຫົກແຂວງ ໄດ້ຮັບຜົນກະທົບຈາກໄພນ້ຳຖ້ວມຢູ່ພາກໃຕ້ຂອງລາວ ເຊິ່ງຜູ້ເສຍຊີວິດລວມ 14 ຄົນ, ຕາມການລາຍງານຂອງຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ.ຫົກແຂວງທີ່ໄດ້ຮັບຜົນກະທົບລວມມີ ແຂວງຄຳມ່ວນ, ສະຫວັນະເຂດ, ສາລະວັນ, ເຊກອງ, ຈຳປາສັກ ແລະ ອັດຕະປື.ແຂວງຈຳປາສັກມີຜູ້ເສຍຊີວິດ 5 ຄົນ, ແຂວງອັດຕະປື 4 ຄົນ, ແຂວງສະຫວັນນະເຂດ 3 ຄົນ ແລະ ແຂວງສາລະວັນ 2 ຄົນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ປະຊາຊົນສອງຄົນເສຍຊີວິດ ແລະ ອີກສອງຄົນສູນຫາຍ, ໃນຂະນະ 54,000 ຄົວເຮືອນໃນຫົກແຂວງຂອງລາວ ໄດ້ຮັບຜົນກະທົບຈາກອິດທິພົນຂອງພະຍຸ ເຮັດໃຫ້ເກີດນ້ຳຖ້ວມເປັນບໍລິເວນກວ້າງ.ພະຍຸເຂດຮ້ອນໂພດູ ແລະ ສະພາບອາກາດທີ່ຮຸນແຮງທີ່ພັດປົກຄຸມພາກໃຕ້ ແລະ ພາກກາງຂອງລາວ ມາຕັ້ງແຕ່ທ້າຍເດືອນສິງຫາທີ່ຜ່ານມາ ເຮັດໃຫ້ເກີດຝົນຕົກຢ່າງຕໍ່ເນື່ອງ.ອ່ານຕໍ່ ...

ລາຄາເຂົ້າສານໜຽວປັບຕົວສູງຂຶ້ນໃນລາວ, ຍ້ອນໄພນ້ຳຖ້ວມຄັ້ງໃຫຍ່ໃນດິນແດນທີ່ອຸດົມສົມບູນທີ່ສຸດໃນພາກພື້ນ ແລະ ສາເຫດອື່ນໆທີ່ກ່ຽວຂ້ອງ, ຄຽງຄູ່ກັນລາຄາອາຫານສ່ວນໃຫຍ່ທີ່ປັບຕົວສູງຂຶ້ນ ເນື່ອງຈາກການລະບາດຂອງພະຍາດອະຫິວາໝູອາຟຼິກາໃນຈີນ ແລະ ພາກພື້ນອາຊີຕາເວັນອອກສຽງໃຕ້ໃນຊ່ວງປີຜ່ານມາ.ເຈົ້າຂອງຮ້ານຂາຍເຂົ້າຢູ່ເມືອງໄຊເສດຖາ ນະຄອນຫຼວງວຽງຈັນ ໄດ້ເປີດເຜີຍຕໍ່ໜ່ວຍຂ່າວ RFA ລາວວ່າ, “ລາຄາເຂົ້າສານແມ່ນເພີ່ມຂຶ້ນສອງເທົ່າ. ບາງເທື່ອອາດຂຶ້ນເຖິງສາມເທົ່າຕົວ. ປະຈຸບັນຢູ່ນະຄອນຫຼວງ ລາຄາເຂົ້າສານໜຽວໜຶ່ງໝື່ນແມ່ນຢູ່ທີ່ $13 ໂດລາ, ເພີ່ມຂຶ້ນຈາກ $7 ໂດລາໃນທ້າຍປີກາຍ.”ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຫຼາຍແຂວງທາງພາກກາງ ແລະ ພາກໃຕ້ຂອງລາວກຳລັງຜະເຊີນກັບໄພນ້ຳຖ້ວມຢ່າງໜັກ ຫຼັງຈາກມີຝົນຕົກໜັກຕິດຕໍ່ກັນຫຼາຍວັນ ເນື່ອງຈາກຜົນຂອງພະຍຸເຂດຮ້ອນ, ເສຍຫາຍໜັກສຸດແມ່ນຢູ່ແຂວງສາລະວັນ.ແຂວງຈຳປາສັກ, ສາລະວັນ, ເຊກອງ,​ ສະຫວັນນະເຂດ, ຄຳມ່ວນ ແລະ ອັດຕະປືແມ່ນໄດ້ຮັບຜົນກະທົບຈາກໄພນ້ຳຖ້ວນລະດັບຕ່າງໆ, ປະຊາຊົນຫຼາຍພັນຄົນຕ້ອງການອາຫານ ແລະ ນ້ຳດື່ມ, ໃນຂະນະທີ່ບາງເຂດກໍຕ້ອງການເຮືອເພື່ອເຂົ້າພື້ນທີ່.ອ່ານຕໍ່ A temple underwater in Khammouane Province A man carries wife through floodwaters in a basket Soldiers assist in the evacuation of villagers in Salavan A flooded roadway in Sekong Province Champasack ...

ຈຳປາສັກ, ລາວ (ວຽງຈັນທາມສ໌/ANN) – ຊາວປະມົງທີ່ຕິດເກາະຢູ່ໂຂດຫີນກາງແມ່ນ້ຳຂອງ ເມືອງໂຂງ ແຂວງຈຳປາສັກ ໃນວັນຈັນຜ່ານມານີ້ໄດ້ຮັບການຊ່ວຍເຫຼືອໃນຕອນ 2 ໂມງເຊົ້າຂອງວັນພຸດນີ້.ຊາວປະມົງດັ່ງກ່າວເຊິ່ງຢືນຢັນຕົວວ່າແມ່ນທ້າວ ປອງ ອາຍຸ 41 ປີ ຢູ່ບ້ານພຽງດີ ໄດ້ຖືກນຳສົ່ງໄປສຸກສາລາໃນທ້ອງຖິ່ນທັນທີເພື່ອກວດສຸຂະພາບ.ອ່ານຕໍ່ ...

ພາກໃຕ້ຂອງລາວໄດ້ຮັບຜົນກະທົບຈາກໄພນ້ຳຖ້ວມຮ້າຍແຮງ ຫຼັງຈາກພະຍຸເຂດຮ້ອນພັດເຂົ້າຕິດຕໍ່ກັນສອງລູກ.ພື້ນທີ່ໄດ້ຮັບຜົນກະທົບລວມມີແຂວງຈຳປາສັກ, ສາລະວັນ, ເຊກອງ, ອັດຕະປື ແລະ ສະຫວັນນະເຂດ. ປະຊາຊົນໃນພື້ນທີ່ໄດ້ຮັບຜົນກະທົບຮ້າຍແຮງ ແລະ ພະຍາຍາມດິ້ນຮົນເພື່ອປົກປ້ອງທີ່ຢູ່ອາໄສ, ສັດລ້ຽງ ແລະ ເຄື່ອງປູກຂອງຕົນ. 75 ໃນຈຳນວນ 124 ບ້ານຂອງແຂວງສາລະວັນປະສົບກັບໄພນ້ຳຖ້ວມ. ໃນນັ້ນ 41 ບ້ານແມ່ນຂາດການຕິດຕໍ່ກັບເຈົ້າໜ້າທີ່ ແລະ ບໍ່ສາມາດເຂົ້າເຖິງໄດ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຫຼາຍແຂວງຂອງລາວກຳລັງປະສົບກັບໄພນ້ຳຖ້ວມ ຫຼັງຈາກມີຝົນຕົກໜັກຕິດຕໍ່ກັນ, ເຮັດໃຫ້ເຮືອນຊານທີ່ຢູ່ອາໄສ, ໄຮ່ນາຮົ້ວສວນ ແລະ ພື້ນທີ່ກະສິກຳຈົມຢູ່ໃຕ້ນ້ຳເປັນບາງສ່ວນ.ໂດຍສະພາະແມ່ນແຂວງເຊກອງໄດ້ຮັບຜົນກະທົບໜັກ ແລະ ລະດັບນ້ຳໃນແມ່ນ້ຳເຊກອງເພີ່ມຂື້ນຮອດ 12 ແມັດ, ຈໍ່ເຖິງລະດັບເຕືອນໄພ 13 ແມັດ, ຕາມການລາຍງານຂອງທ່ານ ບຸນທອງ ສີດອນຄົງ ເຈົ້າໜ້າທີ່ແຂວງ ຜ່ານສຳນັກຂ່າວວຽງຈັນທາມສ໌ໃນວັນອັງຄານນີ້.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ຫຼາຍພື້ນທີ່ໃນແຂວງສະຫວັນນະເຂດ ແລະ ແຂວງຄຳມ່ວນໄດ້ປະສົບໄພນ້ຳຖ້ວມ ພາຍຫຼັງພະຍຸເຂດຮ້ອນໂພດູພັດກະໜ່ຳໃນທ້າຍອາທິດຜ່ານມາ, ເຮັດໃຫ້ມີຜູ້ເສຍຊີວິດໜຶ່ງຄົນ ແລະ ສ້າງຄວາມເສຍຫາຍຢ່າງກວ້າງຂວາງຕໍ່ພື້ນທີ່ໄຮ່ນາ.ໄພນ້ຳຖ້ວມໄດ້ເກີດຂຶ້ນໃນຫຼາຍພາກຂອງປະເທດລາວ ພາຍຫຼັງກົມອຸຕຸນິຍົມວິທະນາ ແລະ ອຸທຸກະສາດ ພາຍໃຕ້ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ແຈ້ງເຕືອນ 15​ ແຂວງໃຫ້ເຝົ້າລະວັງຝົນຕົກໜັກ ແລະ ລົມພັດແຮງ ເນື່ອງຈາກຜົນຂອງພະຍຸດັ່ງກ່າວແຕ່ວັນທີ 29 ສິງຫາ ເຖິງ 1 ກັນຍານີ້.ອ່ານຕໍ່ ...

ອຳນາດການປົກຄອງແຂວງຫົວພັນກຳລັງເລັ່ງມືໃນການຄົ້ນຫາຫົກຜູ້ສູນຫາຍຈາກເຫດດິນເຈື່ອນທັບເຮືອນປະຊາຊົນສອງຫຼັງຢູ່ບ້ານຫີນດຳ ເມືອງວຽງໄຊໃນວັນທີ 13 ສິງຫາ.ຈາກເຫດດັ່ງກ່າວ ມີລາຍງານຜູ້ສູນຫາຍທັງໝົດເຈັດຄົນ. ແຕ່ຈາກການຄົ້ນຫາເປັນເວລາຫຼາຍວັນ ໄດ້ມີການພົບສົບ ແລະ ຢືນຢັນຕົວຕົນຂອງຜູ້ປະສົບເຄາະຈາກເຫດດັ່ງກ່າວພຽງແຕ່ໜຶ່ງຄົນ. ເຫດດິນເຈື່ອນດັ່ງກ່າວແມ່ນເກີດຂຶ້ນຢູ່ແຄມແມ່ນ້ຳ ເຊິ່ງຕັ້ງຢູ່ເຂດຊາຍແດນລະຫວ່າງລາວ  ແລະ ຫວຽດນາມ.ອ່ານຕໍ່ ...